Hoi Zambo Welt

Ich bin gestert mit füf us minere Klass uf d Isbahn äs isch Mega läsig gsi. Mir sind vom 17:15 bis am 21:00 Uhr uf dä Isbahn gsi. Am Afang hämmer üs eifach chli igfahre. Dän hämmer fangis gspielt. Da isch Mega läsig gsi.

Ich han dän döte no öpis gässe und dän hämmer nomol fangis gspielt.

Na ja ich bin au äs paar mol umgfloge wili z schnell gfahre bin.

Gönd ihr amel au uf d Isbahn?

Und mit wäm gönder ?

Liebi Grüess eui Cortoifan

Ich han eifach do no äs paar Bilder us Cortoi, das ihr eu da vorstelle chönd.

Hoi Zambo Welt

Ich hoffe es got eu allne guet.

Ich han dänkt ich mach hüt mol än Blog über min Lieblings Ort. Und da isch Campo Cortoi.

Ich tue eu dän dä Link une afüege.

Also Cortoi isch än Ferie Ort im Tessin oberhalb vo Mergoscia( da isch i dä nöchi vo Locarno) . Mä muen vo Mergoscia us no 40 Minute laufe( ich und Mini Fründin bruched aber nur 25 Minute). Cortoi isch uf 1000 Meter über Meer.

Mir gönd fast jedi Ferie uf Cortoi.

z Cortoi chame Klassenlager mache oder Privatiferie.

Äs git amel au ä Familielager, und da leitet amel äbe mini Muetter.

Ich und mini besti Fründin gönd Mega gern uf Cortoi will mä i dä Natur isch und mä hät halt kein Strom . Mir mached amel sehr viel Schiessdräck.

Fals du etz intresse übercho häsch oder froge häsch chasch mir gern Privat schriebe.

Do no dä Link : Link

Sorry irgendwie sind d Bilder nid Posted vorde.

Etz möstis go, da sind etz die Bilder vom Cheuche:

Hoi Zambowelt

Mini Schwöster ( HarryPotterFan) hät hüt Geburi gha. Mir händ halt so ä Ritual das immer dä vo Geburi hät törf ä Thema uswäle und die andere Familiemitglied mönd dän dä Chueche nach däm Thema mache. Sie hät sich s Thema Harry Potter usgwält.

Wie finded ihr gseht er us?

Händ ihr au so ä Ritual?

Liebi Grüess eui Cortoifan

Hoi Zambowelt

Ich tuen Mega gern zeichne, i dä Ferie hani uf Birkerinde zeichnet. Also ich han sie zerscht gschlife und dän mit mine Handletteringstift agmolt.

Imoment tueni grad Mega viel Turnerinne zeichne.

Ich find d Zeichnige sind eigentlich no ganz guet usecho.

Wie findäd ihr zeichnige so?

Und tönd ihr gern zeichne, wenn jo was ?

liebi Grüess eui Cortoifan

PS: sorry es chan sie das d Bildqualität nid so guet isch!

Hoi

Ich han ä Zambo Bus Idee gha , und zwor hani mit mine Fründe scho äs paar Film gmacht 🎬🎞🎥🎥

Also üsi Film sind halt so zwüsche 7 und 30 Minute ich gsi.

Etz würs mich interessiere wie än echte Kinofilm produziert und dän au gschnitte wird.

Ich hoffe eu gfallt die Idee.

Liebi Grüess Cortoifan

Hoi 🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️🤸🏼‍♀️

Ich han am Samstig am 9.10 um öpä 14:45 Uhr än 15 Minütige Uftritt mit dä Zirkus Schuel Et Voilà gha! Mir sind für dä Gastkanton Schaffhuuse ufträtte.

Äs hät Mega viel Zueschauer gha.

Ich bin am Vertikaltuch und uf dä Chugle gsi. Ich han au Jongliert und han Akrobatik gmacht.

Vorgester simmer sogar i dä Ziitig cho .

Ich würd dä Uftritt sicher nie vergesse!!

Viellicht hät mich jo öpert vo eu sogar gseh.

Liebi Grüess Cortoifan

Hoi alli zämme

Ich bin neu im Treff und würd mich über dini Fründschaftsafrog freue!

Ich go i nä Zirkusschuel ( zwei mol i dä Wuuche) und mach am liebste Vertikaltuch 🤸🏼‍♀️🤸🏼‍♀️

Ich gang i d Pfadi ⚜️⚜️

Ich tuen gern zeichne und bastle

Ich tuen au gern mit mim Töffli im Dorf umenand fahre

Würd mich freue

Liebi Grüess Cortoifan