Ausooo Uf dä Momänt ha ig mi sit em Afang vo Zambo nid gfröit...

Liebi Zambowäut!

Mit däm Blog möcht ig mi !Aus Mitglied vo Zambo! verabschide, dr Grund isch, dass ig morn 15ni wirde u so leeeider nümme uf Zambo Mitglied darf si🙁.

Ig wott öich eifach vo ganzem Härzä, für die viile schöne Sachä dankä.

Für die viele Mensche wo ig ha dörfe kennelerne;

Liebe Anna Zöllig !

Merici für die mega schöni, bis hüt in Erinnerig und im Härze blibendi Anna erfüllt Wünsche-Foug am Flughafe in Züri, gmeinsam mit mim Brüder, am Flugzeugfan23 .

Liebi Viviane Müller !

Merci für die mehrere Telefon, wo mir hei gmacht, damit immer aues Organisatorische guet ich abgloffe! Und merci, dass du die letschti 'My Zambo'- Sändig hesch organisiert ... schoo uuu lang här! :))

Liebi Dania Sulzer !

Merci für dä mega toll Nami, wo du e Radioreportage bisch cho ufnäh, über die vergangeni Anna erfüllt Wünsche-Foug.

Liebe Adam Keel

Merci für z Organisiere, dass ig bi Mini zwei Dihei ha dörfe mitmache!

Liebi Angela Haas !

Merci, dass ig einisch mit dir es Radiointerview ha dörfe mache. Ha imfau z Gfüü, dass ig di scho mau i dire Praktikums-Zyt ha kenneglert 😂

Liebe MichelBirri !

Merci für d Moderation vor letschtä My-zambo-Sändig!

Ig hoffe, dass ig niemer vergässä ha😂

UUUUUUND merci für aui Mönsche, wo mitgwürkt hei bi aune Sändige, bi denä wo ig jeh mitmacht ha :)))

Merci liebi Kameramänner u aui wo z Schnide u d Sachä rund um Technik hei gmacht

Ahhh, sich das aues cool xsi;

Ig bi ä Mönsch, wo immer aues wott positiv ahluege und ig probiere eifach aues das mitznäh und ou wenns mir schwär faut nid z fescht truurg z sii!

Vorauem wott ig ou mau (Ferneh)moderatorin wärde u so si, dass ig villicht wider mau bi Zambo bi 😂😍😍

#Followyourdreams☺️

merci für die wunderbari Zyt mit öich aune, ig hoffe, dass me sich wider mau xseht!

Ig wünschce öich aune e wunderbaru Zyt u cha nech verspräche, dass ig wierhin no uf Zambo wirdä si, ou wenn nümme aus offiziells Mitglied.

Danke Zambo, DIR sitt AUI die Beschtä!

Liebe nech u dir sitt für immer i mim Härz!

Blibet xsung, sitt zu aune Mönsche lieb u schänket ar Wäut äs Lächle is Gsicht!!❤️

Liebi Grüess

Tierfreund19❤️❤️

Hey zämä❤️

Hie e mini-Foodblog.

Das isch d turte zum Geburi vo mim chline Brüder xsi.

Ig ha gmacht

Ig ha lieder nid meh Zyt no usfüerlecher z schribä, wiu ig när no ä lange Abschiedsblog wirdämach u no Training ha.

Merci für z läsä vom Blog!

Öii Tierfreund(in)19❤️

Sälü Zämä!❤️

Gad bin ig es bizuli verchlüpft wo ig ha xseh, wie lang ig kei Blog meh ha gschribä🙈.

Ig gah sit em Summer iz Gymi u dert hets am Ahfang scho gad chlei ahzogä vor Strängi här. So, dass ig mini Freizyt ha nöi müesse 'umgstalte & Ihteilä'. Ig ha vo eim Tag ufe ander gmerkt, was es heisst viu Teschtä z ha u nid nume no 2-3 pro Wuche, was es heisst am Wuchenänd dinne zsi und müsse lerne und eifach generell meh, strengeri, wichtigiti Schuzyt zha. Darum ha ig irgendwie z blogge uf Zambo völlig vergässä, was ig jitzt derfür umsomeh, bis zu mim Geburi, wo baud isch wott ufholä😅.

So machi jitzt ä Blog über mis letschtä Video, wo ig ha gmacht.

Nämlech ha ig mitgmacht bi MINI ZWEI DIHEI.

--->Link

Ig ha mega fröid gha am Dräi und het mir wider mau totau Spass gmacht!

Ig wott säuber mau Moderatorin wärde u so hoffi, dass es nid dr letscht Dräi isch xsi!!

