Heyy💗
Ich freue mich extreem ufe Fritig!🎉
Am Fritig darf ih elei mit mire Beste Fründin uf Züri is Hallestadion ad Energy Starnight😍
D Story werum ih Tickets ha;
Für das Event cha me d Tickets nur gwinne, also ha ich e Livestream gluegt wo Tickets verlost si worde.😊
Leider ha ich dört nüt becho, aber plötzlich isch eine wo i die glich Schuel gaht, im Stream gsii und het gwunne! Ich ha ihm eifach mal gschribe und gratuliert🌻
Plötzlech schribt er eifach so zrügg "wosch d Tickets?" und ich ha nur so denkt, er veräpplet mich und wott nur Spass mache wel mir kenne üs garnid!🤷🏼♀️
Er het mir denn aber d Tickets würklech ge! 😍 Ich ha mich soo extrem gfreut aber denn hets no einiges z Organisiere geh😍
Organisiere;
Am nechschte Tag hani das mire Fründin gseit und mir hei denkt mir chönne ja zäme gah.😍
Das ganze isch aber nid so eifach gsii, mirsi ersch grad 14ni worde und möchte elei vo (nöch) Bern bis Züri is Hallestadion . Logisch si üsi Eltere nid ganz iverstande gsii, was ich au vollkomme verstah.🤷🏼♀️ Also hei ich und mini Kolegin zäme Telefoniert und probiert e Lösig z Finde.
Wel jaa mir elei am 11/12 ir Nacht am Bahnhof Z Züri mit ganz vielne und wahrschindlech au Alkoholisierte lüt und denn i Zug mit dene isch jetz au mir nid so wohl gsii.😂 Mini Eltere si au nid würklech bereit gsii öppis derfür ds mache, d Mama het mi garnid welle la gah und der Papa het gseit er würd mi z Bern am Bahnhof abhole.😂 Aber nach chli diskutiere und Bettle und Argument bringe hets gheisse mir dörfe elei herefahre und s Konzert bsueche und hei werde mir abgeholt. Jetz si aber ihri Eltere so sozial gsii und hei gseit si fahre üs here und zrügg😊 Das isch echt mega nett!🗽
Mini Meinig/Sorge/Gedanke ... however.
Exiteeed :
•Ich freue mich exrem fescht, es si eifach super Musiker und ich freue mich au uf die mega Party Stimmig und die guet gluunte Lüt😍🎉
•Ich darf Gratis Ahes Konzert gah😜😏
•Es Konzert mit 14ni mit der Beste fründin.. mega cooli vorstellig irgendwie.🗽🎉💎
•Elei i dem Jahr bini a 6 verschiedene Konzert/Festivals Gsii (ja ich bi mega dankbar derfür) und ha damit au scho chli meh Erfahrig.😊
• Ich cha lüt echt guet iischetze und ha (wie mini Fründin) es guets bewusstsii dass mir z.b dört jetz nid dörfe Alkohol trinkeund au nid wenn angeri üs das gäbe. 🤷🏼♀️
•Ich bi mine Eltere dankbar für ihres Vertraue wo si mir gäbe!💎
•Vor 2 oder 3 Jahr hani extrem afah Angst becho vor Menschemängine und das alles möglichst vermidet, ich Stelle mich darum au mire Angst😇
weniger guets/sorge ;
•Mini Fründin isch no nie a eme Konzert gsii und das wird vilech chli komisch wel ich mache immer voll Party (aber ich glaub das gaht mit ihre guet)😅😂
•Klar isches immer gfährlech i so vielne lüt das öpper irgendwie Gfährlech oder Gwalttätig wird und das isch mir au nid so wohl (weiss aber au dass gnue hälfe und so dört si).🤷🏼♀️
•Logisch gits dert au Männer oder Jungs wo öppis wei vo mir oder mire Kollegin und das isch mir au klar und mir si ja immer no z zweit um üs z wehre (und dort hets no 14'00 angeri lüt. Ich bi aber au e recht offnige Mensch worde und würd trotzdem öpperem mis Snapchat ge oder öpper frage wenns muess sii und mir persone symphatisch si.😅😇
•Mengisch ha ich immerno sochli Platzangst und eifach angscht vor mensche wo ich mich aber dere Angst jetzt muess stelle.😊
•Leider hei mir nur Stehplätz becho (was au guet isch zum Party mache) aber wenn mir nümm möge..🙁
•Jaa und ich mache mir Sorge dass Wennöppis passiert mini Eltere sich es schlechtes gwüsse Mache und säge dases ihri schuld isch obwohl ich ha gseit ich möcht das und die Verantwortig uf mich sälber nime. Trotzdem findis krass vo energy dass si scho lüt ab 14ni inelöh aber trotzdem bini froh.😔😊
Fazit:
ich bi mega ufgregt für das Erläbniss aber logisch au chli nervös😇
Ha so chlii gmischti gfüel wel Alkohol au eifach mönsche verändert und die sich nümm chöi beherrsche und trotzdem weissi vo mir sälber dasi mi guet im Griff ha und weiss was i wott und nid.❤
💎💎💎💎💎💎💎💎💎💎
Für euch:❤
Jede muess für sich sälber bestimme ab wenn me Sache macht und sich sälber zuetraut wel es isch wichtig dass me nid Sache macht wo eigentlich garnid guet si.
Und wenn eui Eltere zu so öppis nei sehe, meine si das nid bös, si mache sech eifach nur sorge und wei dases dir guet geit. Und so Sache hei zit.
Seg NEI wenn dini fründe säge; nur wenn ... bisch cool. Das si nid die richtige.
Und wenn ihr wissend, ich schaffe das und eigentlech isches nüt grosses, probier mit de Eltere z rede und Argument z bringe.
Und wahrschinlech isch es au nid für jede Mensch zuetraubar mit 14ni ohni Erwachseni a es riese Konzert z gah und drum si mini kolegin und ich au keni Vorbilder und jaa..
Es isch wichtig dass dir eui gränze kenned!❤
💎💎💎💎💎💎💎💎💎💎💎
*de Blog isch de übrigens kei wärbig für Energy
Fragea euch;🌻
Chönntet dir euch vorstelle mit 14ni elei uf Züri a es Grosses Konzert gah?🎉
Sit dir schomal a eme Konzert gsii?🌌
Gits e Moment wo dir öppis heit weue und eui eltere nei hei gseit?🤷🏼♀️
Gitse Moment wo dir zu öppis heit/hättet müesse NEI sege wels euch nid wohl isch gsii?😊
Liebi Grüess und ich hoffe das de Blog nid z viel Fähler het und einigermasse interessant isch!❤
Mon, 16 Dec 2019 19:46:13 +0100
