Heyy🦋

Das hie isch mi allerletst Blog hie uf Zambo, morn wirdi füfzähnii...☹❤

Es tuet mir irgendwie weh das z schribe wel ich dür Zambo so viel ha dörfe erlebe, so vieli netti mönsche ha dörfe kennelerne, idee ha becho i welli richtig ih später vilecht mal wett schaffe, fründschafte fürs lebe ha gschlosse, mini familie stolz gmacht han, es paarne vo euch ghulfe und au süsch mit zambo sehr viel erlebt ha respektive das mih dür mini ganzi jugend hed begleitet.💫🦋

I dere zyt woni uf zambo aktiv bi gsii isch bi mir selber soviel passiert.

Am ahfang bini nüni gsii, ha mit mim erste blog über lieblingszahl gad mis erste radio interview chönne mache und denn isch eifach alls no so wundervoll und magisch im lebe gsii, ich has gliebt wenn die eltere zambomitglieder (wo für mich eh mega grossi vorbildfunktion heii gha) mit mir hei gschribe und bi immer so nervös gsii wenni im radio bi choo. Mit der zyt hani viel neus erfahre, gmacht und erlebt und bi mittlerwiele halt elter worde, wär scho fasch us der schuel weni ned würd s gymi mache, und für paari vo euch au so echli es vorbild hie uf zambo gsii, was mich unglaublech glücklech macht❤🦋🦋

Was mir fürimmer wird in erimnerig bliibe🥺🤩:

-Der Bsuech vom Reto bi mire klass ir vierte🦋

-Anna Erfüllt wünsche mit der Joy und mir wo mir der lo vo lo und leduc hei dörfe kennelehre

-Bim Gabriel e Live Sendig mit der Joy gah mache🦋

-D Mitglieder Claugirl, Springpferdli und Fadrina02 lehre kenne woni recht viel Kontakt mit ihne ha obwohl dass zwei vo ihne au scho lang nümm uf zambo aktiv sii.🦋

-Die viiiele radio'intervievs' 🦋

-Einisch i de zambocharts gsii mit eme lied🦋

-Der Bsuech vom Reto bimir deheim🦋

-Alli die unglaublech nette kommentare vo euch unter mine blogs und dir herzige chats🦋

-dassi churz bire livesendig vom nik hartmann ha chönne zueluege woni mega fan bi gsi🦋

-die viele nette mönsche und die gueti stimmig hie🦋

(Und natürlech meeh aber das isch so z wichtigste)😌🌩

Ha nid vor i dem blog no paari z erwähne, da ih nid wett das irgendöpper truurig isch oder so aber ich erwähne uf jede fall noh diee wo bi mire letste challenge heii mitgmacht!❤👗

Charlie479

delfin17

Haly10

Gini_weasly

ananas

Ich wirde euch alli so sehr vermisse und au eifach hie mini gedanke und idee los zlah wird mir fehle. Ich weiss das gaht glaub gege ehrecodex vo de zambomitglieder aber ich ha gsee dass anderi i irne abschiedsblogs au iri social media accounts heii gschribe & ich mache das auu damit ich mit paar vo euch no cha kontakt ha wenni ab morn nümm uf Zambo bi❤

⚡Insta: lena.sophiaaa

⚡ Tiktok: s0phia_rr

Und falls der mini nummer wetted chöit der mer no im privatchat schriibe❤

Ich möcht euch Zambomitglieder vo ganzem herze für alles danke, dir sid mir uu wichtig aber au am zambo team wo das alles für üs ermöglecht hed!!🦋⚡

Ich cha nümm meh schribe wells mi irgwndwie trurig macht.. aber hie no es paar letsti worte a euch❤

Dir sit alli unglaublech tolli, netti mönsche wo ganz sicher es guets herz heii! Blibed wie der siit, veränderet euch ned damit dir öpperem gfalled. Mir hei hiee meh oder weniger eh gueti Zuekunft vor üs vor bildig her, also probiered öppis drus zmache au wenns ganz sicher nid immer eifach isch. Sid net zu eune eltere und probiered d lüt immer guet ds behandle. Dir sit sooo wertvoll also nemed euch mal zyt für euch selber und mached das wo euch gfallt!!!💫🥺🤗❤

Ha euch so sehr is herz gschlosse und wünsche euch alles guete für eui zuekunft und das d wünsch und tröim i erfüllig göh!🥰❤

