Hey zämme!

Morn foht bi uns in Basel d Fasnacht a!

Ich freu mi scho voll!!! 😍🙈🤗👌 Ich gang wohrschinlich an Morgestraich und ihr?

Göhnd ihr au an d Baslerfasnacht und wenn jä was isch eures Kostüm?

Ich gang als Waggis😍😂👌🤗

Liebi Griessli und allne wo an d Fasnacht göhnd schöni Fasnacht!

PS: Unte isch no e Bild vo mir und Fründe vo mir letztes Johr an dr Fasnacht🤗👌😂🙈

Heyy zämme

Ich bi gester an de Klimademo in Basel gsi! Es isch ächt überwältigend gsi wie viel Lüt ko sind!!!👌

Wär isch au gsi?! (egal ob in Basel oder imene andere Kanton/Stadt)

Sorry das ich in letzter Ziit nit viel Blogs gschriebe ha (und au nit so oft chattet ha) und wenn i denn mol e Blog gschriebe ha, isch är über de Klimastreik/Klimademo gange... Aber für mich und au allgemein in de Schwiz und uf de ganze Wält isch dr Klimawandel und Klimaschutz etc grad e sehr aktuells und wichtigs Thema!

Liebi Griessli euri stella24

PS:gönd doch au mol(wenn ihr nit scho mol gsi sind ) ane Klimademo oder anen Klimastreik !!! Es isch ächt mega toll👌♻️❤️🌍

Hoi zämme!

Ich weiss ich schrieb „scho wieder“ e Blog über de Klimastreik...😂❤️

Aber für mich isch es halt im Momänt e voll wichtigs und au aktuells Thema!!!😊

Also... hüt isch wieder e Klimastreik gsi! Und es isch meeega toll gsi! Ich bi mega glücklich gsi das so vieli Lüt in de ganze schwiz und au in Dütschland etc. mitgmacht hän!!!❤️💪🏻👏🏻🥳

Es isch wieder so e tolli Stimmig gsi!

Schriebed doch mol euri Meinig zum Klimastreik in d Kommentär und au ob ihr hüt oder sunscht mol gsi sind!❤️💪🏻🌎♻️

Ganz Liebi Griessli vo eure stella24!!!

PS: falls ihr an mich no froge händ wägem Klimastreik etc. denn schriebed mir doch im privatchat oder in de Kommis❤️

Hoi liebi Zambowält!!!

Am fritig isch es wieder so wiit...!!! In mehrere Schwiizer städt goht de Klimastreik in die nächsti Rundi!

Ich häng unte no e Bild vom Ufruef vo Basel uf (vo döt kumm ich darum ha ich dä😂)

Also wenn ihr in Basel wohned ( oder in ere andere Stadt wo är au stattfindet) denn kömmed doch alli!!! 👌🌎❤️♻️

Schoolstrike for the climate!

Also liebi Griessli vo eurere stella24

Hoi zämme

Das wird e sehr lange Blog aber ich hoff das e paar ihn läse will ich finds e wichtigs Thema!

Ich bi hüt am "Klimastreik" gsi. Es isch mega cool gsi und e super Stimmig💪😊

Für die wo nid wüsse was das isch: das isch e Demonstration gege de Klimawandel bzw degege das sehr vieli Regierige in unterschiedliche Länder nüt gege de Klimawandel unternämed obwohl me ziemlich viel könnt mache... Es git au so e Gsetz also so bestimmti Abmachige wo me muess ihhalt in Thema Klima/Natur etc. 😊😅 Es isch e Schüelerstreik gsi wo usglöst worde isch vomene 15 jährige Meitli us Schwede!!! Sie isch e "Klimaschützerin" Und schwänzt sozsage jede Fritig d Schuel zum demonstriere... Denne hän immer mehr Kinder mitgmacht und so au in andere Länder und Kontinänt... Also ich und mini Kolleginne hän nid gschwänzt sondern eig überall in Basel het me vo de Schuel frei beko für das! 😊

Ich weiss das es vieli Lüt git wo sage das bringt jo eh nüt das e paar Kinder do gön go demonstriere, aber ich find es bringt uf jede Fall me als wenn me nüt macht! Usserdäm gohts um unsri Zuekunft und jetzt ka me no Handle, in 10 Johr isch es z spot.

