neha07 ist ein Mädchen

Hoi, ich bin neha07

Der Avatar von neha07 Mon, 04 Jul 2022 18:33:02 +0200

neha07

byebye <3

Mon, 04 Jul 2022 18:33:02 +0200

byebye <3

hoii alli zema,


so iahr liaba aigentlich hani no paar blög wella schriiba aber sia ziit goht schneller um als ma denkt..


in 3 täg isch as so wiit i werda 15! (07.07) somit endat mini ziit uf zambo...❤️


as isch sona tolls kapitel vu minam leba gsii und i werda bestimmt nia vergessa ❤️


ih han so vieli fründschafta schlüssa dörfa und neui menscha würs leba kennaglernt. i danka dera plattform vu gszem herza <3


i will mi bi jedara und jedam bedanka, fürs täglicha und nächtlicha schriiba, alli wo miar kolfa hend und in schweera ziita an minara siita gstanda sind. ❤️


i will danka sega am ganza zamboteam wo mi über dia knapp 3-4 johra beglaitat hend und dassi sogar mol amna potcast han dörfa mitmacha 😍💜


i wünscha allna schöni summerferia und dass iahr immer gsund bliiband ❤️☺️ nur zbescht!!


grüassli euri neha07

☁️☁️☁️


Starlove ❤️ bsf (au in privat)

zitrone06 ❤️ liaba di bro

Melden
16
Der Avatar von neha07 Sat, 21 May 2022 03:51:08 +0200

neha07

Bald verbii

Sat, 21 May 2022 03:51:08 +0200

Bald verbii

Hoii alli zema,


Mini ziit uf zambo isch bald verbii willi am 07.juli, 15 werda ❤️


As isch uu schön gsi und i werda immer an dia ziit denka. I han fründa kennaglernt dia au privat zu mina beschta kollega worda sind und i bin dera plattform meh als nur dankbar, sus hätti dia menscha nia kennaglernt!


I werda sicher nomol as paar blög posta :)


Das bild una isch aifach aso haha (aber jo das bin i)


Grüassli euri neha07

☁️☁️☁️


Starlove <33

Ein Bild zum Beitrag Bald verbii
Melden
7
15
Der Avatar von neha07 Fri, 25 Mar 2022 20:46:29 +0100

neha07

Lehrstell ufgebot 🤝

Fri, 25 Mar 2022 20:46:29 +0100

Lehrstell ufgebot 🤝

Hoii alli zema,


Das eraignis muassi aifach verzella willi gra so glücklich bin hahah :))


I bin in da letschda 3 Täg gu schnuppara ganga im Alterszentrum Arosa. Ufjedafall sind so schöni täg gsi as isch uu mega cool gsi und i han so viel glernt. Nit jedi usbildnerin nimmt sich so viel ziit. Si isch realtiv streng aber nur si lernt ma guat. Z.b. hani dörfa abrechniga mit krankakassa dörfa ischriiba und Protokolliara. Wenn ihra öppis nit passt het denn het sk allas glöscht oder nur an tail und denn hanis müassa neu schriiba. I chan nit allas verzella und für das wär i jetzt au zmüad aber as isch sona tolla bruaf und macht mi so happy haha ❤️


Zainzigscht astränganda sind dia arbetsziita si gönnd vo:


06.00-15.30.00 (so han i garbaitat)


Denn giiz natürlich no spootschichta, nachtschichta usw. (Wär jetzt kompliziart allas zerklära)


Wiani aber überhaupt druf cho bin: scho sit paar johra hani realisiart dassi sicher öppis wett schaffa wo mit menscha zdua het seg das psychologin, ärztin oder sus öppis. Sit ih letschd johr als jungmitlgied in sanitätsverein igstiga bin, hani 100% gwüsst i will öppis im gsundhaitswesa wia MPA oder FaGe erlena.


I muass ehrlich sega, dia letschda 2 mönat sind asträngand gsi zum immer alli bewerbiga schriiba so wiiter und sofort. Aber i hans gschafft mi an 7 stella für a Schnupperlehr zbewerba. As hend mi alli aknoh und ab dera wucha startat min Marathon.


Hüt hani mis abschluasgspröch kah über dia Schnupperlehr und si wennd miar as ufgebot macha 😍😱 i lohns natürlich uf offa willi nonit waiss ob miars bi da anderna orta besser gfallt. Aber i wäri safe wenn is nit schaffa wür.


