heyhey, wow isch es lang her... :)

ich han sit en märz kein blog meg gschriibe, krass eigentlich. ich glaub de grund warum ich so inaktiv bin isch das zambo sich ziemlich veränderet hät. ich fühl mich ehrlichgseit mitlerwiile irgendwie viel z'alt defür ich weiss au ned. aber ich han denkt jetzt, wo's jahr fascht verbii isch nimm ich mir mal wieder die ziit und schriib en blog und zwar en jahresrückblick. ziit han ich momentan echt gnueg, und zwar well ich aktuell grad in quarantäne bin. und ich han ja letscht jahr au en jahresrückblick gschriibe drum han ich mir denkt warum ned. also fangemer ah:

das jahr hett eigentlich ziemlich guet agfange. mir sind über silvester mit minere tante, min onkel und mim chline cousin in tenna (gr) ide ferie gsi. es isch sehr cool gsi, vorallem well mir jede tag go skifahre sind. s'skigebiet det isch zwar sehr sehr chli gsi, aber es hett trotzdem spass gmacht.

d'schuel hett au relativ guet agfange. zwüschet januar und juli isch eigentlich echt ned so viel passiert, ich bin id schuel gange, han relativ viel mit fründe gmacht, zwüschetdure fasnachts, pfingscht und osterferie gha und min vater isch nöcher zu eus zoge, aber susch isch i dere ziit ned viel passiert. im juni isch mini klass mit enere andere klass vonere andere schuel in es musiklager nach santa maria gange. die klass isch sogar mini alti klass (1. & 2. klass) gsi, isch sehr cool gsi die wenige wo no sit denn idere klass gsi sind mal wieder z'gse. santa maria isch es chlises dörfli im bündnerland, sehr nöch bide italienische grenze. ich bin mit minere familie über silvester 19/20 schomal det gsi, es isch würklich mega schön und ich han mich extrem gfreut det wiedermal hizgah. au das musiglager isch jedefalls echt schön gsi. s'schueljahr hett echt schön ufghört.

d'summerferie sind au sehr cool gsi. ich han mich mit de neha troffe und sie s'erstemal gse, han au susch viel mit guete kollege gmacht und bin im zeltlager gsi (wie jedes jahr eigentlich haha). s'zeltlager isch ned s'beschte gsi aber ich hans gnosse. ja viel meh han ich ide sumemrferie ned gmacht, aber sie sind trotzdem echt toll gsi.

s'neue schueljahr het super agfange. s'ding isch das mini klass eigentlich immer e doppelklass mit de klass über eus gsi isch, mir sind zwar eigentlich scho nach de summerferie 2020 trennt worde, aber mir hend no viel fächer zäme gha, desswege hett sich ned so viel gänderet. jetzt aber hett sich die klass über eus eigentlich ufglöst, es sind 6 persone gsi und 4 devo sind vode schuel gange. jedefalls sind die 2 übrige lüüt jetzt aber eigentlich fascht alle unterricht mit de 10. klass, und ned mit eus. üsi klass isch also jetzt komplett allei. das isch echt s'beschte was üsere klassegmeinschaft hett chöne passiere, und ich bin echt sehr froh drum. es isch e viel besseri stimmig und jede verstaht sich problemlos mit jedem. unter dene bedingige het denn ebe s'scheljahr agfange, und es isch ziemlich schnell vergange bis jetzt. ich bin sit september au jede samschtig no ad prüefigsvorbereitig fürd kantiprüefig gange.

irgendwenn sind denn scho herbschtferie gsi. au mini herbschtferie sind toll gsi. ich han e wuche mit guete kollege bieme zirkus verbracht, mich wieder mit de neha troffe und bin mit mine grosseltere, minere schwöschter und enere kollegin vo minere schwöschter is wallis gange. es ich würklich e sehr schöni ziit gsi. ja und vo denn bis jetzt han ich ned viel meh gmacht als schuel und prüefigsvorbereitig.

