Heyy

Am Mentig ga ich is Skilager in Schönried. 😜

Ehrlechgsit hani nid mega Luscht aber es wird cool!👍😊

Leider dörfe mir s Handy nid und allgemein kei Internet dört ha🤷‍♀️

Darum chani o ei Wuche nümm uf Zambo!!😅

Ich hett trotzdem freud wenn dir mir es paar Chats schicked und wirde die am Samschtig beantworte😊💭

Also Tschüüs, bis am Samschtig😜

Heyy

Vor öppe eire Wuche isch zu mir id Klass e Polizischtin (Frau Ritter) cho!🎉

Es isch echli um s Hauptthema neui Medie gange.💭

Am Afang het si sich vorgstellt und au scho vil züg verzellt. 😜

Chlises Spiel zum mitrate;⤵️

Denn hei mir ar Liinwand vorne so Bispil gha wie zum Bispiel; "Wenn Hanna zu Fritz den A........finger zeigt, ist das strafbar?" Denn hei mir alli chli müesse rate ob das strafbar isch oder nid. Am Schluss denn isch d uflösig cho und zwar isch das Strafbar aber glaub nid immer (Ehreverletzungsgesetz)😉

Öppis anders isch gsi "Wenn Klara ein Foto vom Eiffelturm auf Insta postet und Leute darauf sind, welche sie nicht gefragt hat ob sie es posten darf, ist das Strafbar?" ..... Das isch nid Strafbar da das Bild uf e Eiffelturm bezoge isch und me fasch nid schafft bim Eiffelturm kei anderi Person druff z ha.😉

No es dritts Bispil; "Wenn Lars ein Bild von Lia macht, ohne sie zu fragen, ist das Strafbar?".....Ja isch es (weis grad nümm wie ds Gsetz heisst)😅

Ds letste Bispil; "Luisa veröffentlicht ein Bild welches sie im Internet gefunden hat auf Instagram, ist das Strafbar?" Wenn me d Quelle (d Website oder der Ort) wo me das Bild her het, nid derzue schribt isches uf jede fall Strafbar wegem Urerheberrecht. Wenn me d Quelle hereschribt isch me schomal uf der sichere Siite. Quelle mues me au hie uf Zambo derzuetue😉

Nach dem het d Frau Ritter üs no es paar Fäll wo si erläbt het verzellt und nomeh über d Gsetz.😊

Si het au süsch no vil wegem schriibe mit lüt uf Insta erklärt (das me schnell mal mit "gfährliche" Lüt schriibt)

Öppis wo auno isch wo au uf Zambo "gfährlech" isch; wenn ir Bilder Postet vo euch im ne Blog chöi die alli Lüt aluege und Screen mache! Wenn euch die Bilder speter mal pinlech si chöit ders nümm rückfängig mache! Erwachsenespruch; S Intetnet vergisst nie💭

Übrigens hani au no glernt das me Scho ab 10ni Strafbar gmacht cha werde (vili vo euch si wahrschinlich über 10ni)😝

Ich ha garnid gwüsst das ich au scho Strafbar cha gmacht werde!! (Häbed jetz kei angscht is Gfengnis oder so richtig herti Strafe bechunt me ersch ab 18ni) Trotzdem isch es wichtig z wüsse!!

Falls de Blog irgend e Polizist list oder so; es tuet mir leid falls ich irgendwelchi falschi Informatione drinne ha, ich ha jetz eifach mal das gschribe woni dört glernt ha😁

D Frau Ritter het üs das au no chli mit hertere und Kompliziertere Usdrück erklärt aber ich ha probiert das so z Formuliere das alli druschömed😂

Das si übrigens die 3 Spannendste Schuellektione vo mim Läbe gsi!😊

Frage nach dem lenge Blog a euch;

Passet dir im Internet guet uf?

Isch de Blog irgendwie lehrrich gsi? (Ha meh als e Stund gschribe)

Wenn dir no Frage zu dem Thema heit schribet mir Privat (ch nid alles beantworte)😂

Lg Lena😊

Heyy😜

Sorry dasi scho lengers ke Blog me ha gschribe😂

Am Fritig het mini Mam mi gfragt obi am Samstig möcht es 3 Gang Menu sälber choche😊 Ich choche eigentlech nid würklech vil (aber Bache) und ha denn eifach mal gseit dasis mache😂

Am Fritig Abe hani när s Menu planet und e Ichoufslischte gschribe. Am Damstig Morge bini is Shoppyland Schönbüehl gange und ha dört alles kauft😎

Denn hani agfange d Vorspiis mache ( E Suppe) das isch nid würklech schwirig gsi und aui heis sehr fein gfunde😍

Als 2. Hani der Hauptgang gmacht ( panierti Plätzli mit Teigware und Rüebli)

Das isch scho schwiriger gsi wöui zersch ha müesse z Fleisch paniere und irgendwie glichzitig d Rüebli schäle und d Teigware la Choche😂 Am Schluss isches aber mega fein gsi😍😂

