Donaldo ist ein Junge
Hoi, ich bin Donaldo
Reiseblog 23.07.2016
Hoi zäme,der Blog chunnt wider mit Verschpötig🤔
Auso,geschter si mir am Morge nomou a s Meer abe,zum Tschüss säge. De si mir uf Lüneburg gfahre,ou bekannt als "die Stadt der roten Rosen"
Nächär si mir chli z Lüneburg umegloufe,und de si mir ou scho bau go schlofe.
Reiseblog 22.07.2016
Hoi zäme,hüt am Morge si mir is Iichoufscenter STOLZ gange. Am Nomittag si mir uf Warnemünde gange. Schpöter hei mir am Schiff COSTA FAVOLOSA bim Uslouf zuegluegt. Nächär bim Parkplatz het üses Outo komisch blinkt,het äuä öpper s Outo wöue chlaue,hei aber Schwein gha.
E liebe Gruess eue Donaldo
Reiseblog 21.07.2016
Hoi zäme,hüt am Morge si mir uf Ribnitz-Damgarten gange und si dert umegschländeret. Schpöter si mir no uf d Seebrügg use,und zwar z Graal-Müritz. Am Obe si mir no a Schtrand go loufe und hei e schöne Sunneungergang gfötelet.
E liebe Gruess eue Donaldo
Reiseblog 20.07.2016 zwöits Föteli
Hie chunnt no de Sunneungergang
Reiseblog 20.07.2016
Hoi zäme,es tuet mer leid:/ das ig dä Blog ersch itze schribe.... Aber egau: Auso,geschter am Morge si mir im Karl's Bauernmarkt gsi,auso am öufi si mir im Karl's gsi und am vieri si mir wider usecho,aber eigentlech hei mir nume schnäu öppis wöue go luege.... Am Obe si mir de Uslouf vo der Regal Princess z Warnemünde go luege. Das isch s grösste Schiff,wo mir je hei gseh.
Es chunnt es Föteli vo dere und i nem zwöite Blog no e Sunneungergang.
E liebe Gruess eue Donaldo
Reiseblog 19.07.16
Hoi zäme,hüt am Morge si mir uf Fischland-Darss-Zingst gange,genauer uf Zingst. Am Nomittag si mir vo Zingst uf Ahrenshoop gange. Dert hei mir e Glace gässe,und si nächär i d Feriewohnig. Am Obe si mir uf Warnemünde go loufe und nächär si mir no de Uslouf vom Schiff Wind Surf go luege. Das chunnt aus Föteli.
E liebe Gruess eue Donaldo
Reiseblog 18.07.2016
Hoi zäme,hüt am Morge si mir uf Warnemünde go shoppe. Am Nomittag si mir wider i d Feriewohnig gange und schpöter si mir no go Tischtennis schpile.
Am Obe si mir a Schtrand abe und hei de Sunneungergang gfötelet. Dä chunnt ou aus Föteli.
E liebe Gruess eue Donaldo
Reiseblog 17.07.2016 Ergänzig
Hie chunnt s Föteli vom Schiff.
Reiseblog 17.07.2016
Hoi zäme,hüt si mir am Morge uf Nienhagen go de Gschpängschterwaud go aaluege und hei no Hüenergötter gsuecht. E Hüenergott isch e Schtei mit enem Loch,wo me cha düreluege.Es Föteli dür das Loch chunnt. De si mir wider i d Feriewohnig gange. Und am Obe si mir no uf Warnemünde go luege,wie ds Schiff MSC OPERA uslouft. Vo däm chunnt ou no es Föteli.
E liebe Gruess eue Donaldo
Reiseblog 16.07.2016
Hoi zäme,hüt si mir am Morge uf Dierhagen go e Zeese-Boot-Regatta go luege.Es Zeese-Boot isch es Boot,wo öppe 80 cm Töifgang het. Es Zeese-Boot chunnt no aus Föteli. Nächär si mir uf Wustrow a ne Kunschtmärit. De si mir no i Karl's Bauernmarkt uf Rövershagen. Und am Obe weiss ig no nid,was mir mache.
E liebe Gruess eue Donaldo
