Hey zäme🌻🌷,

Leider vergahts so schnäll und mini Ziit uf Zambo gaht jetzt denn z’Änd😰. Darum chunt jetzt da sehr wahrschindli no min letschte Blog wo ich mich bi allen Zambomitglieder und em Zamboteam möchti bedanke: 

Ich han während minere Zamboziit so viel netti Meitli und Bube känneglernt❤️und di ganz Zamboziit sehr gnosse. Darum möcht ich mich jetzt ganz ganz gaaaaaanz fescht bedanke für die schöni, interessanti Ziit und für all die wunderbare Moment wo ich da erlebt han💫💫, Mer het sich gägesiitig Tipps gäh, nimmer ällei glah und mer händs au immer luschtig gha, wie e richtigi Zambofamily halt😝.

Ich wünsche eu alles Gueti und viel Sunneschii uf eune wiitere Wäg☀️🍀 💫 – bliibed wie ihr sind! 

Herbschtlichi und Herzlichi Grüess

Paeule😞😥

Heyy zäme🌻,

Ich han eu da en chline Tipp, wenn ihr en megafeine Kuchen wänd bache. Er isch mit Öpfel und Rüebli und Nüss und ere Honigglasur und somit sehr herbschtlich. Er isch viellicht es biz ufwändig, aber ich säge eu <de Umwand lohnt sich> 😍👍🏻

Da une im Bild isch sRezäpt🍰

SChochbuech heisst Zucker, Zimt und Liebe und det drin häts no vieli anderi tolli Rezäpt

Wünsche eu allen no en ganz schöne Sunntig

Gruess Paeule🌷🌼

Halöschen zäme😝,

mir händ sit öpe 4 Mönet en junge Hund (jetzt 8 Mönet) us em Tierweisehuus bi eus uufgno. 🐕 Sie heisst Eve und isch no mega verspielt und bruucht viel Uuslauf.

Daher findet sie au alles total interessant, was sich irgendwie bewegt oder was sie nöd derf😬😂.

Eimal isch dänn ebe öpis sehr dumms passiert😧: Nämli isch sie unbeufsichtiged ime Garte gsi, wos no en Hüenerstall drinn gha hät(nume de Güggel hät Bsitzerin nonig ihgfange) und dBsitzer händ no gseit, neinei, da passiert scho nüt und min Vater hät gseit, dass das aber chönt gfährlich werde. Dänn hämmer also min Hund und dene ihre Hund im Garte glah. Nach eme Ziitli isch dEve aber schwanzwädelnd cho, ...aber ebe mit paar Fädere im Muul😶🐔

Dänn simmer go luege und de Güggel, isch tot uf de Wiese gläge!!!😵😳😱😫😖Alli Hüener sind verängschtigt ime Egge gsi und sind jetzt sicher ihres Läbe lang traumatisiert...

Sie hät sicher nume welle spiele, aber das isch es leider gsi mit em Güggel.

Ganz ganz es liebs Grüessli❤️(au vo de Eve)

Heieiei, jetzt isch das 2018 scho wieder fascht verbii, aber es paar Stund hanni no, zum eu de Blog z‘schriibe. S’2018 isch es cools, spannends Jahr gsi und ich Han so tolli Momänt da uf Zambo und mit Fründe und Familie derfe erläbe. Jede einzelni vo eu isch so einzigartig und super❤️Mercii für es wiiters tolls Jahr.

Jetzt aber no e Frag

Uf was Freued ihr eu im 2019 und uf was weniger?

Liebi Grüess Paeule und en guete Rutsch is neue Jahr🥂💞

Heyy zäme😊

Die Herbschtferie gahn ich wieder mit Familie und Fründe uf eme grosse »Pirateschiff« go sägle💞Es isch scho letscht Jahr mega cool gsi (sofern mer nöd Seechrank wird😬🤢) Aber mer isch ja am Tag mängisch au an Land und gaht go Vulkän ahluege oder s Stettli besichtige.

Usserdem freu ich mich, jetzt nomal in warme Süde 🌴und dänn hoffentlich ab in Winter❄️

Was mached ihr so i de Herbschtferie??

GLG Paeule😇

PS:Das Bild da une isch es

Hey zäme💞

Ich stelle eu hüt drü wiiteri Tipps vor, wie ihr schnäll und konzentriert lärned🤙🏻. 

Hüt gats aber vorallem drum, wie mer en Text guet uswändig lernt. 📚

Tipp 4: Abschnitt um Abschnitt

Bi eme Text isch es guet, wänn mer en i Abschnitt iiteilt. So chan mer sich besser uf de Inhalt konzentriere. (Schriiched mit eme Lüüchtstift di wichtigschte Informatione im Text ah) 👌🏻

Tipp 5: Zusammenfassung 

Bi eme längere Abschnitt hilft au, dass mer uf es separats Blatt e Zämmefassig macht. So lernt mer de Inhalt grad nomal und mer gseht au, was mer nonig verstande hät. 

