Hoi mitenand
Ich sende eu liebi Grües us em Skilager i de Lenk.
Hüt sind mir am Morge go schlittle. Es isch mega cool gsi, will mir z fierzähte gsi sind und mir denn halt au mol es " Wettrenne" gmacht...
S einte Stuck isch im Wald gsi, es isch mega steil gsi und es het grad im steilste Teil e Kurve gha...
Es isch aber glich mega lustig gsi und alli hend de
Hey mitenand
I mim erste Skilagerblog han ich jo gseit ich schriebe jede Tag en Blog.
Los gohts:
Hüt am Morge sind mir Snowboardafänger s erste mol uf d Piste.
Gester hend mir nöd chöne go, will es paar no hend möse go di gmietete Snowboards hole.
Hüt aber sind mir gsi und ich chan scho so einigermasse Kürvli fahre...
Morn chönd mir am Morge mache was mir wend. Ich gang wohrschinlich go Schlittle.
Am Nomi gönd mir nomol uf d Piste.
En schööne Obig
Querflöte04
Hey mitenand
Ich schiche eu liebi Grüess us em Kuspo i de Lenk.
Mir sind do im Skilager vo de Schuel. Hüt morge sind mir am viertel ab sechsi mit em Car abgfahre i Richtig Lenk.
Leider hets bis jetzt nume grägnet und de Schnee isch mega nass.
Spötischtens morn morge gohts uf d Piste! Jeah!!!
Ich versueche jede Tag en Blog z schriebe.
En liebe Gruess
Querflöte04
Hey mitenand
Ich han jetzt grad uf Instagram gseh,dass de Julian Thorner de neu Moderator bi Zambo isch!
Ich bin meega happy,will endlich emol en THURGAUER Zambomoderator isch und nöd nume im Hindergrund schafft!!!
Finded ihr das au so cool?
Hoi Julian
Herzlich willkomme uf Zambo!
Ich wünsche dir e gueti Ziit bi Zambo!
Liebi Grüess
Querflöte04
( Wo im gliich Schuelhuus i d Primarschuel gange isch wie du...)
Hey mitenand
Ihr froged eu sicher wieso ich um die Ziit scho uf bin...
Hüt morge sind mir ebe go Silvester Glöggle!
Das heisst mir hend üs am drüü am Morge troffe und sind denn mit üsne Glogge loszottlet go d Lüüt us dene Käffli bi üs go wecke und ihne es guets neus Johr z wünsche. Debii bechömed mir amel mega vill Süessigkeite über...
Ich bin zwor fo Glöggle han aber kei Süesses welle will das susch nume im Chaste vergammlet(schlecht wird)...
Mached ihr hüt no öppis speziells?
Mir bliebed glaub dihei...
Liebi Grüess
Querflöte04
Hoi mitenand
Endlich Ferie!
Wo s hüt am Viertel vor Zwölfi glüütet het sind mir uufgumpet als wör üs de Bode under de Füess brenne!
Jetzt han ich frei will üsi Lehrer mönd zügle will eis vo üsne Schuelhüser i de nöchste zwei Johr umbaut wird...
Während dere Ziit hend mir i ahnliche Container Schuel wies u ere Baustell het...
Ich wünsche eu ganz schöni Festtäg und en guete Rutsch is neue Johr!
Gru
Hoi mitenand
Es tuet mir so Leid, dass ich so lang nüme uf Zambo gsi bin.
Mir hend jetzt grad ziemlich vill Prüefige, won ih druf muen lerne.
Ih hoffe, dass ih bald wieder e chli meh chan uf Zambo si...
Gruess
Querflöte04
Hoi mitenand
Ich han das Buech erst grad gläse und find s mega interessant!
Wenn ihr de Klappetext wennd ha denn schriebed möglichst vill Kommis...
Gruess Querflöte04
PS: Wer kennt das Buech alles?
Gester het min Brüeder noch dem er mis Kompliment a ihn ghört het im Radio gseit: Het sie üs so gern??
Ich hans per Zuefall ghört und gseit: Jo. Obwohl ihr mich mängsmol ganz schön uf d Palme bringed...
Es het trotzdem mega guet tue ihne wieder mol es Kompliment z mache..
Liebi Grüess und Guet Nacht
Querflöte04
Hoi zäme
Wer chunt alles us em THURGAU???
Wür mich meha über e Antwort freue...
Guet Nacht
GruessQuerflöte04