Wenn euch das Thema unteressiert gäbed doch mol im Internet Klimastreik ih, denne krieged iht no me infos...

Sorry für dä langi Blog!

Liebi Griessli und no schöni Ferie!!!

Heyyy

Noch sehr langer ziit mäld ich mich jetzt au mol wieder...

Es tuet mir leid das ich mich so lang nümm gmäldet ha und au Lüt im Privatchat erst noch längerer Ziit zruckgschriebe ha!

Ich wär sälber mega gärn aktiver uff Zambo.ch gsi aber mir hän in de Schuel im Momänt sehr vieli Tests (au wenn am Fritg Noteschluss isch hän mir morn no 2) und ich muess mega viel lerne was mich mega aschisst...😂

Händ ihrs stressig i de Schuel?

Also liebi Griessli und hoffentlich bis bald euri stella24😇

PS: Ich wünsch euch allne e schöni und nid stressigi Adväntsziit...😊

Hoi liebi Zambowält❤

Ich mäld mi jetzt au wieder mol nach me ziitli!

Und zwar isch es mega cool will gester het bi uns d Herbstmäss agfange!!! Leider rägnets aber grad rächt und es isch rächt kalt drum hani grad nid so Bock hütte uff d Mäss z go...

Aber die Lust kunnt ganz bestimmt no!!

Göhnd ihr au an d Herbstmäss? Oder sind ihr sogar scho gsi?

Ich wünsch euch allne no e ganz tolle Sunntig!😊

LG stella24

Hoi zämme!

Es tuet mir leid und ich finds au ächt blöd das ich so lang nümm uff Zambo.ch aktiv gsi bi. Es isch halt ebe so das ich nach de Summerferie in d Sekundarschuel ko bi und jetzt wieder e kli mehr muess lerne etc.

Wär vo euch isch au in d Sek. ko?

Jetzt sin aber zumindest bi mir scho bald Herbstferie!

Ich gang 2 Wuche nach Korsika und ihr?

Im Momänt bi ich grad krank 🤒 aber ich hoff ich ka morn und übermorn wieder in d Schuel will am Fritig göhn mir in Seilpark! Yay 😀

Ganz Liebi Griessli euri Stella24

Hi 👋🏻

Ich mäld mich au mol wieder! Sorry das ich so lang nid uf Zambo.ch gsi bi!

Ich weiss es isch scho e kli länger her aber wie viellicht e paar vo euch wüsse bi ich im Zambo kinderreporterkurs gsi, und ich ha numme nomol am ganze Zambo team welle DANKE sage für dä tolli nomitag/obe!!!

Ich wird dä kurs nie vergässe!!!

GLG euri Stella24 💕

PS: guet Nacht und träumed öppis schöns!

Hoi zämme ich mäld mich mol wieder🙈

Ich bi übers wuche änd und no zwei täg uf london gange! Es isch meeega cool gsi!

ich bi im Harry potter museum gsi, also im Making of in de studios wo sie de grössti teil vo de Harry Potter film dreiht hän! Es isch soooo toll interessant und eifach nur cool gsi!

Es isch so ziemlich alles us de Film usgstellt gsi, also vom Gryffindor buebe zimmer dr Grosse halle und em Hagrid sim hüttli bis zu Kostüm kobold maskeetc. Es isch würklech unglaublich toll u schön gsi für mich als Harry Potter gschichte Fan!

Es het sogar s Hogwarts Modell gha das isch seehr idrücklich gsi!

Sogar dr 3stöckigi Bus und s Huus vor Dursleys het me könne aluege!

Isch öpper vo euch au scho mol döt gsi?

Sogar durch dr verbotteni Wald het me könne laufe!

Sind ihr au so harry Potter Fans wie ich???

Denn schrieb mir doch! Und mir könne uns über Harry Potter etc unterhalte und e kli „Fachsimple“ ! 😂

Also GLG

euri Stella24