Hallo zämme

Ich han dänkt, will d'Herbst Bucketlist bi eu so guet aacho isch, mach ich eini für de Winter☺️ Wie immer würd mi freue wenn ihr de Blog würed läse und en Kommentar schriebe💕Würd mi au freue wenn ihr es paar Pünkt vo de Liste sälber gmacht händ und mir dervo imene Blog oder Kommentar verzellet🗣

Fanget mir jetzt aber aa.....👇

⛄️: Schneemaa baue

❄️: Schneeballschlacht mache

⛸: Schlittschueh laufe

🏂: Snowboard fahre

⛷: Ski fahre

🎲: Gsellschaftsspieli spiele

🎬: Film luege

🍪: Guetzli bache & nachher ässe😋

🎀: S'Zimmer winterlich dekoriere

☕️: Punsch oder Kakao trinken

🎁: Wiehnachtsgschänkli chaufe oder bastle

📝: Wunschzättel schriebe für Wiehnachte

👖: Chleiderschrank uufrume

🛁: Entspannungsbad

🤸‍♀️: Yoga/Dehne oder andere Sport mache

🎄: Wiehnachtsmusig lose😍

Ich Grüesse:😘

GregsTagebuch

delfin17

elefant17

Vanilla

Äffli03

LKW

Schmetterling5

Nila

Maus68

aber natürlich au dich❤️

Danke für's dureläse📖 Hoffentlich sind es paar Tipps bruchbar für eu😇

Liebi Grüess Cocolina🤗

Hallo zämme

Ich han dänkt ich mach mal en Blog mit verschiedene Theme (quasi mit Kapitel) und ihr chönd denn die Abschnitt läse wo euch intressieret☺️

Fanget mir mal aa.....👇

Ski Alpin:

Erst grad hät Ski-Saison aagfange.... (S'nächste Ränne vo de Manne: 27.11 in Lech, Österreich

und vo de Fraue 21.-22.11 in Levi, Finnland)🎿🏂 Ich lueg jedes Ski-Renne😄 Min Lieblingsskifahrer: Daniel Yule und Marco Odermatt🥇 und Skifahrerinne: Corinne Suter🥇🤗

Händ ihr Lieblingsskifahrer/inne? Wer?😉

Schnuppern:

Die Wuche han ich Schnupperwuche. Ich bin vo hüt bis am Dunstig in zwei Kitas und am Fritigmorge innere 2. Primarklass👶 Ich würd mega gern öpis mit Chind mache😁

Komedie:

Ich han mega gern Komedie. Am liebste Peach Weber und Divertimento😂Ich find viel Witz mega lustig😂🤣 S'Neuste Programm vo Divertimento heisst: Sabbatical und vom Peach Weber: Gäxplosion. Wänn ihrs nonig känned chönd ihr gern mal drii luege oder lose🎧😂

Händ ihr gern Komedie? Händ ihr e Lieblingskomiker/in? Wer?

Filmtipps:

Will viel nach Filmtipps sueched:

Dancing Queen (ab 6 Jahren)Enola Holmes (ab 13)Forrest Gump (glaub ab 13)Hanni und Nanni (alle Teile ab 8)Peter Hase (ab 6)Conni und Co ( alle Teile ab 12)Pets 1 & 2 (ab 6)Bibi und Tina (1-4 ab 10)Ostwind (alle Teile ab 10)

Scho 14ni:

Chürzlich bin ich 14ni worde🎉 Das heisst leider au das ich s'letzt Jahr da uf Zambo bin😢 Ihr derfed mega gern Blogidee schriebe wo ich denn sehr gern thematisiere?☺️

Bullet Journal:

Schriebed doch in Kommis wänn ich wieder mal Bilder vo mim BuJo mache sött oder Tipps für Wucheübersichte,......☺️

Ich hoffe die neu Idee gfallt eu denn machi wieder mal so öpis☺️🤗

Schöne Abig🌄

Liebi Grüess Cocolina☺️

Hallo Zambo-🌍

Ich hoffe ihr sind wieder guet idi neu Wuche gstartet und händs nonig zu sträng😅🤓

