Hoiiii

i mach jetzt bi dä Kuscheltierchallenge vo dä Rainbowgirl mit… i machs eif mit mine Squishmallows

Stacie (also eig säg i allne Squishmallows „Squishi“ aber jo ka, dä Name passt irgendwoe zu ere…

• Alter: 3 Jahre

• Lieblingsfarb: Rosa

• Fründe: Greta und Qualli (Anni)

• Tier: e Mischig zwüsched Chatz und Einhorn

Qualli (dä Offiziell Name isch Anni)

• Alter: 1 Jahr

• Lieblingsfarb: lila

• Fründe: Greta und Stacie

• Tier: Qualle

Greta (dä Name isch nöd vo mir da isch eif dä Offiziell Name)

• Alter: 1 Johr

• Lieblingsfarb: Bruun

• Fründe: Stacie und Qualli (Anni)

• Tier: Bär

• Squishdate: 27.11.2023

Jo genauuuu

Lg Limo-nadee 🍋🥤

Hoiiii!

I han denkt i mach mol en Blog über Lieblingsfächer…

Mis Liäblingsfach isch Zeichne, also BG 🎨. Das Fach unterrichtet au mini Liäblings Lehrerin 🤩. Chochä, also WAH, find i au mega cool, nur d Theorie find i amel nöd sooo cool… 🙃 Jetzt mached mir im Chochä aber grad ä Snackbox. Also mir mönd i Gruppänä so e Chischte mache über irgend ein Snak 🍫 und döte mömer so d Nähwert und so Infos über dä Snack uufschriibä. Mini Gruppe und ich hend üs für m&m‘s entschidä 😁.

Es git aber au paar Fächer wo ni nöd sooo cool find…

Zum Bischpil Mathe 🧮… Oder M & I. M & I find i glaub nochli schlimmer wel mir mönd bis zu dä Wiehnachtä so äs Auto baue ind im 3D-Drucker drucke (au wider innere Gruppe) und niemert us minere Gruppe, und au ich, verstönd nöd wiemer da macht. Und üsen Lehrer… jooo… I M & I chömmer aber au no en Podcast uufneh ind da isch eigentich no cool…

Jo und Sport find i megmol cool. Chunnt druga was für e Thema mit hend… Bi üüs isch hald chlo doof wel es wird sooooo streng bewertet 🤯…

❤️ Wa isch diis Liäblingsfach?

❤️Weles Fach magsch am wenigschte?

Denn grüess i no es paar Lüüt:

Spidi

Hildegard

pizza12

Cece

lola2012

@alli andere…

Ganz liebi Grüess euri

Limo-nade 🍋🥤

Hoiii

D Hildegard het jo en Blog übers Iischlofe gschribe und denn han i denkt i antwote uf diä Frooge eifach immene Blog statt immene Kommentar…

Zu de Frooge:

• I chan eigentlich fascht immer schnell iischlofe aber wo ni chlii gzi bi han i niä chönnä schnell iischlofe…

• Jo i han es paar Tricks 😁:

➡️ Meistens überlegg i mir e Gschicht und denn verzell i mir diä selber und stell mo si au so im Chopf vor, so wiä än Film (i hoff mer verstohts 🤭)

➡️ Du chasch dir au e Thema für en Blog überlegge und denn dä Blog wie scho i dim Chopf schriibä 😁 (Han i übrigens bi dem Blog au so gmacht)

➡️ Wenn du nöd so gern Gschichte tuesch erfinde, chasch au ä Traumreis oder Gedankereis lose. Es git es paar cooli Hörspiel wo mer cha lose. Döte verzellt näbert ä Gschicht und denn chasch dir d Bilder däzue im Chopf vorstelle.

I hoff diä Tipps helfed dir!

I grüess no e paar lüüüt:

Koala15

Melina_

madlaina22

lola2012

@alliii…

Liebi Grüess Limo-nade 🍋🥤

Hoiii!

I hoff du hesch ganz schöni Feri kaa oder vellicht hesch au no Feri? I han no ä Wuchä 😁.

I bi grad am Zmittag chochä und han mi gfröget:

🥄 Dusch du gern Chochä?

🥄 Oder doch lieber bachä?

🥄 Oder machsch beides nöd so gern?

