Schoggipuding ist ein Mädchen
Hoi, ich bin Schoggipuding
Durian
Hey,zäme!
Ich hoffe ihr hend alli schöni Ferie gha! Ich han si in Malaysia, bi mim Grosi dörfe verbringe. Sie het en eigenti Plantasche, wo si selber dut Palme(Ölpalme), Ananas, Mango, Zuckerrohr, Rombutan, Litsch, Kakao und Durian apflanze. Jedes Mol wen ich zrugg uf Malaysia gange, gang ich mit ihre mit i`d Plantsche zum Ihre hlefe Durian uflese. Hesch du scho mol öppis vo Durian ghört? Das isch d`königsfrucht vo Malaysia und stinkt meeegaaaa fescht😵 Es schtinkt sogar so fescht, das es im ne Taxi, Hotle oder am Flughafe verbote sind. Ich ahn mol defo probiert, also ich finds so mittelmässig, mechans esse. Ich weiss ned wies für eu isch. Ich han ebe früener immer wider brobiert. Müend mol im Youtube i ge: Europäer essen Durian. Da isch mega luschtig! Also ich find Durian isch irgendwie Cremig, und süess. Aber de Nachgschmack isch fascht unerträglich, aber suscht wärs fein.
Liebi Grüess Schoggipuding
Music
Hey, zäme!
Mir hends scho i de erschte wuche mega streng. Mis antistress-Mittel, isch Music. Entweder, los ich Music(Während em Husi mache oder au nachher) oder ich spile River flows in you unf em Klavier. Wenn ich River flows in you spile, beruhigt mich das und ich bi i minere eigene Welt. Was isch eue Tipp, gege stress? Bi mir ischs ab und zue sport, mängisch gang ich mol go seckle odr so...Was bewirkt bi dir Music?
Liebi Grüess Schoggipuding
blöds wetter!
Hey, zäme
Bin grad vo de schuel heicho und bin pflotschnass😵 . Han müesse mit em Velo ga, wil mis busabo erscht morn chunt. am Morge ischs ned so schlimm gsi, nur es paar dröpfli, doch won ich us de schuel chume, schiffstz wie verruckt. Leider isch min Gips vo mim Dume nass worde, drum mues ich nomol zum arzt😵. Snögscht mol nimm ich glaub en plastiksack für min Dume mit, oder hesch du no e idee?Wie ischs wetter bi dir?Bi mir windetz jetzt fescht und es regnet wie gschtört.
Möched eu aber tratzdem en schöne Tag!
Lg Schoggipuding
juhui Frei!
Juhui,frei🙌 denket wahrschinli die meischte vo eu, wenn ihr am Mittwuch nami oder suscht en nami frei hend. "oh nei mega vi ufzgi mache oder für d`prüefige lerne☹️, aber eigentlich möcht ich doch i`d Bad!", denk ich amigs, wenns schöns Wettter isch. ich würd so gern use goh go ge volleyballspile, bade,abmache oder vilicht mit minere Kollegin öppis bache! aber meischtens sitze ich a de uftzgi. Hesch du tipps degege? Oder wa machsch du so, wenn du mol am ne Namittag frei hesch?
Lg schoggipuding
früe ufstah
Hey zäme!
wahrschinli gsender, dasss ich sehr früe muess ufsto, zum id schuel go. Also für mich isch das früe, für dich isches vilicht normol. min wecker lütet am 6., aber bis ich ufstone ich scho viertel ab. wenn stosch du uf? Ich muess denn nachher öppe am viertel vor 7 mit em Velo abfahre. Ich bin mengisch so müed, dass ich fascht 35 min. bruche. muesch du au so früe unterwegs si?Oder mit was gasch amigs id schuel?Zfuess,mit em Velo oder mit em
bus......etc.
LgSchoggipuding
Ps:Schöne Tag an alli!
Lampefieber
hei, zäme
hend ihr da au scho mol gha?Lampefieber, öppis ganz schlimms för mich. Hüt han ich in music müesse öppis uf em klavier spile, plötzlich han ich aber mega fescht lampefieber becho🤷am schluss bin ich vor lampefieber in omacht gfalle. Ned so es tolls erlebnis
bi dir?Hesch da au scho gha?
lg schoggipuding
Büecher schleppe
Hallo zäme
Phu, bin froh, das ich endlich dehei bi! Mer hend hüt fascht alli Büecher becho vo de schuel. Min Rucksack isch fascht platzt. Wo mer denn no d`franz büecher becho hend, han ich die gar nümme inebrocht....🤷 s`dümmschte isch gsi, dass ich mit em Velo i de schuel gsi bin und de schuelweg öppe 5 Kilometer sind. Me chan bi üs ebe nümme Büecher i de schuel lah, wie i de primar. Ich glaube, min rugge isch nach minere Schuelzit total kaputt!!!😵 wie ischs bi eu?
Lg Schoggipuding
Neui schuel
Hallo zäme
Hüt bin ich serschte mol i dr Bez gsi. Es hätt sehr vil veränderige und vorallem neui Lehrer und klassekamerade. Mer muess fasch nach jedem Fach s`schuelzimmer wechsle, das isch ganz ungwohnt für mich🤷. Wie isch`s bi eu?
Filmtipps
Hallo zäme!
Kennt öpper de Film Doctor Who?
Im Film gahts um en maa, wo sich eifach nur der
Doctor nennt. Er isch en zitreiser und muss usserirdischi und so besiege. Es isch en fantasie Film, sìsch im Moment mini Lieblingsserie.De film isch ned wirklich so brutal. Und es hätt glaub ich 12 Doctore gha, (wahrschinli wäg de schauspiler.)Wenn ihrs wend luege, würd ich ab de 5 Staffle afa, das isch am Beste find i . Kennt susch no öpper en guete Film?
Film luege
Bi grad am Doctor Who luege, kennt da öpper vo eu?