alles in allem isch es es sehr schöns jahr gsi. ich han immer mini liebschte mensche um mich gha, was mir echt viel bedütet. ich bin extrem dankbar für mini fründe. es bedütet mir so viel das sie immer für mich da sind und mich immer unterstützed, ich weiss echt ned wo ich jetzt ohni sie wär. und mini familie au. ich han i dem jahr au viel glernt. es isch mir mental ned immer zu 100% guet gange und es isch au alles sehr schuel-dominiert gsi, was zu viel stress gfüert het, aber es isch so, es ghört dezue und mer muess es hineh, au wenn es echt schwer si chan :)

ja das isch eigentlich meh oder weniger mis jahr gsi.

ich freu mich echt irgendwie uf 2022, es wird zwar die erschte mönet sehr stressig wäge kantiprüfig, aber nacher wird's sicher es cools jahr.

ich hoffe eu gohts allne guet und ihr hend es schöns jahr gha, ich wünsche eu schomal schöni wiehnachte und en guete rutsch!

lg zitrone06

Hey people... vorab:

Es goht i dem Blog um es Thema wo mir sehr wichtig isch und zwar wieder um Rassismus... Echt schad das es no Lüüt git, wäge dene ich das no schriibe muess eigentlich...

Aber das ganze do chunt vo Härze und es isch au ned eifach nur liecht für mich das jetzt z'schriibe. Ich würd es also echt extrem schätze, wenn ihr eu d'Ziit neh würded das ganze eifach mol z'lese... Dankä! <3

Also folgendes. Mini chlini Schwöschter (10ni) hätt letschtens en Uusflug mit ihrere ganze Klass gmacht. Ihr känned das viellicht no das es immer en Lehrer git, wo bi so Uusflüg ganz am Schluss lauft zum luege das niemert 'verloore goht'. Uf jedefall sind mini Schwöschter und zwei anderi Kollegine vo ihre ganz am Schluss gloffe. Die eint Kollegin hät schwarzi Huut, und die anderi isch Wiis. Mini Schwöschter (und ich) sind sozäge Lightskin. (Für die wo ned wüssed was das isch, ich has id Kommis gschribe). Uf dede Fall isch halt die Lehrerin wo mit ihne am Schluss gloffe isch d'Englischlehrerin vo ihne. Sie chunt us Indie und hät au schwarzi Huut. Uf dedefall händ die vier uf em Rückwäg zude Schuel zäme gredet, und sind immer meh vode anderne abcho. Irgendwänn händs die andere garnümme gse. Sie händ sich nüüt debi dänkt und wiitergredet. Irgendwänn isch e Frau (öppe so 50-65) ufem Velo uf sie zuecho. Sie isch ihne es Ziitli hinderhär gfahre. Irgendwänn isch sie abgstige und hätt zude Lehrerin vo minere Sis gseit: "Sie wüssed scho das das d'Schwiiz isch oder? Was mached si do, gönd sie zrugg dethi wo sie herchömed". D'Lehrerin vo minere Sis hätt gfrögt wie sie das meint. D'Frau seg angeblich sehr überrascht gsi, das sie perfekt Düütsch chan. Sie hätt wiiter irgedwelchi dummi Sache gseit. Ich wott jetzt ned alles im Detail beschriibe, well ich jo au ned debi gsi bin. D'Frau hätt denn au so Sache gseit wie "Sie sorged do für Unordnig" usw. Sie hätt demit droht, d'Lehrerin vo minere Sis z'azeige, eifach grundlos, sie isch nödemol beleidigt wordä vo ihre oder so, d'Lehrerin vo minere Sis hätt sich eifach nur mit Wort gwehrt. Irgendwänn hätt d'Lehrerin vo minere Sis angscht übercho, au wäge de Chind wo debi gsi sind und so. Sie sind wiitergange. D'Frau hätt ihne no paar Beleidigunge zuegworfe und isch ines Huus ganz ide nöchi inegange. D'Lehrerin vo minere Sis hätt no churz gluegt, welli Strass das isch usw. Anhand vo dem hätt sie ein Tag spöter au chöne d'Frau agzeie.

Die Frau hätt also eifach sich warschindlich dänkt: 'Oh, e schwarzi Frau, zwei schwarzi Chind und es wiises? Sicher ihr Chind. Wie goht das? Naja egal, die sölled zrugg i ihres Land.

