heyy

ech han entschide, en Blogserie z mache wo ech chlii über mis läbe/ mini erfahrige schriibe und üch chlii tipps gibe und so also läseds nur dure, wenns üch wörklech intressiert :)

S erste Thema isch ✨Vertraue/Vertrauensproblem✨

Ech sälber han sehr starchi Vertrauensproblem. Ech vertraue zwar Lüüt mis Handy a (Es hend au Mönsche ehre Fingerabdruck i mim Handy registriert haha) und ech chan au sehr guet met Lüüt dröber rede, wies mehr gohd und ehne vo mine Problem verzelle aber ech han immer angst, dass die Mönsche ergendwenn chönnted alüüge oder mech plötzlech nömme gärn ha und knta mache... Ech weiss zwar, dass das nd passiert und sie sägeds mehr au täglech aber i mim unterbewusstsii isch gliich immer die Angst nd guet gnueg z sii. Das liid dra, dass ech sehr wenig sälbstbewusstsii ha und sehr unzfride be met mehr..

,

Ech han vell Tipps bechoo und wett jtz e paar a üch wiiter gäh, wenn ehr au z wenig selbstvertraue hend oder angst hend, nd gnueg z sii:

-Wenn ehr am Morge ufstönd und i Spiegel lueged, möched ehr üch es komplimänt aso z.B. wow hött glänzed mini Haar mega schöön oder so öppis.

-Laufed met Chleider ume, wo ehr üch wohl füüled. aso wenn ehr z.B. üche Körper nd so gärn hend, legged wiiti Chleider aa (oversize)

-schriibed üch jede Tag es komplimänt uf und dönds i es glas. Wenns üch schlächt gohd, chönd ehr en Zettel usem glas näh und erinnered üch a die guete sache a üchem Charakter/Körper

Und vergässed nd, ehr send alli wunderschön und mönd nd unsicher sii mit üch sälber. Bin immer für üch do🤍(chönd au gern snap odr so uustuusche)

Welles Thema wend ehr als nöchst?

-Beziehig

-Suchtmittel (nüd schlimms)

schriibed id Kommis

Lg Easy🤍

Heyy

Ich han jo i mim letzte Blog gschrebe, dass ech so d Idee gha ha met ere blogserie wo ech so öber mini erfahrige und so schriibe.

E paar lüüt ( glaub d wal9, d FLUMA und süscht no öpper😅) hend gschribe, dass das en gueti Idee isch :) Alsooooo: hender Froge a mech? (Chönd sie au priv stelle)

Lg

Easy🫶🩵

huhuuu

da min letzt Blog scho chlii länger her isch, han ech mehr dänkt, es isch mol wedr ziit för en neue Blog.

Ech han mehr öberleid, dass ech en Blogserie starte wo ehr mech privat oder i de Kommis Sache froge wo üch intressiered oder wenn ehr es Problem hend, ech mini Erfahrige/Tipps imne Blog chönnti schriibe. Isch das en gueti Idee, oder wörds eh niemer läse? (schriibed mol üchi Meinig id Kommis🤝)

Wie ehr vllt au gmerkt hend, ben ech au nömme so vell aktiv... Das liid dra, dass sech Zambo sehr veränderet hed. Au ech ha mech sehr veränderet und han darum nömme so emmer so Ziit und lust, uf Zambo z choo😬🙃 Wer aber intressi hed chan au gern im priv. chat snap ustusche.🫶

Liebi Grüess

Easy :)

Heyy Zäme

De Blog wo ech do schriibe esch sehr schwerig för mech aber trotzdem fendis wechtig dass so Sache au thematisiert wärded.

Wie ehr jo secher wössed send mehr en generaton wo "alles hed" mehr hend Handys, (meistens) es Dach öberem Chopf und gnueg z ässe. Mehr hend aber au Schönheitsidealie und Erwartige vo anderne wo mehr nd chönd ihalte. Emmer meh Lüüt wärded onglöcklech und send nömme zvrede met sech sälber...

Au mehr gohds so! Ech be sälber sehr onzfrede met mehr und ha erwartige a mech sälber wo ech nd cha erfölle. Zom Biispel hani en sehr guete Kolleg vo momentan sehr grossi Mentali Problem hed.

Wo ech devo Erfahre ha beni sehr gschockt gsii well ech ehm das i de Schuel nie wörklech ahgseh ha. Ufjedefall han ech devo erfahre und be wörklech ensetzt gsii. Was ech druus glehrt ha: mehr gsehd de Mönsche meistens nd a wenns ehne nd guet gohd well sie glert hend, ehri Gfüühl z onderdröcke.

Aber was ech üch wett säge: EHR SEND NED ELLEI!

Aber holed üch Helf wenns üch ned guet gohd! Und wenn ehr merked, dass es anere Person i üchem omfäld nd guet gohd oder ehr nor scho de Verdacht hed denn froged die Person bitte!

Wenn ehr üch nd troued oder s üch onagnähm esch, chönder jo au z.b. ober whatsapp froge oder dere Person en Zäddel gäh wo z.b. Droffstohd "Hey ech ha s Gfühl es gohd der nd so guet. Wenn wotsch rede beni do!" Und glaubed mehr: das hilft dere Person scho so vell. Nor scho s gwösse dass öpper do esch cha so vell hälfe. S beste Bispel: ech ha min Kolleg uf Whatsapp druf agsproche öbs ehm guet gohd... druss esch en chatverlauf vo öppe 2 stond entstande (mehr hend schlossändlech beidi ghüület wells so guet doh hed sech öppertem azvertroue🙃)

Und wenn ehr üch nd secher send wie ehr sölled reagiere oder sälber es Problem hend chönder au am Sorgetelefon 147 alüüte!

