Heyy zeme

Ich han mich scho voll lang nüm gmeldet will seehr vieel passiert isch.

Wie ihr im Titel lese chönd han ich am 3. Oktober en Unfall ka.

Mir sind vo de Schuel us imne Lager gsi in Locarno. Ich han mit mine

Mädels im 3. Stock s Zimmer ka.

Am Zischtigmorge ischs passiert. Ich bin usem Fenster gfloge. Ganzi 11.4 Meter. Chopf vorah bini gfloge. Ich chan mich ah alles erinnere, wie ich gfloge bin, wie ich glandet bin, was nachene passiert isch, eifach ALLES.

Drufabe bin ich mit de Rega in Spital vo Lugano gfloge.

Ich han mir min 5&6 Halswirbel broche. Mini Lunge het 2 Riss ka und isch quetscht gsi. Im Rugemark hani 2 Bluetige, so en gnannte Schlangebiss.

Am nächste Tag hani müesse operiere.

Ich bin Tetraplegerin gsi. Das heisst, dass du nüt bewege chasch ussert din Chopf. (Ufgrund vom schlangebiss)

9 Täg bini uf de intensiv-Station gsii.

Jetzt bini i de Reha und muss det no es laangs zitli blibe...

Zum Glück chani mich wieder einigermasse bewege;)

PS: Ich bin sogar id 20min Zitig cho.

LG eui Olivia

Heyy zemme😃

Ich bin geschter vo Schottland zrugg cho😃
Es isch meega schön gsi♥, doch mit de Zit han ich gmerkt, dass ich d Schwiiz viel lieäber han♥
Ich han d Luft vo de Schwiiz lieäber, d Vielfalt, s Esse und no meh😃

Was hend ihr a de Schwiiz bsunders gern?😉
Trozdem isch Holland mis lieäblings Land, was isch eues?😃

Ps: Das ufem Bild isch Creux du Van♥, das isch au i de Schwiiz und ich bin dete gsi, meega schön!!

GLG Olllllll😉

Heyy Lütlis😃

Hend ihr irgend es Talent oder chönder öpppis Usergwöhnlichs oder öppis wo nöd vieli Mensche chönd?
Es chan au unnötig, chli, oder komisch sie😉

Ich mein mit Talent nöd, dass ihr zum Bischpiel inen Sportclub gönd und denn Flick Flack und so Zügs chönd, sondern öppis wo ihr eifach so chönd😃

Ich chan nöd würklich öppis wo nume ich chan aber ich chan es Zundhölzli mit de rechte oder de linke Hand ahzünde. Anschinend chönd das nöd so viel Mensche😉

GLG Olllllll😃

Heyy guys😃

Mini Grossmuetter isch am Zischtig gschtorbe...😢
Eh halb Stund befor sie gschtorbe isch bin ich sie mit minere Muetter gah go bsueche.
Sie isch ah Chrebs gschtorbe. Es het emal ahgfange mit Bruschtchrebs, aber mer hets zschpat gmerkt und denn het sies überall becho, aso Hirnchrebs, Beckichrebs, Leberechrebs usw...
Wo ich sie bin go bsueche ischs ihre scho richtig schlecht gange, sie het nüm chöne rede, isch chridebleich und blauahgschwule gsi, het eh ischalti Temperatur ka, het schwer gatmet und ihri Auge sind halbe zue gsi.
Will mir eh gläubigi Familie sind, hemmer ihre vo Gott verzellt. Am Schluss isch ihre sogar eh Träne cho. Ich weiss nöd öb sie wege mir brüelt het, da ich uh trurig gsi bin oder öb sie ahgfange het ah Gott zglaube...
Nach minere Meinig gahts ihre jetzt viel besser, will sie vo allne Schmerze befreit isch.

Glaubed ihr, dass mer nachem Tod in Himmel chunt? -Ich scho😀

Hend ihr Angscht vorem Tod? -Ich han kei Angscht aber ich hoff trozdem, dass ich schmerzefrei stirb.

