Hey,zäme!
Hüte hemmer in Geografie d`Sprache vo Europa aglueget und wo sie verbreitet sind. Ich liebe Sprache eifach, wieso weis ich ned so ganz. Zum eine, will ich gern dun mit anderne Lüüt komuniziere mit Fremdsproche und ich find d`Sproche allgemein intressant. Idr Schuel lernt mer ja Deutsch, Franz und Englisch. Nögscht Johr will ich no Italienisch neh, will das au e schöni Sproch isch und ich usserdem Italienischs Bluet han. Au`s Chinessisch find ich sehr intressan, obwohl ich mengisch so kei luscht han, die Wörtli zlerne, muess ichs durezieh. Uf dr Tabelle wo mer becho hend in Gg(Geografie) hets au Räteromanisch gha!!! Die Spalte han ich öppe 10 min. aglueget und ich han mir fescht vorgno, disi Sproch au zlerne. Mich fasziniert eifach, wie alles zemehängt mit Französisch, Italienisch und Deutsch. Ich wills unbedingt au lerne, will Räteromanisch fascht vom Ussterbe bedroht isch und ichs schof finde,wenn so e schöni Sproch in Vergesseheit grotet .Spanisch gfallt mir au sehr guet!! Hend ihr d`Sproche gern?Wen ja, wieso?Was fasziniert eu dra? Was för e Sproch würdet ihr gern chönne? Hend ihr eu au en Plan gmacht, wie ich, was ihr wend lerne?
Liebi Grüess
Schoggi
Ps: Chan öppert vo eu Räteromanisch? Bitte mir poscht schribe!!!

Hey,zäme!
Geschter aabe, hemmer alli Liechter i üüsere Wohnig glöscht und hend es Cheminfüür gmacht. Denn ischs so schön warm und heimelig gsi. Ich liebe Cheminfüür!!
Mir hend denn Walnüssli id nöchi vom Füür aneda, also ned is Füür ine, aber nebedra und nachher sind die Nüssli so gschmackvoll gsi!!!! Mini Familie isch denn um de Kamin umeghocket und hends Füür aglueget. das isch en ganz spezielle Moment för mich gsi! Ich weis, ihr denket jetzt es isch langwilig nur da sitze und is Füür inestarre, aber geschter Aabe isch mir klar worde, wie fescht gern ich mini Familie han. Ich chans irgendwie ned so richtig erchläre, aber i mir inne breitet sich denn immer so es warms Gfühl us...kennsch du das? Hesch Du mengisch au so Moment, wo dir plötzlich uffallt, wie gern Du dini Familie hesch? Min Brüeder nervt mich normalerwiis nur, aber ich bi froh, dass en git!
Liebi Grüess
Schoggi

Hey,zäme!
Hüte han ich wele Bloggs vo Eu go lese, aber di gnaz siite isch voll gsi vo Werbige!!Bite höret dermit uf!!!Jede söll selber entscheide, för wer er sött stimme. 2 , 3 Werbige, vo de Kandidate find ich no ok, will mer ja probiert di andere überzüge. Aber bitte dünts ned 40 mol id Plauderbox und 30 mol im Treff schribe! Ich wär sehr dankbar drum! Irgendwie bin ich froh, das d`Wahle glii verbi sind, denn sind nämlich au di vile Plakat weg, wo bi de Strasselaterne und weis au ned wo sind. Nervet eu die Plakat au? Also ehrlich gseit, als Erwachsene wüsst ich ned, för wer ich sött stimme! Es git ja so vil Kandidate!!So ischs mir au bi de Zambowahle gange!! Es hend alli so gueti Idee gha. Es isch scho verlockend, erscht spöter müesse id Schuel zgo, es Zambolager zha usw. Aber för mich gaht Natur vorus. Ischs eu schwer gfalle, Zamboandidate zwähle?
Lg Schoggi(puding)

