Hoi Zambo Welt 🌍

Ich mache bi dä Challenge vo dä EMZA42 mit. S Thema isch Sonnenaufgang/Untergang .

Leoder gseht mä vo mir dihei nie würkli än Sunneufgang. Drum hani etz au nid grad die beste Bilder.

LG Cortoifan

Hoi Zambo Welt 🌍

Ich mache jo bi dä Challenge vo dä EMZA42 mit und s Thema isch Natur. Ich han dänkt ich nimm die Bilder vo dä Blueme wo ich letschte Summer i eusen Garte gmacht han . Ich hoffe sie gfalled eu und ich chum wiiter.

LG Cortoifan

PS: Vo dä einte Bilder isch äs nur än Screenshot will s Bild sust z gross gsi wär.

Hoi Zambo Welt

Ich mache jo bi dä Challenge vo dä EMZA42 mit und s Thema isch Buech/Film.

Do une sind etz Mini Fotene zum Thema. Ich hoffe sie gefallen eu.

LG Cortoifan

Hoi Zambo Welt 🌍

Ich mache bi dä Challenge vo dä EMZA42 mit.

Do une isch mis Bild. Es söti ä Herzpizza sie vo ich mit minere beste Fründin i dä Ferie gmacht han. Mir beidi finded d Pizza us Cortoi die besti und das isch dini vo dete, drum hämmer üsi Fründschaft eigentlich mit äm Herz wele zeige.

LG Cortoifan

Hoi Zambo Welt 🌍

Ich hoffe eu gots allne guet und ihr händ schöni Ferie (gha) .

Ich han etz die letschti und die Wuuche Ferie.

Letschti Wuuche bin ich i mä Ferienlager i Cortoi ( hani scho i mä andere Blog genauer erklärt ) gsi. Also Cortoi isch im Tessin uf 1000Meter über Meer .

Äs isch mega cool gsi . Mir sind 10 Chind zwüsche 7 und 14 Johr gsi. Mini Besti Fründin isch au cho .

Wie gseit äs Thema isch Wildnis gsi.

• Mir händ Naturspieli gspielt

• üs probiert anschliche ( mir händ üs mit Kohle s Gsicht gfärbt )

• mir händ im Tipi am Lagerfüür gsunge

• s hät Feins ässe gä

•mir händ än Löffel gschnitzt

• händ zeichnet

• sind i dä Gruppe zämme gwachse

• händ Tier beobachtet

• eimol hämmer blind UND barfuess möse uf dä Chueweid äme Gong folge

• äs hät die besti Pizza vo dä Welt gä

• mir sind a ein Tag amä Felse go chlätere mis persönliche Highlight

• äs hät ä Waldbrand gä ( er hät schnell chöne glöst werde

• eimol isch us äm Hahne eifach kei Wasser me cho

Ich hoffe ihr händ ä chline Iblick übercho was mä döt im Lager so gmacht hät .

wän ihr no Froge händ schriebeds i Kommis 👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

Ganz liebi Grüess eui Cortoifan

Hoi Zambo Welt

Ich schrieb i däm Blog mol über mis Wuuchenend. Und zwar hämmer vo dä Pdadi ä Weekend gha.

Vom 14:00-17:00 Uhr hämmer so än Postelauf gmacht vo mir verschiedeni Ufgobe a Verschiedene Ort händ möse mache. Z.B. Äs Foti mit fremde Persone oder so.

17:00-18:00 Hämmer nid so viel gmacht eigentlich eifach gredet und die einte händ kochet. Und mir händ chlige SCHISSDRÄCk gmacht.

19:00-20:00 Uhr hämmer gässe und zwor Spagetti vom Tisch ohni Bsteck und Teller. Also mit dä Finger isch rächt lustig gsi. Hät nur ä CHLINI Sauerei gä.

Zum Dessert häts dän no Schoggifondu gä.

20:00-20:30 hämmer alli no möse Ämtli mache. Ich han möse Abwäsche.

20:30-22:30 hämmer än Film gluegt und zwor „Ein Zwilling kommt selten allein“ isch rächt lustig gsi will mir die ganz Ziit über än Inseider Witz händ möse lache.

Dän hämmer üse Schlofplatz igrichtet. Mir sind go Zähn Putze und händ grad wele go schlofe wo üsi Leiter verchleidet inecho sind und gseit händ mir mönd üs richte zu usezgo.

