Heii zämee!

Ich bi scho uu lang nümm aktiv uf Zambo gsi, ha aber immer wieder Radio glost, und kei Folg "Tilt" verpasst. 😇

Bi mir isch so wiit alles okay, bis uf öppis:

mir hend geschter erfahre, dass mir am Mittwuch im Musigunterricht müend vorsinge. Ich mache zwar mega gern Musig, singe au gern und luut, chas aber überhaupt nöd... 😩😏

Und jetzt hani kei Ahnig, wani nöchscht Wuche sötti für es Lied singe, und au irgendwie no en gnüegendi Note z'becho... 😬

Hett ächt öpper vo euch en gueti Idee, oder kennet ihr es eifachs Lied (wenn mögli nitt uf Dütsch 🙄)?

Wer meeeeega lieb vu euuch! 😙

Lg, torrepellice 😜

Hoi zäme
I mim letschte Blog han i mech öber die vele Husis beschwärt.
Höt Morge ben i miu anegsässe, ond ha aagfange.
Ennert 20-25 Minute ben i fertig gsii met dene 9 Siite.
I has total öberschätzt! 😜
Jo, üchi Tipps hämmer mega ghoufe!
Merci vöu Mol!
Met chli Gedoud goht halt aues!
üchi torrepellice ❤️

Hoi zäme!
I ha em Momänt mega Stress ede schuel… i muess of e dsiischtig 9 siite franz mache, woni ned checke, ond de no math, gschecht ond düütsch leere. Es werd mer ergendwie grad aues z'vöu!
Wa wörded er i minere Situation mache? Merci för üchi Tipps,
Torrepellice

Hoi zäme!

Mer gohts em Momänt ned ganz so guet, i ha Chopfweh ond Buuchweh, mer esch allgemein ned guet ond i be grad be minere Grossmueter för 2 Täg, well mini Eltere wäg send. I ha zwar ke Heiweh, aber i öbernachte eifach ned so gärn oswärts.

Jetzt wörd i vo öich gärn wösse, was er möched, wenns öich ned so guet goht.
Losed er Musig?
Lueged er Färnseh?
Ässed er Schoggi?

Merci för alli Kommentär!
torrepellice

Hey zäme!
Ich habe eine Frage an euch:
Seit ihr eigentlich auch von irgendetwas so richtig ein Fan?
Von einer Musikgruppe,einem Sönger, einer Sängerin oder auch von etwas ganz anderem?
Ich auf jeden Fall bin ein Panhead, so nennen sich nämlich die aller engsten Fans der amerikanischen Rockgruppe Skillet. Ich kann gar nicht beschreiben, was ich an ihnen mag und warum ich so ein Fan von dieser Band bin...
Und wie ist es bei euch?
Freu mich auf eure Antworten!
torrepellice

Hey zämee!

Dä Blog esch vor auem för Oberschtüüfler.
I be er 1. Sek ond verbreng em Momänt jedes Wochenändi nor met lerne... I gloub, er kenne da ou.
Am schlemmschte fendis, wenn me eigentlech 500 anderi, cooli Sache vorhet... Genau so gohts mer em Momänt. I chönnt met ere Fröndin vode Primar abmache, woni scho lang nömm gse ha, i chönnt Musig lose, use go u.s.w.

Ond uusgrächnet höt, woni so vöu cooli Idee ha, muess i de ganz Tag lerne, weli am Mäntig e Test ha. Mini Eltere si de ganzi Tag wäg, ond hei mer gseit, dass i am Obe aus muess chönne...

Wenn er of mis Profil gönd gsähnd er, dass Biologie ned grad mis Lieblingsfach esch... Aber genau da mueni lerne! I muess 40 Chnoche vom mönschliche Körper oswändig lerne ond chöne onterteile i Groppe. I weiss, Bio esch wechtig aber öise Lehrer gschtaltet de Onterrecht sooo langwiilig! Ergendwenn losi eifach nömme zue.

Wäg dem hani ou kei Ahnig vom Thema... S'Lehre gorkt mi rechtig aa!

Kenned er da ou, dass er eifach kei Motivation händ zom Lerne?

Wa möched er denn?

I fröi mi öber jede gueti Tipp!

Er chöid mer ou öber Post schriibe!

Merci vöu Mol u no es schön Wochenönd,

euri torrepellice ❤️

Pray4Berlin!
Wiso gits so Züüg uf dere Wält, het das denn keis Änd meh?

