Hoii Liebi Zambo🌍

Wie ihr scho im Titel gsehnd isch mini Ziit uf Zambo verbi.😭

Am Samstig 21.12 wird ich 15 und bin dänn z alt. Es macht mich scho truurig das ich muss Zambo verlah… Es isch eini vo dä beschte Entscheidige gsi im März 2020 bizträtte.❤️Wänns mir nöd so guet gange isch han ich chönä da ane cho und alli händ mich eifach so akzeptiert wie ich bin. Ihr händ mir alli sehr ghulfä und ich wird die Ziit immer positiv ih Gedanke bhalte.😘✨ Au wänn ich es Ziitli nümm so aktiv gsi bin han ich versuecht jetzt i dä letschte paar Mönet no chlii da dzi und d Ziit mit eu gnüssä. Danke ah alli vom Treff, ihr mached de Ort super. Au äs GANZ GROSSES Danke as Zamboteam. Danke danke das ihr das möglich mached.💖

Ich han vill Spass gha bi SRF Kids. Ich han zweimal chöne mit äm Zambobus mitgah, eimal id Sternwarte Urania und eimal uf dä Friedhof. Das isch super gsi. Eimal bin ich au im Radio cho und han chöne mini Plän für Halloween verzelle.😃 Ich han au paar mal versuecht bim Radio gwünnspil durezcho hans aber nie gschafft.

Jetzt no es chliises Lebensupdate. 

Im März 2020 bin ich uf Zambo cho, deht bin ich i dä vierte Klass gsi. Die vierti und Ahfang vo dä füftä Klass sind nöd so luschtig gsi mit minere Klass aber nachher isch es wük super worde. Afang 5 Klass han ich mit rite ahgfange, das isch no cool gsi aber eusi Riitlehrerin hät halt mich voll bevorzugt und mini Fründin nöd so gern gha. Mini Fründin hät dänn nach me Jahr ufghört und ich han nöd so gwüsst will ich han au no wellä mit Fuessball ahfange. Ich han mich dänn für Fuessball entschide. Zum Glück dänn Fuessball isch en sehr wichtige Teil vo min Läbä✨⚽️(Muss grad en Monet ohni Training uscho wägä Ferie und so) 

Die 6 Klass isch sehr luschtig gsi, mir händ sogar dä 1. Platz gholt bim Fuessball schüeli.😁

Nachher isch dä übertritt i dä erschti Sek cho. Mini Klass und d Sekziit isch jetzt nöd so guet aber ich han au sehr tolli Lüt kännä glernt. Mini Ganzi Fründesgruppe bestaht grad us Lüüt wo i dä gliiche Schuel gsi sind (ussert öpper). I dä 1 Sek bin ich au id Pfadi cho. (Ich han mal en Blog gschribä) und obwohl ich jetzt dänn bald erscht zwei Jahr i dä Pfadi bin, bin ich scho Leiterin bi dä Wölfli (1-4 Klass) D Pfadi isch au sehr wichtig für mich will deht sehr luschtigi und liebi Lüüt sind. 😊😜🤗

Jetzt lern ich grad fürd Gymiprüefig.  Mal luege öb ichs schaff. Susch gangi halt is 10 Schueljahr. Deht bini eigentlich entspannt

Bitte Erinnered immer:

Ihr sind super wie ihr sind würklich!!☺️

Ihr sind au mega schön egal was ihr dänked!

 erinnered eu immer das es nöd ufs ussehe ahchunt und versueched eu us dä Auge z gseh vo öpperem wo eu mega gärn hät. 💖

Bliibed wie ihr sind aber dänked au dra das Veränderige normal und oke sind. ✨

Es isch oke wänn eu nöd all Lüt gern händ, will ihr händ ja au nöd alli gern. Solang si normal zu eu sind. Und nei es isch nöd eui Schuld wänn Lüt gemein sind. Und es isch oke wänn ihr eu nöd wehred/ nüt sägäd. Nöd alli chönd das oder nöd immer. Es isch nöd eui Schuld. Ihr sind super so wie ihr sind. 