Äs isch dän 23:00 Uhr gsi. Zerscht simmer äs rechts Stuck glofe bis mir dän ä chlises Iwärme gmacht händ. Dän hämmer möse ällei änere Schnur nolaufe. Äs isch eifach quer dur dä Wald gange. Nachher hämmer möse uf än Cherzliweg. Mä mues eifach ällei dä Chärzli nolaufe.

Döt bin ich und zwei anderi Entführt worde. Mir händ dän üsi Taufi gha. Mir händ möse Sport mache und Mega grusigs Züg ässe wie zum Beispiel än Schokokus mit Senf füllig. Sehr fein🤢

Nachher hämmer üse Name übercho.

Ich heisse etz Bagoly.

03:00 Uhr simmer dän äntli wieder im Pfadiheim gsi. Mir händ dän no Vanille Und Schoggi Creme gässe.

30:30 hämmer äntli chöne go schlofe. Bis mir dän am 09:00 Uhr geweckt worde sind.

nachher hämmer no möse ufrume.

Gönd ihr i Pfadi?

Händ ihr scho än Pfadiname?

I wie viel Lager sind ihr scho gsi?

PS: sorry wäg dä schriebfäler aber ich bin immerno müed 😴😴😴🥱🥱

Hoi Zambo Welt 🌍

Ich hoffe eu gots allne guet. Hüt tue ich mol über äs Hobby vo mir schriebe und zwor übers Fötele.

Also ich persönlich tue extrem gern Fötele . Ich tue alles mögliche Fötele, aber am liebste tue ich Mensche oder Tier Fötele.

Ich han au ä eigeni Kamera. Also s isch die Alt Nikonkamera vo mim Vater.

Ich tue au sehr oft Fötele wän mir zum Beispiel langweilig isch. Dän nimm ich eifach dä Fotiaperat und lauf durs Dorf und durch Sache zum Fötele.

Ich tue eu une dän no äs paar Föteli vo ich gmacht han afüege.

Etz no äs paar Froge und zwar:

Wie finded ihr mini Fotene?

Tönd ihr au gern Fötele?

Und was tönd ihr am liebste Fötele?

Freu mich über eui Antwort

Liebi Grüess Cortoifan

PS:Wän ihr no me Föteli vo mir wend gseh schriebeds i Kommis.

Hoi Zambo Welt

Ich han dänkt ich mach au mol bi nerve Challenge mit.

Da go une ischs Bild vo dä Challenge vo dä Saskia10

Da Bild hani vor ämenä Johr für min Grossvater gmolet.

Liebi Grüess Cortoifan

Hoi Zambo Welt 🌍

Mis absolute Lieblingsbuech isch Alea Aquarius. Ich hans dur ä Fründin kenneglernt und bin vo Afang a total begeisteret gsi.

Im Buech gots um ä Meitli vo usefindet das sie ä Meermeitli isch und im Wasser Schwümmhüt überchunt.

sie lernt dän ä Bandi känne. Die nännt sich Alpha Cru und säglet mit ihrem Schiff um die ganz Welt.

Sie wend dän meh über d Meerwelt erfahre und stecket dän sehr i Schwierigkeite .

Meh wet ich etz au nonig verrote.

Ich chan da Buech ( äs git überigens bereits 7 Bänd s chömed aber no meh use ) nur empfehle. Allerdings würd ich s erst läse wen ich scho chli älter bin. Äs hät nämlich scho chli prutali Szene und ernsti Themene.

Was sind eui Lieblingsbüecher ?

Und känned ihr Alea Aquarius , wie finded ihrs?

Schriebeds doch gern i d Kommentär.

liebi Grüess eui Cortoifan 🥰🥰

Hoi Zambo Welt 🌍

Bi üs häts no Schnee , äs isch so schön. Aber am Wuuchenend chömed dän immer alli vo dä Stadt cho schlittle. Dän häts immer Mega viel Autos und dä Bus isch überfüllt.

Hüt bini mit mine Eltere än Schneespatziergang go mache. Ich han mini Kamera 📷 mit gno will ich Mega gern tue Föteli mache und min Vater äbe au. Mir händ dän vo üs gegesitig Föteli gmacht.

Nachher simmer no go schlittle.

Also ich persönlich liebe jo dä Schnee.

Wie isch da bi eu händer dä Schnee au so gern?

Und häts bi eu au no Schnee?

Würd mi freue wän ihr d Antworte i d Kommis schriebed.

Etz no äs paar Föteli vo min Vater vo mir gmacht hät.

liebi Grüess eui Cortoifan