Hey zäme!

Ich bi grad mega hässig... Aber zum das erkläre, müend ihr chli meh über mich wüsse:

Ich bin 13i und gang idi 1. Oberstufe (Sek b).

Will ich chli anders bin als ihr, gang ich ine spezielli Schuel, mit chlinere Klasse. Ich cha mich eifach ned konzentriere, wenn 20 Lüüt i eim Ruum sind, und chume denn nöd wiiter. Wäg dem gang ich ine Privatschuel mit chline Klasse und andere Chind, wo ähnlechi Problem händ.

Min Schuelwäg isch öppe 45 Minute lang, und ich muess es rächts Schtück mit Tram und Bus faahre...

Jetzt zum Grund, wiso ih so hässig bin: hüt im Tram bin ich mit ganz vil andere us minere Schuel unterwägs gsii. Mir sind jo eigentlich ganz normal, usser dass mir ebe chli Konzentrationsproblem händ.

Dänn sind d'Jungs us de 2. Oberstuufe im Tram chli Luut gsii, händ enand halt Witz verzellt und nächene chli lüüter als normal drüber glachet.

Dänn han ih mitbecho, wie es Ehepaar näbe mir liislig gflüschteret hät. Das hät öppe eso tönt:

Frau: Lueg, das sind jetzt die vo dere Spezialschuel.
Mann: Ja genau...
Frau: Das sind ganz schwirigi Fäll, hani ghört! Nur die ganz Schlimme chömed dört ane gäll?!
Mann: Cha sii...
Frau: Also würkli, die sind alli nöd ganz dure dört! Alles Chind mit grosse psychische Problem... Das sind die, wo niene anders Platz händ, überall wett me sie nöd!

Dänn bini uusgschtige, und das Gschpröch isch mir bis jetzt nöd usem Chopf... Ich meine jo, mir sind speziell, aber mir sind nöd blöd oder so, mir sind eigentlich ganz normali Jugendlichi!

Jetzt wett ich öich es paar Sache frage:

1. Was hätted ihr i minere Situation gmacht? Hätted ihr die Lüüt aagschproche?

2. Händ ihr au scho öppis Ähnlichs erläbt, sind ihr au scho en Art beleidigt worde, villicht au vo Kollege/Kolleginne, und nöd vo Fremde?

3. Was sött ich mache? Emene Lehrer/enere Lehrerin säge, de Schuelleitig Bscheid gäh, oder mich binere Schuepsychologin mälde? Oder eifach gar nüt mache?

Mini Eltere sind scho informiert. Sie säged, ich söll zu mim Lehrer.

Tuet mer Leid, isch chli en lange Blog worde... Aber ich han öich das eifach welle fraage und verzelle!

Ich fröi mich mega über öichi Kommentär!

Wänn ihr meh wänd wüsse, schicked mir en FA!

Lg, torrepellice

Heyy zäme!

Händ ihr ide letschte Täg au Mal de Kaländer aagluegt, und gmerkt, dass nächscht Wuche scho de 1. Dezämber isch?

Wo mir das bewusst worde isch, bini grad chli in Stress cho...
I muess jo no de Adväntskaländer für mini Familie fertig baschtle, und denn hämmer ide Schuel jo au no die grossi Wiehnachtsfiir, öisi Wohnig gseht no gar noni nach Advänt uus, und, und, und!

Wie isch das bi öich? Händ ihr scho alles voll parat für d'Adväntsziit, oder sind ihr wie ich, au chli hindedrii?

Also eigentlich fröi ich mih ja uf d'Adväntsziit, und ihr?

No es shöns Herbst-Ändi und es 1.-Advänts-Wuchenänd!

Hey zäme!
Mir sind geschter mit öisere Paralellklass a de Bim (BerufsInfoMesse) in Olte gsi. Det händ Betrieb oder Gschäft ire Bruef vorgstellt, und mit Schüeler händ ine döffe Froge stelle.

Ich ha na 2 Frage a üch:
1. Was isch öiche Troumbruef?
2. Kenned ihr die Usstellig?
Ich würd eigentlich nach de Schuel am liebschte studiere. Wenn das wäge de Schuel nöd klappt, wörd ich ou gärn Schriinerin in EBA wärde.

Ich würd mich mega uf öichi Kommentär fröie!

Liebi Grüess!