Hoi zämä!❤️❤️❤️

Ich bin eifach vil z lang nüm uf Zambo gsi😢😢!!! Ich ha leider es stressigs letzts Semester gha (Gimi, Probeziit etc.) und ich freu mi druf, wieder chli aktiver uf Zambo z werde. 🙈🌸

Mier sind weg ihm alli dihei: De Coronavirus😷. Er hetso einiges veränderet und regt üs zum nachdenke aa. Üsesganze System, üsi Art z lebe wacklet zünftig unter dereChranket. Mier Mensche denked immer mier hend alles im Griff, und prompt chunnt vo eim Tag uf de ander en munzigchline Virus und bringt alles durenand. Das isch wol d Rache für de Klimawandel...🌫

Aber alli wo na gsund sind, probiered s best drus z mache. De Unterricht zum Biispil. Hend ihr au Unterrichtslektione über Zoom, Skipe oder FaceTime? 

Ehrlich gseit wird üsi Klass grad mit Arbetsufträg und Schuelstoff nuso bombardiert😑.Aber andrersits, spart me unglaublich vil Ziit wome normalerwiis für de Schuelwegunds lerne brucht! Und plötzlich denkt me sich: Han ich vilicht mal öpis welle mache, aber nie d Ziit dezu gha? Weg de Schuel bin ich fast nüm zum lese, zeichne, Gschichte schribeund anderi kreativi Sache mache cho📚🖌🍰. Und da mier a de Wuchenende fast nüm lerne mönd hend sich mini Fründin und ich denkt, mier chönnted genau das i üsere Freiziit mache. Mier hend scho vil zeichnet und bachet und anderi cooli Sache gmacht. Und denn hemmer üs defür entschiede uf Instagram en Blog drüber z mache😳. De Account isch scho gmacht, allerdings hemmer na nüt ufeglade. Aber bald machemer üsierste Posts. Also lueged doch bald emol verbiiwen ihr au Insta hend und folged üs😋💗🙈. (https://www.instagram.com/creativeagainstbadtimes/)

Lan doch en Kommi da und verzell wies dir so gaht i dere, wies überall gnennt wird: “Spezielle Situation”

Da unde isch eini vo mine Zeichnige⬇️.

Ganzganz liebi grüessli, bliibed gsund und ich meld mi bald mol wieder🌸💗❤️✨😘🌟🌟🌟🌟🌸🌸🙈🙈🙈

ps. Bald chunnt mis Corona-Gedicht im Radio🎉😱!

Heyho! Ich han scho uu lang kei FA agnoh und au nachrichte nie Beantwortet. Das lit dra, dass me uf mim handy bi de chats ned abescrolle cha...

Ich mösst all di Nachrichte mal ufem I Pad vo mim Vater beantworte. Ich hans bis jetzt immer vorgschobe und versprich, dass i, sobald ich mal ziit han, alles beantworte wird😔!

Hellöö🌟!!

Mier hend alli grad ziemlich vil um d Ohre, wil mier stecked grad zmitzt i de Vorbereitige für e grossi Ballettuffüehrig wo scho das Wuchenend isch👯‍♀️! Mini Grossmueter het nämlich e Ballettschuel👯‍♀️. Mier hend alli über Monate hinweg (fascht es Johr) güebt. Im grosse Stadttheater findet sie statt, wos fascht tuusig lüt het, wo zuelueged!🏛.

Alles mues Perfekt sii, d Tanzschritt vo allne 140 Schüelerinne und Schüeler mönd sitze! Ich han im März mal über en Tanzwettbewerb Blogged🌟. Dete hets zwar au vil Lüüt gha, aber das isch eifach nomol öpis komplett anders für mini Schwöster und mich🤩!! S isch es richtigs Theater, wo me sich halt elegant aaleit zum e Vorstellig go luege😂und mier hend u schöni Kostüm. Ich bi mega uftrüdelet, weil morn isch die ersti Bühneprob😱! Vor Vier Jahr hemmer s letzte Mal en Uftritt gha. Vom Babyballett bis zu de ganz grosse wo uu guet sind, hets alles! Ich mach unbedingt na en Blog wenns denn verbii isch🌟🤩💐! Mier hend übrigens e ganzi Summerferiewuche fürs üebe müsse opfere. Das wird es rieseding und ich bi mega nervös😳!

Hesch au mal en Uftritt gha? 

Hesch bald eine? 

Da na es paar Tipps gege Lampefieber (Ui, ich glaub die channi selber guet bruuche😝)

•Guet schnuufe, wenn d atmig unregelmässig gaht, isch me umso unkonzentrierter.

•Am Abig devor alles duregah im Gedächtnis

•S Lampefieber zuelah und ned bekämpfe, s isch Okay wemmer Lampefieber het. 

•Wennte öper im Publikum kennsch, hilft das Oft. Wenn zum Biispil dini Eltere im Publikum hocked, git eim das Selbstvertraue

Und ganz wichtig...

...gnüss DIN Moment! Er ghöht dir! Ehe me sichs versieht isch er scho wieder verbi!

Ich meld mi!🥰

🌟🔥❤️🌟🔥❤️🌟🔥❤️🌟

Hoihoi, scho lang nüm gseh😉!

Das eim im Summer langwilig wird isch dopplet so eintönig wie suscht, find ich😦🤔. Damit das ganz sicher nüm passiert han ich e Lischte für dich gstaltet, damit au ja kein Summermoment verloregaht☀️🍉🏖! Vor eme halbe Jahr han ich e Winterliste ufeglade. Vilicht magsch dich ja no dra Erinnere💭🔥. Du findsch die Liste uf mim Profil, bi mine früenerige Blogs🧐📜.

