Juhuuu, ändli hani mich chöne aamälde uf de neue Zambosiite. Es isch mega schön worde und alli Emojis sind voll cool. Ich vermisse aber d' Plauderbox chli, aber suscht isches super!!!😜 Es isch sooo vieles neu, aber sooo schön. Die neue Avatär g'fallet mir sehr und super ich, dass es es Skateboard hät. 💚 Alles isch so übersichtlich!

Komplimänt a Zambo!😄

GLG euri Paula! 💚

PS: Jeh, min Blog mit vielne EMOJI'S!🍕

Hey zäme,
ich bin mega truurig wänn ich dänk, was i 10 Wuche sii wird. . . ☹️ I 10 Wuche isch die schöni Ziit i mim alte Schuelhus verbii. 6 Schueljahr han ich det verbracht und so cools, spannends und lustigs erläbt. Di ganz Klass wird ufglösst und jede gaht sin eigene Wäg . . . 👍 Ich vermiss mini Klass scho jetzt . . . Au wänn ich's nöd mit jedem immer friede han, isch d'vorstellig, die ganz Klass würd sich uufteile MEGA SCHLIMM!
Wem gats genau eso und/oder was händ ihr für Tipps, dass ich nöd soo truurig bin???

Glg eui Paeule!

👍 👍 👍

Hey zäme,
sorry das ich erst hüt schriibe chan, aber ich han gester eifach kei Ziit gha. Jetzt gahts wiiter mit:

TAG 3 SUNNTIG:
Am Ostersunntig hämmer mit mine Tante, Okel, Cousinä uns Cousä ( Cousine, Cousin ) brunchet.
Dänn hämmer im Garte Schoggi, Ostereier und Nästli gsuecht und am Namitag hämmer no alli Spieli gmacht, sind im Garte gsi und händ e Jelly Bean Challenge gmacht.Und am Abig simmer id Elbphilharmonie gange. Es isch sehr iidrücklich gsi. ( Wänn ihr nöd wüssed was das isch dänn Googled emal, ich weiss au nöd wie isch's erkläre chönt. )

TAG 4 MÄNTIG:
Am Mäntig simmer uf de DOM ! ! ! Das isch eigentlich e Chile, wo aber glaub abbrännt isch und jetzt isch dete en riesige Platz. Und über ostere e RIESIGI CHILBI wo Dom heisst. Es isch mega cool gsi und d'Bahne schnäll.

TAG 5 ZIISTIG:
Am Ziistig isch leider, leider, leider d' beerdigung vo minere Grosstante gsi. Es isch sehr truurig gsi. Sie hät mit 91 es langs Läbe gha.

TAG 6 MITTWUCH:
Am Mittwuch simmer go iichaufe. Ich han no Geburigschänk für mis Mami und min Götti brucht und für mini Fründine es mitbringsel. Ich han mir aber au no viel Sache kauft.

TAG 7 DUNNSTIG:
Am Dunnstig hämmer Packt und sind ALLES ZRUGG GFAHRE, hei id Schwiiz!

GLG Paeule!😜

Hey zäme,
ich hoffe ihr händ schöni Ostere gha👍
Ich bin, wie jedes Jahr, in Hamburg gsi und verzele eu i mehrere Blogs was ich gmacht han.
Mir startet mit:

TAG 1 KARFRIITIG:
Am Karfriitig sind mir mit em Auto losgfahre. 8 Stund simmer im Auto ghocked.😵 und zu allem ane lied ich unter em Schlächt werde bin Auto fahre. Ich han aber es Medikamänt gno. Im Auto han ich Film glueget und Hörspiel glosed, mängisch au gläse oder Musik glost. Am 7ni simmer aacho. Bi me Schuelkoleg vo mim Vater hämer däfe übernachte.

TAG 2 SAMSTAG:
Nach em Usschlafe simmer in Wald gange. Nachdem mer es ziitli gloffe sind, hämmer de Tierpark erreicht. Es hät Reh, Wildsäu und anderi tier gäh. Irgendwänn isch eus chalt word und mir sind ines Restaurant gange und nachher wider zrugg zum Koleg vo mim Vater. D' Fründin vom Koleg hät Geburi gha und drum isch det es grosses CHUECHEBÜFFE gsi. Am Abig simmer as Osterfüür, das isch es rieesigs Laagerfüür. Ich und es paar anderi Chind wo dete gsi sind, händ es Chinderfüür gmacht, mit vil brötlete MARSHMELOW!😜

- Was händ ihr ade Ostere gmacht?
- Sind ihr schomal in Hamburg gsii?

Morn schriibi witer, guet Nacht
Paeule😜

Hey zäme,
ich schribe hüt über 2 Themas:

FERIE
ab em Dunnstig hani 2ehalb Wuche Ferie und dänn gats nach HAMBURG!!! Ich bin halb Hamburgerin( assed mich aber bitte nöd uf!!! 😉 ) und halb Schwiizerin. Mir gönd mini Verwandte go bsueche und uf de »DOM«, das isch e MEEEGGGA grossi Chilbi wo sooo cool isch!!! ❤️
Ich will eu dänn schribe wies gsi isch, aber zerst muess ich mal gah . . . und laaang warte! 😵
Was mached ihr oder händ gmacht?

