Hey😊

Ich ha ja gester e Blog gschribe (wo der erscht teil vo ere Verlosig isch).

Es het aber glaub no niemer mitgmacht wel de Blog echli isch drunger cho.😂

Ich ha mir irgendwie müeh geh bim schribe und würd mi mega freue wenn der no würdet ga läse!!!😍

Klicket eifach obe uf mi name und denn uf Blogs (es isch grad der erscht)😊

Heyy😜

I mim letschte Blog hani ja gseit dasi app und zue jetz e Sänger vorstelle.😊

Hie der erscht;

Name: Mark Forster (Marek Ćwiertnia)😜

Musik: Deutsche Popmusik🎤

Nationalität; Deutschland/Polen 🇵🇱

Alben; Tape, Liebe, Karton, Bauch & Kopf😍

Alter: 35 Jahre😜

Erfolgreichstes Lied: Au Revoir💥

Mini Meinig:

Ich ha ihn absichtlech als erschts gno welli meega Fan vo ihm bi, er isch mir vor Person mega symphatisch und sini Musig isch Perfekt😍😍

Zu mim letschte Geburtstag hani Tickets fürs Konzert becho und ich freue mi meega fest😍😍

Es isch am 5. April z Zürii😊

Rätsel+Verlosig für euch;😜

Bi jedem vo dene Blogs chöit dir rate:

Weles isch mis Lieblingslied vo ihm??

Tipps;

•Es isch vom neue Album LIEBE

•Es het zersh e 3 Stelligi Zahl und denn es Wort mit 6 Buechstabe

•Es het ufgrundet um die 400.000 Views uf YouTube😊

Wenn dir mir die richtigi lösig schribet (egal ob Privat oder i de Kommis) gibe i euch ei Punkt und wer am Endi vo dene öppe 10 Blogs am meischte Pünkt het gwinnt denn e Poschtkarte vo mir👍🏻😊

Heyy zämee😊

Ich ha so eh Idee gha und zwar mache ich ab jetz app und zue (öppe 2-3 Mal ir Wuche wahrschinlech) e Blog mit eme Sänger wo ich wie Vorstelle.✨

Am Schluss chunnt denn immer d Frag weles mis Lieblingslied vo dem Sänger isch mit eme Tipp (also z.B us welem Album oder so) und denn chöit der rate.

Wenns richtig isch gits immer 1 Punkt und die werde denn zämezehlt.🎉

Wer am schluss vo dene Sängervorstellige am meischte Pünkt het, dem schickeni e Poschtcharte (nur wenn die Person das denn möcht😂)

Wüsseter wieni meine?😂😂

Ich fah denn wahrschinlech morn ah.

Heyy😊

Ich bi grad mit minere Schwester uf Zambo!!👍🏻

Ich erkläre no chli und hilfe ihre bim läse vo de Dialekte😂

Si het gli Hundert Fründe und würd sech sicher mega über e FA und e Nachricht freue!!!😊

Si heisst Enyamale💗

Heyy

Ich ha nur schnell wölle merci säge für 555 Fründe😍

Es isch riichtig schön mit so vilne vo euch chönne Kontakt ha😊

Mercii!!!!😍💥

Heyy😜

Ich bi grad am Entwürf schriibe für e Schribwettbewerb (ich weis no nid ob öppis drus wird)!😊

Es steit ja, dass mindestens 3 Zambomitglieder derbi sötte sii, ich ha jetz 3, hett aber mega gern no öpper 4ts!!😂

Ebe ich cha no nid verspreche dases öppis wird aber wenn dir gern die 4. Person ir Gschicht wettet sii, schribet eif' e Kommentar und ich wähle de öpper us😜

Heyy

Ich bi jetz sit ere Wuche in Grindelwald und ga morn wider hei😉

Mir hei unglaublich schöns Wätter und d Stimmig isch au meega schön😍

Am Mentig geit d Schuel leider wider los😂

Siter au i de Skiferie, wenn ja, wo?

Wenn ni, was macheter so?

Heyy

Mich het 2 mal öpper vom Zambo wöue aalüte😅

Ich bi i de Skifehrie und ha s Handy ni chönne abneh😂

Jetz bini Deheim😊👍

Heyy

Ich ha grad der Bricht gläse vom Kerzeexperiment. 🕯

Mir hei das Thema gead im RZG und si sit paar wuche drann usezfinde was bir Cherze brönnt.😉

Mir hei no chli meh experimänt gmacht als die wo im Bricht stöh, aber meh oder weniger z gliche😂

Es isch mega spannend für mi de Bricht z läse wöu ig grad cha vergliche.👍🏻

S Fazit isch bi üs denn am Schluss z gliche worde!😂😊

Der Docht isch wie der Ahzünder und der Wachsdampf isch denn das wo Brönnt😜

Ich ha denn nach de Ferie no e Tescht über das und mir hei üs das au alles ufgschribe und so aber es isch trotzdem praktisch zum lerne!!🍀

Mega cool das mir grad genau s gliche ir Schuel hei gha😂😂😂

Hoii😜

Ich bi vor 3 Stund vom Skilager heicho und es isch würklech mega cool gsi!!😊

Mir heis aui meega cool gha mit Kolege u so und s fahre isch o super gsii👍😊

Am Abe hei mir richtig Party gha und echliii..... weni gschlafe🤣🤣

Das s Handy ni isch derbii gsi isch nid schlimm gsi aber i hätt haut gärn Fotis gmacht!!!🤷‍♀️😂

Jetz chani euch oh wider schribe💭

Hie e chlini Wucheübersicht;

Mentig:

Mitem Car uf Schönried fahre, is Lagerhus ga sache uspace, mittagesse (lasagne), Skiifahre, dusche, umzie, Znachtässe, Stadt Land Fluss, Disco, Töggele, is Bett ga rede, laaang is Bett ga rede, Schlafe😂

Zischtig:

Ufstah, Zmorge, Skifahre, Lunch esse, Skifahre, zrüglaufe, dusche, umzieh, Znachtässe, use ga der Lehrer Wäsche und i Schnee, Disco, Töggele, laang rede, schlafe⛷

Mittwuch:

Zmorge, Skifahre, Umflüge, Lunch ässe ,Skifahre, Dusche, am Abe Arschlöcherle (ha d Jasscharte glert), Disco, Töggele, rede, schlafe⛺

Donnschtig:

Morge s gliche wie immer, mittagesse, mit ere angere (coolere) Skigruppe ga fahre, dusche, ässe, meega längi Disco (sone luschtige Chüssi-Lawinetanz😅) und nächer si mer öppe no bis am 01:00-02:00 rede u soo😂 Es isch üses letschte skilager!🤷‍♀️

Fritig: Ufstah, Packe, Zmorge ässe, Skifahre, e heissi Schoggi und Pommes (wo Joy het spändiert) Skifahre, direkt i Car, hei🚌

Ich bi am Mittwoch no umgfloge und ha jetz z Handgänk Taped🤷‍♀️😂

Es isch mis letschte Skilager gsi auso drumm hei mir geschter (donnschti) so lang gmacht😂😊

Heiter oh Skilager ?

Isch de Blog einigermasse spannend gsi?

Merci faus der aus heit gläse💭

No e chlini Frag;

Und zwar hani vorem Lager no unbeantworteti Chats gha (wo no e rote Kreis isch gsi) aber di si niene meh, emm...😂