As isch a fetti entlaschtig willi waiss dass i kai stress me han. Logisch dr Vertrag isch nonit unterschriiba aber sepp chan ma glaub eh, erscht im August. Aber denn chani snögschta johr no so richtig knüssa..


Das wärs gsi danka fürs lesa haha♥️


Grüassli euri neha07

☁️☁️☁️

Melden
18
Der Avatar von neha07 Sat, 19 Mar 2022 10:54:58 +0100

neha07

Uf am cunggel 🏔️🎿

Sat, 19 Mar 2022 10:54:58 +0100

Uf am cunggel 🏔️🎿

Hoii alli zema,


Das Erläbniss isch scho 3 wucha her aber muass as trotzdem verzella und i glauba i han amol an blog kmacht und gsait es chämi nomol aina haha also do isch er..


Und zwar sind mini cousinana, mina bruader und an klassakolleg vu miar und i zema gu tourla.❤️ An alli wo sepp nonia sind as isch unormal cool und lässig. Machands aber nia ohni a Person wo guat skifahra chan sus is no recht gfährlich.


As isch mega schöns wetter gsi und unvergesslicha tag. Miar sind uf dr cunggel 🎿🏔️ ☀️


Una sind no paar bilder (sorry wega Qualität mis handy isch kaputt gsi) 🙈


Grüassli euri neha07

☁️☁️☁️

Ein Bild zum Beitrag Uf am cunggel 🏔️🎿 Ein Bild zum Beitrag Uf am cunggel 🏔️🎿 Ein Bild zum Beitrag Uf am cunggel 🏔️🎿
Melden
15
Der Avatar von neha07 Sat, 05 Feb 2022 18:53:15 +0100

neha07

Passion🖌️👩🏾‍🎨

Sat, 05 Feb 2022 18:53:15 +0100

Passion🖌️👩🏾‍🎨

Hoii alli zema,


Und zwar het aina vu mina beschta kollega bald Geburtstag und willi ihm scho nüt an wiahnachta gschenkt han, hani miar denkt jetzt aber richtig..


I han miar öppis überlait was mit liabi kmacht isch und i nit viel geld usgeh muass(also z.B nit essa oder so) i han ihm öppis persönlichs wella schenka und ihm zaiga dass ih na us ganzam herza liab han.


Miar hends in da letschda drei mönat schwierig kah und deswega hoffi dass er das au als klini entschuldigung gseh chan will miar dia fründschaft sehr wichtig isch ❤️


Mini idee isch gsi ihm as bild uf a lindwand zaichna. Mini mom isch so liab gsi und het miar mega viel sacha kolt. Will er an natur Mensch isch und miar jo in da bündner berga wohnand ischd entschaidig vom motiv aifach gsi.


Berga tanna und wasser müand sicher druf (er will ünergindands au forschter werda) deswega passts. ---> 🏞️


I han mi für an noitrala hintergrund entschieda(also nit farbig und usmola) i finda grau a super farb will as dia ganz stimmig usdrücka chan. (Mini mainig)


Jo das wärs aigentlich, una gsehnder wias usa cho isch..


I waiss selber dassi kai profi finda aber für mis Verhältnis findi das ganz okay. Aigentlich magi zaichna nit so aber han kmerkty dass es as super gschenk isch zum verschenka ;))


Starlove ❤️

Vanilla ❤️


Grüassli euri neha07

☁️☁️☁️

Ein Bild zum Beitrag Passion🖌️👩🏾‍🎨 Ein Bild zum Beitrag Passion🖌️👩🏾‍🎨
Melden
17
1
Der Avatar von neha07 Wed, 02 Feb 2022 14:22:47 +0100

neha07

Nochhilf📚

Wed, 02 Feb 2022 14:22:47 +0100

Nochhilf📚

Hoii alli zema,


I han gra gseh dass voll viel dertig blög machand und willi an trend mensch bin machi doch gera au mit..as isch biz mit HUMOR deswega jo haha


Also i chan in dena fächer versuacha helfa:


Mathe: 1-3primar (chunt druf ah eheh)

Dütsch: 1-8 klass

Itlaienisch: 3 primar (chans selber nit)

Englisch: 1-8 klass

NT: 7-8 klass

Musik: 1 primar

NMG: kai ahnig meh in wellara klass ma das schowider het..

