Hooi mini Liebe!❤

Es tuet mir Leid, dass ig glich scho es Momäntli nümme ha blogged. Derfür gits i dere Wuche es paar Blogs meh😊.

Also... ig ha wie scho erwähnt öbbis Französisches bache, wo zum choufe relativ tüür isch( pro Stück 1-2 Fr.) ... nähmlech Macarons😍. Das si so Mandelbödeli, wo meh gstafflet speziell mues bache u aschliessend tuet me se mit ere Buttercreme und eme beliebige Gschmack ( Himbeer, Erdbeer oder anderi Frücht... Schoggi, Zitrone usw.) fülle. Die Macarons gebe sehr viu z tüe( öbbe 7 Stung)...mit Wartezyt bache, Füllig herstelle, Macaronsteig mixe, ales fin mahle und lah tröchne. Ig ha die iz scho 2. Mal gmacht u ersch bim 2. Mal si si mir zimlech guet glunge. ( Also das si keini Risse meh hei gha und nid ,,verloffe" si, wie bim erscht Mal es paari. Ig würd mi wie immer über ne Kommentar fröie, wie dir z Ergäbnid findet...

Ig wünsche öich e schöne Abe u es liebs Grüessli, Tierfreund19❤😘

Ps. Ig ha Schoggi Macarons u Himbeer Macarons gmacht

Hallo zäme!😘

Ig hoffe öich geits aune guet!?

Ig ha churz e Frag... u zwar hani vor öbbe 2 Mönet mi ahgmeldet bi Mein Traumberuf, sit denn hani aber leider nüt meh ghört. Mini Frag isch: isch das ahcho u wenn ja ghört meh da no öbbis, oder nid? Wil wenn dranne ligt, das meh de Pruef nid darf filme, hätti au no en andere, wo mi mega interessiert😍😍!

Liebs Grüessli❤

...PS. a alli Zambomitglieder, morn chunnt e witere Foodblog über ne Französischi Spezialitet ( bi mir natürlech Süess😊)

Hallo zeme!

Wie scho versproche, fani ize ah mit Foodblogs😍. Ig bi e risige Bachfan u liebes z Backe, Modelier u Usprobiere! Die Wuche hani so gnannti Havreflarn gmacht, das si so Hafergüetzli mit es bizi Schoggi drane... eigentlech wäre di rund, chli u unde hei si Schoggi dranne. Da ig aber ,,normau" es bizi längwilig finde hani mini eigeni Kreation gmacht, ig ha so wie Haferegge mit emene Schoggispitz gmacht😍😂. Ig hoffe si gfaue nech! Iz won i Ferie ha wirdi sicher mindestens 2-3 mal am Tag bache u cha somit ou meh Föteli u Blogs poste. Ig wünsche öich e wunderschöni Wiehnachtszyt... gniessets u entspannet nech vo auem Wiehnachtsstress😅. Hanech gern! Liebs Grüessli vo Tierfreund19😘

Hoi zäme!

Es tuet mir u leid, dass ig mi scho so lang nümme ha gmäudet, aber ig ha eifach kei Zyt gha u es isch nümme meh dringläge, wäge Gymiübertritt, viiiu Teschts, Turnshow, diversi anderi Thermine und, und, und😭😢... aber iz het sech das zum Glück aues wider es bizi beruihget u iz hani ou wider meh Zyt für anderi Sache wo mir mega Fröid mache wies Zambo😍. U iz hani e Idee gha... nämlech hani dänkt, wiu igs liebe mini Lideschafte mit anderne z teile chönnt ig ja einisch ir Wuche e sognannte Foodblog z schribe, wo ig denn immer über z glungnigschte Gebäck wo ig ir Wuche ha bache eBlog derzue mache, inklusiv emene Blog.

Mini Frag a öich isch: Hättet dir ou Luscht uf so ne (Food)blog vo min beschte Gebäck vor Wuche.

Wenn dir das möchtet drücket doch ufs 😎 Emoji

Wenn dir säget mmmh eher nid de drücket uf das 😢 Emoji u wenn dir Luscht heit würd ig mi ou sehr uf ne Kommentar fröie! Ig wünsche öich e wundeeschlne Chlousetag u bis hoffentlich gli! Liebs Grüessli Tierfreund19.❤👋🏻

P.s. die Turte unde uf däm Bild hani mim Brüeder am Flugzeugfan23 uf si Geburtstag bache u gmodeliert😁... u so chönntis de öbbe usgseh nur das obe lbbis ufs bachene schribe😂

Hoi zämä

Ig ha vori grad no de Schteckbrief ( mein Hobby)gläsu i feschtgschteut, das 2 Sache vertuscht si worde( cha ou si dasis verchert ha heregschrie🙈). Chame das villicht ändere das bi Lieblingsfächer Sport,Math u Franz steit u bi Leblingstier Chatz u Pinguin. Wär cool wemes chönnt ändere, wenn nid isch ou nid so schlimm!

