Hallo zämä,
Ig bi ja itz ir 8. Klass u da befasst mä sich gross mitäm Thema Bruäfswauh.
Ig ha da bi mir einigi Vrändärigä chönnä beobachtä u di wett ig gärn mit öich teilä:
Sitt ig ir Schuäu bi, wott ig unbedingt Lehrerin wärdä. Das hani immär wöuä. När hani ä Phasä gha, da ha ig nachäm Schtudium unbeding wöuä Fuässbauärin wärdä. Wi ig när es 1/2 Jahr schpetär ha feschtgschteut, isch das rächt naiv gsi.
När ha ig widr nur wöuä Lehrerin wärdä. Plötzläch ha ig aagfangä, mi chly für Rächt z'interessiärä u ha nach dr PH (Pädagogische Hochschule) unbedingt wöuä Polizischtin wärdä. Mir isch immär klar gsi, dass ig nach där 8. Klass is Gymnasium wott.
När hei mir ir Schuäu mit dr Bruäfswauh richtig aagfangaä, da hetts bi mir so usgseh:
Nach dr 8. Gymnasium, när PH u när arbeitä.
Irgendwenn vor churzäm ha ig Eutärägschpräch gha u äs hett gheissä: "Jackie, du chunsch nid is Gymnasium wüu du z'viu lersch!" Für mi isch im 1. Momänt ä kompletti Wäut zämägheit.
Itzä ha ig gar ke Luscht meh uf ds Gymnasium sondärn wott viu liäbär ä Lehr machä. Ig wott unbedingt mit Schprachä odr Musig arbeite, cool wär Buächhändlärin. Drzuä wott i d Bruäfsmaturität machä, damit i när cha schtudiärä. Ig ha nämläch so richtig Luscht ufnäs Musigschtudium im Berich Popular- und Jazzmusik. U d'Lehrär würdä mi o so i däm Berich gseh, was für mi ä grossi Beschtätigung isch.

Dä Blog söu öich, voraum dä Jüngärä odr denä, wo grad mit Bruäfswauh afö, zeigä, dass dir no nid müässt wüssä, was dir mau weit wärdä u dass sich Bruäfswünsch chöi übär nä langi Zyt häbä u när plötzläch vo hütt uf morn ändärä.

Auäs Guätä u ä schöni Adväntszyt
Öichi Jackie

Hallo zäme,
Ja, i mäudä mi o wider einisch! I bi so froh, i ha mi ändlech mit mirä Klass vrsöhnt!
I bi eifach mega gmobbt wordä u ha wöuä wüssä, wrum si so zu mir si. Drum ha ig mi ganz Muät zämä gnoh usä im Klassächät mau gfragt, wrum si so gemein si, was si a mim Vrhautä schlächt fingä, wi ig das bessär cha machä und was si a mim Vrhautä guät fingä. Ig ha no gseit gha, dass aui, wo mir d'Meinig sägä, äs Schöggäli brchömä, das machät dir gschidr nid!
I mir in ha ig mega Angscht gha, dass si mi wägä däm no meh mobbä, abr d Reaktionä si mega positiv gsi. Ig weiss itz, dass eifach eini us mirä Klass übär di Angärä het beschtummä u drum aui so fiis si gsi zu mir. Di ziäht itz mega ä Lätsch u mir geits ändläch guät!

So, was wett ig öich mit däm Blog as Härz legä?
Mänggisch bruchts eifach mega viu Muät, damit's eim widr besser geit u mä Schtritt odr Mobbing cha beändä.
Faus dir Hiuf odr ä Rat zu däm Thema bruchät, chöit dir öich gärn a mi wändä per Poscht!

Auäs Guätä u schöni Adväntszyt
Öichi Jackie

Buon Giorno a tutti

Ds nöiä Schuäujahr hett ja itz scho lengr widr aagfangä u einigi, o ig, hei scho Herbschtferiä.

I schtressä mi extrem säubär, wüu i unbedingt ohni Prüäfig is Gymnasium wett cho nächscht Jahr. Eigentlech müässt i mi gar nid so schtressä, wüu i eh immer ä 5.5 im Durchschnitt ha, was d'Afordärigä si. Abr mir müesse üs scho entscheide, weli 3. Sprach(Änglisch, Italiänisch odr Latinisch), weles Kunschtfach(Musig odr bildnerischäs Gschtautä), weles Schwärpunktfach(Das Fach hei mir meh ir Wuchä aus angäri u äs isch sehr wichtig für d'Maturarbeit), ob mir d'Matur ei- odr zwöischprachig wei machä u weles Gymnasium. Bi einigä vo öich isch ds d'Kanti.
Aus Schwärpunktfächer schtöh zur Uswauh:
-Musig
-Biudnärischäs Gschtautä
-PAM(Physik und Anwendungen der Mathematik)
-BC(Biologie und Chemie)
-PPP(Pädagogik, Psychologie, Philosophie)
-Wirtschaft und Rächt
-Änglisch
-Latinisch
-Italiänisch
-Schpanisch
Im zwöitä Gymrjahr wäut mäh när no äs Ärgänzigsfach.
Aus Ärgänzigsfächer schtöh zur Uswauh:
-Physik
-Chemie
-Biologie
-Anwendungen der Mathematik
-Informatik
-Geschichte
-Geographie
-Philosophie
-Religionslehre
-Wirtschaft und Recht
-Pädagogik und Psychologie
-Bildnerisches Gestalten
-Musik
-Sport

Wi würdät dir öich äntscheidä?

