Hallo zusammen🙃

Ich hoffe euch geht es gut.

Ich möchte mich ganz vielmals entschuldigen, dass ich schon so lange nicht mehr online war. Doch dafür gibt es einen Grund. Ich bin jetzt in der 3. Sek. Das heisst ich musste mich intensiv mit der Berufswahl befassen. Darum! Doch jetzt habe ich eine Lehrstelle, das heisst ich versuche wieder öfters on zu kommen.

Doch jetzt zu eigentlichen Grund von meinem Blog.

Wir müssen im 2. Semester in der Schule eine Projektarbeit machen, und ich habe noch überhaupt keine Ideen, was ich machen könnte...

Ihr denkt jetzt wahrscheinlich, wo denn das Problem liegt, ich hätte doch noch viel Zeit, doch so ist es nicht.

Das Problem ist: WIR MÜSSEN DIE ERSTE IDEE AM 18.11 ABGEBEN!!

das heisst ich muss ein bisschen Gas geben.

Doch im Moment habe ich überhaupt keine Ideen.

Darum frage ich jetzt euch, ob ihr vielleicht noch gute Ideen habt.

Ich freue mich über jede Idee!!!! (Kommi oder privat)

Danke schon im Voraus!!

LG Querflöte04🙂

PS: Ich werde bald 15. Also ist dies einer meiner letzten Blogs. Doch ich werde sicher noch einen Abschiedsblog schreiben!!!

Hallo zemme

Ich bi au wieder mol online!😏

Ich han in letschter Ziit mega vill z tue gha und bin drum nöd würkli uf Zambo gsi.

Jetzt zum eigentliche Grund vo mim Blog.

Ich bin gester amene Konzert vo Baba Shrimps gsi. Es isch mega cool gsi.

Wer vo eu kennt Baba Shrimps? Schriebed id Kommis!

Also eigentlich isch es nöd es "richtigs" Konzert gsi. Es isch Tag der Milch gsi in Winterthur. Und döt hend sie am Nomitag es Gratiskonzert geh.

Ich bin en rieese Fan vo Baba Shrimps. Es isch au mega cool gsi, will ich en Musigvortrag über sie mache. Darum han ich no selber es paar Fotos chönne mache, wo ich jetzt chan verwende!

Hend ihr no Idee für möglichi Folie für de Vortrag?

Ich han bis jetzt:

- Mitglieder

- Woher dass de Name chunnt

- Alben

- und no ihres grosse Projekt vo letscht Johr.

Schriebed doch möglichi Idee i d Kommis!

LG Querflöte04

Ps: Une hets no es Bild vo de Autogrammcharte und vo mir, mim Brüeder und Baba Shrimps.

Heii zemme

Mir im Thurgau hend hüt und morn Kanti- und FMS-Uufnahmeprüefige. Ich mach die für d FMS( Fachmittelschule mit Fachmaturität).

Hüt morge han ich Dütsch Grammatik, Uufsatz und Mathe ohni TR gha. Morn han ich no Mathe mit TR und Franz.

Hüt isch es mir glaub nöd schlecht gloffe. Ich hoffe das wird morn au so si. Hüt Morge bin ich mega nervös gsi. Het öpper vo eu Tipps gege Nervosität vor Prüefige?

Schriebed i d Kommis.

LG

Hallo Mitenand

Hüt möcht ich mol en Blog über s Zambomitglied Tivio1 schriebe.

Sie isch mega nett und me chan mit ihre über alles rede oder diskutiere.

Und wenn me mol grad kei Ziit het denn verstoht sie das.

Obwohl sie e chli jünger isch als ich verstoht sie mich eigentlich mich immer...

Ich möcht mich mi ihre bedanke für alles!!!😘😍

LG Querflöte04

Hei zemme

Ich han e Frog a eu.

Wohnt viellicht öpper im Thurgau?

Oder no besser in Frauenfeld?