Warum ich das säge hätt eifach folgende Grund. Ihr wüssed jo alli vo dem Black Lives Matter damals. Zu dere Ziit han ich en Blog gschriibe wo über Rassismus heisst, drum heisst de doh au über Rassismus #2. Ich han eifach s'Gfühl, das das wie en Trend behandelt wordä isch, was ned okay isch. Ich weiss mir händ jetzt anderi Problem au mit Corona und so, aber trotzdem, jetzt juckt Black Lives Matter niemert meh. Es isch damals es riise Ding gsi, und jetzt eifach nix meh? Ich weiss, alles goht verbi und jedi Schlagziile isch irgendwenn unintressant aber vo dem han ich mir ganz ehrlich meh erhofft. Ich han's Gfühl das villi dänked, de Rassismus seg jetzt verbi, ganz offesichtlich ned!

Mir händ nocher no mit de Lehrerin vo minere Sis telefoniert. Sie hätt mehrmals betohnt, das sie sich Rassismus g w o h n t isch, aber das seg scho echt heftig gsi, zumal no Chind debi gsi seged, und das mal hegi sie jo au en Hiiwis uf d'Person gha, und Züüge und so. Susch hegi sie es nie gschafft sotigi Lüüt az'zeige. Wow. Imagine beeing used to rascism... Krass oder? Ich han au scho Rassismus erlebt, aber ned halb so schlimm... Ich han das ganze eifach mol wölle teile... Sowas chan doch ned si???

Was isch eui Meinig dezue?

Ich hoffe es paar Lüüt händ sich das dureglese... :)

Lg zitrone06

GALADRIEL neha07 scrunchie Tivio1 Schoggiqueen Jany007 Starlove

heyy zemme, mier wüssid genau dass ier üsi richtig unnötige aber coole blogs vermisst hend😏

drum chund hütt de unnötigschti vo allne unnötige blogs vo mier und de scrunchie

und zwar hemmer hütt unnötigi website für üchhh:)

Link <- das isch en website wo mer drufdrücke chan und die website dued dich denn uf anderi ganz unnötigi website wiiterleidid... mier hoffed ier chömmid drus:)

was wender no für anderi blogs vo üüs gsehh?😋

mier hoffed dass es euu allne guet gaad...

liebi grüess

we love you! rawrrr🦖

GALADRIEL, Schoggiqueen, neha07

Hoi Lüütlis😽

Okay das wird echli en sinnlose Blog aber isch jo egal hihi

Ich mach do jetzt eifach "dies oder das" Sache hi. Ihr chönd's eifach kopiere und denn id kommentär schriibe was ihr lieber möged hihi wür mich freue <3

🍞 oder 🥐

⛷ oder 🏂

⚽️ oder 🏐

🚗 oder 🚂

🐕 oder 🐈

🌧 oder 🌨

🍕 oder 🍟

🚲 oder 🛴

📱 oder 💻

👗 oder 👖

Mini Antwortene:

...🍞

...⛷

...⚽️

... 🚂

...🐈

...🌨

...🍕

...🛴

...📱

...👖

Für die vo viellicht ned checked was ich demit meine, ich has id Kommis gschriibe :)

Ja haha ich hoffe ich find bald wieder mol besseri Ideeä für Blogs.

Ich hoff ihr händ alli no en schööne Samschtig und nach dem Wuchenend e schööni Schuel oder Ferie-Wuche kei Ahnig haha.

Lg zitrone06 <3

GALADRIEL, neha07, scrunchie, Schoggiqueen, Tivio1

Hoi Lüütlis😃

Ich han mol wieder wölle en Blog schriibe. Wie gohts eu allne so? Händ ihr Ferie oder Ferie gha? Wenn ja wenn?❤️

Ich han jetzt no drüü Täg Ferie. Nocher muess ich leider wieder id Schuel haha🤠

Danke übrigens für 600 Fründeee <3

Ah und jo ich bin jetzt übrigens sit einem Jahr us Zambo🥰Ich han i dere Zeit scho echt vill mega tolli Mänschä känneglernt und ich freu mich scho sehr die Mänschä persöhnlich z'gsee wenn Corona es zueloht😁

Lg zitrone06💜

GALADRIEL

neha07

Tivio1

scrunchie

Schoggiqueen <3

Hoi Lüütlis :)

