~ Q & A 🔥 Antworten
Hey liebi Zambo-🌍
Ich ha vor drüü Täg en Blog zu Q&A gmacht und hüt beantwort ich eui Fragä 🙃.Viel Spass bim duräläsä 😇!
die erste Fragä sind vo dä Hermine14:
Lieblingsfilm?
Min Lieblingsfilm isch Himmelskind. Das isch en mega schöne und berüerende Film und ich ha ihn au scho mehrmals gluegt 😅
Lieblingsserie?
Dadurch, dass ich kei Netflix ha, känn ich halt au kei Serie...
Lieblingsfach?
Ich ha mehreri. Zum eine Sport, wil ich Sport über alles lieb, aber ich ha au mega gern Sprache und deswege zellt Französisch au zu mine Lieblingsfächer 🙃
Lieblingsbuech?
Ich bin ä sehr ä grossi Leseratte und es git mega viel schöni und tolli Büecher, aber wänn ich mich jez für eis entscheide müsst, wär das "und mittendrin bist du". Das isch es wunderschöns und uu berüerends buech 🍀.
Ps: merci für de Gruess 😘
Die nächste Fragä sind vo dä Luli01:
Lieblingsbuch/Film?📘📚
Himmelskind und "und mittendrin bist du"
Lieblingsperson?👨🦱👱👨🦰
Schwierigi Frag...aber ich glaub näbst dä Familie wür ich mini best Fründin neh und es Zambomitglied...💜
Lieblingsfach/hass fach?⚒️🖌️📄📐
Lieblingsfächer sind Sport und Französisch und Hassfach isch Latiin 😣
Lieblingsfarb?❤️🧡💛💚💙💜🖤
Es git sehr vieli schöni Farbä, aber ich ha mega alli Arte vo Blau mega gern 💙
Lieblingsland?🇳🇿🇳🇱
Finnland. Ich bi zwar na nie det gsi, aber ich möcht unbedingt mal det härä!
Lieblingstier 🐎🐇🐄🦒🐘
D Schildchrot! ich ha uf mini Geburt ä Schildchrot Plüschtierli übercho und sit do lieb ich die Tier afach über alles 🐢
Schönscht Land wo du gse besch/he wetsch?🇳🇱🇳🇿🇲🇫🇲🇱🇱🇾
Norwege isch s schönschte Land woni bis jez gsi bin, wil d Landschafte det obe sehr iidrücklich sind und s mir det sehr guet gfalle het. Ich wür gern nommel uf Norwege oder halt uf Finnland 😊
Schönscht ort wo du eisch he wetsch/gse besch?🌅🏖️🏞️🏔️
Das isch e sehr schwierigi Frag. es git so viel schöni Ört uf därä Welt...aber eine wo mir guet in Erinnerig bliebe isch, isch Berlin. Es isch e mega schöni Stadt und dä gschichtlich Hintergrund (Berliner Muur) isch au sehr spannend 🤗
Ps: au dir dankä für de Gruess 🌸
Die zwei Fragä chömed vo dä se10:
Lieblingsmensch?
Näbst minere Familie mini best Fründin und du ❤️
Familie oder Freunde?
I mim Läbä spielt beides e sehr wichtigi Rollä, aber ich wür mich für mini Fründä entscheide, wil ich mit ihne fast meh Ziit verbring und sie mir seehr wichtig sind. Aber natürlich lieb ich mini Familie au über alles ❣️
Ly too mini queen 🤍💍👑
Die Fragä chömed vo dä Jilivanilli:
Wer esch din Lieblingsschauspeler:in?
Ich känn fast kei Schauspieler*inne, wil ich halt au mega wenig Film lueg 🤣
Grösschts Vorbeld?
Es Vorbild hani nöd, aber ich bewundere die Lüüt, wo ihres Ding duräziend und das machäd wo sie für richtig halted und sich nöd vo andärä beeiflusse lönd 😌
Lieblings Sänger:in?
Es git sehr viel tolli Sänger*inne, aber min Lieblingssänger isch dä Wincent Weiss, wil er i sine Lieder sini Gfühl, Ängst, Sorge... verarbeitet und das bewundere ich sehr 😍
Lieblings Lied?
"Was weisst denn du schon über mich" vom Wincent Weiss. I dem Lied gats drum, dass mä anderi Lüüt sött labärä lah, wänn sie über ein schlecht redet. Ich ha halt au scho Erfahrige gmacht mit dem und wäg däm Lied han ich gmerkt, dass es mir so ziemlich egal isch, was anderi über mich dänkät und wänn sie nüt bessers z tue händ, sötteds halt über öpper lästere, aber das sött eim nöd gross kümmere 🤗
ha di au lieb 😘
Die letschte vier Fragä sind vo dä Neela08:
Dis Lieblings erläbnis mit dire Familie?
Da gits mega viel, aber eis isch sicher gsi, wo mir 7 Wuche in Skandinavie gsi sind 💞
Dis Lieblings Getränk?
mojito-Sirup 😅, isch sehr erfrüschend und mega fein
Lieblings Ort?
I mim Zimmer. det chani mich zzruggzieh und ha mini Ruä ☺️
Was wesch du unbedingt mau no mache?
Ich wött unbedingt mal ganz in Nordä ufä zum Nordliechter gseh! 💥
Ha di au lieb und merci für de Gruess 🥰💎
Dä Blog isch recht lang worde...aber dankä a alli wo ihn bis zum schluss durägläsä händ und ich hoff, dass ihr jez chli meh über mich wüssed 🌞
Ich wünsch eu na en schöne restliche Zischtig und gnüüseds s schöne Wetter 🌞🌺
Liebi grüess
Lari12
