Scho fasch wieder verbii die Wuche da bi «Zambo» und immer no räblets nume so Vorschläg für mini Gschichte. 😊 Da tanzt mini Fantasie natürlich Cha-cha-cha!💃🕺

Für de Dunnschtig bruuch ich vo dir nomal neuii Begriff:

🏚 Es bsundrigs Huus und wie das usgseet

👲 Es Zambo-Mitglied

🛴 Es Fahrzüüg

Lahn dini Fantasie au chli tanze (wie wärs mit Tango, olé) und denk der echli abgfahreni Sache uus und schriibs id Kommis.

Chaschs au uf de Aaruefbeantworter schwäzze ☎️0848 00 23 27☎️

Bi gschpanne wiene Saite vonere Gitarre wo i nid cha spile🎸,

De Michael

E chaibe Froid isch das, zum jede Abig live do im «Zambo» sii. Ich freu mi zum hütt mit de Grüsch vom Telefonbeantworter wieder e gschpäderässigi Gschicht verzelle. 🥁🎼

Für de Mittwuch, 15. Januar bruuchi vo dir jetzt 3 Begriff, näääämli:

🎢 De Name vonre Achterbahn

👩‍🏫 De Name vonre Lehrerin oder eme Lehrer

🍇 E Gmües oder e Frucht

Wie immer gildet, du chasch au Achterbahne, Lehrerinne und Frücht erfinde - es mues die nöd wükli gää - chan au chli abgfahre sii😆

Schriib doch dini Vorschläg da id Kommis

oder schwätzes uf de Telifonbeantworter. ☎️ 0848 0023 27 ☎️

Froi mich wie es Schparsoili wo öpper en Foifliiber drirüert. 🐷☺️

De Michael

Hallogrüezi mitenanderli 🤓

Mini Hirnzelle trülled und trülled und trülled, wänns Gschichte erfindet, wirdne fascht trümmlig, ich sägs dir! 🤹‍♂️ Aber demit sich mis Hirni nöd z'fescht draa gwöhnt, gits etz mol biz en anderi 😮 Ufgob:

Di nöchscht Gschicht wonich erfinde, da machi äbe nöd mit Wörter, sondern mit Grüüsch! 🎧

Drum lüt uf de Telifonbeantworter aa 📞 0848 00 23 27 📞 und schwätz dini drüü Grüüschli döt druf. Also, mach si alli drüü vor. 👍

Äfach nöd furze, bitte, äbe. 🤢

Schmöckt me zwor nöd, durs Telifon, aber wär gliich echli gruusig, wääki. 😝

Din Michael

Saletti Spaghetti 🍝

Ich lege hüt bi «Zambo» wieder los mitem Gschichte-Verzelle – das wird luschtig! 😊 Du – und morn machemer also au grad subito wiiter. 🎉

Ich bruuch aber für das denn wieder 3 Begriff vo dir, woni dänn in mini Live-Gschicht iiboue. 🗣

Für d Gschicht morn am Mäntig suechi also:

🐻 Es Tier, wo Winterschlaf macht 💤

🌿 En Pflanze 🌾

🌍 Es Wort uf Französisch 🤔

Du chasch die drü Wörter da id Kommentär schriibe oder du schwätzisch sie uf de «Zambo»-Telefonbeantworter: 0848 00 23 27. 📞📞

Bin gschpannt wiene Pfiilboge uf dini Ideä! 😁

De Michael

Es isch emol en Maa gsi,

de isch so gern zu «Zambo» choo,

bi «Zambo» het er Gschichte verzellt,

die Gschichte hend dich wundergnoo,

drum isch er ez scho wieder doo.😆

Gsesch, ich cha nöd nume Gschichte verzelle, sondern au Gedichtli schriibe. 😊

🤡 Ich bin vo Sunntig bis Dunschtig wieder im Radiostudio und mach us dine Begriff LIVE und us em Stehgreif e Gschicht.

Am Sunntig, 12. Januar chasch am Afang vo de Zambostund LIVE id Sendig aalüte, sobald d' Moderatorin Giulia dezue ufrüeft und zwar uf: ☎️ 0848 00 99 00 ☎️. Ich bruch denn vo dir:

🌨 E luschtigi Schneesportart

🥊Es warms Chleidigsstuck

🌎 Es Land

Wenn jetzt scho Ideeä hesch, chaschs au da id Kommis schriibe.👌

Du chasch also au Sportarte, Chleidigsstuck und Länder usefinde - weisch wie luschtig!

