Uela zämme (Uela, säge si, isch dr Andermatter gruess, aber wär Zambo kennt, weiss das de Gabriel das oft seit😂🧐)

i bi I de letschde täg uf es paarne gipfle (oder wie nennt me das?) gsi u ha se euch wäge dr Gipfel Challenge wöue zeige.

-uf em erschde gsehd dr mi uf em Oberalp vor em Passschild und em Lüüchtturm. Es bitz weiter hinge faat d Lai da Tuma wanderig aa, denach chunnt Sedrun.

-uf em zwoite bi ni uf em Maighels Pass uf dr Grenze zwüsche Uri u Bündnerland z‘gseh. Die Tour isch eigentlich fast meh wandere/chlättere aus Velo fahre gsi

-die letzte zwee zeige mi uf em Furkapass. Das isch geschder gsi und mir hei ≈900-100 Höhenmeter gmacht😳😊

Sid dir o i de bärge Im moment, wäge Corona und so?

wünsche euch no ne schöne Tag

LG

Euche Jo06

Ciao zämme

i bi geschder mit mim Vater uf ere Tour gsi. Mir si uf e bärg ir Schöllene gefahren u ni ha die büuder mit euch wöue teile:

-1 d Schlucht vo wiiter im Tal. Dert hab i würklich müesse Kämpfe, wüu es so steil isch gsi. Bi aber froh dass Mi Vater mi hedt wiiterzwunge.😅

-2 z‘Dorf Andermatt vo obe😳

-3 bi Mr nüm sicher aber I gloube das isch Hospental 😂😬

-4 die Route wo Mr zersch namau ueche Und denn uf Realp Abe gefahren wäre. Dir gsehd dr wäg villich. Jedoch si mir us dere Perspektive us links abe direkt uf Andermatt. Dr Schluss Teil isch richtig schön gsi, obwohl chüeh dr wäg hei versperrt u es am Anfang sehr ruppig isch gsi🐮😐

-5 Üses Profil. Mir si 823 Höhenmeter (das isch sau vüu😆) uf numme 15km Gefahren. I stuune säuber🤓

dir merket, es isch es cools Erlebnis wo ni cha empfehle, aber numme für die wo sich a d höchi si gewöhnt - süsch cha euch schlächt wärde😕

i Wünsche euch no ne schöne tag😄

Euche Jo06

Hey zämme!

i bi hüt mit mim Vater uf eure Tour uf e Rhone Gletscher Gange. Mit Seil, stiigise u gstältli 🙈 uf em erschde büud gsehd dr‘s

z zwoite Foto isch vo mim Vater u mir in Mittagspause (i bi froh drüber gsi, denn es isch sehr asträngend gsi😅🤓

z dritte gseht gefährlicher us aus es isch... es isch vo mir i mene Gletscher Spalt. Es gidt übrigens A und V Spalte. A Spalte si söttigi wo unge breiter wärde, V Spalte z‘gägeteil. Me wot höchstens ine A Spalte gheie, denn die andere chlemme di i😰 I bi jedoch fast nüm use cho, mini stiigise si immer abgrütscht 😅

uf em nächste gseht me es truuriges Panorama: dr Gletscher isch i de letschde Jahr massiv zrügg Gange😳 hinge rechts wäri er früecher no gsi🥺 depressiv, i weiss😐

u zum nid mit dere Nachricht ufzhöre, bi ni im letschde foti z‘gseh😊

Wanderet dir o VÜU? Wi ni?

Liebi Grüess

Euche Jo06

Hey zämme

mis Gotti hedt mir zu Wiehnachte e guetschii für e privat füerhig bi de Raubkatzen im Züri Zoo gschänkt u hüt si mir das gah mache😊

gstartet si mr bim loiehuus, wo üs d Wärterin hedt abghout u hinger d Kulisse hedt Bracht (wo numme Personal ine darf. Si hedt üs dür e Gang mit süesse Löwe büudli geführt.

denach si mr zu de wöuf denn die wärde vo de gliiche lüüt betreut. Es hedt ziemlich gestunken. Si si wi d schneeleoparde (nächschde poste) sehr schüüch u mir hei se numme vo witem gseh. Mir hei bi de parder aber immerhin es männli guet gseh.

Denn isch z‘absolute Highlight zum Schluss cho: d frou hedt üs zum Tiger gheg i ne separate Teil geführt u dert hedt si d Tiger frou namens Irina zersch mau müesse rüefe. Si isch schlussendlich vo de goodies gelockt worde wo d‘wärterin debi hedt gho. D‘Irina isch denn cho u ...

I HA SE DÜRFE FÜETERE!!!!!🤩

Si hedt sicher Hunger gha, denn si isch ganz geduldig gsi. Ungefähr zäh Häppchen Fleisch hedt si gässe. (Si isch ganz e liebi gsi🥰)

am Schluss ha ni müesse „und fertig“ säge demit si weiss das fertig isch.

dä Tag isch so cool gsi😊

grüess

euche Jo06

tschau zämme!

i lose grad Zambo u dert isch ja grad d‘Anastasia gloffe, aber I ha gmeint si wäri scho 15ni gsi? Si isch doch die „ehemaligi Baraigla“?

lg

Euche Jo06

Isch das Dorf mit numme 3 oder so chind zum Dorf, z‘Uri? Das isch z chliinste Dorf it schwiiz😂🤷‍♂️

Hand uf z’härz: z erschde Lied hetti E musiggwunsch vo dir chönne sii😂😅

Tschau zämme

vili hei ja vo irem erschde tag zrüg ir schuu brichtet u ni ha wöue biiträge:

i bi gar nid gsi😂 weder hüt no geschder.

z Basel-Landschaft u Stadt hei Schüeler ab dr sibte klass erscht am 18. wider schuu

hoffe dir heid o baud wider schuu, wenn noni

Liebi grüess,

euche Jo06

Hey zämme,

wie Geit es Euch?

i ha hüt Post über cho (1. Büud)

u wüu es vo Universal Music isch ha ni mi gfragt was dinne isch. U wo ni ha ufgmacht – EM BLIGG SINI NEUI CD!! 😻

Boah bi ni verschrocke, aber de ha ni mi richtig gefreut. U när ha ni mi so gfragt, vo wem die CD isch. Vo Zambo? Wäge dem „FÜR IAIN“ Oder vom Bligg wäge dr Unterschrift? Oder vo sim platte Label? Wäge nem Couvert.

egau vo wäm: MERCI VÜU mau😂

d CD isch so guet😊

Dir erfahred i Zambo womit es cha zämmehänge.

Lg

Euche Jo06

(ps bi ni dr einzigi wo so eini hedt übercho? Auso privilegiert?)

hey zämme

i ha grad e ufgab, nämlich muess MySchool - tierisch menschlich: Warum wir immer online sind luege u mini gedanke ufschriibe. D moderatorin im video isch doch d'Anna, oder? Sorry, dass i ds muess frage aber mi verwirrt, dass si hoch düütsch redt😅😆

Was heid dir so für ufzgi?

i wünsche nech e schöne tag.

LG,

Euche Jo06😊