Donaldo ist ein Junge
Hoi, ich bin Donaldo
Reiseblog Herbstferien
Hoi zäme, hüt si mir am Morge uf Lindau-Insel gange und si dert ou wider go shoppe. De am Mittag hei mir Hunger gha und niene öppis gfunge und si de am Schluss i die "nid so schöni" Bäckerei Hamma gange. de si mir vo Lindau-Insel etappewiis uf Friedrichshafen gfahre und hei derbi no die schöne Dörfli am Bodesee aagluegt,und zwar si das Langenargen,Wasserburg,Nonnenhorn gsi. De si mir z Friedrichshafen a d Promenade i d Buechhandlig RavensBuch gange und ig ha mir dert es cools Buech kouft. de si mir i nes schwäbischs Restaurant gange und ig ha dert es suuuuupermega feins Schnitzu gässe!!!!!!!
Leider si üsi Ferie morn scho verbi!!!!!
Aber ig ha no d Hoffnig,das mir no ei Nacht drahänke!!!
Itze hocke ig wider i der Hotäulobby und schribe ou dä Blog!!
Ig freue mi scho uf eui Kommis!!
E liebe Gruess vom Bodesee eue Donaldo
Reiseblog Herbstferien
Hoi zäme, hüt si mir am Morge z Friedrichshafen go shoppe. am Mittag si mir es Sandwich go ässe und de si mir nomou chli go
shoppe.de si mir is Hotäuzimmer und hei us em Fäischter e Zeppelin gseh. E Zeppelin isch fasch chli wie es Flugzüg,nume isch er oval. De hei mir no beschlosse,a Flughafe oder Bodensee-Airport z goo. Dert hei mir a nem Flüger zuegluegt,wie das er schtartet und drufabe si mir e supersupermega feini Pizza am Flughafe go ässe👍🙌
Itze hocke ig wider i der Hotäulobby und schribe dä Blog....
E ganz e liebe Gruess vom Bodesee eue Donaldo
Reiseblog Herbstferien
Hoi zäme,hüt si mir vo deheime a schön Bodesee gfahre. Zersch hei mir z Überlingen Mittagshalt gmacht. Schpöter si mir de uf Friedrichshafen gfahre,das isch uf der dütsche Site vom Bodesee. und itze hocke ig grad i der Hotäulobby und schribe dä Blog.
Ig freue mi scho uf eui Kommis!!!!
E liebe Gruess vom schöne Bodesee eue Donaldo
Reiseblog Herbstferien
Hoi zäme,ig bi wider mou nach langer Zit online und wirde ab em 3. oder 4. Oktober e Herbschtferie-Reiseblog mache!!!! Ig hoffe,dir heit aui wider vüu Spass bi mim Reiseblog!!!! 👍🙌😎
E ganz e liebe Gruess Donaldo
GURTEN!!!:):)
Hoi Lüts,hüt si mir ufem Bärner Husbärg,de Gurte oder Güsche. Es isch schön hie. Vorauem d Ussicht gfaut mir sehr guet. Und ig bi s'erscht mou Zahnradbahn gfahre!!!
Gruess eue Donaldo
Sommerchallenge 4
Buchtipp👍
Name vom Buech: Frank Einstein und die Entführung der Roboter. Ig has bi Zambo gwunne und es isch es ächt cools Buech. Auso,aus Klappetext,auso hingedruff schteit: LEG DICH NIE MIT EINEM ROBOTER AN!!! Am liebsten bastelt Frank Einstein in der Werkstatt seines Grossvaters Dinge,die die Welt noch nicht gesehen hat.... Eines Tages gelingt ihm das Unglaubliche: Er baut zwei Roboter,die ein Blitz zum Leben erweckt. Klink ist wahnsinnig schlau, Klank ist,nun ja,wahnsinnig liebenswert. Doch gerade hat sich Frank mit ihnen angefreundet,da werden sie auch schon entführt. Frank allein kann seine beiden neuen Freunde retten.
So,das schteit hingedruff,ig hoffe,es macht nüt,wüu ig das Buech bi Zambo gwunne ha.
E liebe Gruess us em Bärner de Donaldo
SUMMERCHALLENGE!!!
Hoi Lüts,bitte gäht chli Gas,dass mir 25 oder meh Refrains uf d Combox singe!!! Ig ha mi Biitrag gmacht!!! BITTE!!! BITTE!! Machits mir gliich!!!!
Ds Nummero isch 0848002327!!🆘🆘🆘
👍👍👍
Reiseblog 26.07.2016
Hoi zäme,hüt si mir vo Fulda hei gfahre 🆘🆘😵😵 Auso,deheime aacho so mir grad hei,aber vorhär no zu mine Grossöutere gange. De si mir am Obe i Mc'Donalds go ässe 🙌😎 Aber ig säge nume,sweet home,do isch es immer no am schönschte,nid????
Vo üsem "Ferieort" chunnt no e Link
E liebe Gruess eue Donaldo
Reiseblog 25.07.2016
Hoi zäme,de Blog chunnt scho wider mit Verschpötig🤔🤔
Auso,geschter si mir vo Lüneburg uf Fulda gfahre. Am Nomittag si mir z Fulda go shoppe,nächär wider e Pizza go ässe,und e Geocache hei mir ou no gsuecht und gfunge,auso bessergseit,ig ha ne gfunge. Mit eim Griff!!! Und de si mir ou no e grossi Wasserfontäne go aaluege. Und das isch ou scho mi Blog gsi.
E liebe Gruess eue Donaldo
Reiseblog 23.07.2016
Hoi zäme, hüt hei mir am Morge e Sightseeing-Tour dür Lüneburg gmacht und hei ganz auti Hüser gseh. Am Nomittag si mir es Schiffshäbewärch go aaluege.
Am Obe si mir fein go ässe.
E liebe Gruess eue Donaldo