Han eu alli lieb.🫂😘

Wänn ihr no wänd Kontakt ha mit mir dänn schribed doch im Privatchat.

Danke für alles. 😘🫂

Eui Indira/Elin

Hoihoii

ich han letschti wider alti Blogs gläse und han dä Blog vo dä Dyani gseh wo si schribt wies bi ihre i dä Pfadi lauft und das hät mich inspiriert au so än Blog zschribä. Läsed ihre Blog doch au da isch en Link.

genau wie sie lass ich d Basic Informationen überd Pfadi us und schrib nur wie i minere Pfadi isch.

aso miini Pfadi bestaht us zwei Abteilige ei Meitlipfadi und ä Buebepfadi und zämmä sinds denn halt d Pfadi (Name säg ich nöd) 

 Bi dä Meitli und Buebe Pfadistufe gits zwei Stämm (je) Und bi dä Wölfli buebe und meitli gits ein Stamm wo zwei Gruppe hät (je) 

Bim Ahtrette  am Samstig gits so en Pfiff und dänn hät jedä Stamm so en Platz wo si anestönd und jedä Stamm seit dänn ihrä Spruch und am Schluss säged dänn beidi Abteilige ihre Spruch.

Bim Abtrette am Samschtig sind Alli Stämm einzel und nöd am gliiche Ort wie bim Abtrette.

bi dä Lager bim ah und Abtrette machemer eigentlich nur d Abteiligssprüch will mir d Lager meischtens mit dä andere Stämm zämmä händ

(Pfi-La meischtens mit em Andere meitli Stamm, chlau-la meischtens ellei, Wuchelager (Sola,Hela)die ganz Pfadistufe zämmä und die ganze Wölfli (buebe und Meitli zämmä))

 mängisch machemer au no äs Spiel zum d Nämä lerne vo dä Andere.

vorem esse machemer es Ma Ma Mutschi und erscht nachher dörf mer ässä (wer vorher isst muss irgendöppis als Straf mache(meischtens muss mer doch nöd)) bi eus gahts Ma Ma Mutschi so: en Leiter chunt und macht Mmmmm und mir mached dänn mit und irgedwänn seit dä leiter Ma  Ma Mutschi een guete und mir schreied dänn mit (Mmmmmmmmmmmmmmmmmamamutschi änn guete) 

Am Morge machemer immer Morgesport

Jedes Lager gits äs Gs (gelände Spiel) wo mer so böhnli (ersatzgeld) muss samle und sich dänn Schritt uf em Spielbrett chaufe chan.

Und jedes Lager gitts au ä Gauni (Chärzliwäg)

(mer muss eleii än Wäg laufe und d Leiter verschrecked dich) 

i Wuchelager gits au immer ä Tageswanderig

und än OL 

i Lager hämmer eigentlich immer äs Abigsprogramm, mängisch hämmer ä Zahputzparty

Bi eus wird mer im zweite Lager tauft und mer bechunt bi dä Wölfli und i dä Pfadistufe än Name

Bi dä Taufi muss mer so Sache mache wo d Leiter dir sägäd (schribed doch id Kommis öb ihr gnaueres wänd wüssä)

und dänn mues mer äs Taufmüesli trinke und bechunt dä Name uf dä Ruggä gschribä 

Das wärs scho wider gsi mit miim Blog ich hoff ihr händs intessant gfunde 

Liebi Grüess Indira

🔥hoihoii ✨

es isch ja scho rächt lang her sitt ich min letschtä blog gschribä han

drum han ich dänkt schrib ich wider mal eine

ich wür mich über es paar kommis freue😊

Am Samschtig hämmer ä Pfadiüebig gha und händ mit de Füürwehr so Sache gmacht. Zum Bispiel hämmer chönä verschideni Wasserschlüch usprobiere und Wasser in än Fettbrand ine sprützä (was mer zum löschä ebä gnau nöd sött mache) und luege wied Flamme riesig wird.

