Heyyo lüütlis😘

Ech be jetzt de scho glii es Johr uf Zambo (wie die Ziit vergod🥺) und wett eif. mol danke säge för alles wo ech do bes jtzt ha döffe erläbe. Ech ha do sooooo vell cooli Lüüt könne glehrt und vell Fröndschafte gschlosse✨️ Do chömed es paar vo mine liäblings Zambomitglider (ned tuurig sii wenn do jtzt nd stohsch cha nd alli uufzelle🥺)

•Leli09 <3

Hend de Knt zwar chlii verlorä abr trotzdem hani dech meeeega gärn🖤 vorallem am aafang wo ech uf Zambo choo ben hemmer mega vell chattet:) bisch en mega tolli Person😚 Hdl

•FloorballTim :)

Besch en mega super Kolleg au wenn mehr de knt verlorä hend dänki gärn a üsi Chatstonde zrogg😅 besch mega e liäbe <3

•Dyani ♡

SOOOO en tolli Person <3

Ha dech sooo krass gärn🥺

Brengsch mech emmer zom lächle😚

Be emmer för dech do my Queen🖤✨️

•Neela08 ☆

En meeeega liäbi und tolli Person

Ha dech mega gärn und ha emmer es lächle ufem gsecht wenn mehr zäme schriibäd🥰💕

•Javascript 🤝

Haha üse Chat eif. Legände😂

Mega guäte Kolleg und emmer fören spass z ha🤪

Hermine14 💕

lolali 💕

@alli andere✨️

Leider muess ech au säge dass sech Zambo sehr veränderet hed🥺 Die lüüt wo emmer so spannendi und langi Blogs gschrebe hend send entwedr nömme aktiv oder nömme vell uf Zambo.... Allgemein send d Blogs nömme soooo krass spannend und au d Lüüt hend sech teilwiis sehr veränderet (Nämeds BITTE nd persöndlech ech has eif mol mösse los wärde) Es send au emmr nor die gliiche paar Online und es esch au schöscht nömme soooo spannend. Das liid secher au chlii dra dass ech eif älter werde:) Abr nomol: nämeds bitte bitte ned persöndlech!

Joa das wärs de au scho gsii haha

Liebi Grüess

Easy :))

Hoiii zäme😇

Gliii send mini Ferie scho weder verbii...ergendwie freu ech mech well ech an e ganz neui Schuel gohne und so au vell neui lüüt könnelehre abr gliich beni truurig dass d Ferie glii weder verbii send. I dem Blog verzelli euch chlii vo mine Ferie (dönd ehn nor läse wenns euch au wörklech intressiert)

1.Woche: zerscht mol realisiert, dass jetzt sommerferie send😅Mehr send go es Schloss aaluege, send metem SUP use und ech be metere Kollegin is Kino.

2.Woche: be vell em Riitsall gsii und ha sälber metere Kollegin döffe go uusriite und Chend bodearbetschuel gäh. ha au no döffe bemene andere Stall go hälfe.

3.und 4.Woche: ab is Bula😍 so en schööni Ziit gsii😇ha so vell spass gha und mega vell cooli Lüüt könneglehrt! mehr send 2 mol go wandere (hasse wandere) und hend au schöscht cools programm gha. mehr hend abr au mega vell Freiziit gha und hend döffe öbere Lagerplatz laufe. dete send mängisch loschtigi Gspröch entstande und ha vell snap odr Insta uustuscht (öb ech die lüüt jemols uf Insta/snap aagfrogt gha.... man weiss es nicht😇) abr s absolute Higlight esch de 1.August🇨🇭 gsii! abr au d Willkommensfiir und d Abschlossfiir send mega cool gsii. mega cool eschs au gii das mehr s zamboteam (Anik LeonhardtViviane Müller und Angela Haas ) troffe hend😊( a dere Stell: danke nomol vell mol för d Autogrammcharte). Mehr hend au mega cooli Nochbere gha (jo okayyy vorallem eine hed mehr sehr gfalle😅)...

5.Woche: Mehr send uf Dänkemark. ech be s erschte mol gfloge😜. Die erschte die erschte 3 täg semmer z kopenhagen gsii und denn no 2 Täg as Meer. es esch mega cool gsii und ech be au s erschte mol am Meer gsii. mehr send au no chorz uf Moen abe go Chriidestei aaluege.

6.Woche: be die ganz Ziit deheime gsii haha und no einisch e Stall abe.

sry för de onnötig Blog😅

Lg

Easy

Hellooooo my friends🖤

Ech und die liäb Dyani hend d Idee gha dass mehr so Blogs schriibäd met Sache wo üch intressiered. Darum chönd ehr Sache id Kommis schriibä wo üch intressiered (z.b. öppis öber en Sportart oder en bruuch emne Land odr was weis ech) ehr döfed au üüs Froge stelle wo üch zo üüs Intressiered.

