Hoi zämä

Hüt isch min letschte Zambotag. Ich han mich nomal ganz herzlich bim Zamboteam und allne mine Zambofründe welle bedanke für die cooli Zit! Es isch mega schön gsi und ich han supernetti Lüt kenneglernt. Danke viel mal!!!!

Bliibed gsund und no e schöni Adventszit

step3;)

Hoi zämä,

ich han e frag und zwar im zemehang mit em coronavirus: es isch ja so, dass de bundesrat d schuele nöd schlüsse will, wil suscht d grosseltere müssted dehei go d chind hüete und sich so denn bi de chind a stecked. Aber ich verstahn das nöd ganz, wil je länger de bund demit wartet, desto grösser isch s risiko, dass de coronavirus id schuele chunt. Und wenn mer denn würklich dringend d schuele schlüsse müssti, wils so viel asteckige het und denn alli dehei sind und denn d grosseltere müssted cho, wär ja s risiko für d grosseltere denn no viiiiiiel grösser, dass s chind sich denn würklich i de schuel agsteckt het, oder? Also verstahn ich da öppis falsch? Und wenn ja, wie isch es suscht?

Danke schomal im vorus für d antworte:)

lg, step 3

Hey zämä,

Ich han vor churzem en Artikel über euse Fleischkonsum und em Zemehang mit de Klimaerwärmig glese. I dem Artikel isch gstande, dass mir alli Veganer werde münd, zum de Klimawandel z stoppe bzw ufzhalte. Mini Fründin und ich diskutiered scho länger drüber, was würklich nötig isch zum de Klimawandel z stoppe.

Jetzt will ich mal eui Meinig ghöre:

Sind ihr Vegetarier oder Veganer?

Interessiert eu de Klimawandel/allgemein s Thema Klimaschutz überhaupt?

Meined ihr, mir münd alli vegan werde , zum de Klimawandel ufzhalte?

Luegsch du selber, möglichscht viel fürs Klima z mache und umweltbewusst z lebe? Wenn ja, wie und wenn nei, wieso nöd?

Was bruchts euere Meinig na no, zum d Erde au no für die überübernächst Generation lebbar z mache?

Freu mi uf vieli Antworte ;)

Grüessli,

step3

Hoi zämä,

Vor de Summerferie isch de Abschied vo minere alte Klass gsi. Er isch mir sehr schwer gfalle. Vor allem vo einere Person.

Mir hend früener ned so viel zämä gmacht, doch im letschte halbe Jahr immer meh. Mir sind zuefelligerwis nebedenand gsesse und hend eus sofort verstande. Mir hend die ganz zit gredet im unterricht und Zetteli gschribe. Bsunders luschtig isch gsi, dass mer d Zetteli uf englisch gschribe hend, wil euse Lehrer kei englisch chan😁. Jetzt vermiss ich sie extrem!

Ich chan mir d Schuel nöd ohni sie vorstelle!

Ich gang nach de Summerferie is Gymi und ich han Angscht, dass ich gar kei Zit me han, sie z gse. Hend ihr irgenwelchi Tipps für mich?

LG,

step3❤️

Hoi zämä,

Hüt isch bi eus i de Schuel de Sporttag gsi.🏃‍♀️ Gits das bi eu au?

Er beschtat us: Am morge isch en Liechtathletikwettkampf gsi und am Namitag het mer chöne uswähle weli Sportart mer mache möchti. Zur uswahl sind gsi: Handball, Fuessball⚽, Basketball🏀 und Unihockey.

Wenn s bi eu au en Sporttag git, wie verlauft er bi eu?

GLG,

step3😉

Hey zämä,

D Loulumaus und ich mached e Avatar Challenge!😀

S Ziel isch, dass bis am 19.5.18 möglichscht viel Zambomitglieder de glich Avatar wie mir hend🙃

Mir freued eus über jede glichi Avatar😉

Lg,

loulumaus und step3

Hey zämä,

Danke viel mal fürs abstimme für Leave a Light on!

Ich han mich mega drüber gfreut!!❤😍

DANKE!!!!!!!!!!

Wenn eu das Lied au so gfallt wie mir, denn stimmed doch witer defür ab😉

Jedi Stimm zählt!!!

LG,

step3😘

Halihallo,

Ich han e frog as Zamboteam: Wieso isch d Sendig vom 28.3. ned ufgschalte?

LG,

step3

Hey zämä,

Was ich im Moment a de Zambowebsite e chli vermisse isch d Plauderbox. Gahts eu au so? Oder findet ihr das so besser?

Schriibeds id Kommentär! Viellicht gits ja bald wieder eini😉

GLG,

step3

Hey zämä,

Geschter han ich d Resultat vo de Gymiprüfig becho und ich han beschtande! Ich han eigentlich nöd so es guets Gfühl ga, aber ich han die beschte Note de Schuel!

Ich wil au no de sheepyyy danke❤ Sie het d Gymiprüefig au gmacht und am Samschtig hed sie mir no ghulfe, selber a mich z glaube. Das isch nemlich bi dere Prüefig s wichtigschte!

DANKE sheepyyy❤

GLG,

step3😉