Hoi Zämä
Umwelt und Coronavirus sind Themene wo mich in letschter Ziit sehr beschäftiget.
Umwelt
Ide Schuel hend mer grad ide Geografie de Regewald dure gnoh und au dure gno das en grosse Teil vom Regewald abgrodet wird fürd Aapflanzig vo Palmöl-Plantagen und Sojabohne-Plantagen. Mir hend au dure gno das es Indigeni Völker im Regewald wohned und Felder Aapflanzed und das sie eigentlich viels sbessere Konzept hend als die wo d Plantagene aapflanzet. Will die wo im Wald lebed rodet-brenneds ab-und pflanzet aa und uf dere Flächi wo sie keis Feld meh het wachst wieder noie Wald. Uf de Flächi wo Plantage aabaut werdet wird immers gliiche aapflanzt und so wird de Bode no meh Unfruchtbarer. Die Indigene Völker bruuchet ihri Felder nur für de Eigebedarf und die grosse Firmene wo Plantagene gmacht hend sind für d Weltbevölkerig, also mier. Das find ich eifach nöd richtig will d Weltbevölkerig immer meh wachst und daher bruched mir au meh Palmöl und Soja, das heisst me rodet no meh ond no meh Regewald ab und nimmt de Lebensruum vo Bedrohte Tier und ebe de Indigene Völker weg. Das macht mir eifach weh will mer oisi Tier münd schütze.
Durch das das mer Plantagene aabaut wird de Triibhuus effekt gförderet und es wird wärmer und wärmer.
Coronavirus
D Massnahme vom Coronavirus find ich echli überschüssig, will es isch en Virus wie eigentlich jede anderi Virus, er het sich eifach echli anderscht entwiklet darum meinet mir jetzt das es es nois Virus isch. Was mer xeht mit dene massnahme isch das mir so liechtsinnig sind das mer grad Angscht bechömed wenn es noi entwiklets Virus uuftaucht das denn oisi Weltbevölkerig uusstirbt. Was ich aber nöd denke das das chan passiere will mir sind über 7 milliarde Mensche uf de Welt. Das chan nöd sii das mer wege eim chliine Virus uussterbet, es chanvilicht scho si, aber es isch nur miini meinig derzue.
Ich meine wenn mer emene drüü jöhrige Chind säge würd das es en ganz viel chliini bösi viichli uf de Händ het und daher s Grosi wos so gern het nümm dörf go bsueche und oder umarme, denn wird das Chind lerne das mer das nöd dörf egal öbs jetzt die gross Cusine isch oder ebe s Grosi, mer verfremdet das Chind.
Ich meine bim Grippevirus duet mer nöd eso blöd. Sie chöntet eifach uufhöre so blöd tue. Ehrlich xeit sie bennemed sich wie Chindsgigärtner.
Info Nebetbii
S Regelmässige Desinfisziere vo de Hend chan sie das mer wenn mers würkli wider und wider macht en noii art vo Vire züchtet wo imun gege Desinfiktionsmittel sind.
Danke für oies Verstänndniss
und froie mich uf oii Kommentäär
Liebi Grüess Schmetterlingsmädchen
Wed, 30 Sep 2020 20:49:25 +0200