Tschüss zeme, vergässed mi nid

-Lena / Lenas13💫❤

Heyy❤

Ich schribe hüt am aabe mi abschiedsblig und jaa ha nomal a mini chlini challenge welle erinnere also die wo lust hend chöii hüt no mitmache👗

Ha euch liebb❤

Heii❤

Das hie isch wahrschinlech mi zwöitletst Blog hie uf Zambo, i hätt eigentlech no mega viel z schribe gha und au no soo viel idee für teentalk blogs gha aber für das lengt leider d zyt nümm☹

Bevor jetz also mi abschieds blog chunnt, hani denkt i mache no e chlini challenge zum Spass. Respektive eh chlini Ufgab und wer lust hed cha mitmache❤

Challenge

-> Nemed eui lieblingschleider usem Schrank und stelled es outfit zäme wi euch gfallt :))

Das chöii eifach eui lieblingshose und es shirt sii aber au öppis speziells, je nach dem was dir bsunders schön findet.👗

-> Denn chöiters irgendwo here lege, selber ahlege oder vilech auu are Puppe ahzie und es Foto dervo mache.🤷🏼‍♀️

-> Posted denn das Bild i eme Blog und schribed als titel 'Challenge vor Lenas13' und verlinked mich umbedingt dass ichs gseh!!❤❤

Bispiel: Ih ha es Bild igfüegt mit mim Lieblingsoutfit aber dir chöiits ou angers 'presentiere'🤗

Für euchh: Ich luege denn alles ah und schribe euch uf jede fall nomal & erwähne euch denn au no i mim Aschiedsblog. Würd mi mega freue wenn paar vo euch no würde mitmache aber muess natürlech niemer!!🥰❤

Danke schomal a alli und ha euch gernn❤

Heii und wilkomme zum nächste teentalk blog, da ich nurno 13 täg uf zambo bi hani denkt dassi chli schneller mache und vilech die letste 7 täg denn no es special mache oder irgendöppis i dere art☁️

I dem blog gahts wie gwünscht um s thema selbstzwifel💫

Das heisst, wenn dir müeh mit euem charakter oder ussehe heit.. witerläse❤

Das thema hed sich vorallem Tivio1 gwünscht.

Allgemeins✨

-Selbstzwifel isch eigentlech eh Art vo unsicherheit

-Es git verschiedeni Arte und sterkine vo selbstzwifel

-Me cha sich selber mit viel müeh us dem use 'kämpfe'

-Mega vieli Lüt (meistens fraue aber au vieli Männer hei das problem)

Mini Erfahrige:🦋

Ich ha würklech extrem grossi selbstzwifel (gha) für soo eh langi zyt. Ich finde mis ussehe so schlimm und au mi charakter hani komplett nid begriffe und zgfüel gha ich mache alles falsch. Ha nidmal meh ellei chönne ichaufe vor angst öppis falsches z sege, bi nie usegange weli ha angst gha dass d mönsche falsch vo mir denke oder mii hesslech finde. Es isch würklech mega schlimm gsii und au immer no hassis wenn fotos vo mir gmacht werde oder ich irgendwie nebe viel z schöne mönsche stah. Es hed sech aber tatsechlech besseret. Ich ha mi fründeskreis vor öppe eme jahr komplett genderet und soo vieli erfahrige dür das gmacht. Es si vilech nid mensche wome normalerwis würd sege dassi einem guettüe aber ich bi so viel glücklecher. Die mensche heii alli es recht guets selbstbewusstsii und hei mir zeigt dassi eifach mi selber cha sii und mich nid muess verstelle, glich wie si das au nid mache. Si hei mir zeigt dasses nid normal isch nid chönne ellei ga ichaufe und ich ha sache mit lüt ungernoh woni früechr immer angst ha gha bi ine öppis falsch z mache oder z hesslech für si z sii. Irgendwie füeltsechs krass ah das so z schribe aber da ich nid ha welle öppis falsch mache hanis eifach glich gmacht wie mini besti fründin und der neuu fründeskreis dah i nüt ha welle falsch mache bi dene lüt. Und genau so hani alles glert und es macht mi unglaublech stolz. Ich finde mich immerno unglaublech hässlech aber wenigstens charakterlech bini endlech mi selber und getraue mich meh, ha nid grad bi jedem satz angst öppis falschs z sege und cha au mit neue lüt rede ohni grad mega drüber nachezdenke und da bini echt stolz druf.

