Hoi mitenand

Wo ich vorher de Blog vo de Luana Spinnler gseh ha, han ich gmerkt, das ich gar nöd in Wiehnachtstimmig bin!

Ich ha mich de ganz November scho so uf Wiehnachte und Advent gfreut, aber irgendwie fühlt sichs jetzt gar nöd a wie Advent.😭 Het irgendöpert en Tipp, will egal ob ich Guetzli bache, Wiehnachtslieder lose, singe oder spile, es änderet sich nüt! Nöd emol de Adventskalender woni so freud dra ha bringt mich in Wiehnachtstimmig, und das obwohl ich scho de ganz November in Wiehnachtstimmig gsi bi😩(So isches leider scho letscht Johr gsi und irgendwie isch denn Wiehnachte selber nöd emol speziell gsi, aber i ha kei Ahnig wiso, vlt wills kei Schnee het)

Hender irgendwelchi Ratschläg?

Lg eui 🎹🍅

Hoi mitenand

I ha mol wölle froge wer de Remo Forrer alles kennt?

🎤Wie findeder sini Stimm?

🎹Wa isch eues Lieblingslied vo em?

🎬Wie sinder uf en gstosse?

Lg PianoTomate und Bubbletea12

Hii alli mitenand

I de letschte Zit isch sooooo vil passiert und ich will das eifach mol verzelle😊

Mer hend jo bi mer so e Musiker Dystonie entdeckt (und am Afang denkt es seg öpis mit em Nerv, wommer müsst operiere) und im September noch es paar witere Undersüech isch usecho, dass bi mer wie beides isch, also Musiker Dystonie und de Nerv. Also het de Arzt en OP Termin vorgschlage (kei Angscht es isch nöd so tragisch wies tönt😅, ich tue eu dune en Link ine wo d Dystonie und da mit em Nerv beschriebt, för die wos interessiert😊) und mer hend innerhalb vo 2 Wuche (wahnsinnig schnell isches gange!) en Termin becho. I ha no nie e OP gha und bi sehr nervös gsi🙃 Es isch wie erwartet alles guet gange und i bi mit grosse Vortschritt a de Hand ufgwacht😀. Noch ca. 4 Wuche hani de Arm au wider relativ normal chöne benutze und jetzt gspüri fast nüt meh (nur de krass Vortschritt im Finger Strecke❤️). Ich bin momentan no i de Physio und Ergo wege de Dystonie, so öpis brucht eifach Zit zums behandle aber da chunnt scho guet🤗 I mue erlich si; am Afang hani nöd so recht glaubt, dass da wider einigermasse guet chunnt und bi au vil echli verzwiflet gsi, aber i ha immer so liebi Mensche um mich ume gha, woni alles ha chönne verzelle❤️ Es tönt jetzt vilicht echli komisch, dass i do drus so es "Drama" mach, aber ich ha hald dur das öpis vom wichtigste i mim Lebe nüme chönne witerverfolge und i ha richtig gmerkt, wie mim Körper und minere Seel das fehlt. Aso ich red vo Musig, gnaugnoh Klavierspile (ich bin hald au anere Talentschuel för Musig) und e Musiker-Dystonie macht hald, dass mer d Finger nüme recht cha kontrolliere. Bi mer isches de chli und de Ringfinger. Und dezue isch das mit em Nerv cho (i red vo dem Nerv im Elleboge wo so weh macht wemmern aschlot😅) und de isch so überreizt gsi weller iklemmt gsi isch, dass sich de chli Finger agfange het chrümme. Jetzt noch de OP isch d Chrümmig grössteteils weg🤗. Ich bi eifach soooooo Happy, was för en Vortschritt mer scho gmacht hend und das ich jetzt wider besser cha Klavierspile😍

Sryy för de lang Blog😅

Ganz liebi Grüessli und en schöne Dunschtig obet und Fritig und Wuchenend und nögschtig Wuche und nögschte Monet und Eifach schöni nögschti Zit

eui PianoTomate🎹🍅

P.s. wenner nd ganz drus chömed, chönder wenns eu interessiert bi mine Blogs min letschte Blog mit Betreff "Musiker Dystonie" aluege❤️

Do no d Links Link1 Bi mer isches zum Glück nd so fescht, welli no im Wachstum bin. Vom andere hani kei Links gfunde wo schlau sind😅

Hoi zäme👋 Ich würd eu gern öpis über mini Musik Dystonie verzelle. Ich weiss das tönt sehr komisch aber ich versuechs eu mal z erkläre.☺️ Vor öppe 5 Johr isch üs immer meh ufgfalle, dass min chline Finger irgendwie echli komisch isch. I han en nöd vo selber chöne strecke. Wills jetzt überd Johr immer schlimmere worde isch und ab und zue au weh to het, simmer en denn letschte September (2023) go aluege gange. Zerscht isch de Verdacht bi de Strecksehne glege, aber eigentlich hani zwei Strecksehne im chline Finger😅Denn isch de Verdacht uf en Nerv gsi (bessergseit s Ulnarisrinnensyndrom) , wommer hettet mösse operiere, aber letschte Zischtig hemmer so luschtigi Teschts im Spitol gmacht, wonni so Schtromstöss übercho han zum luege, öb deseb Nerv (Nervus Ulnaris) no richtig funktioniert. Det isch de Tescht aber ganz andersch usgfalle, als erwartet und denn hät en eher ältere Doktor de Verdacht uf d Musiker Dystonie gschtellt.

