Dragongirl ist ein Mädchen
Hoi, ich bin Dragongirl
Einsendeschluss
Hallo zämä! 🤙
Achtung! Hüt um 20:00 isch Isändeschluss bi minere Verlosig! Wer nu Last Minute* wet mitmache, mues mir eifach e Post schribe wie igs i mim Blogg "Kristall-Verlosung" gseit ha. I würd mi fröiä! Ob der gwunne heit, erfahret dir per Post vo 20:00 - 20:20. (I mues ja lose und aune wo mitgmacht hei schribe!)
Viu Glück und liebi Grüess
Dragongirl 🙃
Neuer Termin
Sorry, i wot nid lang störe! I ha der Termin für d Bekantgab vom Gwinner gänderet. Dr Gwinner wird direkt nach der Abstimmig bekantgäh. Blogg
"Kristall-Verlosung"
Machet mit! 👌
Verlosung Erinnerung
Hoi aui zämä!
I ha z gfüu, vili vo öich hei mi Blogg "Kristall-Verlosung" nid gläsä. Deswege woti nech numau wöue erinnere, das dir dört chöit Kristalle gwinne. Eifach mir bis Morn um 20:00 es Mail schicke, wenn dir gwinnet müest dir mer d Adresse sägä!
Los, woruf warteter?!?!
Kristall-Verlosung
Hoi Lüt,
I ha d Idee vo der Tinksy mit der Verlosig so guet gfunde, das i denkt ha, i mache das oh. Hoffentlech machts der nüt us, Tinksy! Auso, i ha nöilech Kristalle züchtet u ha so vili, das i es paar verlose. U so nemet der Teil: Schribet mer Poscht, wiso dir sä wetet gwinne.(wie bi der Tinksy) Isändeschluss: Morn, 20:00. Der Gwinner chunt äm Mänti Abe use. De wo gwinnt, mues mer aber d Adresse schribe, denn schicki d Kristalle. Dr Isändeschluss isch glii, auso nüt wie los! We dir weit, due ni nächschtens 2 Outogramm vom Stefan Büsser, Radio Srf 3: schribets id Komis!
Hie sid Kristalle:
LG Dragongirl
Zambo-Foto 1
Hoi 😎
Geschter hani nech ja verzeut wies im Chinderreporterkurs isch gsii u ha nech gfragt, vo welem Zambo-Souvenir i söu es Foti poste. Da het Tinksy gmeint, i söu vo jedem eis Blogge. Ja, Tinksy, das hani mer o scho überleit. Aber es wär chli blöd, aui Foti i eim Blogg z'poste. Drum hani denkt, i mache e Abstimmig drus. Aber itz wo dus gseit hesch, machis. Deswege Bloggi itz aui vier Biuder, plus eis, woni nu nid erwähnt ha........... Erwartet aber nid zviu! (De Blogg hani scho geschter u vorher wöue veröffentleche, es het aber es Problem mit er Kamera und em Schpicher gäh!)
Auso, hie isch ds Foti Nummeer eis:
Ds Zambo-Seckli!
Hoffentlech gfauts nech!
Dragongirl
Kinderreporterkurs Teil 2
Hallo zämä,
Dise Mitwuch bini ja im Chinderreporterkurs gsii. Es isch SUPER gsii!!! Vilich heit dir mi ja sogar vo der Webcam us gseh? Und so ischs gsii:
Um 14:30 ischs losgangä. (Die meischtä u o ig si aber scho um 14:00 da gsii😉) denn heimer üs kenneglehrt. Nähär hei mer es Video vo myScool gluegt, wo Ching hei lehre interwewe. Denn heimers säüber güebt. Denn het d Heufti vo üs (insgesamt simer acht gsii) über Humor u di anderi über Schoppe diskutiert (Ig über Humor) und Wünsch id Nacht ufgnoo. Nähär simer zu Srf3 gange u hei der Nick Hartmann troffe. Mir hei im sogar live ä Frag dörfä steue u hei es Outogramm becho! 🙌😴 Nähr heimer Znacht gässä u si bi der Sändig derbigsii. Mir hei nu es Zambo-Turnseckli mit Unterschrifte, es Pätagei-Poster u e Urkund becho! 🙌 Coole Tag gsii! I ha mi nid chönne entscheide, vo welem vo dene Sache i söu es Bild Blogge. Auso hani mer denkt: I mache e Abstimmig drus.
Was söu i Blogge?
A z Outogramm vom Nick
B z Pätagei-Poster
C z Zambo-Turnseckli
oder
D d Urkund
Fröiä mi uf öii Komis!
Bis glii!
Dragongirl😎
Kinderreporterkurs
Hallo Lüt
Hüt Nami gani i Chinderreporterkurs! 🙌 :lol:
I ha nech nume wöüe sägä, das i hüt nid Online bi. Wenn dir wettet wüsse wies isch gsii, schribets id Komis. Denn schribi morn oder äm Wucheendi. (Eher äm Wucheendi, wäg de Zahl vo Komis u der Zit!) wünschet mer Glück! 😎
Bis bald
Dragongirl :girl:
Rückmeldung Wintersport
Hi Lüt
I ha ja ä Wintersport-Abstimmig gmacht. Danke für au die Komentär! 👌 Also, hie si d Ärgäbnis: (nach Ahzahl Stimme sortiert!)
D: 1 Stimm
B: 6 Stimme
C: 6 Stimme bzw. 7 @Doro25
A: 10 Stimme
Bis bald!
Dragongirl
Wintersport
Hey alli zämä!
Endlech wirds richtig Winter. Jupiiiiiiiiiiiiiiiiiii!!! 🙌 Deswege chamä itz o Wintersport mache. I bi scho 2mal ga Bobfahre. Go schlöfle (schlitschüele) hani leider nu nid chönne. ☹️ 😢 Aber was machet dir äm liebschte? Was isch der Zambo-Lieblingswintersport? Stimmet ab für:
A Ski-/Snowboardfahre
B Schlitschüele
C Bob-/Schlittefahre
D Wintersport isch nid mis Ding.
I freue mi uf öii Komis!
Liebe Gruess
Loslassen
Hi
Geit euch das o mängisch so, dir heit äs alts Spilzüg wo dir eigetlech nümme bruchet, chöit nach aber glich nid recht derzue überwinde, s wägzgä?🤷😵Mir geit das drum zimlech hüfig so. Geit euch das o so? U heit der Tips, wie mä sech vo alte Sache cha trenne? I freue mi über jede Tipp! 👍
Dragongirl