Mir händ au so alti Autos chöne verschnide. Ich weiss zwar nöd öb das d Füürwehr macht aber es isch luschtig gsi.😄

Was sicher s Highlight gsi isch, das öpper i so ä trag hät chöne liege (wo suscht benutzt wird wänn verletzti Lüüt irgendwo abe gholt werded) und öpper hät no chöne i so mä gstältli agmacht werde und dänn händ mir so chönä ume Flüge. leider grad wo ich dra gsi wär hät d Füüürwehr än ihsatz gha und hät müssä gah😢

Aber dä Tag isch trotzdem mega cool gsi😁

Was händ ihr am Samschtig so gmacht?

Liebi Grüässli Indira🦊🐻

Hoiihoii

Ich schrib hüt widär ämal än Buächtippblog. Isch nämlich scho rächt lang här sit ich das sletscht mal gmacht han.

Äs wür mich freuä wänn ich än Kommi hindärlönd🦋

Ich schrib jetzt uf Hochdütsch wiitär

Also let‘s Go:

Über das schreibe ich im Blog:

-Steckbrief über das Buch

-Über den Autor

-Zusammenfassung

-Über die Hauptpersonen

-Wem ich dieses Buch empfehle

-Meine Meinung zum Buch

Steckbrief

Name: Noras Welt

Autor:Jostein Gaarder

Veröffentlichung: 2013

Originalsprache: Norwegisch

Hauptpersonen: Nora (im Original also auf Norwegisch heisst sie Anna) und Nova

Jostein Gaarder

Jostein Gaarder lebt mit seiner Frau und seinen zwei Kindern in Oslo.

Er kam am 8.8.1952 in Oslo auf die Welt.

Er studierte an der Uni Oslo Philosophie, norwegische Literaturwissenschaft und noch mehr.

Er schrieb viele Bücher wie zum Beispiel Sophies Welt. Mit diesem Buch wurde er berühmt.

Er bekam viele Preise dafür.

2013 veröffentlichte er dann Noras Welt

Zusammenfassung

Nora hat eine grosse Fantasie und träumt das sie andere Peronen wäre. Es fühlt sich sehr echt an und sie hat schon fast das Gefühl das sie diese Träume empfange. Darum geht sie einmal zu einem Psychiater. Als dieser sie fragt was ihre grösste Angst sei antwortet sie „der Klimawandel“

Kurz darauf gründet sie mit ihrem Freund Jonas eine Umweltgruppe.

Dann träumt sie dass sie ihre eigene Urenkelin Nova sei, die im Jahr 2084 lebt.

In Novas Zeit ist Es in Norwegen so warm das es dort Dromedare gibt. Die Meere sind angestiegen und haben viele Teile der Welt überschwemmt, darum gibt es in Norwegen viele Klimaflüchtlinge.

Auch 1 Million Tier und Pflanzenarten sind ausgestorben und genau die will Nova wieder zurück.

Sie gibt Nora den Auftrag den Klimawandel und das Artensterben zu stoppen.

Kann Nora das schaffen und was hat der geheimnissvolle Ring damit zu tun der schon seit Generationen in Noras Familienbesitz ist?

Hauptperson

Nora

Name: Nora Nyrud  (im Original also auf Norwegisch heisst sie Anna) 

Alter: 15 und 16

Geburtstag: 12.12.1996 (das Buch startet am 10.12.2012 und endet am 12.12.2012)

Wohnort: Norwegen

Freund: Jonas

Familie: Vater und Mutter

Charakter: Fantasievoll, engagiert, mutig, neugierig, fürsorglich

Aussehen: Zum Aussehen von Nora wurde im ganzen Buch nichts gesagt. Ich glaube das ist extra weil es um etwas wichtigeres geht und Nora auch du und ich sein könnte.