Hey,zäme!
Hüte im Deutsch hemmer besproche, was för es Tier mir gern wettet si und warum. Ich han gseit, ich wet gern en Wolf si. D`Wildheit wo mer bi de Wölf gseht möcht ich au gern ha. Wemmers Gsicht vomne wolf alueget, meint mer immer er lachet.ich find das ``Lache`` mega syhmpatisch. Îch wet au gern so chönne springe wie de Wolf und sich langsam a sini Büüti apirsche..aber nur, wenn mini Büüti Gummibärli sind oder Schoggi....Was för es wetisch du gern si und warum? Aber ich weiss, das ich ned am wolf ähnle, also, ich bi eher ungschickt, was aschliche betrifft..
Liebi grüess
Schoggipuding

Hey,zäme!
Hüte het e Schuelkollegin vo mir usversehe de Hellruumprojekter vom Tisch gschupst, bevor de Lehrer inecho isch. Mir hend denn i dr Pause zumne Verhör müesse, wo üüs dr Direktor gfroget het, wers gsi isch hend alli gschwige...ich han ned gwüsst, ob ichs jetzt söll säge oder ned, ich glaub so isch es allne vo minere Klass gange...einersiits, git üüs das Ärger, wemmer ned säget, aber anderersits wämmer sie ja au ned verrate..sie het denn derzue nachher no müesse Brüele , will sie vo Schuldgfühl plaget gsi isch, obwohl sies ned extra gmacht het....Was würdet ihr mache? Würdet ihrs am Lehrer säge, oder würdet ihr schwige? Bitte gebet mir Antwort!!! hend ihr au scho söttig situatione erlebt und sind ihr einisch bestroft worde, obwohl ihr gar nüüt gmacht hend? Ich glaub de Schueldirekot wird üüs nomol is Büro hole....
Liebi Grüess Schoggi

Hey,zäme!
Nach dem ich endlich mis Zimmer ufgruumet han und mich parat för morn gmacht han, han ich endlich chli Ziit för mich gha😀 Ich weis, es isch nochli füre mit Weihnachten, aber ich han hüte scho agfange Chärtli baschtle, will i dr schuelziit han ich kei Ziit meh und ich glaube, denne wird ichs vergesse.....aber ich finde Chärtli baschtle macht meeegaaa Spass!!! Ich bruche amigs immer Musik derzue, damit chli kreativ wirde. Wen fangsch Du a, mit Chärtli baschtle, Gschenkli chaufe( evt. baschtle)? Ich mach mini Chärtli immer mit Serviettetechnik, will ich die eifach so speziell finde. bi mine uf mim Profli lad ich denn vorzue di neuschte druuf. Was machsch Du för Chärtli? Ich freu mich mega uf d`Weihnachtsziit, du au? Ich lieb de Gschmack vo Tannechries!!! Und bi üüs i de nöchi hemmer denn de Chrischtchindli märt, hend ihr vilicht au scho ghört. Findet bi eu denn au es fescht statt?
Liebi Grüess Schoggi

Hey,zäme!
Ich hoffe ihr hend alli schöni Ferie gha oder hend immerno! Ich han morn leider wider Schuel, aber es het au Vorteil. z.B freu ich mich wider uf mini Hobbys liechtathletik und Klavier spile. Aber ich freu mich auf uf mini Fründe i dr schuel. Mengisch gang ich sehr gern id schuel, aber mengisch ischs si eifach blöd, vorallem denne, wen Prüefigsziit isch... i dere Ziit han ich scho es paarmol Nervezämebrüch gha! Wa heisst för eu schuel? Hend ihr schomol en Nervezämebruch gha? Hüte muess ich mis Zimmer wider ufruume☹️ Ich weiss au ned, ich chan mis Zimmer nie in Ordnig halte, wen mir schuel hend z.B liget überall Büecher umenand und Stfte. denn muess ich no mini Büecher för morn ipacke, Vocichärtli is Chäschtli inedue...mir ischs schomol passiert, das ich statt Franz sache, Englisch sache mitgno han...Hesch Du vilicht en Tipp för mich, das das nümme passiert? Was ghört för dich zur Schuelvorbereitig? Also ich muess jetzt unbedingt no mini Stifte spitze und Bücher schön is Regal inebiege.
Allne no schöni Ferie, wo no Ferie hend und allne wo morn wider Schuel hend en guete Schuelstart😀
Liebi Grüess Schoggi
Ps: Freu mi scho wider uf d`Weihnachtsferie😀