I ha mi so äntschidä:
3.Sprach: Italiänisch
Schwärpunktfach: Änglisch
Kunschtfach: Musig
Zwöischprachigi Maturität(Dütsch-Französich)
Ärgänzigsfach Musig odr PP(Pädagogik und Psychologie), da bini mir no nid sichr, muäss i ja o no grad nid.

Wär vo öich schteit o vor sorä Wau im Momänt?

👍
Auäs Liäbä
Öichi Jackie

Hallo Zambocommunity
Ich melde mich nach langer Zeit mal wieder.
Heute müssen wir von der Schule her einen Berufserkundungstag durchführen. Ich kann den beim TeleBärn durchführen. Es ist voll spannend.

Ich war am Anfang zu früh da, ich durfte noch ein bisschen ins Internet. Dann konnte ich mich entscheiden, ob ich mit jemandem mitgehen möchte, der SCB-Spieler interviewt oder ob ich mit jemandem mitgehen möchte, der die Kandidaten für das Stadtpräsidium der Stadt Bern interviewt. Ich entschied mich für die zweite Option.
Um 9.30 Uhr interviewten wir Alec von Graffenried. Nach dem Interview kamen wir zuück und warten jetzt auf den nächsten Termin um 13.00 Uhr, da interviewen wir Ursula Wyss. Ich bin ein bisschen aufgeregt. Bis da kann ich im Internet herumsurfen. Ich informierte mich über die verschiedenen Kandidaten und jetzt schreibe ich diesen Blog.

Liebe Grüsse vom TeleBärn
Eure Nadeschka

Hallo zämä

I machä imfau widär YouTube. I verlinke euch mi Chanel ungär. Gött doch bitte mau ga verbiluege, am beschte abonnieret dir mi grad, bitte...

I mache uf mim Kanal viu, aber Challenges hei dert nütt z sueche!

I bi uf d'Idee cho, wüu i ja scho einisch ha YouTub gmacht. Itz hani eifach Luscht, widr YouTube z'mache, wüu i eifach gärn vor där Kamera hockä u o viu ir Schuel hei wöuä, dass i widr YouTube machä.

Uf mim YouTube-Kanal heisse ig: Crazy_Nadeschka

Liebi Grüess
Nadeschka

Hey Leute,
Kennet dir, faus dir Snapchat bruchet, das Problem oo? Wenn meh Videos macht, de si si eifach verpixelt, der Ton louft abr richtig.
I ha itz usegfunge, wie meh cha mache, dass das nümm isch u a was es liit.

Wie chasch du das rückgängig machä?

Du muesch dini wichtigschte Date vo dim Handy zersch mau mitemene Backup sichere, findisch über dini Ischtellige. Nächär muesch du unter dine Iischtellige uf Sichern und Zurücksetzen. Vilech funktioniert dass bi Iphones anders, das weiss ig nid, aber bi de Android-Smartphones funktioniert das so. Nächär muesch du haut dis ganze Handy zrüggsetze. I weiss, dass das chley närfig isch, aber es hiuft wunder. Es isch när wider am Aafang, das heisst, dass dir aus nöi müesst iigäh u nöi abelade. Aber vilech bruchet dir deu Sache ja gar nümm. När Snapchat widr abeladä u di Iilogge, när sötts de funktioniere. Zmingscht bi mir u mire Schwoscht isches so gange u mir hei totau verschidnigi Handys.

Was isch d'Ursach?

D'Ursach isch i de meischte Fäu e überlaschtete Spicher. Di meischte hei eifach viu z'viu Date ufem Handy u Snapchat brucht haut scho sehr viu Schpicher.

Faus dir no Frage heit oder mir uf Snapchat weit folge: Schribet mir per Poscht.