Ganz en Liäbe Gruäss

Üchi Easy😚

Heyy lüüt🖤

Etzt send eifach scho 6 Johr ome.... Erscht gad no beni e die 1.Klass choo und etzt chomi eifach scho i de erscht Oberstufe! (Wers intressiert: ech go a d Kanti/Gymi) Ha dänk ech mache mol en Röckbleck zo dene 6 Johr

1.Klass

Min erscht Schueltag! Cha mi no genau dra erennere wie uufgregt ech gsii be. Ech be sooo stolz uf mini neu Schuelthek gsii😅Mehr hend e Mega cooli Lehreri gha und hend vell sache glehrt.

Es esch en schööni Ziit gsii.

2.Klass

Die gliich Lehrerin wie e de 1.Klass. Ech mag mech no dra erennere wie mehr e de Pause "Ängeli und Tüüfeli" gspellt hend😂(Chorzi Erchläärig: d Ängeli und Tüüfeli send Huustier gsii. d Ängeli send emmer schön be de Bsetzer blobe aber d Tüüfeli send emmer abghaue). Und au no es erläbnis wo mehr werd en erennerig bliibe: üsi Lehrerin hend mol versehentlich es chend im Klassezemmer iigschlossä und mehr hends erscht gmerkt wo sie plötzlech vor de Aula Tör (mehr hend musigschuel gha) gstande esch.😅

3.Klass

Det hed alles aagfange...mehr hend en neui Lehrerin öberchoo und send emne andere schuelzemmer gsii. Da ech nd so en schöne Körper ha (be halt ehrer deck) ben ech denn au gmobbt worde. Es esch sogar so wiit gange dass mehr 2 us de Klass noch de schuel hendenoche gfahre send und mini Chappe uf d Stross grüert hend.Deheime hani vell brüälät well ech mech nd drout ha z wehre.

4.Klass

be emmerno gmobbt worde. Denn hed üsi Klasselehreri gseid dass sie es Chend öberchond und mehr hend en Verträttigslehrerin öbercho: de "Eastermann" (so hend mehr ehre emmer gseid) Damals hend mehr so es bestrofigsystem gah. Und wenn mehr doof doh hend hed mehr so en "Smok" müesse äbgah (so es komischs Chärtli) wenn mehr denn am ändi vo de Woche no alli gha hend esch guät gsii wenn nd heds en strof gäh. Und üsi verträttigsleherin hend wenn mehr luut gsii send emmer grüeft "jetzt verteili smoks" und jo das hemmer natürlech loschtig gfonde well sie halt uusgraschtet esch😅👍.

5.Klass

hend en Klasselehrer öberchoo. Alli wo ehn vorhär gha hend hend en super gfonde....und jo denn send mehr choo wo ehn eif. ghasst hend... (Die 5 Klass esch allgemein nor us doofe Lehrer bestande) z.b. üsi Franzleherin hend chuum es Wort düütsch chönne👏jo es esch ehres erste (und letschte) johr a üser Schuel gsii...

6.Klass

Üsi Klass esch emmer cooler worde. Ha mech jtzt die letste paar woche au met de Jungs super verstande. (ha 24/7 met mim Poltnochber grett). E de 6 esch au s Klasselager gsii. Es esch cool gsii abr mehr es eif schlächt gange (z wenig schlof, problem met mehr sälber&Liäbeschommer....) wo de de letscht obig met de Klass cho esch beni scho zemlech entüscht gsii (ha ufem heiwääg sogar ghüület).......

Fatzit:

Wenn ech d Ziit chönnt zroggdreie wörd ech sooo vell andersch mache. Au öber s Mobbing dänki andersch als damals.Mobbing hed mech zo dere Person gmacht wo ech jetzt be und ech ha au vell meh sälbschtbewosstsii.

sry för de Lang Blog.