Diesmol han ich aber statt 24 Aktivitäte nume füf ufglistet🌸. Bi 10 ➡️😎 ⬅️ sottige Smileys gits en wiitere Teil🤗🥳.

Ich hoff, die Tipps helfed eu🍉🥥🏝!

LuthienTinuviel12🌟❤️

Sali zäme🙈!

Wer het scho alles vom Frauestreik ghört? De isch de Friitig, und ich hoffe, ich chan au goh.

Es paar anderi Meitlis und ich mached sogar e Schüelerziitig dezue 📰!

Mir hend zum biispil Schüeler Interwievt und üs iri Meinige aaglost.

Sehr viil sind defür, dass me Streikt.

D Fraue streiked a dem Tag für Gliichberechtigung 👩 = 👨!

Das heisst z.b. dass es gliichi Löhn git für maa und frau - s isch ned a allne arbetsplätz so oder me streikt defür dass me Fraue ned eifach als Objekt betrachtet.

Au wird viil z fest am Klischee vo de Brüef ghanget.

Sogenannti „Fraueprüef“ wäred denn, zum es paar bispil z nenne Chrankeschwöster ( s git ja kein „Chrankebrüeder“ ), Huusfrau, Chindergärtnerin etc.

Brüef wo Lüt oft säged sie wäred nur für Männer sind eso Sache wie Handwerker, Polizist oder Bauarbeiter - oft Körperlichi Arbet.

Was seisch du dezue?

🌸💪🌸💪🌸💪🌸💪🌸💪🌸

...Und zwar: Wer gaht gern in Handarbeits-Unterricht🤔?

Ich persönlich mach alles wo mit Kreativität ztue het gern. Leider han ich immer echli lang a mine Projekt, aber am Schluss, wenn es fertigs Produkt vor dir staht, freut me sich sehr drüber🤗. Im letzte Semester hend mir en Pulli selber gstalte und Neie dörfe🧵🧶!

Ich han en rosarote Stoff mit graue Sterne druf uusgwählt, und als chlises Extra a d Kapuze no zwei Chatzenöhrli Gneihet🐱😋.

Ganz am Afang hend mier sogar en Mini-Pulli in Puppegrössi gmacht, als Entwurf sozusäge.

Was mached ihr so i de Handzgi?

Und findeders lässig🧶🧵?

🌟Das isch min Pulli🌟

⬇️

Hoihoi, da meld ich mich wiedermol👋❤️!

S Thema isch ja grad, vo wo du chunsch.

Ich chume zur Helfti us de Schwiz🇨🇭🧀 und zur andere Helfti bin ich Tscherkessin. Hesch no nie devo ghört?- Da bisch nöd die/de einzig!

D Tscherkesse hend nämlich gar kes eigets Land🏞.

Sie sind es Riitervolk i de Kaukasische Berge gsi🐎🗡 und hend iri eigeti Kultur. Sie hend döt über hunderti vo Jahre glebt, bis irgendwenn en Russische Zar (=König) cho isch und das Gebiet het welle Erobere.

D Tscherkesse (drunter au mini Vorfahre) hend müesse flüchte. Mini Verwande sind id Türkei gflüchtet 🇹🇷 und mini Grosseltere sind irgendwenn id Schwiz cho.

Die Tscherkessischi Flagge isch grüen mit drü Gelbe Pfil druf und 12 Sterne ⭐️.

So, das wärs gsi!

Mängisch no luschtig wenn dich öppert nach dim Land frogt und du so: „Ääh ehrlich gseit😆...“

Hoihoi🔥❤️!

Wer schenkt sim Mami hüt epis🤗?

Mini Schwöster und Ich hend grad de Tisch schön deckt, zum Muetertag💕.

Ich schenk ihre usserdem na es Buech mit vilne Rezepte dinne🥗.

Die sind alli ohni Zucker, Weize und Chohlehydrat😮😆.

Mini Mueter isst nämlich gern so.

Es chärtli hani au no gschribe📝.

Ich fins wichtig, dass es im Johr au so en Tag git, wo me d Müetere beschenkt.

Wer schenkt sinere Mueter au epis?

Falls ja, schribed doch en Kommi was☺️🙈.

Glg LuthienTinuviel12 ❤️🔥

Hoi zäme!

Bi eus het d Schuel wieder aagfange. Bi dir?

Es letzte Weekend hani no gnosse und mier sind ane chliini Chilbi gange🎡. Es het jetzt kei grossi Achterbahne oder so geh aber defür e cooli Schiffsschaukle, wo dicch meterhoch in Himmel schwingt und mehreri lässigi Pöste🎢🎠. Ich han mier es bunts Strähnli gfärbt😁.

Hoi zäme🕵️‍♀️💡!

Ich han grad de Artikel zu de Detektivtipps gseh und ich han do no e wiiteri Idee für dich: Verschlüssle dini Botschafte mitere Gheimschrift (Gheimschrift wird au Kryptographie gnennt - ganz schön Kompliziert😑🙄)🔎!

Die bekanntischti Gheimschrift isch wahrschinlich die: es A isch es 1, es B isch es 2 und so wiiter.

Darum schlon ich vor, ihr erfinded eui eigeti Gheimschrift🙃😇🕵️‍♀️👍!

Do no es Rätsel😏:

26 1 13 2 15 9 3 8 3 15 15 12!

❤️LuthienTinuviel12❤️