Zambo Bus
Hallo Zambo-🌍
Ech be Kinderreporterin bi Zambo ond ha döfe met em Zambobus uf Zürich ine Bibliothek.📙 För mech esch en Bibliothek en onglaublech schöne Ort. Danke Zambo han ech döfe Bibliothek met andere Auge gse.
Was macht eigentlech en Bibliothekar/in alles? Ech säge nome vell meh als du der chasch vorstelle. Darom fend ech sie hend alli es rieses Dankeschön verdient. Wenn du mol weder ine Bibliothek gosch ond en Bibliothekar/in gsesch denn säg doch mol Danke.
Du hesch secher vom Roboter gläse oder ghört. 🤖 De Roboter esch onglaublech loschtig ond au höufrich. Bevor mer i Bibliothek gange send hed mer Julia Lüscher vomene Roboter verzöut ond ech ha mer dänkt was set das si. Als ech denn dä gse ha esch s'erschte gsi won ech mer dänkt ha: Dä gsehd us als ob är es Gsecht hed. Wenn du Belder agluegt hesch vom Roboter denn schrieb mer doch gärn öb du das Gsecht au gsesch.
Ech säge danke vell mol as Zambo das ech ha döfe uf so en schöni Zambomission metcho. Es esch es super schöns Erläbnis gse ond en onvergässlechi Erfahrig.
Ech wönsche üch allne no en schöne Obe (falls bi üch ned Obe esch en schöne Tag) ond notürlech vell Spass bim Zambobus lose. Hoffentlech gsämer üs mol weder. 🤗😄
Liebi Grüess üchi Kinderreporterin ond Zambometgled Grace (Lienne)