Heyy💎

Hüt Eigentlech eifach mal so e spontane unwichtige Blog (was es süsch sälte git vo mir)😂❤

Wie alt sit dir?🌻

Wel es het ja hie Mitglieder vo 7ni bis 14ni😇

Aber die meischte si glaub so 10-11 oder?😜

Also ich weiss es ebe nid, drum interessierts mi halt!😂

Ich bi jetz 14ni und no elf Mönet und 15 täg uf Zambo🤷🏼‍♀️🙁❤

Heyy💗

Irgendwie isch mir grad e Frag i Sinn cho wo mi halt interessiert😂

Wenn müesst dir am Abe is Bett?😇

-Wenn am Wucheend?

-Wenn ir Schuelziit?

-Wenn i de Ferie?

Mini ungenaue Bettzite mit em Alter während der Schuel:🥰

08.30 mit 8ti

09.00 mit 10ni

09.40 mit 12i (Handy abge am 8ti)

10.30 mit 14ni (Handy abge am 10:30)

Aber mittlerweile isch das nümm sträng i mues eifach denn mis Handy wäg lege😂

Aber während de Ferie und Wucheend hani kei Bettzit.😇

Bi minere Schwöschter (Enyamale uf Zambo) isch das aber alles anders wel si halt s 2. Chind isch.😂 Si ish jetz 9ni und mues am 9:10 is bett🥰

Danke fürd Antworte und e gueti nacht!🌌☀️

Heyy

Hüt hani eifach mal chli d Sunne gnosse. ☀️

Leider isch si ja jetz de es ziitli nümm da🙁

Im Winter bini immer so unmotiviert und alles nervt mi chli meh.🤷🏼‍♀️

Darum bini jetz eifach mal chli ga loufe und ha ganz viu sunne tankt❤🌻

Gniessed no ds Sunnige Wetter!☀️☀️☀️

De Blog isch jetz vilech echli unnötig gsi aber es isch eifach e chline Reminder😂

Unde no es Foto wo mi im Winter a d Sunne wird erinnere, und ja ich weiss ich gse nid perfekt us. Aber das isch normal. Und ich stelle au fasch keni Fotos vo mir is Internet, aber das het mir jetz eifach grad mega gfalle💗😇

Ich wünsche euch ganz e schöne Abe und e guete bim Znacht😊

Liebs Zambo-Team

Ich hett da so e frag (weiss zwar au nid ob dir chöit hälfe).😂

Am 6. Oktober hani e Mail a srfmyschool gschribe, wege dem Video mit de Grosseltere. Ich ha öppe ei Stund gschribe und Fotos, mi Zambo Kommentar und viel Informatione und möglechi frage gschribe.😊

Leider hani bis hütt kei rückmeldig becho, vilech hani das au falsch im chopf dass si da schnell antworte🤷🏼‍♀️

Drum d Frag; Isch mis Mail bi Myschool garnid ahcho oder Antworte si eifach no grad nid?🌻

Das sött uf kei Fall vorwürflech Töne oder sus öppis aber ich ha halt voll lang gha und bi jetz chli verwirrt😂💗

Ich würd mich sehr über e Antwort freue und wenn ihr mit nich chöit helfe isch das au ok aber ich wer dankbar!💎

Liebi Grüess Lena

Heyy💗

Hüt isch mi 14. Geburtstag!!🎉

Eigentlich bini unglaublich glücklich! Zu dem Geburtstag bechumi es neus, großes Bett und ganz viel Lüt woni gern ha, chöme extra zu mir!!❤ Und i dem Jahr hani mi au extrem verenderet, allgemein. Ich bi irgendwie halt elter worde, das heisst, ich ha meh z tue gha, gmerkt was richtig fründe sind, viel neui wichtig lüt lehre kenne, und Sache gmacht woni früecher nie hätt gmacht, allgemein hani au mit meir neue Klass so viel neus glernt und erläbt und mi eifach au verändert, ich glaub is guete😂