Mir händ ab hüt wie de Titel scho seit 👆 Maskepflicht ide Schuel😷 Mir münd sie immer aa ha ussert im Sportunterricht.🤸‍♀️ Ich verzell🗣 jetzt eifach chli was mir hüt ide Schuel so gmacht händ und würd mi freue wenn ihr de Blog würdet dure läse und kommentiere📝😘

Also am Morge am 7:15 ischs los gange. Ich han die erste zwei Lektione Home-Schooling gha will mini Werklehrerin dihei gsi isch (nöd wäge Corona😅) Ich han müesse en Online- Recherche mache zum Thema Chromstahl.💎 Nach dene zwei Lektione bin ich id Schuel gfahre🏍 Wo ich han müesse en Maske aalege😷😢 Uf em Stundeplan isch Musig gstande. Will singe mit de Maske im Moment nöd so schön tönt hämmer en Rhythmus iigstudiert🙂 Nachher hämmer Pause gha. Ich bin mit minere Kollegin go ume laufe. Mir händ mega viel gässe damit mer Maske nöd münd aalege und früschi Luft bechömed. ✨💨 Nach de Pause häts gheisse "Hello my class" mir händ English. Zwei Gruppe händ no e Song-Präsentation müsse mache und au det händ sie Maske nöd derfe abziehe. Aber es hät trotzdem für jede e super Note gä☺️ Nach 45min hämmer zu Dütsch gwächslet und s'Thema Rechtschriebig bearbeitet.📚📝 Wo das denn au fertig gsi isch hämmer denn chönne hei😅 und d'Maske abziehe👏😷 Ich bin richtig froh gsi.☺️😉

Das isch so min Tag gsi ide Schuel mit Maske😷

Jetzt hani no es paar Frage an euch:

😷: Münd ihr Maske aalege ide Schuel?

🖥: Händer au einisch so es paar Täg wo ihr Home-Schooling nomal üebet (falls es nomal so wiit chämti)?

🤒: Känned ihr Schüeler/inne wo s'Corona-Virus gha händ oder händ?

🔬: Händ ihr de Corona-Test müesse mache?

Mini Antworte:

😷: Ja, mümer😢

🖥: Ja, nächst Wuche, drü Täg☺️

🤒: Nei, känni nöd

🔬: Nei, zum Glück nöd🍀

Danke viel mal fürs dure läse und hebet eu Sorg☺️🤗

Liebi Grüess Cocolina🤗

Hallo zämme

Ich han dänkt ich mach mal en Blog zu mine Herbstferie.🍂🍁 Drum wird de Blog au chli länger... Würd mi aber freue wenn er ihn trotzdem würdet dure läse📚

Ide Ferie han ich jetzt nöd gat mega viel spannends erläbt😉 Aber ich schriebe eifach über öpis cools in jedere Wuche....😊 Übrigens isch das de delfin17 ihri Idee gsi😘

Los gahts: 🤗

Wuche 1:

Ide erste Wuche bin ich am Dunstig zu mim Gotti gange... Sie hüetet immer am Dunstig es Mäitli und en chline Bueb (5i und 1) die sind mega herzig. Mir sind zämme uf de Spielplatz wo ich immer wieder mit em chline (1) abegrutscht bin. Er hät mega froid gha😂 Wieder dihei isch denn de chli go schlafe😴 und ich han denn mit de ältere (5i) Spieli gspielt und knätet.😆 Nach em Zmittag hät mis Gotti ä Weihe gmacht (wo mega fein isch gsi)😋 und ich han denn wieder mit de Chind gspielt...😃

Wuche 2:

Am Fritigabig bin ich zu mim Brüeder id Wohnig (er isch ebe erst grad züglet und wohnt jetzt direkt im Block näbe mim andere Brüeder😅). Mir händ zämme Möbel uufgstellt. Es isch vom 18:30 bis am 22:30 gange und mir sind immer nonig fertig gsi... Er wohnt inere WG mit zwei Kollege. Es isch mega cool gsi will mir Musig glost händ und ich finde sini fertig uufgstellte Möbel richtig schön😍 Jetzt han ich dihei en ganze Stock für mich ellei.😂

Wuche 3:

Am Dunstig ide dritte Wuche bin ich zu minere Kollegin uf de Buurehof🐄

Sie hät mega viel Tier: Chüeh🐄, Geisse🐐, Ponys🐎, Meerschweindli, Hüehner🐓, Hase🐇, Chatze🐈 und no anderi...😅 Am Morge simmer dine gsi und händ Spieli gmacht.😃 Nachher häts mega feine Zmittag gäh😋 Am Namittag simmer in Gade (Stall) gange go s'chline Chälbli aaluege😍 Nachher hämmer Ponys gstrieglet und sind nachher mit ihne go spaziere. Minere Kollegin ihre Brüeder isch denn mit sinere Geiss mit cho.😂 Nachher simmer wieder inne gange wills richtig chalt gsi sich❄️ Dine hämmer wieder Spieli gmacht. Am Abig wo ihre Vater hei cho isch hät er mir gseit ich chan mit ihm in Gade go Heuchrane fahre.☺️ Ich han dänkt es isch en Witz😂. Aber nachher simmer gange. Es isch eifacher gsi als ich dänkt han eifach am aafang chli ruckartig (will ich s'erst mal gfahre bin...)🙂 Aber ich hans voll cool gfunde.🤗

Jetzt fangt bi mir am Mäntig au d'Schuel wieder aa.🙃 Ich wünsch üch allne viel Erfolg ide nächste Ziit und viel Motivation und Durchhaltevermöge....😇

So jetzt händ ers gschafft und de Blog isch fertig. Danke allne wo bis dahin gläse händ und ganz en schöne Tag no..🌈🤗

Liebi Grüess Cocolina😊

Hallo zämme👋

Hüt mal chli en andere Blogg (das isch eifach mini Meinig derzue).... Es git ja mega viel Sache wo mal im Trend gsi sind aber jetzt eigentlich wieder out. 😉 Wie z.B Fidget Spinner, Loom gummis, Furbies,Squishys,....😅 Ich persönlich finde wenn mer jetzt es Loom armband hät chan mers ja jetzt immer no aa ha, au wenns jetzt nüm so viel händ. Öper wo ich känne hät wo de Loom Gummi Trend wieder fertig gsi isch eifach alli Gummis und chetteli weg gworfe.📿 Jetzt z.B sind Scrunchies voll in (die Arm und Haargummis us Stoff). Au bi de Lieder ischs so: Lieder wo früehner voll in gsi sind sind plötzlich nümme aktuell wills eifach zu lang scho dusse sind.🎧🎤

Jetzt han ich no es paar Frage:😆

😅: Besitzed ihr so öpis au oder händers mal gha?

📿: Benutzet oder träget ihr die Sache au?

🎧: Gits so Oldie-Hits wo ihr cool findet?

Mini Antworte:

😅: Ja, ich han en Fidget Spinner, en Squishy und Loom Bänder.

📿: Früehner scho no aber jetzt weniger. Also de Squishy benutze ich am meiste, wenn ich mal gstresst bin.

🎧: Ja z.B Abba- Songs,....

Würd mi freue wenn ihr würdet en Kommentar da lah🙃👇

Liebi Grüess Cocolina

Hoii zämme👋

Ich han mir dänkt da jetzt Herbst isch und die eine Chind gschriebe händ das ihne oft langwilig isch machi e Herbst-Bucketlist. Ich hoffe sie gfallt eu, gern chönd ihr au eui Idee id Kommentär schriebe....

Los gahts!

🍂: heissi Marroni ässe😋

🍁: Punsch trinke🥃

🍄: Chürbis schnitze🎃

🎃: Drache stiege lah.💨

🏞: En Waldspaziergang mache🌲🌳

🌰: Kastanie, Pilz oder Herbstblätter (zum dekoriere) sueche🍄

☕️: Chürbissuppe ässe😋

🤓: Es guets Buech lese📚

🎞: En Film luege📽

So das sind jetzt es paar Idee zum mache im Herbst. Ich hoffe die Tipps sind hilfriich😊

Ich wünsch euch allne ganz en schöne Herbst🍄🍂

Ganz liebi Grüess Cocolina🤗

Heyy zämme

Ich han schnell en Fraag🤔 as Zamboteam (Natürlich derfed ihr sie au beantwortet wenn er sie chönd)!😘

und zwar:

Derf mer sin Zamboname (Cocolina) au z.B als Nickname für Spotify oder Tik Tok benutze?😅

Wär mega lieb wenn ihrs chönted beantworte!☺️

Danke🤗

No ganz en schöne Abig

Liebi Grüess Cocolina

Hey zämme

Ich han gester en Blogg gschriebe übers mis Bullet Journal. Gern chönd er in no go läse😉😝

elefant17 hät det en Kommentar gschriebe ob ich viellicht chönt Fotis ine tue vo mim BuJo.☺️ Ich han jetzt eifach mal mini Lieblingssite wo ich bis jetzt gmacht han fotografiert📸

Einisch Titelsite vom Mai, Juni, Juli und em August und denn no e Wuche Site vom September😉😘

Liebi Grüess Cocolina

Heyy zämme🤗

S'Thema isch hüt Bullet Journal😃 Ich würd mi mega freue wenn du en würsch dure lese:

Zersch mal was isch es Bullet Journal: Das isch es Buech wo du sälber chasch gstalte. Du chasch es als Agenda, Tagebuech, .... bruche. Meistens isch es Bullet Journal es Notizbuech📒. I dim Buech chasch denn alles so mache wie du wetsch. Chasch zum Bispiel: Tracker mache ( wie mängisch du z.B Voci lernsch oder Wasser trinksch,...), Liste mache (To Do's, Playlists,...) und no viel meh.... Wenn no meh Infos wetsch chasch eifach mal bi Youtube Bullet Journal iigäh oder mich frage.🎞

Mis Bullet Journal hani scho sit dem Jahr (also ich han im Januar aagfange). Inspiratione han ich durch Youtube gha. ich han den eifach es Notizbuech kauft und mal aagfange. Ich bruchs BuJo eifach als Agenda. Nachher han ich mit Handlettering aagfange und denn han ich beides chönne verbinde🖌 Meistens han ich es Monatsmotto wie jetzt z.B im Summer Meer und Sunne und so... das Motto zieht sich denn durch de Monat.

Übrigens mega viel dänked mir brucht mega viel Stift und alles zum es Bullet Journal füehre aber eigentlich brucht mer nur:

-en Bleistift,Gummi und evtl. en Lineal📏✏️

-Filz oder Farbstift🎨

-und es Buech📒

und scho chasch aafange.....

Jetzt han ich no es paar Frage a dich:

📒: Häsch du es BuJo? Sit wenn?

📖: Isch dis liniert, kaariert, pünktlet oder eifach leer?

🖌: Was inspiriert dich fürs gestalte?

Mini Antworte:

📒 Ja,sit em Januar

📖 leer (eifach es wiises Buech)😉

🖌 Youtube und Internet🖥

Ich hoffe ich han eu chönne inspieriere wenn ihr wend chan ich au mal en Blogg mache mit Site wo er chönted mache (Habit Tracker, Birthdays,..) Eifach en Kommentar schriebe!!

No es ganz schöns Wuchenend🌧☔️

Liebi Grüess Cocolina

Heyy zämme

Hüt gits en Blogg zum Thema läse📚

Ich lis mega gern.📖 Am liebste lis ich Comic-Romane (Gregs Tagebuch, Tom Gates,...) und Lebensgschicht Büecher (Conni und Co, die Chaosschwestern, die Schwesterherzen,...)😉 Ich lis am liebste i mim Zimmer uf em Bett🛏. Ich lis nöd so gern E-Books📱 will ichs Buech halt lieber ide Händ han als uf em Handy oder Tablet und es macht halt au d'Auge kaputt👀 (find ich, aber jede hät sini eignig Meinig). Am liebste lehn ich Büecher us ide Bibliothek oder ich chaufs sie💻📚

Chömmer zu mine Frage a dich?🤗

📚Weles sind dini Lieblingsbüecher?

📱Was isch euri Meinig? Händer lieber E-Books oder normali Büecher? Wiso?🤔

🛏Wo läsed ihr am liebste?

Würd mi mega uf en Kommentar freue👇☺️

Vieli Liebi Grüess Cocolina