Hoi Zambo Welt

Ich hoffe eu gots guet. Mir gots sehr guet. Üse Nochbor hät Schöfli und im Winter chömed immer jungi uf d Welt. Die sind Mega herzig.

Ich persönlich liebe Schöfli und drum goni praktisch jede Tag zu dä Schöfli. ( es chan sie dasi amel eifach ä Stund dete bin )

Vorallem die chline Schöfli chömed meistens use.

Letzes Johr hani drüü Schöfli gseh wo erst 2 Stunde alt gsi sind. Ich bin die ersti gsi vo sie gseh hät. Die drüü hani Mega i mis Herz ♥️ gschlosse. Ich bin jede Tag mehrmals zu ihne gange und han sie mit mim Nochbor tauft. Sie heissed Flöckli ( Meitli) Donatello ( Bueb) und Pablo ( Bueb) .

Doch leider isch s Flöckli dän nachere Wuuche gstorbe. Aber sie isch jo drotzdem no i mir Herz ♥️ verewigt.

Äs hät au ä Schöfli gha wo mä hät möse Schöppele. Da hani au törfe. Voll herzig gsi.

Händ ihr gern Schöfli oder was sind eui Lieblingstier?

Ich tue etz no Föteli afüege.

1 & 2 Foto: eifach Schöfli vom Nochbor

3 Foto: die drüü oben erwähnte Schöfli

4 Foto: die drüü Schöfli voni sie s Erste mol gseh han

5 Foto: Flöckli s letzte mol woni sie gseh han

Hoi Zambo Welt 🌍

Ich tue grad sehr viel zeichne. Ich tue eigentlich ganz verschiedeni Sache zeichne.

Tönd ihr gern zeichne und was und wie?

Also ich persönlich tue sehr gern mit Aquarell Farbe oder mit Farbstift oder au oft mit Brush Pens zeichne.

Ich tue meistens werend dem Musik lose.

Ich fändis Mega cool wen ihr mir eui Antworte und d Meinig zu mine Bilder i d Kommentär schriebed.

Liebi Grüess eui Cortoifan

Sorry han usversehe d Bilder vergäse

Hoi Zambo Welt 🌍

Ich bin am Samstig mit minere Schwöster und mine Cousins uf dä Isbahn gsi. Isch Mega läsig gsi, vorallem mir sind praktisch die einzige gsi.

Ich han grüebt hindersi fahre und Piruette mache. Zur ufklärig ich go nid is Iskunstlaufe, drum ischs au nid so guet usecho und ich bin umgheit. Etz hani mini Hand verstucht.

Gönd ihr gern uf d Isbahn?

Ich go Mega gern. 🤗

Chönd ihrs guet?

Ich chan s eigentlich recht guet, abweichen fahr amel so schnell das s mich uf dä Latz nimmt. 😂

Ich wünsch eu no schöni Ferie

eui Cortoifan

Hallo Zammbo-Welt

Ich hoffe es got eu allne guet und ihr händ etz dän Schöni Wiehnacht.

Ich han tänkt will etz dän s Johr scho bald verbi isch, mach ich än Johresrückblick.

Also zerscht chömemer natürlich zum Guete und schöne vo däm Johr.

Winter: Im Winter simmer ä ganz Wuche uf Cortoi. Da isch mega schön gsi. I dä Ferie hämmer mit äs paar andere Chind än 30 Minütige Film gemacht. Da hät voll Spass gmacht. Bi üs häts mega viel Schnee gha. (fast än Meter) drum simmer mega oft go schlittle.

Frühling : Dän im Früehlig simmer wer hets tänkt scho wieder uf Cortoi. Da isch recht cool gsi, will ich 2 Type endlich nach gfuhlte 100 Johr wieder gseh han. Userdem bini i mim erste Pfadilager gsi. Also im Pfingstlager.

Sommer: I'm Summer isch grad einiges passiert.

Mi händ mega viel Klasse Usflüg gmacht. Da isch immer mega lustig. Dän bini is Pfadilager also is Sola. Aschlüssend simmer wiederämol uf Cortoi. Z Cortoi isch äs mega lässig gsi. Mir händ mega viel Schiessdräck gmacht und eimol hämmer sogar dusse gschlofe.

Im August hani Geburi gha und bi 14 worde. Drum hani dän d Töffli(bezieigswiis d Traktoreprüefig) gmacht und han äs Töffli übercho. Userdem hani dä Babysitter Kurs gmacht.

Herbst: Dän im Herbst hani än Uftritt a dä Olma gha mit dä Zirkusschule. Mir sind tatsächlich au im Herbst uf Cortoi. Und natürlich s best ich bi uf Zambo cho.!!!!!

Momentan: immoment go ich viel uf D Isbahn und han döt min Spass mit mineFründinne.

Nach so viel gutem chömemer no zum schlechte. Da isch aber zum Glück nid so viel.