Wie immer het au das Jahr sind höchene und töifine gha aber das isch ja normal! Und ich bi sehr dankbar für alles wo das Läbesjahr her bracht. Eifach ebe die viele neue Lüt und ich bi viel offener und au irgendwie cooler worde.😊 Aber jetz freui mi extrem druf, es nezs Jahr ahzfa und hoffe das alles guet chunt❤

Aber;

I genau eim Jahr bini z alt für Zambo🙃

Das wetti jetz nid dramatisch mache aber es isch scho mega trurig! Sit ich 9ni/10ni bi schribi soo viel Blogs, antworte nachrichte, ha früecher au no Zambo im Fehrnseh gluegt.🤷🏼‍♀️

Und i dene 4/5 Jahr hani soo viel unglaublich netti lüt kenneglernt!💗

Dir wisst wahrschinlech teilwis gar nid wie viel ich scho über/vo euch weiss und wie wichtig dir für mich sit!😇

Pause:

Wie scho imene andere Blog erwähnt hani meh oder weniger es halbs Jahr Pause vo zambo gmacht bis jetz. Also nid ganz aber ha nümm uf Nachrichte geantwortet und nümme kommentiert.🤷🏼‍♀️ Das tuet mir au leid aber wie i dem Blog gseit, bini ab mim Geburi au wider voll da!❤

Also falls ihr irgendwelchi theme heit, wo ich mal drüber sött schribe oder idee für Blogs, würd mich freue!

Theme, Verlosige, Zeichnige, Updates, Schuel, Tipps....😇

Ich wünsche euch e Wunderschöne Tag und gniesse jetz mi Geburtstag🎉

Heyy

Ich bi süsch wieder mal chli Online!!🥰

Also wenn der weit schribe...😂

Vorher bini im Bouncelab in Belp gsii und ha der Jesse Heffels gseh, er isch e youtuber mit 300 Tusig abonente!😍☀️

Heyy💗

Sorry dasi grad zwei Blogs nachenand schriebe aber ha euch no welle vo mim Donnschtig abe verzelle🌌

Ih bi mitem Papi uf Züri gfahre und denn si mir mit eme Shuttle zum iigang vom Züri Openair😊

Es isch scho 19:15 gsii und der erscht act (Billie Eilish) het scho e viertelstund später anfange!🛣

Also hei d Veranstalter das mega guet Organisiert so das eifach e visuelli ticketkontrolle her stattgefunden unds au eifach 20 Minute verschoben isch worden!😇

Also si mir no genau rechtzitig cho!😍

Billie Eilish;

Also es isch eifach crazy gsii.. ich bi e riiiese Fan vo ihre😍

Si isch ufd Bühni) cho und alli hei kreischet (inklusive mir)😂

Denn het sie paar Lieder gespielt (zum glückgenau mini Lieblings), es paar tanziilage gemacht und chli geredet🥰🌍

Da ich leider ersch so spet ha chönne ga wege Schuel und denn wit hinde bi gschtange hani si nid immer gse🙃

Aber es isch für mi trotzdem eifach unglaublich cool gsi!🎉❤

Calvin Harris;

D Musig isch wirklich super gsiii und au die ganzi Show..😍

Aber; Es het natürlech extreem viel Lüt gha und ih ha angscht gha das si mi Zerdrücke, irgendwie isch ja das klar gsii aber es het würk weh ta😂

Calvin Harris het au meega viel so Dampf gha🎉

Demm öppe am zwölf simer langasam zrügg gange und öppe am 02:30 deheim gsii weis no stau (?) het gha😂❤

Heyyy💗

Ih ha e cooli mitteilig!🥰

S Lied Stay Stay vom Ryan Sheridan isch jetz i de Zambocharts neuvorstellige!!!🎉

Ih ha das ebe vorgschlage und würd mich extrem Freue wenn dirs mal würdet lose!😍

Wahrscheinlich kenneters no nid...aber ebe genau drum isches wichtig das mal chli unbekannteri Lieder id Zambocharts chöme!🌻

Es würd mich mega freue wenn dir würdet ga abstimme!!!🎉🎉🎉

Liebe Zambofamily

Ich wett euch eifach mau danke sege🌻

Zersch hani denkt das wettbewerbe cool si, aber eigentlich isch das doch unnötig

Darum eifach es großes DANKE;🎉

Danke für...