Und zum Dessert hani Brownies gmacht mit Puderzucker obedruf😜

Es isch e mega cooli Erfahrig gsi für mi einisch sälber z Choche😊

heit dir das o scho gmacht?😜

Heyy🎉

Das hie isch mi letscht Blog i däm Jahr (2018)😂

Das Jahr isch für mi sehr viufältig, lehrrich und mängisch leider nid so schön gsi, aber nächär si immer wider schöni Momäntä cho😊

Jetz grad geits no 9 Stung und 35 Minute bis ds Jahr 2019 afaht. Ig bi sehr gspannd druf, was i däm nöie Jahr aues so passiert (Schuel, Fründe, Familie, Zambo....) 😜

Ich nime mir extra nüt vor fürs neue Jahr wöui gloube dases de eifach so chunnt wies de chunnt😂

Eigentlech isches ja nur e Zahl wo sech änderet aber jedes nöie Jahr isch irgendwie oh e chline nöiafang😊

Am 5i chöme üsi Nachbare & guete Kollege zu üs und mir ässe Pizza und mache Party🎉

Ig ha das jahr übrigens oh mega viu nöii Erläbniss mit Zambo (vili Telefongspräch fürs Radio, e super Anna erfüllt Wünsche Sändig, der Kinderreporterkurs, einisch live mit der Joy (kollegin) inere Zambosändig und gaanz viu nöii Kolege und Koleginne lere kenne, DANKE💗

Wie lang geits no bis s neue Jahr isch wenn dir de Blog läset?😊

Was isch e coole Zambomonänt gsi?😜

Mit wem Fiiret der?✨

Heiter Füürwerk?🎉

Heyy

Geschter bini uf Grindelwald ga Skifahre (Firscht Site).❄

I ga dört jedes Jahr im Februar here und kenne d Pistene mittlerwile rächt guet😜

Am Samschtig si d Lifte aber ersch ufgange, drum si no nid aui Piste offe gsi.

Der Papa und ig si när haut glich über die Piste (wo äbe eigentlech keni wärä) gfahre düre Töifschnee😂 Das isch rächt asträngend gsi😜 Mir si aber nid ganz die einzige gsi wöu angeri lüt äuä die glichi Idee hei gha😂 Es isch aber mega luschtig und schön gsi wöu d Sunne no het gschiint😍

Zum ässe hani e warmi Schoggi, e Coupe und es Sghnitzel mit pommes gha😍😂

Fahret dir Snowboard oder Ski?

Wo göt dir ga Ski/Snowboard fahre?

Heyy😜

Ich wünsche euch e wunderschone Heiligabe!😊

Hoffentlech heit der es schöns Fest & viu Gschänkli wenn dir fiiret!🎉

Lg Lena😊

Hoii

Ich luege i öppe eire Stund wer d Poschtchartene gwunne het, letschi Chance zum mitmache😂

Heyy😜

I ha ja geschter e 500 Zambofründe Blog mit Verlosig gschribe und i ha dänkt i schribe nomau e Erinnerig!😂

Und zwar schickeni 2 vo dene wo mitgmacht hei e Poschtchate wo dir chöit wähle was vorne druf sött sii😊😜

Derfür müesst der eifach irgend e Kommentar schribe (auso bi däm Blog hie oder däm vo geschter) 😂

I schribe denn im Chat oder imne Blog wer gwunne het!😜

Heyy😜

Danke viu viu mau für 500 Zambofründe😍

Das isch irgendwie e mega grossi Zahl für mi (ömu uf Zambo) und ig gloubes säuber nid ganz😊

Ich bi mindeschtens einisch am Tag online und ha würklech IMMER neui Nachrichte druf, mängisch sis nur weni und mängisch o so 20 oder meh aber öii Chats si extrem nätt und ja.💬😍

Ig ha so viu nätti Lüt uf Zambo lehre kenne!!!😊

Mit paarne vo euch hani jetz o Privat Kontakt und öii Nachrichte...😭💗 Eifach so extrem härzig & nätt!😘

Ahfangs jahr hani grad 400 Fünde gha und jetz scho 500?!😊

Jetz hani no es ganz chlises Gschänk für euch und zwar isch das so e chlini Verlosig: ich verlose 2 Poschtcharte wo dir chöit wähle was vore druf isch (ich mache die denn mit sore App)😂

Schribet derfür eifach irgend e Kommentar!😊

Dir sit aui perf' und mega cool!!😜

Unge si eifach no so Nachrichte&e Blog woni mega freud dran ha😍

1;love05💗

2;miss-annaluna💗

3;claugirl💗

4; Warriorcat💗

Schicket ihne e FA!!!👍

Lg Lenas13😊😂🎉

heyy😜

Hie der nächscht Blog!😂

Er isch fürd Springpferdli;

Es isch würklech mega spannend und cool mit dir z chatte!!!

Du bisch so nätt und lieb💗

Ich wünsche dir no e schöni Zit in Spanie und e schöni Adventszit und Dezember!!!✨🎉❄

Schicked ihre e FA!!😊

Füre Blog vo morn schicked mir das 😉 Emoij im Privatchat!