Nova

Name: Nova

Alter: 16

Wohnort: Im gleichen Haus wie Nora aber 72 Jahre später

Familie: Mutter, Vater, Urgrossmutter (Nora Nyrud aber Nova nennt sie nur Uma)

Freund: ein Junger Araber (Name wird glaube ich nicht erwähnt)

Charakter: Engagiert, liebt Tiere, möchte die Welt so wie sie bei Nora war

Aussehen: Zum Aussehen von Nora wurde im ganzen Buch nichts gesagt. Ich glaube das ist extra weil es um etwas wichtigeres geht und Nora auch du und ich sein könnte.

Wem empfehle ich dieses Buch?

Ich empfehle es allen die sich für den Klimawandel interessieren.

Ich habe nachgeschaut und es ist ab 12 aber ich finde man kann es auch schon früher lesen.

Meine Meinung

Ich finde das Buch ist sehr informativ und man lernt viel aber es wird trotzdem nicht langweilig.

Manchmal hätte ich mir aber ein bisschen mehr Spannung gewünscht.

Ich finde alles in allem ist es ein sehr gelungenes Buch👍

Ich hoff eu hät dä Blog gfallä

Glg Indira

Hoihoi

Gönd ihr id Pfadi?

Was isch euä Namä?

Sit wänn sind ihr i dä Pfadi?

Was findäd ihr cool?

Wänn träffäd ihr eu?

Sind ihr in BuLa gsi?

wänn Nei:

wänd ihr id Pfadi?

Sind ihr i öppis anderem zum Bispil Blauring?

Ich gang hüt i nä Pfadi go schnuppärä wo ä Fründin vo mir au isch.

Wänn ich jetzt mit dä Pfadi afangä dänn närfts mich das ich das nöd scho eis Jahr früänär gmacht han. Will dänn hett ich is BuLa chönnä😭😭 Aber ich chan ja au no im 2036 als Leiterin gah😢🙂

Ja ich hoffä äs wird cool. 

Ich wür dänn i mim 2tä Lager tauft wärdä. Wiä isch das bi eu? Sind ihr im 1 oder im 2 Lager tauft wordä?

Ich bin scho megä gschpannt was ich für än Namä bechum😁 Und öb ich muäs chotzä wäg äm Tauftrank😂

Isch är bi eu schlimm gsi?

Das da obä tönt jetzt so als wür ich scho i dä Pfadi si aber ich gang eifach mal go schnuppärä 🙃😊

Glg Indira

No än schönä Tag

Hoihoi

Ich hoffe eu gahts allne guät😊🙃

Wänns eu schlächt gaht losi eu gärn zuä😘

I däm Blogs gahts um Liädärtipps.

Ich bruch nämlich unbedingt neui Liäder zum losä will diä wo ich im Momänt losä sind mer scho fascht verleidät🙁

Was sind eui Liäblingsliäder?

Welles würdäd ihr mir Empfehlä?

Miini Liädär wo ich sehr cool findä sind:

Whats going on vom Marvin Gaye

Mir gfallts Liäd will es ruhig und ä chlii trurig isch. Und will er drinn singt „only love can conquer hate“ das heisst so vill wie „Nur Liäbi chan Hass vertribä“❤️

Glue vo Bicep

Ich liäb dä Bass und äs isch irgändwiä au trurig😊

Mädchen auf dem Pferd äs Liäd us Bibi und Tina

Ich liäbs eifach🫶🏽🤩

Light Switch vo Charlie Puth

Das isch eifach so än Ohrwurm😂😊

(nöd soo än schlimmä)

Tender vo Blur

Isch äs mega schööns ruhigs Liäd😘

hans leider chlii z vill glost😢

deht singäts au „Love is the greatest Thing that we have“💜

han das sogar uf miis Fänschtär gschribä

Das wärs gsi mit miinä Liädempfehligä

Ich hoff äs hät eis drinn wo eu gfallt🙃🫶🏽

No än schöönä Abig und morn än schöönä Tag

Indira

Hoi hoi liebi Zambo-🌍

Es isch scho rächt lang här wo ich miin letschte Blog gschribä han darum han ich dänkt ich schrib wieder mal einä. 