...das ich euch so viel cha ahvertraue😇

...das dir mir gheimnis&Problem verrate😇

...das mir immer zämehalte😇

...das ich ha dörfe d Joy überrasche (Anna erfüllt Wünsche)😇

...das ich so viel vo euch darf persölech kenne😇

...das ich mini erschte 2 Live Sendige mit euch ha dörfe verbringe😇

...das ich sit 4 Jahr i so ere Community darf sii😇

...das hoffentlech niemer bös behandlet wird😇

...das dir alli so nett sit😇

...das Zambo mich scho so mengi stünde Unterhalte het😇

...das ich mit Zambo mini erschte "social media"

sache ha erläbt und sit längerem jetz au uf größere plattforme cha verantwortigsbewussts züg poste😇

...das me immer so viel spannendi Sache cha lerne😇

...das dir alli mir bewieset das me au mit Ching über wichtig und erschti theme cha rede😇

...das ich so viel vo euch und eurem Läbe darf wüsse😇

...das ich ha dörfe mini Ibf kennelerne😇

...das ich bi so vielne problem darf hälfe😇

...das dir mir au immer hälfet😇

...die viele geburtstagsglückwünsch zum letzte geburtstag😇

Huii i chönnt no ewig witerfahre aber irgendeinisch ma me nümm läse (und schribe)😂🌌

A euch alli;

Dir sit wunderschön, egal was anderi säge!!💗

Blibet so wie der sit und sit eifach nätt zu de angere, denn chunnt meischtens öppis zrüg😘

Uund machet angere mau es kompliment, es tuet jedem guet🌻

Ih mache eifach extrem gern glücklich und hüt hani zum bischpiel grad paar kompliment für mini Locke, fingernegel & Zeichnig becho und bi richtig überwältigt gsi, also es chunnt öppis zrügg❤

Ha euch mega gern und dörft euch immer mälde wenn der Tipps, hilf oder eifach chli spass bim schribe weit ha😂🌌

Heyy💗

Ih ha d Ferie in Sylt und Hamburg mega fescht gnosse bi viel mit Kolege use und jetz hani de e ganz coole Tag und 1. August mit Familie und Fründe🌻

Es gebt soo viel z verzelle, über erfahrige, liebi, beschti kolege, nachedenke, Reise, d wält...

Aber wie vilech es paar hei gmerkt, hani mir au ferie vo Zambo gno, obwohl ih euch mega fescht gern ha, zambo verbrucht mängisch soo viel vo minere Zit da Mini Blogs meischtens leng si und ich viel chatnachrichte beantworte🙃

Und all die Blogs woni swett schribe si würde recht läng und au so tiefgründig🥰

Es tuet mer mega fescht leid...

Spätistens abem Oktober bini voll da, wel denn chani nur no genau eis Jahr auf Zambo sii, was natürlech wett usnütze💗

Es chöme Blogs über d Theme;

~Fründschaft oder Liebi

~Obdachlosigkeit

~Nachedenke

~Mini Feriereis

~Motivationsblog (Selsbstliebi und Optimismus)

~Zimmer umgstalte

~Gymnasium

~Reise

~Mobbing

Wie dir gset, hani viel vor i däm Jahr und hoffe dasi das alles cha umsetze🌻

Leider isch das aber au no z jahr wo entschiede wird obi is Gymnasium darf oder nid (mues halt chli öppis derfür mache)🙃

Wünschet dir euch no öppis vo mir, woni i dem Jahr und 2 Monat sött mache?🥰