Merci im Vorus und sorry wenns mi Fähler isch

LG Tierfreund19😉😊

Hey liebi Zambowäut!

Was macheter grad eso?

Ig bi hüt am Morge ga Schlöfle...

Wo ig ufem Parkplatz richtig Schlöfbahn ( Schlifschuebahn)bi glofe isch hinter mir ä Maa gschtandä wo mir sooo bekannt isch vorcho🤔. Ig bi witer glofe und ha eifach nid chönne verzichte ihn z frage öb er dr Patrick Stöpper isch wo mau bi Zambo isch gsi, druf het er gseit JA und mir hei beidi glache😂😂😂. Speter denn uf der Schlöfbahn hei mir no chli zäme gwschätzet u no es Foti zämä gmacht ( gsesch unde). Es isch so cool gsi ihn wider emau z gsee nachere Ewigkeit😉.

Er het gseit ig söu ganz e liebe Gruess vo mir usrichte. Aso ganz e liebe Gruess vom Pät u mir.

Hoi liebs Zamboteam! Ig ha e Frag u zwar, wenn me sich bi mein Hobby ameudet u 2 sehr grossi, lideschaftlechi Hobby het, darfme de beides im Formular drischribe? Wiu wenn ig würt dra cho würd ig mi den entscheide, jennchdem was euch meh wunder nimmt u waa mi gad meh gluschtet. Merci fürt Antwort im Vorherus😍😃. LG Tierfreund19

Hoi zämä.

Mir isch letschts Jahr am Chönigschuechetag e panne passiert, u zwar: Mir hei zum Zmittag Pommes frites gha und ig ha öbbe 2 Stund später Chönigs chueche gmacht. Alles isch guet usecho bis z bache auso d panne. Bi üsem Bachofe mues me z Liecht aala, d Tempratur ischteue und weles Programm me wett, Pizzaptogram, Chueche, Uflouf usw. Und ig ha z Liecht aagla dr Chönigschueche inetah und vergesse dr Rescht iizschtöuä🙄. När nach 3 Stund bini die ganzi Zyt ga luege wiso de nume so langsam ufgeit u fasch nid vom Fläck chunnt mit ufgah.. bis när plötzlich mi Brüeder chunnt u seit :,,HÄ!? Wiso isch dr Bachofe nid aagla? "U när hani mi mega gnärft ds ig ds nid gmerkt ha😤 wiu de isch logischerwis nume liecht ufgangä, wiu er no warm isch gsi, vom Zmittag😂

Mini Frage a öich:

Heit dir ou scho mau sone ähndlechi Panne gha?

U schüsch ou augemein ws isch die luschtigschti, närvigschti odr müesamschti Panne gsi?

Liebe Grües Tierfreund19😍😀😂😂😂

Hooi zämä! Ig wünsche öich e mega guete Rutsch is 2019! Ig bi hüt mit mim Brüeder die meischte kenne ihn äuä scho ( flugzeugfan23)widr emau z Züri am Flughafe gsi 2 Stund uf der Terasse u när no 1,5 im Flughafä säuber. Wiä gseit chömmet aii guet im 2019 a😂💗.

Liebi Grüess Tierfteund19

Hoi zämä

Ich ha öch mau wöuä froge wiä dir dr lehrplan 21 findet.

Und was bi öich het klappet u was nid... Hiä mau 5 Sachä wo sötte anders si pus früecher...🙄

Bi üs hets 6 Lektione meh schu

Weniger Husi

Äs sött e Entlaschtig si

Weniger Teschts

U es sötte vo meh "eifachi" Sachä gäh.

u so isches würklech.🤔

Mir hei meh Schuu

Mir hei öbbe jede Tag 2 Stung husi

Äs isch e totali Belaschtig

Teschts si so wiä früecher ir Oberstufä (2-4 pro Wuchä) ...zuäsätzlech lehrä🤯

Äs git meh Eifachi sachä, abr ou meh Schwirigi

Mi würds mega wunder näh wiä dir dr nöi Lehrplan findet. Schribets doch id kommis😊.

Und wiäs bi öich so isch u wiä viu dir leret .

Liebi Grües Tierfreund19💗