Ich freu mi uf die Wuche, wie sich e frischpreparierti Skipischte uf di erschte Skifahrer freut🗻,

En liebe Gruess,

de Michael

PS: Da chasch übrigens d Gschichte naalose, woni bis ez scho so verzapft han. Vil Schpäse!🤣

Hoiäääd mitenand

We laufts bi eu? Ich hoff ihr hend hüt au so schöns Wetter gha wie ich, ich han mini gwundrig Nase fadegrad id Sunne gstreckt. Jetzt bin ich wunderbärstens vorbereitet ufs Gschichteverzelle.

Glii isch scho wieder fertig mit mine Gschichte, choge schnell ume gange das.

Am Dunnschtig, 17. Oktober, gits s'grosse Finale. Natürlich nur, wenn du mir chli hilfsch. Ich bruuch:

☕️ Öppis gruusigs z'Ässe

⚙️ Es neus Chuchigrät

🍽 Öpper, wo gern würsch zum Znacht iilade

Hopp de Bäse, ab id Kommis mit dine Ideeä!

I freu mi öppe so fesch wie s Sünneli wo hüt vom Himmel schiint.

De Michael

🎁Wenn mich scho kennsch vo minere früenere Bsüech bi «Zambo», denn weisch au dass ich für eini vo mine Gschicht immer au Grüsch bruuche. 🎈

Am Mittwuch isch es sowiit!🎉

Du chasch mir do id Kommis 3 Grüüsch ineschriibe. 🎉

Oooooder du machsch die Grüsch direkt uf de «Zambo»-Telefonbeantworter ☎️, das wär meeega cool! Eifach

📞0848 00 23 27 📞 wähle. Isch gratis.😇

Ich dank der scho jetzt und freu mi uf hüt Abig, da lömmers tschäddere mit all dine tolle Komentär vom mim letschte Blog.

Beschti Grüess🤡,

de Michael

Hallihallo und Salisali

🌞Hey, das lauft ja wiedermal wie gschmiert do mit dem Gschichteverzelle. 😊

Isch ja au keis Wunder, wenn ihr alli so kreativi Chöpfli hend mit so mega glatte Ideeä drin! Wükli, es macht richtig Spass mit eu.🌈💥

Für d Gschicht vom Zischtig bruuch ich jetzt:

🎹Es Musikinstrument (chasch au eis erfinde)

🎤En Name vonere Band oder Musikgruppe

🎧En Titel vome Lied

Chasch dini Begriff entweder do id Kommis schriibe oder no besser: Du schwätzischs uf de «Zambo»-Telefonbeantworter. D'Nummere isch:

📞0848 00 23 27☎️

I freu mich weisch wie - uiuiuiuiui.

Liebe Gruess,

De Michael

Saaaali du!

Jetzt gohts denn grad los und ich verzelle dir am Radio e Live-Gschicht! Freu mi mega! 😀 Losisch au? Do chasch mitlose!

Ich bin jo die ganz Wuche am Start, drum chasch do au scho für d’Gschicht vo morn dini Begriff id Kommentär töggele. Ich bruuche vo dir:

✏️ 1 Streich i de Schuel

✏️ en Name vonere Schüelerin/emne Schüeler wo de Streich macht

✏️ e luschtigi Ströfzgi

Bi scho mega gspannt, was du do zemespinnsch und vor allem, was mis Hirni denn so drus macht!

So, ez aber ab is «Zambo»-Studio, d’Anna wartet scho.

Liebe Gruess

De Michael

PS: Do chasch übrigens di letschte paar Gschichte vo mir go lose.

Ja, Gopfridstutz! 😛 Ez chunts mir doch scho chaibe lang vor, sitt ich s'letscht mol im «Zambo» LIVE mini Gschichte verzellt han. 📜

Falls du mich nonig kennsch: I dörf alpott und immer mol wieder im «Zambo»-Studio verbiiluege und mir während de Sendig ganz ohni Vorbereitig e luschtigi Gschicht us de Finger suuge. Aso us em Ärmel schüttle. Jooo – verzelle halt. Mit em Muul. 😊

🥕Für das bruuch ich immer au DINI Hilf. Jede Tag schriib ich en Blog da im «Treff» und du chasch mir denn ide Kommentär de Stoff für mini Gschicht liefere. 🍬

Für min erste Wurf am Sunntig, 13. November, wett ich vo dir wüsse :

👸🤴 Wenn du Königin oder König vo de Schwiiz wärsch, weli 3 Sache würsch als erschts befehle? 👨‍✈️👩‍✈️

Schriibs da une ine und vilich duni den scho bald dini 3 Sächeli ine abentüürlichi Gschicht verwurschtle. Also verteigge. Äh, du weisch was i mein.

En liebe Gruess,

De Michael