Hey,zäme!
Mir isch ufgfalle, das ich sit dr 6.Klass und dr Oberstufe gar nümme dun ferseh luege oder eifach selte, nur i de Ferie. Wenn ich aber mol, Ferseh luege, isch meischtens min Brüeder am Fünf Freunde luege☹️ Mengisch ischs schono luschtig so öppis zluege, aber ich würd amigs lieber öppis anders luege, wi Vampire Diares, myZambo, Doctor Who,Pätagei usw.. Kennet ihr das? Wie oft lueget ihr Fernseh? Was lueget ihr gern?
Liebi Grüess
Schoggi
Ps: Dasmol en gaaaanz chline Blog...

Hey,zäme!
Ich hoffe ihr hend bis jetzt alli schöni Ferie gha😉 Also ich scho, ussert das ich han müesse s`Zimmer ufrume isch alles super! Aber geschter Aabe ischs tollschte Ferieerlebniss i dere Ferie gsi, und das wird sich au ned ändere!!!! Geschter han ich e Pijama-Partey mit minere BFF gmacht und die isch mega luschtig gsi!!! Mir sind üüs beidi zimmli ähnlich. Mini BFF isch nur 4 Täg älter als ich. Mir beidi sind eher nachdenklichi aber mir chönd au unendlich lang schnörre. Wo sie geschter zu mir cho isch, hemmer zersch mal es Füürli im chamin gmacht, wills i üüsere Wohnig mega chalt gsi isch. Denn simmer mitere Wulledecki vorem Füürli gsesse und hend öppe 2 Stund gredet, über echli alles. Bis min chline Brüder cho isch und üüs verzellt het, das er eus belauscht het und er alles i de schuel goht go verzelle, wemmer jetzt ned us de Stube verschwindet. Mini BFF und ich hend denn s`Buech Bäng usegno, wo ich vo Zambo gwunne han und hend dört es paar sache gmacht, mega lässig gsi! Wo mer aber gmerkt hend, das min chline Brüeder isch go schlofe, hemmer no en Film glueget( Die Tribute von Panem 2), derzue hemmer no e heissi ofi drunke und Popkorn gesse. Ich find, e luschtigi Chüsischlacht dörf binere Pijamaparty ned fehle. Wo mer denn is Zelt dusse ihneglege sind, hemmer wider afa schnörre bis am morge am 4 i. Ersch den hemmer gschlofe. Wa ghört för dich zunere richtige Pijamaparty? Hesch du e Party in Erinnerig, wo du nie vergesse wirsch?
Lg Schoggi
Ps: Ich glaub, ich gang nochli go pfuuse,bb!

Hey,zäme!
Han grad e erschti Frog a eu: Wa findet ihr besser? Wenn ich schwiiizerdütsch schiebe oder Hochdeutsch?
Hüte schrib i mol uf Hochdeutsch:
Ich konnte gestern Nacht überhaupt nicht einschlafen, wieso weis ich nicht. Gestern hatten wir eine tolle Schifffahrt von Konstanz nach Schaffhausen unternommen und ich durfte bei einem netten Matrosen einen coolen Knoten üben und er hat mir gezeigt, wie man ein Schiff festbindet, mega interessant! Zurück sind wie dann wider mit Bus und Zug. Ein toller Tagesausflug! Doch dann am Abend, als ich im Bett lag, hatte ich immer das Gefühl, ich liege im Schiff oder Zug und mir wurde richtig schlecht☹️ Egal ob ich mich umgedreht habe, ich konnte diesem Gefühl nicht entfliehen. Ich dachte sogar, ich müsste mich gleich ähm....übergeben, nett gesagt. Ich wollte auf das Klo gehen, doch ich konnte meine Beine gar nicht dazu bringen, aufzustehen. Das ging noch ewig so weiter, bis ich um 1:20 einschlief. Da hatte ich aber einen Albtraum, das einen Haufen von Mördern hinter mir her, darunter alle meine Lehrer, mein Bruder, meine ganze Klasse und mein Hund. Hattet ihr auch schon mal eine ganz schlimme Nacht?An die ihr euch noch lange erinnern werdet?
Liebe Grüsse Schoggi ( puding)