LG Jackie

Hallo zämä

I ha äs nöis Hobby entdeckt. Sit de Sportferie spiele ig ja Klavier u dür das ha ig mis nöiä Hobby gfungä. Mis nöiä Hobby heisst "Komponiere". Zersch hani nur so 2-ziligi Lieder komponiert wo nur ds Klavier schpiut, abär si si immär lengär wordä. Vorgeschtär im längwiligä Mathungärricht hani ä Idee für nä genialä Tegscht gha, wo ig o ha ufgschribä. Är isch, mit jedem Mau Refrain usgschribe, chly meh aus 2 A4 Siitä läng. Itzä bi ig di ganzi Zyt nach ärä guätä Melodie am Suechä, i ha o scho so ä haubbatzigi Idee.
I komponiere mini Lieder mitlärwilä mit emene Programm im Internet wo ig ungär värlinkä. Es heisst Noteflight. Faus der Link nid sött funktioniere:
https://www.noteflight.com/
Mis Lied heisst "glückläch si", i bi im Momänt immär am übärlegä, ob is äch söu uf Hochdütsch machä, wüu mir so di bessärä Melodie i Sinn chömä, u das machi äbä wahrschinläch u de würdis de "Glücklich sein" heisse.

Wär weiss, viläch schtah ig ja tatsächläch i nes paar Jahr mit mine eigete Lieder uf der Bühni u machä aunä konkuränz. Cool wärs scho...

Abär im Momänt värabschidät sich d'Jackie vo öich, wüu si muäss ga ässä.

Auäs Liäbä
eui Jackie

PS: I schribä de schpetär nomau ä Blog.

Hallo zäme

I ha ja letsch Oktobär oder Novämbär gschribä, dass ig ir Schuäl gmobbt wirde, wenn ig mi richtig erinnere hani sowieso scho meh über das Thema gschribä.Itz, gägä ds'Ändi vor 7. Klass hett ds'Mobbing ändlech ufghört. I bi so erliechteret. Allerdings wirde ig jetzt nur no chly meh aus eis Jahr i dere Klass si u när wächslä ig is Gymnasium. Mini Lehrer hei mir äbä scho itz chönä sägä, dass ig das Prüefigsfrei schaffe, wüu i Klassebeschti bi. Aso bini irgendwie scho itz chly truurig, wüu i nümme so lang mit ihne ir Klass bi, u di Zyt geit so schnäu verbi.

LG eui Jackie.

Hallo zäme
I schrieb diräkt vom Niederhorn, das isch ja am Thunersee. Mir si hütt mit üsere u Dr Parallelklass hie am Schlittle. Es macht viu Spass aber es hett chly z'viu Nöischnee. Mir si itz grad am Picknicke.
LG Jackie
PS:Mini Kollegin isch iverstande, dass si mit ufem Biud isch.

Hallo zämä

I bi im Momänt (mal wider) zimlech verzwiflet. I frage mi nämlech, ob mit mir no aues OK isch. I ha so mehreri Fantasiefründinnä wo haut glichi Inträsse (Polizei, Keyboard, Unihockey, Schuel) hei, wo ig o ha und ig mit ne guet us chume. Eini devo isch mini allerbeschti Fründin. Si heisst Lara Schwarz, so heisst e Person bi der Sändig "Auf Streife" wo ig cool finde. I mire Fantasie isch si glich aut wi ig u mir si zäme uf ere Polizeischuel in Köln, wo mir ou schlafe. Die andere Fantasiefründinnä wo ig ha, si o vo "Auf Streife" u äbe ou uf dere Polizeischuel.
U der Grund, werum ig mi Frage, ob mit mir no aues OK isch lutet wie folgt: I ha in Ächt äbe ir Klass kei einzigi Kollegin sondern bi eifach ir Klass drin u wirde nid ghänslet, was ja scho mau guet isch. U we de im Unterricht auf chüschelä u mit mir niemert chüschelet wie immer, isch i mire Fantasie die Lara mini Pultnachbarin. I Gedanke chüschelä ig zum Arbeite när ou mit mir. Ir Pousä isch si zwar nid da, wüu ig mit 2ne Modis us nere andere Klass guet us chume. Aber ufem Heiwäg u weni deheim bi, si di Fantasiefründinnä när sofort da u ig bi i Gedanke eigentlech in Köln u nid hie ir Schwiz. U der 2. Punkt isch, dass i mir ja vorschteue dass ig dert schlafe u nid derheime.
Heisst das, dass ig da mit mirä Familie irgendwelchi Problem ha, wo ig mir nid wott igeschtah? Ig bi äbä när deheim eigentlech nur no i dere Wäut u mache fasch nütt mit mire Familie. Okay, i ha nie viu mit ihne gmacht, aber i ha äbä Angscht um mi ire gwüssä Form, wüu mini Eutere hei gseit, dass das eigentlech schlimm isch und ig die Fantasiewäut muess "verbrönnä".
Oder isch das normau, dass mä mit fasch 13 Jahr so Fantasiefründinnä hett i däm usmas?
Bini scho ä däm Punkt acho, wo das schlimm isch? I machä mir äbä Sorge um mi. U was muess ig mache, wenn ig scho ä däm Punkt aacho bi?

Schribet bitte i de Kommentär itz nid, i söu der Suechbegriff Fantasiefreunde bzw. Immaginäre Freunde igäh. Wüu das würdi mir nid witerhäufe.

I bi itz scho ganz weni erliechteret, wo i das gschribä ha.

Euri Jackie