Bim ussehe tuet sech au chli öppis, i ha mi style genderet so dassi mi endlech wohler füele und alles, d figur und s gsicht chame leider nid eifach so endere aber ich muess langsam ahfa mich echli meh selber gern z ha💫

Wenn dir selbstzwifel heit:📌

Es isch würklech extrem schwirig und ih verstah das komplett, es füelt sech eifach schlimm ah. Au wenn das komisch tönt, im teenageralter chumt das sehr viel vor und au wenn sechs für eh moment 'unbesiegbar' ahfüelt, cha sechs schnell endere, so wie ih das obe gschribe ha. Es git täg da isches so als wett me niemer gseh und eifach garnüt sege und plötzlech chöme täg wome sech chli chillig wett ahlege und eifach mal probiere mit mensche z rede.

Selbstzwiefel göh leider nid eifach so vo eim tag ufe ander weg aber si chöii tatsechlech weggah, es brucht eifach mega viel disziplin vorallem vo dir selber.

Und ich weiss das du das schaffsch, probier nid z stresse und lah dir selber zyt, du muesch dich au nid verendere wenn nid wettsch sondern ganz langsam ahfah di selber z liebe so wie du bisch und dini meinig zu dir nid vo angere mensche abhängig z mache.

Falls dir das also no niemer gseit het:

Du bisch wunderschön, genau so wie du bisch und vorallem bisch einzigartig. Es gaht nid darum wie anderi mönsche dih schön finde oder ob du 10 oder 2 fründe hesch, du wirdsch die lüt finde wo dir zeige dass du ganz ganz viel wert bisch und genau so guet bisch, wie du bisch. Es isch nid immer alles nume falsch wo du machsch und au wenn fähler passiere, d welt gaht nid unger. Mir lebe nume einisch und ich denke es isch wichtig dassmers probiere z gniesse also seg dem mönsch dass du in lieb hesch und leg mal es uffelligs chleidigsstück ah wenns dir gfallt❤ Ih ha di lieb und wenn dir gad öppis ufem herz ligt wo wettsch drüber rede chasch mer no 17 tage uf zambo schribe und auu süsch, i bi immer für di da und wenn du denksch d welt hasst di, ich definitiv nid❤

💫💫DU BISCH GNUEG💫💫

Chlini aber wichtigi tipps;😌

-Nid zuu viel i spiegel luege oder dich wäge

-probier nid immer negativ z denke. Also nid 'ahh mini augeringe hüt si schlimm' sondern vilech 'ohaa hüt si mini haar richtig glänzig'

-mach dir täglech es chlises kompliment für öppis wo du hüt guet hesch gmacht

-probier au z positive i andere mönsche z gseh und ihne das z sege, du bechunnsch vilech öppis zrügg

-auu wenns schwirig isch, probier offe z sii, d mönsche werde dir nüt mache wenn du ihne mal dini ehrlechi meinig seisch

-seg nid immer 'ich bi so hesslech' es bringt anderi mönsche viel schneller derzue au negativ z denke oder z denke du suechsch ufmerksamkeit

-verbring dini zyt mit lüt wo dir z gfüel gebe dass du dich selber chasch sii

-wart nid ufe perfekt moment, mir hei nur jetz und perfekt isches eh nie

-DU BISCH GUET SO WIE DU BISCH, ALSO RED DIR NID SELBER ÖPPIS IH WO NID STIMMTT❤

I bi stolz uf di und bi mir sicher das du mit chli geduld über das hinwegchunsch und dich selber echli meh gärn hesch. Ich wünsche dir ganz viel glück uf dem weg und dass du dini ziel erreisch! Glaub mir du bisch gnue und wirsch das schaffe! Ganz viell positivi vibes und gueti stimmig für dii🥰❤💫

Hie no es paar fotos, die erste wos ganz schlimm isch gsi und die zweite wos besser isch worde. Ich weiss es isch weder perfekt no süsch öppis und vielech gseht dir nimal unterschiede aber ich gsehs für mich selber scho chlii❤

Frage a euch;

Heit dir selbstzwifel, wenn ja hed das vielech chlii gholfe?

Nächsts blogthema style oder schuelwächsel?