Ig würd mi mega fröiä, wenn dir z Video ahlueget! Ig bi ä mega Fan vo (fasch---> Kenne gloub es paar noni😇) jedem Land, wiu ig anderi Kulture, Landschafte u Mensche eifach mega toll finde!

Mir persönlech ligt mis 2. Dihei, Serbie, extrem am Härz. Ig liebes serbisch z redä, ou wenn ig nid aues perfekt cha. Ig liebes mi mit mine Verwande vo Dunde z träffä (wenn mir aube uf Serbie id Ferie göh)u generell lieb ig z Land eifach!

Ig füehle mi totau Deheime dert u ha ehrlech zuegäh ou es paar Gen vo dunde gerbt😂.

---> Wenns so um Temperament u so Sachä geit😍

Villicht heit dir no Frage zu mim 2. Dihei u de würd ig mi mega fröie, wenn dir die unde id Kommis würded schirbe und ig würd öich die de säubverständlech beantwortä!

Was ig ou no ha wöuä sägä; Das Video isch ja scho voremnä Zytli erschinä u när ha ig letscht Wuche plötzlich es Mail vom SRF becho. Nämlech het e 'Serbischi News Platform', wo es Undernäme in Lugano hei ä Bitrag über mi u mis 2. Dihei geschirbä. Das het mi unändlech gfröit❤️

Villich chöi ja es paar Serbisch, Bosnisch, Kroatisch oder süsch ä ähnlechi Sprach u verstöht dä Bitrag villich!?

---->Link

Ig würd mi Fröiä über viu Feedbacks und Frage!

Ig wünsche öich jitz es wunderbars Wuchenend u hoffet, die sit aui fit u zwäg!

Ganz liebi u glüchliechi Grüess vo

Tierfreund19😘

Hallo zämmä!

Chönnt sich bitte hurti öpper vom Zamboteam bi mir mäude, wo chli öppis mit mini zwei Deheim z'tüe het oder über d Produktion Pscheid weiss?

Ig wär mega dankbar!🙏

LG Tierfreund19😊

Hallo zämä😘.

Hüt gits nach langem Ersehnä wider mau ä Foodblog und dä geit um......

Ä Motivturte❤ --> nämlech han ig wider ä Ufttag bechoo, ä ,,Himmugüegeli"-Turtä z machä.

Ich wott dä Blog probiere äs bitzli churz z phaltä😅.

Auso aus erschzs han i d Schoggiböde hergsteut. Die si chli ufwändig, aber es lohnt sech aube! Die si zimlech fluffyg, aber teotzdem mega schoggig😍😱.

När han i d Ganache hergsteut, das isch z gliichä, wo i dä Pralines 🍫si. Ig ha die us Zartbitterschoggi gmacht. Grob erklärt duet mäh bi derä Rahm ufchochä u när d Schoggi ganz langsam u fiin mit der Räschtwermi schmiltzä.

Aus nächschts han i d Vanillebuttercreme 🍦gmacht, die isch ou zimlech ufwändig, da die Eier dinnä het und diä zersch 15 Minute pasteurisiert mues wärdä. Das bedütet, dass me aui eventeull vorhandenä Salmone duet abtöte und d Buttercreme blibt när gliichzytih ou lenger hautbar😉.

Normalerwis söte früschi Eier keini ha, aber ig gah aube lieber uf sicher.😅

Nach 3h isch das auses feerti xsi umd ig ha d Turrä afa staple. Zersch 1 Bodä när ei Schicht Buttercreme und das 3x.

D Turtä het när über d Nacht i chüeuschrank dörfä. Ig ha när no 1Stung Deko vorbereitet.

Am nächscht Morgä ha ig namau 2h dekoriert und d Turtä überzogä und när han ig ändlech aber ou leider z Ergäbnis gha. Äs isch immer cool äs Ändi z xseh, aber ou schad wiu ig nid jedä Tag so ufwändigi Turte bachä.🙃

Sorry, dass ou keis Biud vo Innä han, aber ig ha sä ja uf Uftrag verchouft.

Merci viu mau fürs läse vo däm Blog, ig hoffä är het näch wider gfaue.😘

Ig bi wie immer offä, für nöii Foodblogidee, wo ig chönnt machä u när poste.

Öich schöni Zyt u bis ganz gli, nöchsch Wuche gits es paar Foodblogs❤.

Ganz liebi Grüess Tierfreund19🎂❤⚓

Hallo mini Liebe!

Hüt chunnt widermu sitt langem 🙈 e Foodblog und zwar über mini Princess Tarta.

Ig tue öich wie fasch immer wider aui Schritt ufschribä, damit dr Texscht nid z läng wird.