Gesichter han ich jo en Blog über mini Lieblingsbands postet, jetzt chunt no en Blog über mini Lieblingsänger. Ich han ned so vill Lieblingssänger wie Lieblingsbands aber isch jo egal😅

Los goths <3

Mini Lieblingssänger

Harry Styles

Alter: 26

Geburtsdatum: 1. Februar 1994

Mini Lieblingslieder vo ihm:

Golden

She

Adore You

Billie Eillish

Alter: 19

Geburtsdatum: 18. Dezember 2001

Mini Lieblingslieder vo ihre:

Bored

Six Feet Under

Bellyache

Lil Peep

Alter: Er würd jetzt 24 Jahr alt si, isch aber mit 21 gstorbä

Geburtsdatum: November 1996

Mini Lieblingslieder vo ihm:

Star Shopping

The Brightside

Falling Down

Ich hoffe de Blog hätte eu gfalle☺️

Ich wünsch eu no en schöne Suntig!

Lg zitrone06<3

GALADRIEL neha07 Tivio1 scrunchie Schoggiqueen Jany007 elefant17

Hey Lüütlis :)

Erstmal hoff ich, das ihr alle guet is neue Jahr gstartet sind und das es für eus alli es besseres Jahr wird als 2020. Aber i dem Blog han ich ned wölle über das schreibe sondern über Musig. Ich lose nämlich i letschter Zeit immer Musig wenn ich chan, und drum han ich dänkt ich chönt doch mol en Blog über mini Lieblingsmusik und so mach haha :) Ich hoffe es fallt eu!😚

Es paar vo mine Lieblingsbands:

Mother Mother

Mitglieder:

Ryan Guldemond

Molly Guldemond

Jasmin Parkin

Ali Siadat

Jeremy Page

Debra-Jean Creelman

Mike Young

Kenton Loewen

Mini Lieblingslieder vo ihne:

Hayloft

Arms Tonite

Verbatim

Arctic Monkeys

Mitglieder:

Alex Turner 

Matt Helders

Jamie Cook 

Andy Nicholson

Nick O'Malley

Glyn Jones

Tyler Parkford

Mini Lieblingslieder vo ihne:

Do I wanna know?

Why'd you only call me when your high?

I wanna be yours

Queen

Mitglieder:

Freddie Mercury

Brian May

John Deacon

Roger Meddows Taylor

Mike Grose

Barry Mitchell

Doug Bogie

Mini Lieblingslieder vo ihne:

Bohemian Rhapsody

Don't stop me now

Love of my life

One Direction

Mitglieder:

Harry Styles

Zayn Malik

Louis Tomlinson

Niall Horan

Liam Payne

Mini Lieblingslieder vo ihne:

Steal my Girl

What makes you beautiful

If I could fly

The Neighbourhood

Mitglieder:

Jesse Rutherford

Zach Abels

Brandon Alexander Fried

Bryan Sammis

Jeremy Freedman

Mikey Margott

Mini Lieblingslieder vo ihne:

Sweather Weather

Daddy Issues

Afraid

Jo haha also das sind eigentlich mini Lieblingsbands gsi :) Morn oder zumindescht die nöchste Täg wird no en Blog zu mine Lieblings Sänger cho.

Schlofed guet😅

Lg zitrone06 <3

GALADRIEL neha07 Tivio1 scrunchie Schoggiqueen Jany007 elefant17

Hoi Lüütlis✌🏽

Als erstes: Ich hoffe ihr händ alli trotz Corona schöni Wiehnachte gha, und das es eu allnä guet goht! Aber i dem Blog gohts nöd darum. Sondern: Ich wott en Jahresrückblick poste. Ich würd mich sehr freue wenn ihr eu das viellicht durälese würded, aber ihr müend natürlich ned!☺️

< Januar

Aafang Januar simmer vode Skiferie wieder hei cho. Denn hätt d'Schuel aagfangä, a meh chan ich mich eigentlich ned erinnere😅

< Februar

Im Februar han ich mich bi Zambo aagmeldet. Das isch echt e gueti Entscheidig gsi, ich han sehr vill wundervolli Lüüt känneglernt, und Tag für Tag mit ihne uf Zambo gschribe. Gäge Endi Februar simmer is Wallis, wommer au nomol für e Wuche glaub go Skifahre sind.

