Wiä lang...
Huhu zämä 👋
Ig hoffe das es öich aunä guet geit! Mir geits eigentläch super!
I däm Blogg geits überQuarantänä. Ig ha mau wöuä wüssä u ou luegä wiä lang dir ir Quarantänä sit gsi...
Ig säuber bi scho 30 Tag😱! Das isch ä ganzä Monet...
1.Mal im Früehlig nachem Lockdown 2020
Churz nachem Lockdown het äs nöchers Familiämitglid vo mir Covid-19 gha! Denn isch es ja so gsi dass mä no 15 Täg i Quarantänä mues gah! Das isch ächt lang gsi! Vorallem bi ig öppä 3 Täg i schu u när schwupps 15 Täg wider nüm! Aber ja ig söu mi ja nid beklage das ja drum geit das diä betroffene Personä wider gsund wärdä!
2.Mal ir Landschulwuchä😭
Ir Ländschulwuchä 2020 hani plötzlech Hausweh becho. Eigentläch hani numä es Hauswehtäfeli wöuä gah hole u ha dummer wis vergesse das das ja a zeiche uf Corona si! Deswägä hani när hei müesse u 5 Täg ir Quarantänä gsi 😢 bis mir Testergäbniss hei gha! Äs isch zum Glück negativ gsi! Dr Grund isch nämläch gsi das mir Fänster hei offä gha u somit ishc es chli chaut wordä...
3.Mal diä ganzi Oberstufe! 😮
3tte mal da hei 3 us minere Klass gha! Mir si sehr dürmischt! Aso 3 Klasse Indigo, Siena u Karmin (so heissä si) u i denä Klasse si 7,8 u 9 zämä... hoffä das dir drus chömet. Da mir so vermischt si. Hei när aui 3 Klasse i Quarantänä müessä das aber für 10 Täg lang! Mir hei när über Zoom unterricht gha. Jetzt si mir i dä Jahrgangs Klasse aso eifach 7 zämä 8zämä u 9zämä.
Jetzt äs paar Fragä a öich:
❤️Wie lang sit dir scho ir Quarantänä gsi?
💛Wiso sit dir ir Quarantänä gsi?
💚Hets näch öppis us gmacht?
Fröiä mi scho uf öichi Antworte!
Bis gli Sunshine😘