Also wo ig die Turte gmacht ha isch Februar xsi und no nüt gros mit Corona,denn isch alles cho mit Deheim Schueu und so witer. Dür das han i ou wider mau Zyt gha Sachä z erledigä, wo scho ewig si bevorgsandä, darum dr Grund für das zimlech langä Zambo-off. JItzt aber zur Turte.

Wie villicht es paar vo öich wüssä verchouf ig ja Turte und so han ig e Uftrag bechoo, für nes Mami vo ihrnä Chind. Also isch die Turte wobeschriftet isch, mit ,,für z beschtä Mami'' dr Uftrag xsi, die anderi isch für mis Grosi xsi, wo Geburi het gha.😊

Aus erschts han i d Bödä härgsteut. Die si richtig locker und bestöh vorauem us Eier, Zucker und Mähl. När han ig die Mängi i zwöi Turtering tah und bache.

Ir Zwüschäzyt han id d Konditorcremä gmacht, das isch die gliichi Creme, wo sech i de Cremesschnitte befindet. Die han ig nachem machä lah abchüele und ir derä 😂Zwüschezyt han ig no die entchärnti Himmbeergonfi abgmässä und in ä Spritzsatz gfüllt.

När si d Böde o scho ferti xsi und die hei dörfä abchüele und si nör uf nöä Turteretter gschtürtzt worde un dsi ou no dürägschnittä wordä.

Vorem füllä han ig no dr Vanillerahm stiif gschlagä und mit Rahmhaltervermischt.

Zum Schluss han ig 1 dürägschnittene Bode gno, ä Kreis it Vanillerahm drumgsprützt und ahschliessend d Himbeergonfi drigfüllt. Denn han ig dr 2t Bodä druf tah das mitm Rahmkreis widerhout aber denn die dür nes Sieb passierti, abküehleti Konditorcremem drigfüllt.

Zum Schluss isch no dr letscht Bode drufchoo und dä isch mit em Vanillerahm e Kupple gformt. Aus letschts han i aues mit grüenem Marzipan ihklkeidet, dekoriert und us Fondant, unde es Muschter moderliert. A derä Turte han ig öbbe 6.5h gha.

Ig hoffä, dass ig öich ä Fröid mit däm Blog ha gmacht und bis gli!!

Blibet motiviert und xsund, alles wird guet😘

Liebi Grüess Tierfreund19❤️⚓️😁🎂

Hoi liebe Viviane!😄

Chöntisch du di äch schnäu per Privatchat oder Telefon bi mir mäude?

Bis hoffeltlech speter, liebs Grüessli Tierfreund19🤗

Hallo mini Liebe😘!

Ig fa wider ah mit regelmässige Foodblog. Dr Grund für die Pouse isch e Motivturte xsii🍰🎂. Si isch e Überraschig für e Geburi vom Gepart19, mim chlii Brüeder xsi. Ig mues de Blog zimlech stark zämäfasse, wiu das schüsch ewig würd schribe😆. Also als erschtsmau, e Motivturte isch e Turte, wo när zu mene Motiv oder aus Untergrund vo Modeliertem Züüg dient.❤ Ig ha insgesammt 20h derfür brucht.

Ig schribe öich jetzt mi Plan uf:

Am Sunnti han i aui Grundrezäpt wie Buttercréme, Böde, Ganaches, Ricecrysipemasse und Fruchtfüllig berächnet und ufgschribe.

Am Mänti han i ahgfange z Schuttidress modeliere

Am Zischti han id Turteböde bache und d Chirschimarzipanfüllig koched. Das han i aus hautbar verpackt.

Am Mittwuch han i d Ricecryspiemasse ( das isch e guet formbati Masse us Risecryspies und Marshmallows🍭) gmacht, gformt und när lah usherte.... und die helli- und Milchschoggiganache hergschteut ( e Ganache isch e Pranilefüllig, wo derzue dient Turte, dass dr Fontant nid matschig wird.

Am Donschti han i denn d Turte gfüut und mit der erschte Schicht heller Ganache überzoge, wie ou d Risecryspiemasse mit der Milchschoghiganache überzoge.

Am Friti han i namau Dekoartikle us Fondant ( Das isch e Art Chnät, aber süess und logischerwiis ässbar!!😁❤) modeliert und d Turte mit der zwöite Schicht bestriche, die dient zum Glätte, die erschti Schicht isch zum Brösmeli binde dänkt.

Nach 5h witerer Arbeit isch der schönscht Teil cho, z ferrischteue. Also... Fondant ihfärbe, uswalle und d Turte überzieh.

När han i der Schuttball ( das isch d Risecryspiemasse befeschtigt und die reschtleche Sache, wie d Fähndli, Zahl, Libli... ahkläbt

Er het sich mega drüber gfröit und es het zum Glück aune sehr guet gschmöckt😂😋😋❤.