Und will ich au scho letschtes Jahr en Jahresrückblick gmacht han mach ich das Jahr wieder einä.

Also viel Spass bim duräläsä. Schriibed doch än Kommi wür mich freuä🙃

aber jetzt würklich Lets go:

Jahresrückblick 2022

Ich hans 2022 scho äs rächt cools Jahr gfundä 

es hätt natürlich au es paar schattesiitä gäh aber zu dänä chum ich spöter und welles Jahr isch dänn scho perfekt?

Ich han chönnä cooli Sachä erläbä und neui Lüt kännä lärnä

Winter: Mir händ mis Zimmer neu umgschtaltet. Mir händs ganz usgrumt und neu gschtrichä😃😁

Früählig: Mir sind in Wien gsi es isch soo schön gsi😊☀️ Und ich han an with an E glüägt👒😘

Summer: d Streetparade isch mega mega cool gsi😁🤩 leider sind mir nöd ihne sondern nur deht wo d‘ Lovemobils abfahred. Aber vom M-budget Lovemobil ä M-Budget Sunnäbrüllä Becho

Ich bin go skatä und ganzi Täg i dä Badi umäglägä😴😊 mega chillig👍

Herbscht : Aldi Eröffnigsfiir isch gsi(1 September) Mer hät chönnä öppis gwünnä(Glücksrad), güäzli und pasta und so aber ich han zwei Öpfel gwunnä😤😂

Mir sind in Lohn gsi(Graubündä) 

Es isch mega schön gsi☀️💙

Winter: ja es hät Schnee gha wo ligä blibä isch😃❄️ und ich han s Zeichnä uf äm Handy, also digital entdeckt machs voll gärn🙃

Ich han es neus Handy becho und han Geburtstag gha. Und ich han Tschugger gluägt😜😁🤩🙃

Vorsätz

Mmh han ich mir no gar nonig richtig überleit

Da sind äs paar die mir grad so in Sinn cho sind😜💞

-Ziit näh fürs läsä📖💞😊

-jedä Tag Yoga machä🙄

Das schtat scho letschtes Jahr i mim Rückblick😅 ja ich muäs ebä so üäbigä machä will ich chnü Problem han. Aber diä

Üäbigä sind ächt langwiilig🥱

Ich versüächs mal😅 suscht halt nöd😂

Ja meh chunt mir jetzt grad nöd in Sinn

Uf was freu ich ich mich im 2023?

-Dä Ustusch im Wallis

I dä Schuäl chönd mir sonän Ustusch mit Schüäler*innä us äm Wallis (französische Teil)

machä. Ich gang drüü Täg zu ihrä und sie chunt drüü Täg zu mir

-Skatä🤪🛹😘

-S schöönä Wättär (hoffentlich)

Meh chunnt mir da au grad nöd ihn Sinn

Das wünsch ich mir vom 2023?

Schööns Wättär☀️✨

Cooli Ziit mit Fründä😎

Das d Rumba gsund wird(mis Meersoili)😘💞🤗😘😘😘✨✨

Jetzt chunt ni chlii än truurigä Teil😢

Und zwar d Tüüfpünkt

-Das es dä Chrieg git

-Das dä Sam gschtorbä isch😭😭😭❤️♾️

(Mis Meersoili 😘😘😘)

Ich hoff eu hät dä Blog gfallä

Ich weiss ich bin rächt knapp dra😅

Aber ja äs guets nrus Jahr und en guätä Rutsch. Rutschäd nöd us😂😘

Glg Indira

Heyy

Ich mach bi dä coolä Challenge vo dä Panda00 mit💜

GLG Indira 💛💜🦑

Hey liebi Zambowält

Och mach bi dä Challenge vo dä Saskia10 mit.

ich hoff die lsuft überhaupt no😅

Lg Indira💜

lolali💜❤️

So han ich s usgrechnet.

Ich hoffe du chunsch drus.

ich bi nöd grad s Erklär Genie😅

Lg Indira 🤎🤍🦑