Wür mich mega freue. Viellicht chunnts jo mol zu mene Treffe!🙃

En schööne Tag

LG Querflöte04

Hey zemme

Hüt gits en Jubiläumsblog.

Ich han jetzt 200 Fründe!!!

Danke a alli wo mit mir befründet sind.

Es macht mega Spass mit eu z schriebe.

Natürlich freue ich mich au wiiterhin uf neui Fründschaftsaafroge.

LG Querflöte04

Hoi zemme

Bis gester isch bi üs s Open-Air gsi. Ich bin zwor nöd dunne gsi, aber ich hans amel lustig gsi, wenn ich am Obig im Bett gläge bin han ich d Musig amel im Radio und vo dusse ghört.

Kennet ihr öpper, wo amene Open-Air gsi isch? Oder dind ihr selber gsi ,bzw. gönd ihr no?

No en schööne Sunntig

LG Querflöte04

Hey Zämme

endlich wieder e mol en Blog vo mir;)

BALD SIND SUMMERFERIE!!!!!!! No drüü Wuche Schuel...

Ich freue mich mega druf.

I de erste Wuche vo de Ferie gang ich is Summerlager vom Cevi.

Denn zwei Wuche mit de Familie i d Ferie und denn nomol e Wuche GK au vom Cevi... und denn no ei Wuche dihei.....

Was mached ihr e so i de Summerferie?

LG Querflöte04

PS: Goht öpper vo eu au is Cevi( Kreis Ostschwiiz) und macht au de GK?? Wür mich mega freue!  

Hey mitenand

Als ersts wött ich mich entschuldige, dass ich so lang nüme uf Zambo gsi  bin.

Jetzt aber zum eigentliche Grund vo mim Blog: mir hend die Wuche genau zwei Täg "normal" Schuel.

Hüt   hend mir ganz normal Schuel gha. 

Morn han ich wie ihr wohrschinlich au FREI, will Tag der Arbeit isch!

Am Mittwoch hend mir normal Schuel.

Am Dunnstig und am Friitig und die ganz nöchst Wuche bis zu de Ferie(scho wieder😂 ) hend mir e Projektwuche.

Döte chan me ei Wuche lang es bestimmts Projekt mach, wo me aber selber het chöne uuswähle.

Ich zum Biispiel chan vom Dunnstig bis am Ziistigmorge go mole mit Ölfarbe. Nochher mönd mir no imene Text üses Bild beschriebe.

Am Abschlussfest mönd denn d Eltere usefinde welle Text zu wellem Bild ghört. Mir mönd es paar Idee vo Bilder mitneh. ich han es paar aber ich weiss nöd gnau welles ich söll neh. min Favorit isch s 2. 

di andere sind zwor au sehr schön doch ich glaube sie sind e chli schwierig zum mole!

viellicht chöndihr mir jo bi de Entscheidig helfe!

No en schööne Obig!

LG Querflöte04

Hey mitenand

Tuet mir leid, dass de Blog erst jetzt chunnt.

Gester sind mir am Obig ebe mega beschäftigt gsi und so han ich kei Ziit gfunde de Blog z schriebe.

Also:

Mir sind gester am Morge und am Nomi ganz normal uf d Piste, aber am Obig sind mir noch em Znacht no in es Restaurant go Glacé esse.

Nochher hend mir üs no chli schön gmacht will mir denn no i di zum Obigprogramm ghörendi Disco hange sind. Wien ihr eu chönd vorstelle hend mir darum nöd würklich vill gschlofe...

Hüt sind mir am Morge au nomol ganz normal uf d Piste.

Noch em Mittag sind mir denn scho bald in Car iigstige zum heifahre.

Jetzt sitz ich immer no im Car und mir stönd grad im Stau bi Wallisellen.

Ich hoffe mir sind jetzt denn bald dihei.

Schöne Obig

Querflöte04

Ps: Uf em Bild bin ich die mit em blaue Helm und de blaue Sunnebrülle.