üchi Easy

Heyyoo♡

Ech be die nöchschte 5 Tääg nd on (wägem Klasselager) darum ned böös sii wenn ech nd gad zrogg schriibä😚

Ganz schööni Woche<3

Üchi Easy

Hoi zäme😘

Ech liäbe Zitat (das gsehd mehr au uf mim Profil🙃)

Und drom wörd ech mech meega freue wenn ehr üches liäblings-Zitat id Kommis schriibäd😉 vlt. schriibis uf mis Profil🙂

Sry för de chorzi Blog aber ech ha em Momänt kei Idee was ech söll schriibä (vlt. hend ehr jo en Idee)

üchi Easy😘

Hoi zäme😘

Ha scho ewigs lang kei Blog meh gschrebe sry... Aber ehm Momänt hani eif. kei Idee und ned so vell Ziit😉

Jo wie ehr vlt. au gmerkt hed schriib ech au nömme emmer sofort zrogg😬 Aber ech bemüeh mech möglechscht schnöu zrogg z schriibe und ehr chönd mehr natürlech gliich jederziit schriibe! be emmer för euch do✨

Und jetzt no:

nochträglech Happy Birthday liebi Hermine14❤Alles alles gueti zo dim 14. Gebortstag besch en superobermegatolli Person🤍😚Lyssssssm my Queen🤍🧸

Grüess:

Leli09

FloorballTim

Dyani

Neela08

Einhorn07

Jilivanilli

Luli01

@alli andere

Üchi Easy😘

Hoi zäme😘

Im Internet geds leider emmer weder Lüüt wo sech för öpper uusgäbed wo sie garned send!

För das geds verschedeni Grönd zum Biispel wett die Person vellecht meh uufmerksamkeit oder wend Frönde gfende.Leider geds au erwachseni Lüüt wo sech im Internet als chend uusgäbed und denn met Chend z.B. chatted und und im Chatt au mega lieb send aber in wörklechkeit erwachse send und vellecht au bös! Darum esch wechtig, dass mehr im Internet vorsechtig esch und ned eifach jedem z.b. sini Adrässe ged odr söscht ergedwelchi persöndlichi Sache. Wenn euch en Person im Internet komisch vorchond oder ehr ned secher send öb das stemmt wo sie/er verzellt wändet euch a en Erwachsene oder bräched de Kontakt ab! Aber au ehr döfed euch ned als öpper anderst uusgäh! Allgemein: verhalted üch nor so (egal öb em Internet oder in ächt) wie ehr das vo anderne au gärn hätted.Bitte gäbed euch ned als öpper anders uus! well du besch du! Ech ha no es paar Regle zämegstellt wo ech fende dass sie wechtig send (WECHTIG: DAS ESCH MINI MEINIG!!!)

Regle wo ech wechtig fende:

-Nie üchi Adrässe oder andei Persöndlichi date veröffendliche.

-Gäbed euch nie als öpper anders uus als das ehr send!

-Bliibed aaständig und dönd ned anderi beleidige!

wenn ehr no anderi Regle hed chönder sie gärn id Kommis schriibe :)

ech be froh, dass es Zambo ged well Zambo esch anders als anderi Social Media plattforme secher! Aber au do esch wechtig, dass ehr ned alles öber üch verzelled! Darum geds jo au de Ehrekodex (Link)

Grüess:

Leli09

FloorballTim

Hermine14

Dyani

Donald09

Einhorn07

se10

@alli andere❤

Üchi Easy😘

hoi zäme😘

Schönheit esch es Wort, wo jede öppis ander demet verbendet. De einti fendet vellecht e Fuessball schön, de ander vellecht es Ross.

Was heisst "Schönheit"?

Was Schönheit heisst, entscheidet jede sälber. Jede Mönsch verbendet öppis anders met schönheit well ja au jede Mönsch d Sache anders erläbt. E Mönsch wo zom biispel öppis schöns emne Land erläbt hed verbendet öppis anders met dem Land als en Person, wo schlächti Erfahrige gmacht hed und vellecht au öppis truurigs erläbt hed.

Wer entscheidet, was schön esch?

Jede entscheidet för sech ellei was schön esch. Öpper fendet vellecht en Sänger/ e Sängerin schön, öpper anders vellecht en spezielli Hunderasse. Es esch aber jedem sälber öberloh, was er/sie schön fendet und was ned.

Instagram, tiktok und co.

Uf Instagram und co. send velli lüüt "perfekt". Schönii Nase, Auge, Zänd und hend en perfekti Figur.

Leider geds emmer weder Lüüt wo sech met dene Lüüt vergliiched und denn fendet, dass sie ned schön send. ABER JEDE ESCH SCHÖN! ES ESCH NIEMER PERFEKT ABER JEDE ESCH UF SINI EIGET ART WONDERSCHÖN. Vergliiched euch ned met met ergendöppertem.

(Wechtig: das esch mini Meinig)

Grüess no a:

Leli09

FloorballTim

Dyani

Hermine14

Donald09

@alli andere❤

Üchi Easy😘

Hoi zäme 😘

Ech mache au be de Challenge vo de Saskia10 met

Grüess no a:

Leli09

FloorballTim

Dyani

Neela08

Schmetterling5

Und alli andere🤗

Üchi Easy😘