RZG: (isch mis absoluta hassfach)


Dr rescht chani selber nit deswega jo 😅

Also wianer gsehnd bini nit dia schlauscht aber wennder frooga hend chönder jederziit schriiba <3


Grüassli euri neha07

☁️☁️☁️


Starlove ❤️

zitrone06 ❤️

Melden
5
5
Der Avatar von neha07 Sat, 22 Jan 2022 12:47:26 +0100

neha07

T Ü R L A

Sat, 22 Jan 2022 12:47:26 +0100

T Ü R L A

Hoii alli zema,


Das Erlebnis isch scho biz länger her(vu 2 wucha oder so) und zwar sind mina bruader und i mit da toura ski ufz maitjisch horn ganga. As isch aifach nur toll und u schön gsi. I liaba de weg und dia usicht wenn ma doba isch. Nögscht mol gömmer mit da ganza familia und denn übernachtamer dört aber das macht ma besser im Früahlig wenns weniger schnee het. (I versprecha as wird no an blog derzua cho) 😊


Das johr uf da herbscht wanderig gönn mini klass und i mit da E-bikes dört ufa und schloofand dört( will bi üs isch Tradition dass ma sicher 1x in dr ganza Oberstufa ziit a 2-tägig herbschtwanderig machand) das wird sehr luschtig..:) i freu mi jetzt scho druf ehehe❤️


Nocher simmer no zum hochwang und dört isch soo an schöna sunnauntergang gsii ☀️🏔️ as git gefühlt nüt bessers als in da berga zleba (sorry)


Jo das wärs wider amol biz vu minam Update gsi 🤎 I hoffa iahr sind alli guat ins 2022 gstartat (i aigentlich hammer)


Grüassli euri neha07

☁️☁️☁️

Ein Bild zum Beitrag T Ü R L A Ein Bild zum Beitrag T Ü R L A
Melden
13
Der Avatar von neha07 Thu, 16 Dec 2021 18:55:03 +0100

neha07

🌙🤍

Thu, 16 Dec 2021 18:55:03 +0100

🌙🤍

Hoii alli zema,


Wider amol klisas update was so ab goht in minam leba, müand au nur wider dia lesa wos interessiart.


Ufff jetzt isch scho wider Wiahnachta und i seg eu ehrlich i finds unfassbar stressig. I han vu minam fründ an Adventskalender kriagt mit so schoggi und bin meeega happy :) I vergissa oftmols aifach zöffna und denn merkis erscht an tag spöter.


Mir familia hemmer au nomol aina. Miar sind a grossi familia und dass nit jeda für jeda aina macha muass düammer aifach jeda tag abwechsla und jeda muass für jeda 1-2 gschenk macha.(schlecht in mathe haha)


Falls öppert juckt wasi miar uf wiahnachta wünscha,: i wünscha miar vu minara familia on schuah(aifach Hammer und nochhaltig), Jacka(derfür bit tüürer) und suscht hani kai plan haha.


Mina familia schenki selber kmachts bild uf so linwänd(oke miar redan nit drüber i bin nit dia bescht im zaichna) aber made with love isch doch smotto ;) mina kollega schnenki red bull oder sus öppis zessa und mina engschta persönlichi sacha. 🤍


Winterziit ir schual isch bsunders cool. Zerscht mol willi jo in arosa ind tschual gohn und as isch immer öppis los.(sowieso aber im winter bsunders) as het viel schnee..miar gönnd in BS(turna) zema ufz is,ski oder suscht öppis dussa goh macha. Sogar in normala Unterricht und sepp isch super lässig. Biz weniger toll und das kennt sicher jeda sind dia viela prüafiga immer. :/


Letschd Mäntig (dia wucha) is humorversival gsii in arosa. Miar hend vor schual extra Tickets kriagt und dia wo luscht kah hend zum goh hend dörfa. I bin mit paarna ganga und isch meeeeega gsii. Han viel dörfa lacha. Zbeschta isch gsii dass as halt uf am berg gsii isch(mittelstation arosa) und ma het mir gondla müassa uffa fahra. Usicht isch wunderschön gsii und i waiss jedas mol tschätza in was fürm na paradies miar leband. 🏔️


Miar hend nurno bis nögscht mittwuch schual derfür fangt schual wider am na donnschtig ah(bi wem isch das au so?)


