«Haaaaatschi!»
Hoi liebi Zambo-Welt 🙋
Am Fritig bin i fürs «Zambo»-Radio uf Reportage gsi und zwor im Bünderland ihdä Berge. Das isch natürlich än wunderschöne und verschneite Arbetsplatz gsi, aber leider hets mich denn voll verwütscht: I ha mi vercheltet. Pfnüsel, Hueschte, Halsweh und än schwere Chopf - so richtig müehsam.😤
Aber i han äs Rezept degege! Und zwor än heisse Chrüterdampf:
Für das machi heisses Wasser ine Pfanne und due Teebüütel und Chrütertröfpli dri. Denn dueni dä Dampf ihschnuufe und das befreit denn d Nase. Wenn du das noch machsch, denn pass uf, dass dich nöd verbrennsch!🤗
Hets dich ih dem Winter au scho verwütscht? 😷
Hesch mir än guete Tipp gege ä Vercheltig? 🤒
Liebi Grüess und «Gsundheit!» 💛
Angela
P.S
Ufem Foti gsehsch min Arbetsplatz vo hüt. 🤣