BLOG'S
Ich han e frag: Weles Blogthema interessiert eu und über was sölli Blogge???

1 Tier
2 Umfrag
3 DIY
4 Rezept (zum etwas kochen, backen )
5 ...

GLG euri Paeule 😜!

Hey zäme,
ich han mega gern Toffifee und han zuefällig es Rezäpt defür gfunde. Ich schriebe aber uf Hochdütsch, dass es eifacher isch.

Ihr braucht:
Cake- Pop- Form
75g weissen Zucker
75g braunen Zucker
100ml Sahne
20 Haselnüsse
200g schnittfeste Nuss-Nougat-Masse
50g Zartbitterschokolade

Lehrt die 75g weisser und brauner Zucker in eine Pfanne und giese 100ml Sahne dazu.
Rühre alles auf mittlerer Stufe um ( bei mir Stufe 6 von 9 ), damit sich der Zucker in der Sahne lösen kann und dann muss man warten, bis das ganze anfängt zu köcheln.
Dann sollte man nicht mehr weiterrühren. Nach 8- 9 Minuten köcheln kann man mal testen, wie die Konsistenz des Karamells ist.
Also einfach mit einem Löffel etwas von der Masse rausholen und in eine Schale mit kaltem Wasser abkühlen lassen.
Und mit den Fingern das Karamell ein bisschen verformen.
Sobald es nicht mehr so klebrig ist und sich eher wie Knete anfühlt, könnt ihr die Cake-Pop Form zur hälfte mit dem heissen Karamell füllen.
Anschliessend wird die Form für 5-10 Minuten in den Kühlschrank gestellt, damit das Caramell nicht mehr so flüssig aber auch nicht nicht ganz hart ist.
Drücke nun mit dem Finger kleine Grübchen in das Karamell wo du dann die Haselnuss reinlegst.
( Es sieht dann ein bisschen aus,
wie eine Karamell-Schale ) Wenn du die Haselnuss in die » Karamell-Schale « gelegt hast, kannst du die Nuss-Nougat-Masse in einem Topf wieder bei mittlerer Hitze während du sie rührst schmelzen lassen.
Fülle dann die Masse in einen Spritzbeutel oder Tube und fülle die » Carmel-Schale « bis zum Rand mit der flüssigen Nuss-Nougat-Masse.
Nun musst du die fast fertigen Toffifee eine halbe Stunde im Kühlschrank lagern.
Währenddessen kannst du die Schokolade in einem Wasserbad schmelzen und anschliessend einen kleinen Kleks Schokolade auf jedes Toffifee verteilen.

FERTIG, MHHH!

So das isch es gsi. Ich hoffe es isch fein!👍

Glg Paeule!😜

Hey zäme,
am Fritig isch de grossi Tag gsi, wo de Brief im Briefchaschte gläge isch. Am morge i de Schuel han ich mich fast nöd chöne konzentriere, doch dänn bin ich hei grännt, so schnäll wie möglich. Ich han de Brief gse, ufgrisse und gläse...
... BESTANDEN stand darin. Ich han en riese Sprung g'macht und mich g'freut. Ich chan's immer nonig fasse, dass ich bestande han!

Wer vo euch hät d'Gymi-Prüfung au g'macht und bestande, will dän würdemer viellicht zäme ine Klass cho...?

No en schöne Abig.
Glg Paeule!😜

Hey zäme,
min gröschte Traum isch Autorin z'werde! Ich schribe im Momänt grad en Krimi und ich bin in am bearbeite. Ich mache d'illustrationä au sälber!★

Was isch eue grösti Traum???☆

Glg Paeule!

Hey,
hüt mach ich e Umfrag. Und zwar gats um Süessigkeite. D'Frag isch... was isch eui Lieblingssüessigkeit vo dem Bild?

Ich glaube, ich chönti mich nöd entscheide, will ich alles so fein finde. 😉

Glg Paeule!
Freu mich uf viel Schläckmüülerkommis!😜

Hey,
die Witze gehen weiter...

5. Was kann man essen wenn man traurig ist?
Trostbrot

6. Was ist farbig, süss und dumm?
Ein Dummibärchen

7. Wie heisst der teuerste Wald?
Anwalt

8. Fritzchen zur Mutter: » Ich habe vorher eine 10er Note gefunden, aber als ich sah das sie die falsche Farbe hatte und zwei nullen zu viel wusste ich das sie gefälst ist und habe sie gleich in die nächste Mülltonne geschmissen. «

9.Fritzchen hat neue Haustiere: zwei Mäuse! Sein Freund Karl, der sie bewundert, fragt neugierig:
» Und wie lange leben die so etwa? «
Fritzchen: » Keine Ahnung, das musst du die Katzte fragen! «

10. Was ist schlimmer als ein Elefant im Porzellanladen? Ein Igel in der Luftballonfabrik!

Welcher Witz gefällt euch am besten?

Glg Paeule!😜