Söttig «Lärnbletter ✏️» sind vorallem bi Prüefige nachher hilfriich, will mer vor de Prüefig dänn nume namal die Lärnbletter muen ahluege. 👀 (Die lernbletter chönder dänn zum Biispiel ame Ort uufhänke, wo ihr immer wieder durelaufed und‘s ahlueged)

Tipp 6: Kontrolle 

Nach dem du d Zämmefassig gschribe häsch, chasch a dine Eltere oder susch öpertem erchläre was im Text vorchunt. So gseht mer grad öb mers scho chan☝🏻 oder nomal nahläse mun 

Viel Erfolg bi de nächschte Prüefig ♥️

Euri Paeule

Hey zäme🌼♥️!

Bestimmt känned ihr das, wänn ihr vo de Schuel hei chömed, grad a dUufzgi sitzed und dänn trotzdem no bis vor em Schlafe am lerne sind. Oder dass ihr eifach eu nöd chönd konzentriere... 😫🤯

Ich han für eu paar gueti Tipps und Tricks (wo bi mir gnützt händ) wie ihr schnäll und guet lerned 

Tipp 1: Lernorte 

Es git Ort wo mer besser chan lerne und Ort wo mer z.B schnäler abglänkt isch. 

Probier also neui Lernort uus, zum usefinde, wo du dich am beschte chasch konzentriere. Am beschte vom Fänschter weg, will mer sich susch eher ablänke laht. 

(Wänn du usegfunde häsch, wos am beschtä gaht, würd ich immer det lernä. Lueg aber das de Platz immer uufgruumt isch und suuber, so isch mer nämlich grad chli meh motiviert 😉)

Tipp 2: Musik 🎧 

Viel säged, das Musig bi de Uufzgi oder bim lerne stört, aber das isch bi jedem unterschiedlich (also meh Spass macht’s sicher🙃). 

Eher ruhigi und lisligi Musig chan also au hälfe zum Lerne(chunt halt immer druf ah, was mer mache muess –bi Mathe isch z.B. besser ohni susch no Grüsch)

Tipp 3: Pausen

Es isch wichtig, dass mer d Pause macht bevor mer müed isch. Will susch hät mer nachher no weniger Luscht wiiterzmache un mer mag nüme. (Also wämmer immer mal wieder e Pause macht mag mer viel länger) Ich findes guet, wämmer spöttischstes nach 45min e churzi Pause macht. I dere Ziit chamer zum Biispiel use gah. (Das hilft, de Chopf z lüfte und uf anders Gedanke zcho. So chamer nachher guet wieder starte) 

Das wäred mal di erschte 3 Tipps gsi, ich hoffe si funktioniert bi eu, schriibäts doch it Kommentär 😇

Euri Paeule🌸

Hey zäme👋🏻,

wie ja versproche, gits nomal Halloween DIYs 👻! Viel Spass bim läse und vllt bim uusprobiere💗🦇!

1 . Die unheimliche Hand 🤚🏿eifach aber würkigsvoll

Mer brucht:

Wasserfarb (rot wie Bluet), en Pinsel und natürlich Wasser😉!

Maled mit em Pinsel eui Hand 🤚🏿 rot ah! Drucked si dänn an en Spiegel oder vo usse a eues Fänschter!

-Ende🤚🏿

Tipp ❗️

-Nämed du de Farb nöd zu viel Wasser, dass d' Farb hebt.

-Nämed würklich nur Farb womer wider abwäsche chan und fröged au, öb das eui Muetter oder wär au immer es isch, das erlaubt☺️!

2 . Mumienlämpchen 🕸

Mer brucht:

es Glas oder mehreri, dünne Verband 🤕, Liim, bastel Auge (die wo sich so bewegend, gits im Bastellade🕷) und Cherze!

Dünd s'Glas mit Liim bestriche (nume e dünni Schicht) und dänn de Verband wie binäre Mumie umewickle. Chläbed dänn die Bastelauge druf und – fertig 👻!

Stelled dänn es Chärzli drih und scho händer es cools Halloweenlämpli gmacht 🦇!

Glg euri Paeule 🕷🕸💕

Ps: Läsed dänn au wider di nächste DIYs und no en schöne Aabig 👻💗!

En Blog für d Baraigla👻!

Du bisch en mega fründliche Mänsch und ich han dich uu fescht gern💗!

Du bisch oft luschtig und froh☺️! Mit dir chamer immer lache😂!

Es isch würklich toll mit dir zschribe darum bliib wie du bisch💕!!

Dini Paeule🙈!

En Blog über/für d Ami06❤️!

Danke viel mal für din Blog🙈!

Du bisch en sehr herzliche mänsch und ich han dich fescht gern💗!

Mir Verständnis eus guet😄

Obwohl mir eus erscht sit hüt käned, fühlt sich wie e ehwigkeit ah💕!

Bliib wie du bisch😜!!!

Dini Paeule❤️!