GLG Olllllll😃

Hey guys 😃

Ich hoffe eu gahts guet.
Hend ihr au no Feriä?
Wahrschindlich bin ich eini vo de wenige aber ja😉

Kenned ihr The Chainsmokers?
Für diä wo sie ned kenned, dass sind zwei DJ`s wo scho vieli Hits usebracht hend😃
Da isch jetzt es Lied vo ihne😉
Übrigends heisst "the chainsmokers" diä Chetteraucher... aso nüt guets aber trozdem gfallt mer de Name no😉

GLG Olllllll 😃

Ps: Wünsched mir Glück ich han am 6 & 7 März Gymiprüefig😉

Hey guys!!😃

Das isch de Bewiss das Google Übersetzer eifach nume sch***** isch.
Ich hoff ihr hend Spass debi😉

GLG Olllllll😃

Hey guys😃

Ich glaub ihr gsehnd alli, dass es momentan soooooo vieli Verlosige git.😃
Ich find diä Idee isch super und voll sinnvoll, doch diä Verlosige spamed de Treff...
Drumm isch min Plan, dasds s Zambo-team doch en Ordner für diä Verlosige mache chan.
Was meined ihr?😉

Wenn ihr diä Idee guet finded, denn dünd doch id Kommis ineschriebe: #ordnerfürverlosige
Für diä wo ned wüssed wiä mer en # macht:
ALTGR drucke und nachene no es 3 😉

GLG Olllllll😃

heii guys😃

Ich bin ja scho öppe 6 Jahr uf zambo...
Uf jede Fall find ich, dass sich sooo viel veränderet het!!
Früener hets zb. Im Zambo Studio eh Choch/ Baschtelabteilig geh!! Zudem hets Zambooschter geh, dass han ich voll cool gfunde😃
Dete het mer so Frage richtig beantworte müesse damit mer i diä nächscht Rundi cho isch. (aso es isch alles live gsi😉) Am schluss hend sie halt öperem müesse ahlüte und de het denn so Ragetene müesse beobachte und het evt. denn öppis chöne gwünne.
Nachene hends das gwünnspiel halt bim Radio inetah...
Im allgemeine hets Zambostudio anderscht usgseh, alles isch viel grüener gsi😃

Ich denk ihr wüsse dalli no wiä Zambo Sendig no vor churzer zit usgseh het😉. Ich finds voll schad, dass sie kei Sendig meh mached und ich weiss au ned wieso...
Wüssed ihr wieso?😉

Zudem isch viel meh uf de Zambosite los gsi... zb. es het viel meh zambomitglieder amel kah... Momentan hets oft nume 9 Lüt uf zambo, früener hets amel sogar über 30 Lüt kah.
Zudem isch im Treff eifach viel meh los gsi...
Momentan isch halt alles viel langwiliger...
Min Sieger isch eidütig d Vergangeheit. (Leider)

Wiä finder ihr Zambo hüt vs. früener?
Freu mich uf Kommis😃

GLG Olllllll😃

Hey guys😃

Es git vieli Artene vo Musig. Vieli Lüt losed wahrschindlich Charts😉
Ich bin en Fan vo EDM (electronic dance music).
Es git mega vieli Artene vo EDM zb. deep house, electronic house, dubstep, big room usw.😃
DJ`s dünd oft EDM mit Charts mixe. Das heisst die dünd mehreri Lieäder zu eim Lieäd mache.

Was isch eue Sound?😉
Hend ihr es lieäblings Lieäd?❤️

Freu mich uf Kommis😃
Han für eu jetzt es Lieäd usgsuecht wo ned so hert isch😉 grundsätzlich los ich no herteri Musig😃

GLG Olllllll😀

https://www.youtube.com/watch?v=AOeY-nDp7hI

PS: sorry das ihr nume de Link gsehnd aber es gaht ned andersch...

Heii guys😃

Ich chan mich no sehr guet dra erinnere, dass ich früener immer Witz verzellt han wos nume gange isch. Hüt riss ich au no sehr viel Witz aber ich han gmerkt das Lüt immer weniger Witz kenned. Ich denke es liegt dra, dass mir eifach mitlerwile es Handy händ und mir eusi Freizit eifach lieäber mit elektronische Grät verbringe wänd. Ich find das sehr schad, will somit redet mer viel weniger mit de Lüt.😢
Wenn ich Witz verzell (ziemlich oft) denn sinds meischtens Witz mit schwarzem Humor😃
Min lieäblings Witz isch:
Frögt s Chind, Mami wo isch jetzt de gemeini Nachbar, wo du voll ned gern hesch?
Seit d Muetter, de isch im Garte.
Gaht s chind use in Garte und seit, Hä Mami wo?
Antwortet d Muetter, du muesch scho echli meh grabe damit ihn gsehsch.
Ich find de Witz so luschtig, wiä gseit ich han en schwarze Humor. Natürlich isch de Witz hert, aber so isch halt emnal de schwarz Humor😉
Was isch denn eue Humor und eue lieäblings Witz?
Freu mich uf Kommis😉

GLG Olllllll😃