Heii❤

I dem dritte teentalk Blog wie vo paar gwünscht s thema rauche🚬

Es isch natürlech es heikels thema und für mii isches auu nid allzu eifach drüberr z schribe wege dem, trotzdem wetti i dene Blogs ehrlech sii und offe vo mine erlebniss schribe🥰

Fakte;

I dem Blog geits vorallem um Zigarette rauche also juu darum hie paar generelli Sache.

-Enthaltet Tabak💨

(Isch us ere Pflanze und enthalted

Nikotin, was innerhalb churzer Zyt übere

Bluetkreislauf is hirni gaht und

abhängig macht, aber eim für e churzi

zyt glücksgfüel laht la gspüre)

-Isch sehr schädlech👻

Es hed lut ere östrichische Internetsiite

90 Krebserregendi Stoffe dinne und

Kohlenmonoxid, was es unsichtbars Gift

Isch. Bim Rauche zieht me all das i d

Lunge (üses Organ zum Atme) was

vorallem wenn me elter wird

Lungeproblem cha gäh.

-Altersbeschränkig🔞

I der Schwiz darf meh sit 2019 i de

meiste Kantone mit 18ni (also wennme

Volljährig isch) tabakprodukt chaufe.

Me chunnt aber dür elteri kollege usw

mega schnell derzue, was mire Meinig

nah nid würklech guet isch.

-Macht süchtig🔛

Ds Nikotin schüttet im Hirn es Hormon

namens Dopamin us, was eim z Gfüel git

glücklech z sii, darum mache Zigarette

so schnell abhängig.

Mini Erlebniss:

Vorab, ja, i weiss dases ganz sicher nid guet isch und wie ih obe ha gschribe schädlech. Bevor ich s z erste mal probiert ha, hani mi über alles sehr guet informiert wasi auu sehr wichtig finde.

Ich wirde glii 15ni und ha im Früehlig s erstmal graucht. Ich weiss selber dases z jung isch und es isch mer klar. Der Grund isch gsii, dass paar vo mine Kollege rauche und ih eifach mal ha welle wüsse wies isch.

Schlussendlech hani ds halt eifach mal probiert. Ich ha sit denn paarmal tah, auu wenn das sicher nid guet isch. Aber es isch würklech unnötig und hed au nid würklech Sinn. D Chleider, d haar und d finger stinke, me füelt sech teilwis ner wummrig, es het schlechti nebewürkige usw..💫🤦🏼‍♀️

Für euch:

Vilech werded ihrs mal probiere, oh wenn der jetz seged nie, vilech au nid, und das isch guet so! Mire meinig nache isches sicher nid cool wennme raucht wels schädlech und au tüür isch. Und solang dass dir nid wetted, bitte macheds nid!! Löt euch nid vom Gruppezwang lah beiiflusse und wenns gaht, probiered garnid ersch, bevor ihr erwachse sit. Wenns euch später mal interessiert, wie das bi mir der fall isch, chame mal probiere. Aber mit zwölfi oder so z erschmal graucht z ha isch sicher nüt zum stolz druf si und wenn dir nid vo euch us wetted, löhts bitte lassy. Es isch soo tür mit der zyt und würklechi vorteile gsehni nid. Dir und euui gsundheit sit mir wichrig und i hoffe dir nemet euch das z härze❤

Wie scho gseit mir isch sehr bewusst dases nid cool isch, i mim alter scho z rauche aber i mine teentalk blogs wetti eifach ehrlech sii und themene aspreche, wo euch sicher früecher oder später werde begegne und drum isches vilech auu wichtig wenn öpper drüber redt🥰❤

Wenn dir frage zu dem thema heit schribed eh kommentar oder eh nachricht im privatchat💫

Frage für euch

Was halted dir vom rauche?

Was weiter für es nächsts thema? -Kleiderstyle oder -selbstzwifel❤

Liebi Grüess

Lena✨

Heii❤

Das hie isch der zweit teil vo mire Teentalk 'Serie' und s Thema isch;💫

-------Küsse/der erst Kuss-------

Vo mir und generell:🌵

Ich ha mi erst richtig kuss erst mit vierzähni ghaa, was vilech echli spät isch, aber für mi eiglech nid schlimm & vorher hani vilech mal so es paar 'lippekuss' bi wahrheiit pflicht gha. Es isch überhaupt nid wichtig mit welem alter ihr de hend (paari hei sicher au scho ihre erst kuss gha vieli nid) aber d hauptsach isch dass dir euch wohlfüehled und keii druck hend🤷🏼‍♀️💋