< März

Aafang März isch so alles normal gsi. Ich bin id Schuel gangä und jo. Denn, gägä mitti März sind denn d'Schuele gschlosse wordä. Ich han de ganz Tag dehei verbracht, und bin vill uf Zambo gsi💖

< April

Ich bin wiiter dehei ghockt, und han Stunde lang chattet und Blogs gschribe♥︎Ich bin im Zambo-Fernseh cho und han vill Spass gha.

< Mai

Scho Aafang Mai sind denn d'Schuele wieder uufgangä. Und ich werd nie vergesse, wie ich und d'GALADRIEL üüs entgägägrennt sind, wo mir eus wieder gseh händ. Uf jede Fall bin ich denn wieder normal id Schuel gagä.

< Juni

Im Juni bin ich eifach id Schuel gangä. Es isch eigentlich ned vill passiert😀

< Juli

Im Juli händ d'Summerferie aagfangä. Die erste 2 Wuche han ich ned so vill gmacht. Denn, ich glaub Aafang vode 3. Wuche (endi Juli) hätt s'Zeltlager aagfangä, aber zwei Täg voher han ich d'marienkäfer07 und e anderi Kollegin nach einem Johr wieder gseh💚

< Auguscht

Aafang Auguscht bin ich ebe im Zeltlager gsi, und es isch eine vode beschtä Ziitä vo mim Läbä gsi. Denn, wo's Zeltlager uufghört hätt, hätt für mich de Alltag wieder Aagfangä. Ich bin i di 7. Klass cho und 13 wordä.

< September

Im September bin ich eifach id Schuel, ganz normal.

< Oktober

Im Oktober sind Ferie gsi. Ich bin in e Zirkuswuche gangä und han nach einem Johr min beschte Kolleg und sini Schwöschter wieder gseh. Usserdem bin ich au mit mine Grosseltere, Minere Sis und zwei Kolleginne vo mir und minere Sis is Wallis. Das isch au cool gsi!😍

< November

De November isch ähnlich gsi wie de September, sehr eintönig haha.

< Dezember

Im Dezember isch am Aafang nüüt spezielles passiert. Aber um Wiehnachte scho. Am 23. Isch min Cousin 1 Johr alt wordä. Am 24. bin ich mit mim Onkel id Aphotek go schnuppere, antatt dehei Heiligobig z'fiire, das ich cool gsi! Und am 25 hämmer mit Familie gfiiret☺️

So, jo, das isch min Jahresrückblick gsi. 2020 isch es cools Johr gsi, aber es isch au vill schlimms ide Welt passiert. Ich hoffe 2021 wird besser! Schöns Silvester eu allnä und en guete Rutsch!💕

Lg zitrone06😽

Tivio1, Schoggiqueen, neha07, scrunchie

Hoi Lüütlis♡

Ich han mol öppis welle aspreche. Aber zuvor will ich klarselle das das kein Aagriff a irgendöpper isch. Es isch lediglich ä Kritik und die wo's betrifft werded sich agsproche fühle. Aber wiegseit, ich will eu ned beleidige oder so. Es isch ned böös gmeint😇

Und zwar gohts drum, das langi, cooli Blogs vo Lüüt, wo sich echt vill Müeh für ihri Blogs gäbed und viellicht 30 Min dra sitzed, oft under so Blogs wie 'Schicked mir bitte ä Fa' oder 'Bb ich muess jetzt off' unter gönd. Ich glaube ihr wüssed was ich meine. Es goht eifach um so Blogs wo im Titel zum Bischpiel "Tschüüsss" stoht, und im Blog stoht denn sowas wie 'Ich muss jetzt off'. Generell ich mein eifach so ganz chürzi Blogs mit ned sooo relevantem Inhalt. Wie gseit, ihr wüssed was ich meine. Unter sottige Blogs gönd ebe denn eifach sehr villi spannendi und cooli Blogs under. Ich find das eigentlich ziemlich schad. Und das ihr mich ned falsch verstönd, ich han generell nüüt gägä churzi Blogs, mängmol wird en Blog eifach churz, ich kenn das selber. Ich find eifach wie gseit so Blogs, wo nur ein Satz drin stoht ziemlich unnötig. Und ich säg jetzt au ned, das alli Mänschä wo das mached doof sind oder so, das hätt mit de Persöhnlichkeit garnüüt z'tue. Ich bitte die Lüüt eifach, sich z'überlege, öb sie jetzt würklich jedesmol wenn sie off gönnd, oder jedesmol wenn ihne nur no 5 Fründe zu enere grade Azahl Fründe fählt en Blog schriibe müend. Bitte nähmed eu das zu härze...!💚Und nomol: Es isch nur e Kritik. Ich han nünt gäge eu! :)

Ich grüesse alli wo de Blog gsend.

