Abschids Blog
Hallo zäme,
Ds wird mi letscht Blog si. Viu kenne mi eue gar nümm/nid, abr ih möcht glich äh Blog zum Abschid schribe.
Ih bi scho sit fascht emene Jahr nümm aktiv uf Zambo gsi, da isch mir vor churzem ih sinn cho dsi ja ize de 15 wirde und mis Zambokonto somit gsperrt wird und da hani dänkt ih söt für di letschte Wuche vor mim Geburtstag nomau chlei aktiv wärde. Ih möcht öich säge wasäs für äh tolli zit isch gsi, mit aune woni abunzue mau amene abee chli chattet ha. Ih ha soviu nöii,liebi, grossartigi Lüüt dörfe kenne lerne und für ds bini unändlech dankbar. Zambo het mi für mini ganzi Chindheit begleitet ih ha mi jede abee druf gfröiit zum vo 7-8 Zambo iizschteue. Hie möchti ou no ä Dank as ganze Team usspräche wo ds überhoupt ermöglecht.
Äs duet mir scho chli weh müesse z ga und z wüsse dsi mi nümm mit öich cha uustusche, abr äs isch äh schöni zit gsi. Gniessets so lang dr chöit :)
Ih wünsche öich aune nume z Beschte. Sit Lieb zunenang, äs git scho gnue Hass dere Wäut. Machet se chli besser und vrlüret nie öiies Lache, ds isch öbis wärtvous wo nech niemer cha nä 🥰♥️
