Heyy💗
Dass hie isch z letschte Jahr hie woni mit Zambo cha abschliesse und ich ha eifach dänkt ich chönnt so eh Art Rückblick mit de schöne und schlechte Sache vo dem Jahr mache!🥰
(Schöni) Sache wo das Jahr passiert si..:)
.. dassi die schönschte Ferie i mim Läbe ha gha! Ich bi mit minere chline Sis z Sylt und in Hamburg gsii und die zit isch eifach unglaublech schön gsi und ich vermisses .
.. denn au d Ferie mit mire Sis, mim Papa und sinere Fründin in Südfrankriich wo eifach au mega schön si gsi.
.. ha id Schiferie dörfe ga und es zimmlech nice Skilager mit mine Friends verbracht.
..bi ir schuu recht guet gsii.
..ha vieli Sache wie zum Biespil Museumsnacht Bern mit mim Papa erläbt.
..ha im Februar e neui klgn becho (Ladina).
..ha zweimal (3 mal) dörfe i Europa Park ga.
..2 mal mini Ibf (Claudia) troffe.
..mega viel unglaublechi Konzärt miterlebt.
..super Füürwärk am 31. Juni z Biel gsee.
..extrem coole erschte August im Quartier verbracht.
..eh richtig schöne 'chillplatz' im Attisholz z Solothurn gfunge.
..schöni Sache mit mine Grosseltere gmacht.
..viel mit mim Liebe Findus (kater) gmacht.
..super mit der Schuelklsss klarcho
..ds erschte mal elei mit ere Kolegin ah es Konzert.
..ganz viel schöni Momente mit mire Mama & sis gha.
..es neus wunderschöns Bett becho .
..mi 14 Geburtstag gfiiret.
..eh neui (oder witeri) beschti Fründin gfunge.
..entlech chli meh sälbschtvertraue gwunne.
..ich traue mir jetz viel meh zue als früecher
..ds erschte mal richtig elei Zug gfahre
..ahgfange sunneungergäng liebe.
..mi erst Crush la ga.
..gmerkt wär wahri fründe si.
..gmerkt wär mir guetuet und wer nid.
No die andere Sache.. :(
.. ziemlich viel hani irgendwie mich sälber verlore und nümm gwüsst was jetz genau richtig und falsch isch. Ganz vieli entscheidige oder eifach Sache wo mir nid liecht gfalle si. Ha i dem Jahr recht viel vo mim Sälbstbewusstsii verlore und bi extrem unsicher über alles. Ich dänke viel zviel was mönsche vo mir dänke und allgemein denke ich zviel über alles nache. Ha mühe mit Sache wo normalerweise eifach si und ha mich au mega gendert i dem Jahr. Bi zwar entlech offener und 'cooler' worde aber trotzdem nid zfride mit mir. Es wird mir mega schnell alles zviel & überfordert mi und ich bi oft trurig. Aber das ghört glaub derzue. Mini Familie und eigentlech au mi Fründeskreis si super und ich ha super lüt um mi ume. Ich mache mir zviel Sorge/ Gedanke um alles. Ich hoffe das ich am Endi vom nächste Jahr cha sage dass ich zfride bi und mit allem rundum. Aber all das ghört wahrschinlech zum Teenager läbe derzue und drum isch das au völlig okay mängisch nid okay z siiii.
Hoffentlich heit dir es wunderschöns Jahr gha!❤
was si d Highlights gsii?