Jo das wärs aig gsii mit dem blog und klina update, una gsiandee no bilder wo miar bim humorversival gsii sind. :))


Grüassli euri neha07☁️☁️☁️


Btw. Han mit minam cousin Fotoshooting kmacht mit da chüa (hani au as bild uf dasi sehr stolz bin) si haisst Olympia <3

Ein Bild zum Beitrag 🌙🤍 Ein Bild zum Beitrag 🌙🤍 Ein Bild zum Beitrag 🌙🤍 Ein Bild zum Beitrag 🌙🤍
Melden
15
Der Avatar von neha07 Fri, 03 Dec 2021 03:39:48 +0100

neha07

200 blog (special)

Fri, 03 Dec 2021 03:39:48 +0100

200 blog (special)

Hoii alli zema,

Au wenns kaina juckt egaI..waiss nit woni afanga söll, i werda grob über mis leba verzella und vielleicht werdis mol als klisas buach zemafassa...Aber erscht später mol


As goht aigentlich um mis leba und an allas wasi mi erinnera chan. I bin mit 3 us india adoptiart cho und mini eltera hend miar dass aigentlich direkt gsait kah. Vielleicht hanis nonit checkt aber ufjedafall hanis nit schlimm gfunda. An alli wo vielleicht denkand dass isch voll schlimm oder dassi ihna laid duan..nai so is nit ih han mini fmailia i bin do ufgwachsa und fühl mi ehrlich meh als schwiizerin. I han dütsch glernt wia jedas andera chind...gsunga, tanzt gera bi da tiar gsi. I han immer wella Unihockey spiela und han zu dem "lattiball gsait" latti haisst aigentlich uf hindi so öppis wia stock mit ball) oder so bin schlecht im übersetza.


Denn i bini ind Spielgruppa cho. Jeda zischtig hemmer selber kocht und hends uu luschtig kah. I waiss no ganz genau wias usgseht obwohl i siit 10 Johr nümm dört gsii bin ...


Denn bini in kindergarta cho..

Jedas mol wenni dört bini chani mi an dia ziit erinnara... jetzt bini aifach scho 10 Johr älter . Kindergarta isch seehr cool gsi...


An Kolleg und i hend immer wettrenna kmacht wer vu üs zerscht dört isch haha...schön isch dass wenn ma ind fenschter luagt allas no genau glich usgseht...dia kinder hüt machands glaub no genau so wia miar früahner :)


Joo...denn sind dia 2 johr au schu verbi und i bin in dia 1 klass cho...das isch dia schönscht klass gsii ...miar hends uu toll kah zema und üsi Lehrerin isch a uu liabi...i waiss no miar hend as musical müassa macha..(dr könig isch krank) . An vater vu öppertem hez ufknoh und endi 1 hemmer alli CD kriagt mim film druf. 🎥🎞️ Mengisch luagis no ah..


Dia 2 klass isch ganz normal gsii...:)


Dia 3./4. Klass sind mini 2 schlimmschta johra gsii us paar gründ...in dem thema bini kli sensibal...i han seehr schlechti erfahriga kah mim Lehrer und klass het sich aswia nümm so verstanda...as het vieli usanandersetziga geh, dia 2 johr hend sich agfühlt wia kai ahnig öppis.. und hans glaub mol erwähnt am muattertagsblog...mini mom het depressiona kriagt und i han si denn au voll lang nit gseh kah etc.(üs goht's allna wider guat!! ❤️🙃)


Ps: dass isch no uf ara andera schual gsii..und ab do simmer züglat (aber immer in GR bliiba)


Endlich bini in dia 5. Koh und i han wella neu afanga mit miar selber. I bin uu schlimm gsii iahr wüssand(dass maini recht ernscht). I han wella an bessara mensch werda und han an miar garbaitat. I han wella versuacha nit immer zschlechta gseh will dass macht nit glücklich. I bin immerno sehr pessimistisch aber sicherlich nümm so wia früahner. I han miar selber bibrocht menscha zakzeptia und ainigermasa kli erwachsa zwerda. I han glernt menscha zliaba und sepp au zsaiga..ma muass sich nit schäma derfür. (us irgand amna grund is miar painlich gsii) i han menscha im umfeld kah dia miar guat dua hend und dia beschta johra dörfa erleba 🙄🤎


I wür sega i han mi soo verbessert...5./6. Klass sind 2 meega schöni johra gsii ...unbeschriblich aber i will jedam sega knüssands!! <3 alli wo in dr primar sind ...dia ziit werdander nia meh ha..


Dass hani denn schnell kmerkt woni ind oberstufa cho bin. As isch wia wenn a neus Kapital göffnat wird. As kapital wo ind zuakunft führt. I han früahner soo Respekt kah vu da 6.klässler und vu da oberstufa..und jetzt bini aifach scho fascht ir Abschlussklass...


