Suuper! Die villä Wörter 📚 und Grüsch 💥 wo ide letschtä Täg vo dir zämä cho sind. Ha richtig Froid drah gha, Gschichte für dich z'erfinde. 😍 Du weisch jo: Alles isch e Gschicht!

Laider isch mini Wuchä do bi «Zambo» scho bald wider verbi. 😢 Drum wötti vo dir jetzt no es letschs Mool drüü Begriff, und ich versprich dir ich mach drus die bescht Abschlussgschicht wos je hät gäh! 💪😎

I bruch vo dir:

⚙️ En Name vonärä Spezial-Maschine und was sie cha

🤔 äs französischs Wort

👶 und än Namä vomenä Baby

Du kennschs jo: Entweder du schribsch die drü Sachä grad do id Kommentär 👇 oder aber du redsch uf de Telefonbeantworter. D'Nummere isch 0848 00 23 27. Chasch eifach ufs Bändli schwätze. 📞

Tschüsslii, oder besser: Oo revoooir! ✌️

Din Michael

Weisch, was das heisst? 🤔 Ich hoffä nöd - isch nämli än Satz i minnre Gheimsproch, hihi. 🙈

Gnau das bruchi nämli vo dir für mini nöchscht Gschicht:

🖊 Än Satz innärä Gheimschproch

🖊 und irgendäs Spielzüüg

Du chasch mir diä zwai Sache entweder grad do id Kommentär schriibe 👇 oder wider uf de Telefonbeantworter schwäze. 🗣 D'Nummerä isch 0848 00 23 27.

Bi scho wider gschpannt, was alles so zämächunnt. 😄 Und falls mini letschte Gschichte verpasst häsch: Lueg doch mol do! 🙂

Judihuiii und bis bald,

din Michael 😆

Hey, do sind dänn scho megä lässigi Sachä zämecho für mini Gschichtä, i ha uh Froid! 😍

Für mini nöchschti Gschicht bruchi damol öppis Bsundrigs: Nämlich drüü verschidäni Grüüsch! 👂👂👂

Die chasch mir gad direkt ufs Telefon schwäze. Goht ganz eifach: Lüütisch ah uf 0848 00 23 27 und plapperisch mir dini drüü verschidene Tön ufs Bändli. 😎📞

Oder du machschs grad uf Instagram, lueg mol do! Draisch churz äs Video und schwupps,📲 schicksch äs grad direkt ah @srfzambo. Easypeasy, oder?

I bi uf jedä Fall scho mega gschpannt, was alles so zämächunnt!

Din Michael

Saletti! 😁

Danke für diä super Ideeä, woni übercho ha für mini erschti Gschicht!

Chasch grad für diä nöchschti Gschicht wiiterstudiere. Für d'Gschicht am Mäntig Obig suechi no

👴 en Name vomene Lehrer oder enere Lehreri

👄 en Gschmack im Muul

👯 en Tanz, wo's no nid git

Chasch mer wieder do une i dä Kommentär anäschriibe, was du luschtig fändsch. Oder chasch mer noch em 7ni z'Obig au live i d'Sändig aalüte! 0848 00 99 00 isch mini Nummere.

Freu mi!

En liäbe Gruess, din Michael

Hoi du!

I ha s'🚂Billet scho glöst, am Sunntig chumi wieder is Studioooo! 😍

I freu mi riisig, dass i wieder Gschichte verzapfe cha. 😇

Mit diine Vorschläg goht das immer am beschte, das wüsse mer jo langsam!

Für d'Gschicht am Sunntig chasch dir bitte Folgendes überlege:

⚡️✨ en Zaubergegestand, und was dä genau cha!

😷🤒🤕 en erfundnigi Chranket

🍰🎂 es suppper-mega-feins Dessert😋

Schrib dini Vorschläg doch do unä i d'Kommentär. I bi gspannt wiä-n-en Flitzboge 🏹.

Und denn am Sunntig s'Zambo im Radio iischalte, gäll. Am 7ni z'Obig uf SRF 1.

I freu mi soo fescht! 😎

Din Michael

Do chasch im Fall mol go lose, wa-n-i früener scho so verzellt ha...