Wie isches bi mir gsii und werum eigentlech mi zweit kuss mi erst kuss isch gsii:🤯

Öppe vor acht wuchene hani mis erste date in bern gha und irgendwie hed er mich denn eifach so ahfa küsse (was nid schlimm isch gsii, mir aber au ned würklech wohl). Es hed mich vo ahfang ah nod würklech mega guet dünkt und ich has eifach zueglah, us dem isch ner aber keii beziehig worde wels mir nid wie gseit nid wohl isch gsi.🤷🏼‍♀️Es isch unspektakuler gsii und für mi au 0 schön, ich ha kes kribble gfüelt und ha au nümm würklech zgfüel gha dassi ir nächste zit wider öpper würd küsse.🤷🏼‍♀️🙄

Mi zweit erst kuss:💋

Am 2. Juli ha ich mit mire Klass abschlussfest gha, es hed im wald stattgfunde und die meiste si auu recht schnell mal zimmlech düre gsii wege de sache wo mir bi dere party halt heii gha (ich ha halt alkohol und au süsch sache gha aber das thema chunt süsch mal).😌

Irgendwie bi denn ich mit eme kolleg (crush vo gfüelt allne jüngere meitli und er isch WÜRKLECH SCHÖN) wo nümmso hed möge chli weg vo de andere ih wald gange und ha öppe 80 minute mit ihm eifach über alles mögleche gredet.😍 Es hed sech mega guet ahgfüelt und irgendmal hed er mii halt ahfa umarme und so und ih ha gwüsst dasses vilech gli zu eme kuss chönt cho, mir aber beidi eigentlech chlatsch sii.🤯 Und ja.. es isch ner passiert, es isch würklech es extrem schöns gfüel gsii und ich ha auu tatsächlech es kribble i mir inne gha was unglaublech isch gsi (aber ha voll zitteret haha). Und trotzdem hani vo ahfang ahh gwüsst das us dem keh beziehig wird wel mir vorher no grad über so sache heii gredet.🙄Es isch eh ewigkeit gange und ich bi vorher auu nie eme typ so nah gsii wie denn. Womer hei d auge zue tah isches hell gsi und wo mir si wider heii uftah stockdunkel.👀

Leider hets nid würklech es happy end gha.. öpper hett üs gseh, das GFILMET und allne zeigt. Er und ih heii sit denn nie über das gredet aber üs drü mal gseh mit andere zäme.🥺🤷🏼‍♀️

Paar Tipps:😇

Nid angst ha (ich ha zwar nid richtig angst gha aber zitteret juu)❤

Nei sege (wenn euch öper wet küsse aber du das nid wettsch drück ihn weg oder seg NEI, ich han au nei gseit wo eh hand id hose het welle und es isch akzeptiert worde)🤷🏼‍♀️

Eifach probiere (ich ha mega angst gha dassi nid cha küsse aber es isch ner eifach irgendwie passiert und alles guet cho)😌

Nid zähn berüere (es isch nid schlimm aber wenn sich gegesitig zähn berüere isch chli komisch)🤨

Nüt ufzwinge (es sött eiglech öppis schöns sii und mues für beidi stimme)😊

Wenn der irgendwelli frage oder soo zu dem blog oder allgemein heit schribet doch id kommentare oder im privatchat bi immer für euch da!❤

Paar frage ah euch:

Heit dir eue erst (zunge)kuss scho gha?💫

Wenn ja isch guet gsii?

Wenn nei wetteter jetz gern?

Nächsts teentalk thema style/outfit oder rauche?❤💫

Für euchh:

Alli wo bis hie glese heii und eini oder beidi vo de frage i de kommentare beantwortet heii erwähni im nächste Teentalk blog❤

Ha euch lieb und i hoffe de blog hed euch gfallee

💫❤🌵

-Lena <3

Heii❤

Hie der erst teentalk blog😊

Ha mich als ersts mal für es nid extrem tiefgründigs aber uf jede fall wichtigs thema entschiede wo i üsem alter uf jede fall sehr bedütend isch.

