Baud isch mi 15te Geburtstag 🥳🙁
das heisst denn: tschüss Zambo🥺
i bi so dankbar für die Jahre uf Zambo, würklich! Dir merked villicht, I bi langsam z‘alt für Zambo, mi letschde Blog isch gloub es halbs Jahr här😅
i ha i dene fast 5 Jahr so villes erlebt, I cha nid alles da ufliste, aber muss Highlight isch sicher s treffe mit em Bligg gsi😎 ächt korräkte typ 😊
ja denn - das isch leider mi letste Blog gsi😞
A beautiful farewell 😞❤️
euche Jo06❤️
Hey zämme
I lose grad das lied School's Out vom Alice Cooper, und es hedt mi a zambo erinnert. Wär cha sich no dra erinnere wo "Poison", ou vom Alice Cooper, i de Zambo Charts isch gsi? Isch irgendwie vou cool gsi😂
Brings back memories😕
Euche Jo06
Hoi zämme
i ha grad uf dr website u uf dr Podcast App gluegt, aber I finde d Radiosendung vom 12 September nid. Weiss öpper wo me die cha nachelose?
wäri froh über antworte
Liebi Grüess
Jo06
Heyhey zämme😊
i ha hüt die neui folg vom Zambo Podcast gloset (das mit dr chueh) und ha nes richtig traurig gefunden 😕 Aber so isch z läbe...
Hüt abe ha ni zum erschde mal sit langem wider Fleisch gässe (I bi Vegetarier gsi) und es isch irgendwie schwer gsi😅
grad ha ni für e Zambo Top Song abgestimmt (wenn chunnt dä eigentlich?) U ha ne bitz piinliche fähler gfunde (BILD unge)
No ne schöne abe
LG
Euche Jo06
Hey zämme☺️
Wie geit's euch?
I bi grad am Zambo lose u ha ghört dass es nüm "Srf Zambo" sondern "Srf Kids" heisst. Irgendwie gwönigsbedürftig das neue Design...
Aber i bi mr sicher dass z'neue Zambo o super wird😆
I wünsche nech no ne schöne abig
Liebi grüess
Euche Jo06
hey zämme
"truurigi" nachricht für mi: mues hüt wider id schuu😐 mir z'basel hei aus ersti ferieafang u -schluss. Aber i bi nid mau so unglücklich, denn i de ferie isch mr oft langwiilig gsi. Mir hei jitz noii lehrer und d'klass wird ou es bitz gmischt. Hüt wärde mr wohl nüt anders aus organisatorisches mache.
Wünsche dene wo no ferie hei, no schöni letschdi täg, dene wo wider schuu hei, hoffe es wird nid z'schlimm😅
LG
Euche Jo06
I ha grad uf dr charte gluegt u we's mi nid tüscht si mir fertig, oder?
@GAA2005 hedt dr Mont-Tendre z'gänf bestige auso hei aui 26 kantön eine.
JUHU!!!! Ziel erreicht😝🤙
Hey zämme
i bi hüt früe ufgstange zum mit mine Eltern Uf d Jungfrau z‘fahre - am füüf vor sächsi hetti I müesse ufstah aber mi Vater hedt mi denn am 5:43 geweckt.
När hei mit es Taxi zum Bahnhof gno u uf Spiez gefahren. Vo dert us mit emene bähnli uf Interlaken wo mir denn eis uf Luterbrunnen. När si Mr (nach langem aastiige) I z LETSCHDE😅
i bi no sehr müed gsi denn I ha weder e Kaffee no es Coki gha. Denn ha ni aber e Espresso uf em höchste Bahnhof vo Europa (Jungfrau) übercho. Denach isch es mr besser gange u mir si los.Über e Jungfrau Firn si mr zur Mönchsjoch Hütte gloffe. Dert hette mr z‘mitag gässe aber es hedt z‘vüu lüüt gha. Drum si mr wider abe u vor em ässe uf e Aussichtsplattform gange wo me die Bärner Alpen hedt chönne gseh. Huere cool👌Mi Vater hedt no e Tour vorgeschlagen wo mir im Winter chöi mache. Me weiss ja wäge Corona noni wi d‘Wintersaison usgseht. Dir gsehd’s uf em letschde büud.
Denach hei im Bahnhofgebäude gässe. I ha ne täller chässpätzli gha😋
De si mr abe (dr gliichi wäg) u grad sitze ni uf em Zug vo Spiez uf Basel. Mir chömme am 19:30 öppe aa😒 Länge tag
Heid dir o so öppis hüt gmacht?
liebi grüess,
Euche Jo06
Hey zämme
wie versprochen chunnt hie dr Blog über d Adler Wanderung. I cha numme säge: es isch unbeschreiblich schön gsi u dr Guide hedt super erklärt.
Mir si mit ere 27-jährige Adlerdame namens Aslun (oder so😅) gah wandere.
Die uf em erschde Foto isch jedoch e anderi; d muetter. I ha se geschder a dr Greifvogelschau gfötelet wüu mine Kamera Auflösung nid eso Guet isch.
Uf em zwoite büud gseht meh bekannte Alpe Tier.
U uf de letschde fotene gseht me die Adlerdame wo hüt effektiv mit üs isch geflogen. Mir si gloffe u ab und zue hedt dr Guide öppis erklärt.
Aber, wie gseit si mini Fotos nid guet worde u wär no me wot ha cha mi privat aaschriibe.
Euch no ne wunderschöne Tag😁
LG
Euche Jo06
Uela (dismau nüm us Andermatt 🙃)
i bi mit mire mueter z Malbun im Fürstentum Liechtenstein. Üses Hotel heisst Gorfion, u es isch möglich das öpper vo euch es kennt, denn es isch es Familienhotel.
I bi imeme Kinder Club für „Kids über 8“ wo Lawena heisst u mir si scho gah Schweden Schach spiele, Cocktails (dänk alkoholfrei😂) Mixe u hüt hei mr tanzt.
O hüt, am Morgen, bi ni mit mire Mutter mit emene Seilbähnli e Bärg duruf gefahren u denn si mr mit söttigne Mountain -Trottinett abedüset. Isch ächt lustig gsi 😊
Am fritiig wei mir uf e Adler Wanderung gah (hoffe i schreibe ni ne Blog drüber😅) u am Samstag geiz wider abe.
No ne schöne abig
Euche Jo06