«Alles isch e Gschicht»-Gschichte laufet ja wie am Schnüerli 🏃🏃‍♀️ Wegedem machemer jetzt ohni Umschweifi pronto und hurtig grad wiiter. Also, los! Für d'Gschicht vom Dunnschtig bruch ich vo dir drüü neui Begriff:

🦄 Es bsundrigs Tier

🕴 Was füres Kunschtstück chan das Tier

👫 De Name vode Bsitzerin oder em Bsitzer vo dem Tier

Schriib mir da ide Kommentär oder was ich au Freud hett: Schwätzes doch uf de «Zambo»-Telefonbeantworter under de Nummere 0848 00 23 27, denn chunsch vilicht morn grad no im Radio. 😝

Hesch mini noischte Gschichte eigentlich scho ghört? Da chasch alles go nahlose 😊

Ich freu mi wie es Schnitzel uf dini Ideä! 🤡

De Michael

Hoppla Schorsch, das lauft mit dene Gschichte hä. 😇 Scho wieder d'Hälfti vo minere «Zambo»-Wuche verbii. Aber müed bin ich no lang nöd und drum gahts au grad wiiter🍃. Für d'Gschicht vom Mittwuch bruch ich vo dir drüü neui Begriff:

🎡 es magisches Fortbewegigsmittel

🌎 en Planet (chan au en Fantasieplanet sii)

🌷 e Pflanze

Schriib mir da ide Kommentär. Oder was ich au immer mega Froid ha: Schwätzes doch uf de «Zambo»-Telefonbeantworter (0848 00 23 27), denn chunsch vilicht morn grad no im Radio. 😁

Hesch mini noischte Gschichte eigentlich scho ghört? Lug (aso ich mein los), da chasch lose 😊

Ich freu mi wie veruckt uf dini Ideä,

de Michael

Das isch französisch und heisst «Ich bruuche..». Was ich bruuch weisch sicher scho, nämlich wieder 3 Wörter, wo ich chan e Gschicht drus baschtle. Für mini Gschicht am Zischtig suech ich:

🍃öppis wo du gern machsch im Herbscht

🌍es französisches Wort

🍵dis Lieblingsgetränk

Du chasch die drü Wörter da id Kommentär schriibe oder du schwäzisch sie uf de «Zambo»-Telefonbeantworter (0848 00 23 27).

Und was lauft hüt z'Abig? Da chasch live id Sendig aalüte uf d Nummere 0848 00 99 00 und mir 2 Grüsch und din sehnlichschte Wunsch verrate.

Wenn nöd magsch warte, los doch mal ine was ich bi mine letschte Psüech so fabriziert ha.

Froi mi uf hüt und morn und übermorn und überübermorn.

De Michael

Genau!! De Michael isch wieder da, din allerliebschte Lieblingsgschichteverzapfer. Es isch imfall jetzt scho s achte Mal, dass ich live is «Zambo» chume und mit dinere Hilf us em Stehgreif Gschichte erfinde.

Falls mi nonig kennsch, es lauft eso: Du lieferisch mir 3 Begriff und ich spinne dir live am Radio e Gschich rund um die drü Wörter und das e ganzi Wuche lang. 😇 Tönt luschtig? Isch es au.

Für mini erscht Gschicht am Sunntig bruuch ich folgendi drü Sache:

🛩 Es Reiseziel

👨‍✈️ En Flightattendant mit emänä Tick

🦃 Es ungwöhnlichs Tier a Bord

Dini Ideä chasch grad da une id Kommentär frääse. Bi gschpanne was mini graue Hirnzälleli da zämäbrösmeled.

Bis am Sunntig, ich froi mi wie du di uf d Wiehnachte,

De Michael

Mannometer, ez isch die Wuche Gschichteverzelle bi «Zambo» denn glii schowider verbii. 🤓 Hüt schmeissi aber nomal e Rundi und au für moorn bruchi wieder dini coole Ideeä. Bitte lifere mer doch:

🏝es Feriäziel

🎢es erfundnigs Transportmittel

❤️de Name vomne Feriäschwarm

Du chasch dini Wörter entweder da id Kommis schriibe oder no besser: Du schwätzischs uf oise Telefonbeantworter.

D'Nummere goht esoo: ☎️0848 00 23 27!

Vil Schpass, ich froi mi!

De Michael