----Social media:----

Generell und chlini Erklerig:👀🥳

Vili vo euch heii vilech scho eh app wie instagram, snapchat oder tiktok, vieli sicher aber oh nid. Ich ha all das mit zwölfi becho und es hed mi uf jedefall mit der ziit verendert🤷🏼‍♀️

Mini Erklärig:

Ich rede über Apps also plattforme wo me vorallem sich selber cha zeige und mit andere persone chatte aber zum bispil auu vieli informatione, lustigi und inspirierendii videos und memes gseh oder mit nice filter fotos mache.😊

Positivs:👀

-Inspiration

-Ziitvertrieb

-Ideene

-Unterhaltig

-Kontakt mit Mensche

-Mensche kennelerne

-wüsse was bi anderne im lebe so los isch

-Nice filter

-Likes und netti kommentare tüeh guet

Negativ👀

-verglich mit andere

-me weiss nid ob d persone real sii

-viel fakeaccounts (ha auu eine haha aber für mi und sicher nid um anderne z schribe)

-zitverschwändig

-teils abhängikeit

-perfekts bild vor wält teils

-sache gseh wome no nid sett

-gfahr wege pädophile mensche (usw)

Ha jz probiert vo jedem öppe glich viell z sueche also sry wenni öppis vergässe hät!🥰

Tipps wenn dir vo dene apps bruchet (vo mir persönlech)☁️💫

-Privati accounts mache (so chame selber entscheide wer eimm folgt)

-immer ufpasse wenn eim mensche aahschribe

-nüt poste wo mehh speter chönt bereuue

-keii hate verbreite (cybermobbing..)

-nid eifach soo privati bilder verschicke oder vo andere

-nid dihh mit anderne vergliche oder welle verendere (git ganz vieli apps wie facetune und filter)

-bi snapchat guet ufpasse mit de lüt und vorallem was dir für bilder verschicked, ha da scho schlechti erfahrige gmacht.

-spass ha und sicher mal eh usziit näh wenns dir nod guettueht

-nid irgendwelchi lüge oder andere ihrem läbe poste

Ich selber bruche vorallem d apps insta, snapchat, tiktok, youtube aber posted hani nume uf insta tiktok und snap, mini accounts sind auu privat.❤

Bi selber mittlerwiele zimmlech aktiv dert und kenne mi chli uss und jaa wenn öpper mini accountname wett schribed im ptivatchat..😌

Nächst Blog?!:🥳

Über welles thema wetted dir der nächst teentalk blog, es chöme no vieli aber fürs nächste mal entweder

-rauche (✌🏽)

-erste (i) kuss (🤯)

Hed euch de blog gfalle?👀

Bruchet dir eini vo dene apps?👀

Weles thema als nächsts?👀

Liebi grüess

Lena <3

Passed uf euch uf❤

Heii❤

Ich bi jetz no chli meh als zweii monate uf Zambo und wett hie aber no irgendöppis hinterlah wo cool isch und vilech euch chli öppis mitgibt vo mir für euui Zuekunft oder wenn dir eifach öppe so alt werded wie ich jetz bi (14ni)🥰

Drum hani d Idee gha so eh Teentalk Blogserie z starte wo ich mini meinig, tipps und imputs zu Theme gibe wo im Jugendlechealter intressant sii wo dir alli scho dinn sit oder denn no driichömet😊

Für das hani scho es paar Themene wo ganz sicher echli tiefgründiger si oder chli schwiriger umd umstrittener zum drüber rede und normalerwis uf Zambo nid so besproche werde & auu generell nid aber auu eifach so normali sache wie zb social media, selbstzwifel, schuel oder so wo ich euch chli tipps und vilech hilfrichs cha mitteile😊❤

Wenn dir irgendweli themene heiit wo ih no unbedingt sett drüber schribe mached doch eh kommentar❤

Liebi Grüess Lena <3

Heii😊

Und zwar hätti eh frag a öpper vom zamboteam wel ih blogthemene hätt woni sehr gern würd drüber schribe, aber ich weiss nid genau ob das guet isch je nach dem😅

Was wär d email adresse woni müesst kontaktiere für so eh frag?

Danke schomal fürd antwort🥰

heii🥰

Eigentlich wär ii uf kroatie gange für 2 wuche aber wege corona ebe jetz nii..

Darum bini für 3 tage uf konstanz gange und ha dört sache aahgluegt und gshoppet und mega viel verschiedeni mönsche gseh😊

Sorry btw dassi inaktiv bii aber ich gah immer mit mine kollege use oder mache süsch irgendöppis🥰 Am letste tag vo dene ferie simer bo in schaffhuse zu de rihfäll❤

Fotos vo;

Strand vom Bodesee

Mir bi eme rieserad

Ds rieserad

Rheinfall