🥄 Willsch vellicht sogar Choch/Chöchin oder Konditor/in werdä?

Mini Antwortä:

I duä gern chochä aber lieber bachä… Aber i will nöd Chöchin oder Konditorin werde.

Lg Limo-nade

Denn grüäss i no es paar lüüt ❤️:

Cece

Licht12

Hildegard

madlaina22

lola2012

@alli andereeeee…

Hoiii

Berlin007 do isch mis Bild zu mim Treffname. Voll ä cooli Idee mit därä Challenge 🤩! Aber i weiss jetzt nöd ob s Bild scharf isch oder nd 🫠 sus schick is nomol…

Lg Limo-nade 🍋🥤

Hoiii!

I welere Klass sind ihr? Wenn ihr i dä zweitä oberstufä, so wiä ich, sind, hät bi villicht au scho d Pruefswahl 👨‍💼 aagfangä…

Vor zwei Wuuche hend mir d Bruefswahlwuchä kaa. Mir hend dörfe zwei halbi Täg go schnuppere. Mir hend uus ä paar Prüäf i üsärä Umgebig dörfe enscheide und sind denn zueteilt wordä. Ich bin än halbä Tag als Polygrafin go schnuppere und en halbä Tag als Fotogafin📸.

(Für diä wo nöd wüssäd was Plygrafin isch: si macht öppis sehr ähnlichs wiä Grafikerin 👩🏾‍💻, also Flyer, Heftli, Logos, ect. gschtaltä.)

I därä Wuchä sind mir au no ä Mess für Bruefswahl go aaluegä. Uuserdem hend mir glernt wiä mer ä Schnupperbewerbig oder än Lebenslauf schriibät⌨️.

Hüt isch min erschtä, richtigä Schnuppertag gzii. Hüt hend mer en Tag kaa, wo mer hend dörfä go schnuppere. I bin i nä Innäarchitektebüro 🏛️ gangä. Es hät mir meega gfallä und i chönnts mer au guet vorstelle, selber mol Inneäarchitektin z werdä.

So gnau weis i aber nonig wa ni will wedä… 🙃

👮🏼Hend er au scho öppis zu dä Bruefswahl i dä Schuel kaa?

🧑🏽‍🍳Hend er en Traumpruef? Wenn jo, welä?

👩🏽‍🔬Sind er schomol go Schnuppere?

👷🏼‍♀️Freued er eu uf d Bruefwahl?

Lg Limo-Nade 🍋🥤

Hoiii!

Juhuuu! Di letschtä Wuchänä vor dä Summerferiä, freued ihr ei au soo?

I bi letsch jor i di erscht Sek choo. I finds meega cool. I minere Schuel sind nur Maitlä und mer muä sehr vil selbständig machä. Am aafang vo dä Wuuchä chömmed mir immer Uufträg (nur Mathe und Dütsch) für di ganz Wuche über, und denn mümers üüs selber uufteilä.

Mir gfallts meega aber trotzdem freu i mi meega uufd Summerferiä ☀️… I letschter Ziit isches jo nd so warm gzii 🌧️…

I dä Summerferiä gang i mit minere Famili uuf Italiä. Und i einere Wiichä gang i is Volleyball 🏐 -Lager mit minä Kolleginnä.

☀️Gönd ir au weg i dä Summerferiä?

☀️Gönd er au is Lager?

☀️Was hend ihr vor i dä Summerferiä?

☀️ Ab wenn hend ir Summerferiä?

☀️Was isch eues Higlight gzii im Letschtä Schueljohr?

Hoiiiii

Ich bi hüt mit äs paar andärä uus minere Klass und mit minene Lehrerinne am Fauelauf in Bern gzii. Es isch mega cool gzii. Mir sind füüf Kilometer grennt. Jetzt sind mer grad im Zug und fahred hai.

🩷 Sind er au am Frauelauf gzii?

🩷 Hend ers Cool gfundä?

🩷 Wönd er au mol mitmachä?

Glg Limo-nade 🥤🍋

lola2012

Hallo mitenand!

I bi neu do im Treff und i wör mi mega über äs paar Fründä freuä♥️!

Liäbi Grüäss und no än schönä Obig wünscht eu limo-nade🥤🍋