Was mi chli het gnerft isch, dass sech 2 Blase ihgschliche hei und d Zahl isch es bitzli schräg worde... isch aber so nid guet sehbar😎🤗 und öbbis gits immer wo mi stört und besser hät chönne gah😉

Ig hoffe öich gfaut de Blog, wenn dir öbbis usfüerlecher erklärt weit ha, unbedingt i de Kommis ahspreche und frage.😍

Würd mi riesig über öichi Feedbacks fröie. Ha nech gärn! ❤

Öichi Tierfreund19❤⚓🍰

Hallo mini Liebe!❤

Es tuet mir leid, dass ig die letschti Wuche nüt blogget ha, aber mir si ide Ferie gsi u dört hets kei Internet ir Wohnig gha.

( isch voll dchön gsi, es bitzli offline zsii!)

Aber jetzt bin i wider zur verfüegig🤗. Also ... wil mir geschter ersch am spätere Abe si hei choo, hei d Läde nümme offe gha u somit ha ig ebe Baguettes bache, dass mir es Znacht hei.

Das isch mis Persönliche Lieblingsbrot, und selbergmacht sowiesoo!😍😍

D Herstellig isch extrem eifach. Ig ha Mehl, Wasser, Hefe, Salz& Zucker mir emene normale Kochlöffel churtz verüehrt, nur grob!!! Nächer han i das 2h lah ufgah.

Zum Schluss hani de megaflüssig Teig uf gaaanz vil Mähl i Portiöndli ufteilt und uf nes Lochbläch gleit und i Ofe dermit. Mir hei e 😍Steamer😍 und de han i die dört driigäh und mit Kombibetrib ( also das isch wenn de Bachofe no Wasserdampf derzuegit) für 20min bached.

Ahschliessend es bitzli lah abchüehle und scho hets es Hammerznacht geh! Das Baguette isch so eifach und gseht nach zimlech meh us als es isch und darum wirds ou magisches Baguette gnennt.

-> usse isches extrem chnuschprig und inne sehr weich!!

Bis gli u schlafed guet!😋

Herzlechi Grüess Tierfreund19❤⚓

Hallo zeme 😋❤🍉

Mit dem Blog beendi d Serie vo mire Schnupperwuche😶. Ig ha mir das es bitzli positiver vorgstellt aber ja, aso der Abschluss😂. Es isch meischtens mega cool und streng gsi.

Geschter isches haut so gsi, dass ig rächt fruschtiriert bi gsi, wiu ig ir Drogerie, wo ig bi gsi ga schnuppere praktisch nüt angers ha müesse mache, aus putze😭. Mir isches völlig bewusst und klar, dass zu jedem Bruef, egal was es bitzli putze ahgseit isch, aber nid i däm Usmas wie geschter.😑

Darum schrib ig mi Tagesablouf nur ganz churz und knapp uf:

Mi Tag het gstartet, i däm ig ha dörfe dr Parkplatz putze. När han ig dörfe Tee herstelle und der Räscht vom Morge han ig mit putze, ettiketiere und verpacke verbracht.

Am Nami isches witergange, mit Lippebalsam rüehre (2h). Nächher han ig wider alli Ablage putzt. Drufab han ig wider Shampoo abgfüllt, wie ou witeri Sache verpackt+ettiketiert. Nach dem bin ig uf d Poscht gah Päckli ablifere und hole. Zum Schluss vom Tag han ig die gsammti Drogerie, mit allne Labor, Büro usw putzt.😢

Wie meh gset het mir de Tag nid eso Spass gmacht, wil ig mir eher es bitzli bi Vorcho wie ne Magt oder e Putzchraft vo ihne. Was ou mega schad isch gsi, ig bi fasch nur mit def Lehrtochter ha verbracht. Ig bi vo de Ahgstellte chum beachtet worde und sie hend kes Wort zu mir gseit, dr wenigscht Teil het mir so richtig Hallo gseit. Ig bi yie gsi, wo sie isch gah begrpesse, es paar kenni aber bis iz noni. Am Schluss han ig wie überal es Arbeitszügnis bechoo ( aso eis für d Schuel) und das isch tatsöchkech vor Lehrtochter usgfüllt worde und sie hets nur es bizli mit em Chef beschproche, wo mi non Stop ignoriert het. Aso zeinzihe uf döm Arbeitszpgnis isch d Unterschrift vom Chef, der Räscht vor Lehrzochter, wo d Lehr vor kanpp 5 Mlnet het ahgfange.

Ig hoffe öich het de Blog trotzdäm es bitzli intdressiert und nid, dass dir iz voll deprimiert sit🤔. Öich es wunderschöns Weekend und bis bald.... machets guet und besser☺😉.

Lg Tierfreund19❤⚓