So, so vil zu de Vorgschicht. Jetzt zu de Erklärig: E Musik Dystonie isch en Chrampf, wo entstoht, wenn mer vil feinmotorische Arbeit macht, wie z.B ich mit Klavierspiele (zuesätzlich no anere Talentschuel für Musik, was d Hand halt scho sehr belaschtet mit em vile üebe). Jetzt funktioniert halt min chline Finger nüme ganz richtig (ich chan en ebe nöd vo selber strecke) und mengmol sind feinmotorische Arbeiten sehr schwirig.

Do no e paar Prozentagobe: 20% werded vollständig gheilt, 79% chönnd ehren Job (au als Pruefsmusiker) guet wiitermache und bi 1% bliibt die Dystonie halt für immer. Ich goh jetzt denn id Ergotherapie zum mini Handmuskulatur z entspanne und z helfe/trainiere/heile und i bi sehr zueversichtlich, dass es guet chunnt. I ca. 4 Wuche hani no es MRI (id Röhre im Spitol) zum sichergoh, dass nüt übersehe worde isch. I bi sehr froh, dass es kei Operation am Nerv worde isch, will da seeeeeehr riskant wär.

I fühl mi au so sicher i de Händ vo dene Ärzt/inne und mer merkt würkli, dass sie sich sehr vil Müeh gebed und sie nehmed au alles sehr ernscht wommer seit. Ganz grosses Dankeschön und Lob a alli Ärzt/inne do usse❤️

I hoff mer het einigermasse checkt, was i gmeint ha und süscht dörf mer gern nofroge😉 (vilicht antworti aber nöd sehr schnell, will i nöd so of online bin) Danke für die wo de Blog dureglese hend, es tuet so guet alles mol chöne teilt zha💙 Ganz liebi Grüess PianoTomate🎹🍅

Hoi mitenand!

I ha am Zischtig Geburtstag gha und ha de dasjohr ganz schpeziell gfiiret. I bi am Mäntig mit mim Gotti und mim Mami mit em Zug noch Konstanz gfahre und denn hemmer agfange wandere. Ich wandere echt gern und darum han i de Geburtstagswunsch gha go wandere zgo. Mir sind de Jakobsweg gange. Ei Etappe (Rapperswil-Einsiedeln) hani scho mermols mit em Gotti gmacht. Das Johr simmer de Schwabenweg vo Konstanz noch Fischingen gange. Das sind 41,4 km, aso fascht d Marathon längi. Da hemmer i zwei Etappe gmacht und so simmer am Mäntig vo Konstanz noch Tobel gloffe, wo au üsi Underkunft ufemne Puuerhof gsi isch. Übrigens ich cha die Underkunft vo de Familie Rupp nur empfehle. Voll schön det. Wommer det acho sind (Nomittag-Obet) simmer nochher in es Restaurant namens Eisenbahn go esse. Det ischs sehr günschtig und trotzdem suuuuuper mega fein gsi. Am nöchschte Morge hani Geburtstag gha und es het en feine Zmorge + en chliine Chueche vom Gotti geh (Mit Cherzli wo es 13i darschtellt druf). Di zweit Etappe (Tobel-Fischingen) isch nöd so lang gsi wie vo Konstanz noch Tobel. Am Obet bini mit mine Eltere und mim Gotti (und em Hund) fein go esse und det het e Frau am Nebetisch au Geburtstag gha. Im Dessert isch e Wundercherze gsi.😃Es isch en voll coole Geburtstag gsi!

P.s: hender gwüsst, dass de Roger Federer au am 08.08 Geburtstag het?

Lg PianoTomate🎹🍅

Do isch de Link zu mim Quiz. Fil Spass!😉

I ha mi vo de anderne Inspiriere looh…😉

Mis Quiz:

Danke a alli wos mached 😊

Link 😅

Wer erkennt das Gesicht?

Hoi mitenand. Ich bin scho lang intressiert am Klimawandel und will mich fürd Welt isetze. I han e zeichnig gmacht (mit Pastellkreiden, isch gar nöd so eifach gsi) wies vor 100 Johr uusqseh het und wies i 100 Johr uusqseh chönnti.

I han no e paar Tipps, wie au ihr em Klima und de Welt chönd helfe:

🌍Abfälle richtig trennen und versorgen

🌍Dinge länger nutzen

🌍Für kurze Strecken auch mal Fahrrad benutzen oder wenns geht zu Fuss

🌍Für längere Strecken auch mal Zug oder Bus benutzen

🌍Saisonales Obst und Gemüse geniessen

🌍Trinkwasser wenns geht vom Hahn trinken (Wegen Pet-Flasche)🚰

🌍Essen wertschätzen und weniger Foodwaste

🌍Energiesparen

Und hier habe ich noch ein paar Tipps fürs Energiesparen rausgesucht:

⚡️Mit Deckel kochen

⚡️Ofen weniger- nicht vorheizen

⚡️Warm Wasser sparen

⚡️kurz duschen, statt baden

⚡️LED Lichter brauchen weniger Strom

⚡️Licht aus, wenn man den Raum verlässt

⚡️Licht gezielt nutzen, nicht jede Ecke des Haus muss beleuchtet sein

⚡️Nur dort Licht einschalten, wo man es braucht

⚡️Geräte z.b in der Nacht ausschalten

⚡️Stecker z.b Ladegeräte ausstecken, wenn man sie nicht braucht

⚡️Heiztemperatur ein bisschen senken (aber nicht so, dass du dich erkältest)