Winter: s Skilager isch leider abgset worde. 😭

Frühling: Ich han 10 Täg I Quarantäne möse.

Sommer: s hät leider mega viel grägnet.

Herbst: Ich han nie mit minere beste Fründin chöne abmache.

Etz: Ich han erfahre das öpert vo ich kenne Leukämie hät.

Das isch min Johresrückblick gsi. Natürlich han ich no viel meh erlebt. Wänd s etz interessant gfundä häsch und meh über mini Persönlichkeit erfahre, dän schick mir ä FA und mir chönd über dä Privatchat schriebe. Etz wünsch ich eu allne wunderschöni Wiehnacht und än Guete Rutsch.

Liäbi grüäss eui Cortoifan

Hoi Zambo Welt 🌍

Ich han dänkt ich mach hüt mol än Blog über Fründschaft . Dän Fründschaft isch ä sehr wichtiges Thema für mich will ich das früehner nid so erlebt han wie anderi!

Also ich han ei besti Fründin und dän halt so sehr gueti Fründinne und dän halt no so gueti Kolleginne wo au immer für eim do sind. Und dän hani immer no die Buebe als Kollege vo mä eifach cho mit ihne dusse sie!

Besti Fründin :

Mini besti Fründin wohnt leider nid grad i dä nöchi vo mir. Ich kenn sie sit öpe 7 Johr. Mir händ üs ime Ferielager üs vo Afang a super Verstande. Mir händ üs dän immer Wüchentlich Brief gschriebe. Am Anfang hämmer üs nur eimol im Johr gseh. Mitlerwiehle gsemmer üs öpe 4-5 mol im Johr und tönd au hüfig telefoniere. Mir händ halt sehr ändlichi Interesse und mached zämme immer sehr viel schiessdräck . Wän sie bi mir isch fühl ich mich eifach immer super. Sie isch sehr wichtig für mich und üseri Fründschaft bedüted mir sehr viel!!

Gueti Fründinne

Da sind bi mir die vo ich au scho länger kenne. Die meiste hani ir Zirkus Schuel oder i Cortoi kenneglernt. Die gsehni meisstens meh wie mini besti Fründin. Mit ihne han ich au immer Mega Spass.

Gueti Kollrginne

da sind eigentlich die us minere Klass. Mit ihne chani ir Schuel über mini Problem und sorge rede. Was gueti Kolleginne sind hani erst sehr spot glernt.

Kollege ( Jungs )

Da hani scho immer gha. Vorallem min Nochbor isch immer sehr wichtig gsi für mich. Will wäni niemert zum spiele gha han , hani eifach zu ihm chöne go!

Bi mir häts früehner eifach immer nur mini Fründinne gha vo alli eher wit wäg vo mir gwohnt händ. Will vo dä 3.-6. Klass hani eifach kei Kolleginne us dä Schuel gha.

Au scho vo dä 1.-2. Klass hani nur Buebe als Kollege gha.

Sit ich etz aber i dä Oberstufe bin, hani ä super Klass mit Mega viel nette Meitli. Natürlich au mit nette Jungs. Da schätz ich sehr.

Dän mini alt Klass isch für mich eher schlimm gsi.! Und ich bi eher usgschlosse worde!

Ich han dänkt ich wet das du eifach mol säge das äs immer Fründe git vo für eim do sind. Au wän sie viellicht so wie mini Guete Fründinne chli witer wäg wohned!!!!

Und dänked drah äs git immer no Hoffnig. Ich han jo erst jetzt würkli gueti Kollege, aber sie chömed mi jedem. Eifach nid immer glich früeh.

Min Spruch ;

Besser spot gueti Fründe , wie früeh immer nur schlechti Fründe!

Ich tue une no äs Bild vo mir und minere Beste Fründin und eis mit mine Guete Kolleginne ahne.

liebi Grüess eui Cortoifan

Hoi Ich han do no meh Bilder vo mir im Zirkus. Unteranderem da vo minere erste Aufführung!

wie finded ihr die Bilder?

Hoi Zäme

Ich han dänkt ich mache mol än Blog über mis Hobby und zwar isch da Zirkus.

Ich gang zweimal i dä Wuuche is Zirkus Training. Mir mached sehr viel verschiedeni Sache.

Z.B.

-Vertikaltuch

-Kugel laufe

-Seili tänzle

-Trapez

-Fass laufe

-Akrobatik

und no vieles meh.

was sind dän so eui Hobbys?

Ich han etz no äs paar Föteli vo mir im Zirkus 🎪!!

Hoi

ich han no meh Zeichnige gfunde. Schriebed doch id Kommentär wie ihr sie finded.

😘😘

Hoi Libella das sind mini drüü Zeichnige. Chasch jo säge wie du sie finsch!

Liebi Grüess vo Cortoifan

PS: ich hoffe äs klappt mit dä Bilder 📷📷