No en schöne Obig!

Lg zitrone06😘

Hoi Lüütlis💚

Und wie gohts eu so?

Ich han Bock gha hütt wieder mol en Blog z'schriibe lol.

Es goht hütt um Homophobie, öppis wo minere Meinig nah ziemlich unnötig isch.

Als Erchlärig für alli wo villicht nöd wüssed was Homophobie isch, das isch wenn mer gäge LGBTQ+ isch.

L=Lesbian (Wenn Fraue uf Fraue stönd)

G=Gay (Wenn Männer uf Männer stönd)

B=Bisexuallität (Wenn mer uf beidi Gschlächter stoht)

T=Transgender (Wenn mer im falsche Körper gebore isch)

Q=Queer (Generell wenn mer e anderi Sexuelli Orientierig hät)

+=s'Plus stoht für anderi Sache z. B. Non binary (Wenn mer keis Gschlächt hätt) oder no anderi Sexuallitätä wos git (Pansexuallität, Omnisexuallität, ect.)

Ihr gseend LGBTQ+ isch e Bewegig wo sich für Mänschä isetzt wo andersch bezüglich Sexuallität/Gschlächt sind. D'Flagge vo därä Bewegig isch d'Rägäbogäflagge (�️‍🌈).

Okay und jetzt zu Homophobie. Es git ebä Mänschä, die aktzeptiered LGBTQ+ ned. Diä Mänschä nennt mer Homophob. Ich persöhnlich verstoh de Grund ned, gägä LGBTQ+ z'si... Ich mein jo klar i mängä Religione isch es e Sünd, wenn mer zu LGBTQ+ ghört (was ich au ned verstohne aber egal). Ich han nüüt gägä die Religione! Jede dörf sin eigete Glaube uusüebe, dere Meinig bin ich au. Aber warum gits z. B. Muslimischi Mänschä wo gägä LGBTQ+ sind? Au wenn das i ihrere Religion so isch, sie sälber sind devo jo ned betroffe und ihri Religion isch jo au kein Grund dezue anderi Mänschä ned so z'aktzeptiere wie sie sind, sie wönd jo au das mer sie und ihri Religion aktzeptiert. Klar müends es ned unterstützä, niemert muess LGBTQ+ unterstützä, aber es git kein guete Grund es ned z'aktzeptiere! Jede Mänsch dörf liebe wer er will, er macht demit jo nur sich selber glücklich! Es git au villi Mänschä wo umbracht wärded well sie zu LGBTQ+ ghöred, überleged eu das mol, umbracht... Ich find das eifach nur schrecklich...

Jetzt no es paar Frogä a eu:

...Händ ihr voher genau gwüsst was LGBTQ+ isch?

...Wenn jo Aktzeptiered ihr es oder unterstützed ihr es viellicht sogar?

...Wenn nei, was isch eui Meinig dezue nachdem ihr de Blog gläsä händ?

...Was isch eui Menig zu Homosexuallität generell?

...Kenned ihr öppert wo zu LGBTQ+ ghört persöhnlich?

Mini Antworte:

...Ja haha

...Ich unterstütz es

...Genau gliich wie voher han de Blog jo gschribä

...Ich find es isch normal und natürlich

...Ja mehreri Mänschä

Ich würd's meeega cool findä, wenn alli wo dä Blog gläsä händ die Froogä beantwortet, Dankä!😍💗

No en schöne Obig!

Lg zitrone06❤️🧡💛💚💙💜

GALADRIEL

scrunchie

Tivio1

neha07

Schoggiqueen

marienkäfer07

Starlove

elefant17

catgirl