Aber merked euch: EHR SEND NED ELLEI!! HOLED ÜCH HELF UND REDED MET ÖPPERTEM!

Ech be emmer för euch do!

Üchi Easy

P.S. mim Kolleg gohds weder besser und er esch au in therapie:)

Hellooouuuuu

Ha en Frog as Zamboteam wägemne Vlog thema... wär super wenn mech öpper em Privatchat chönnt aschriibe :) lg easy

Anna Zöllig

Viviane Müller

Angela Haas

Anik Leonhardt

Heyo

Sorry dassi momentan so spame abr ha en Frog: hätti öppr loscht met mehr uf änglisch odr Französisch z schriibe? Mis Französisch esch nämlech e Katastrophe ond so chanis vllt. Chlii lerä😜 wenn öpper inträssi hed eif. Mälde.

Lg

Easy

Huhu👋

Well ech jo so kreativ be (odr au nd) han ech d Idee gha, e neui Blogserie z starte. Do zeig ech üch Rezäpt odr Sache zom Bastle wo ehr denn chönd noche mache.😊 Ech werd mech det glaub chlii vo Pinterest inspiriere loo well ech komplett nd kreativ be😅 Joa den Fanged mehr doch mol aa:

S erste Rezäpt woni üch wett vorstelle esch en Tassechueche... (ha en Socht noch dem Züüg entwicklet haha) Alles woner deför Bruuched esch:

Zuetate:

2 El Määl🥄

2 El Zocker🥄

1 El Kakao (Bruuche emmr normals Schoggipolver)🥄

1 El Öl (Rapsöl, Sonnebluemeöl egal was) (vllt. Nd gad Oliveöl haha)🥄

2 El Milch🥄

En Priise Salz

Material:

1 Esslöffel (El)

1 Tasse

1 Mikrowelle

Steps:

Määl, Zocker, Schoggiplover und Salz mesche. Denn s Öl und Melch dezue gää. Alles guet dörerüere und denn för 50 sec id Mikrowelle. Tipp: dönds mol nor för ca. 30 sec id Mikrowälle und denn mom meteme Zahstocher driistäche und denn jeh noch dem Nomol chlii drii. (D Mikrowälle uf die höchts Stufe) denn das ganze la abchüele und am schloss gnüüse😜

Nähmed üch vllt. En Erwachsnige zor Helf!!!!!

Nd truurig sii wenns bim erste Mol vllt. Nd gad so klapped wiän ier das wend. Bi mehr heds au ned gad klapped haha🙃

Schöönää Tag no

Üchi Easy

Hoi zäme😘

E chliini Umfrog: welles esch üchi Lieblingsjohresziit? För SOMMER s 😍 emoji tröcke, för HERBST s 😂 emoji tröcke, för WINTER s 😢 emoji tröcke und för FRÜHLING s 😮 emoji tröcke. Danke förs metmache😊

(D Idee hani öbrigens vom Javascript er hend das mol met Osternästlisache gmacht)

Lg

Easy <3

Hoi zäme♡

Ech liebes Büecher z läse! Und well velli jtzt Feriä hend, wett ech üch e paar Büecher vorstelle✨️ let's goo

S erste Buech woni üch wett vorstelle heisst "Felix ever after" vo Kacen Callender

Im Buech gohds ume Transbueb Felix. Er esch zwar Trans* fühlt sech abr au so nd ganz wohl. Er esch unzfrende met sech sälber. Zom Glöck geds do no sin Best Frönd de Ezra...

Buechröcksiite:

Der siebzehnjährige Felix Love war noch noe verliebt-die Ironie daran geht ihm selbst ziemlich auf die Nerven! Seine grösste Angst ist es, dass sich niemand in ihn verlieben wird, weil er einfach zu viele Ausschlusskriterien erfüllt. Braune Haut, queer und trans- die Vorstellung, dass er deshalb nicht liebenswert ist, lässt ihn in Schockstarre verweilen. Doch als Felix transfeindliche Instagram-Nachrichten bekommt, nachdem sein Deadname zusammen mit Fotos von ihm vor seiner Transition in der Schule veröffendlicht wurde, wird es für ihn echt Zeit zum handeln. Felix schreibt seinem vermeintlichen Peiniger zurück, um herauszufinden, wer ihm das angetan hat, und verstrickt sich dabei in einem Netz aus ungeahnten Gefühlen, Identitätssuche und wahre Freundschaft...

Meine Meinung:

Das Buech esch super! Es beziehd vell Persone ii und mehr lehrt e dem Buech au neui Sache. Es esch au schön gstaltet und hed henne (hinten) dra au no en Beschriibig zo allen "Fremdwörter" ech wörd dem Buech 9 vo 10 Pönkt gäh.

Altersfreigab:

Ech wörd säge das Buech esch höchstens ab 12i, da s Buech nd nor die "schön" Siite vom Läbe zeigt...

Warnig: es chömed em Buech au Transfeindlichi Nochrechte vor. (Sie wärded abbelded) das esch vllt. Nd för alli öppis...

Joa das wärs de gsii wenn ehr no meh infos wend, eif. Id Kommis schriibä✨️

Üchi Easy🖤

*zor erchläärig: trans bedütet, dass mehr z.b. al Mäitli gebore esch, sech abr als Bueb füühlt.

Hoii :)

Ech ha mol so en Frog euch:

Wenn ehr 1 Wonsch frei hätted zom d Wält chlii besser z mache... was wörded ehr euch wönsche und wieso?

Liäbi Grüäss😚

Easy