Dia ziit vergoht soo schnell und und as wird miar erscht jetzt bewusst. Au dassi mis letschda johr zambo verbringa...i han nia denkt ir 5.klass woni mi akmolda han dass dia ziit cho wird... allgemain hani miar das früahner nia vorstella chöna...und jetzt waiss i dass as doch möglich isch..:/


I han immer gsait schual isch soo blöööd:(( segi jetzt no mengisch...aber aigentlich wird miar erscht jetzt bewusst dass as dia schöntschta 9 johra sind...das isch aifachd kindhait...und dia klass het ma maischtans sit ma eba ind Spielgruppa chunt...ma muass aifach dermit leba...


Ma gseht dia menscha jeda tag...!! <3


Zurziit gohts miar sehr guat, klar wega corona ändert sich dlag au.. aber han mi komplett dra gwöhnt und langsam interessiarts mi nümm..(han wenig luscht zum mi unötig drüber zufrega)


I han geschter scho an blog kmacht dört giz au as klisas Update, wenni mi nümm melda denn Schöni wiahnachta und guaz neus!! <3


Grüassli euri neha07

☁️☁️☁️

Melden
15
Der Avatar von neha07 Thu, 02 Dec 2021 18:34:05 +0100

neha07

Flashback 2021

Thu, 02 Dec 2021 18:34:05 +0100

Flashback 2021

Hoii alli zema,


Bald isch 2021 verbii und i seg eu ehrlich i han gfühlt nüt mitkriagt, as isch soo schnell verbii...schneller als jedas andera Johr. In dem blog verzelli kli über das johr und was mini beschta erlebniss gsii sind, natürlich müands nur dia lesa wos au interessiart.


In dem Johr hani seehr viel glernt und erraicht. I bin froh drüber will i selber gwaschsa bin und das im nochhinain au sega chan. I bin uf vieli sacha stolz (muassi ehrlich sega). I hätti au vielas anderscht macha chöna.. aber us fehler lernt ma..


Mis erschta halba johr bis summer isch wunderschöön gsii. i han Durchbruch mit ski alpin kmacht. Laider ende vu saison mis krützband grissa. Das ganza widee ufbau brucht 9 mönat ziit und sehr viel mentali geduld. Miar hend an tolla zemahalt mir schual kah und tschualjohr sehr emotional und friedlich chöna abschlüssa. Geg da summer bini au in dr sanitätsverein istiga und somit as neus hobby und an afang vu minam traumbruaf chöna starta. Summerferia hani wia immer öppis mir familia kmacht und kollega (laider richtig schnell verbii ganga). I han au dörfa mim Podcast bi zambo mitmach und an tolla unvergesslich tag dörfa knüsss. i han mi müassa vur AK21 verabschieds(wia sicher au anderi vu do) und de Abschluss het miar schu kli zherz brocha. I han mi mit menscha agfründat mit dena ih nia würklich gredat han. I han somit neui kollega gfunda. Nach da summerferia bis jetzt ischs schnell ganga...


Üsi schual het sich seehr verändert und momentan simmer in ara schwieriga phasa. Afang vu dem Schuljohr is miar nit so guat ganga und i han vieli sacha kmacht wo miar sehr schelcht dua hend. Bis zu da herbscht feria is nit so nice gsi, bis i kmerkt han so chans nit wiiter goh und i muass mi zema neh...


I hans irgandswia gschafft a lösig zfinda und jetzt gohts miar meh oder weniger sehr guat. I hoffs eu au..? 


Am maischta hani dennoch glernt das ziit so schnell verbii goht...i bin ehrlich, i bin so öppert wo halt richtig viel schissdreck macht und au immer mitläuferin isch.. aber sepp isch nit immer guat...sleba isch a prüafig jeda entschaidat selber was er drus macht...aber i will wenns goht a guati zuakunft ...deswega bitte an alli.. machand nit allas mit. Ma chan logisch aber muass aifach mit da konsequenza leba :)


Im grossa und ganza is aigentlich ganz okayy gsi..han dia beschta menscha in minam Leba und bin sehr glücklich..


I hoffa aber dennoch dass 2022 besser wird ..und sich corona lag bessert..


Grüsssli euri neha07

☁️☁️☁️

Melden
10
Zurück
1
2345
21Vorwärts