Hallo zämme!

Sit langer Ziit hani wieder mol es Liäd für d Zambo Charts iigschickt! Jetz ischer dine 😉 Ich wür mi freue wenner für

ANYONE OF US vom GARETH GATES wöret abstimme! 😉

Gern verzellich eu wieso dasi de vorgschlage ha:

Mini Tante het e CD mit 2 Hits vom Gareth Gates druf gha und het si denn mir geh. Eis vo dene Liäder isch ebe Anyone Of Us. Es het mer mega gfallte, au wenns echli truurig isch... Ich hoffe drum eu gfallt das Liäd au und i hoffe er stimmet au fliisiig defür ab 😉

Danke schomol aa diä, wo sich Ziit gno hend zum de Blog dürelese 😀 Und Danke a diä wo abstimmet ❤️


Liäbs Grüessli sunny29


PS. Wenner wönd chunnt evtl. morn wieder en BeautyBlog 😉

Hoi zämme!

Bi gad irgendwoä mega happy 😉 und ihr?

Wender eig. Kai Beautyblogs me?
Schriibets doch id Kommis 😀

Hallo zämme!

Im Moment machi kei Beautyblogs meh...Aber s chömet denn scho bald wieder... Sorry...

Etz hani mal e persönlichi Froog aa eu 😀

Ich kenne öpper scho eig ziemli lang...Und i de 1. Sek simmer au no i de gliiche Klass gsi...Aber sit i nümme mit hm i de Klass bi isch er schüüch und abwesend zu mir ☹️ Ich mag ihn echli meh als nur so en "Kolleg" und mini Kolleginne säget er hegis uf mi...

Hend ihr da au scho erlebt?
Wa hender degege gmacht?


DANKE FÜR EURI HILF 😉

sunny29

Hallo zämme!

I ha eu und d Zamboredaktion mal wölle frage, öb eu mini Beautyblogs eigentlich no interessieret oder öbi söll ufhöre...?


Schriibet doch eif. en Kommentar öb eu mini Blogs gfallet oder nööd...Wenni nöd mind. 20 Kommentar ha höri glaubi uuf ☹️ Will es isch echt blööd weni mir so viel müe gib und diä niämer aalueget oder Kommentiert...Wenns eu NÖD gfallt, schriiibet doch wieso und was er eu wöret wünsche!

DANKE!


Gruess sunny29


PS. DANKE FÜR'S KOMMENTIERE!

Hoi zämme!

Hüüt chunnt wiä versproche wieder en BeautyBlog und es gooht umen «heilendi Lippe-Maske» 😉 Das isch s Rezept Nummere 7 😀 Wenn eu de Blog gfallt liked en und/oder kommentieret was eu dra gfallt 😉 Wenner Frooge hend schriibets doch under min letschte Blog! I mine letschte Blogs chönder au noolese, wieso kein Beautyblog meh cho isch 😀 A

Alsooo ich wünsch eu viel Spass wiiterhin mit mine Rezept 😉


«heilendi Lippe-Maske»


Duu bruuchsch:

1 EL Honig
1TL Olivenöl
1EL Zucker


Soo goohts:

De Honig i de Mikrowelle erwärme und nochher de Zucker und s Öl drunder rüere. De Mix uufträäge und ca. 2 min. iiwürke loh. D Reschte eifach abwäsche.


Ich hoffe eu gfallet mini Blogs 😉

Liäbs Grüessli sunny29

PS. Was isch eues Liäblingsbeautyprodukt? – Mis isch d Haarbürschte ❤️

PPS. Wiiteri Frooge chönder gern do oder under min letschte Blog schriibe 😉
S git den en Extra Blog über euri Froge 😀 Natürlich werdet ihr au im Blog erwähnt 😉
Also stellet Frooge 😀 Freu miii ❤️

Hallo zämme!

Zumteil hender under mini Blogs viel Frage gschriebe...
Jetz hender d Möglichkeit mi z uusfröge 😉
Er chönd sozäge alles frööge... Wenner e sehr persönlichi Froog hend und da nöd undedra wönd fröge schriibets mer per Privatposcht 😉 ❤️


Die erscht Frog vo de Mar9:

Isches stressig gsi als Beck-Conditor?

Mini Antwort: Ja, s isch schochli stressig, aber da isch ned so s Problem gsii. I ha eher müe gha mit em Morge am halbi 4ii uufstoh... Und das me am 12ii fertig isch aber denn defür am Nami go schlofe mues/goht... Aso min Bruef isches absolut ned 😀 Aber s isch gliich guet gsi dasi da go schnuppere bi dasi weiss ddasi da würkli ned wött 😉


Alsooo! Schriibet doch euri Frog id Kommis und wenners per Poscht bitte nur persönlichi Froge kei "normali" 😉 dankää 😀

Liäbs Grüessli sunny29


PS. Lueget doch min letschte Blog aah...

PPS. Det stoht wieso das diä Wuche kein Beautyblog cho isch...

PPPS. Beautyblogs werdet frühestens morn Morge am 10 online cho (eher am Abig am Siebni)

PPPPS. Bitte frööget viiel!!! Wenner wend chönner au mehreri Frage stelle 😀 Het echt freud wenni euri Froge chönt beantworte 😉❤️ (Sorry für diä viele PPS... 😉 )



-> Une draa isch min Struss woni selber gmacht haa 😉 Kommentieret doch wiä er eu gfallt 😀

Hallo zämme!

Hüt meldich mich wieder mal zruck uf ZAMBO! 😉
Hüt gits wieder mal en Blog vo mir...
Aber z allererscht sägich eu no wieso das ich denn Kai Blogs meh gmacht ha...


Alsoo mer hend ebe di ganz Wuche SCHNUPPERWUCHE gha. Am Mäntig und Ziestig bini als Beck-Conditor und am Mittwoch, Donnstig und hüt als Floristin/Gärtnerin. Die letschte drüü Tääg (inkl. hüt) hend mir mega guet gfalle 😀 Und i ha sogar en eigene Struss dörfe mache ❤️ 🙃 (une als Aahang 😉 )


Sind ihr au scho go schnuppere?
Wenn JA, als was?
Was isch euen Traumbruef?
Was wönd ihr mal werde?
Sinder au scho als Beck/Florist/in/Gärtner/in go schnuppere?


Schriibets doch id Kommis 😉


Liäbs Grüessli sunny29

PS. Wiä gfallt eu min Struss? Komentieret doch 😉 ❤️


PPS. En Beautyblog folgt....Entweder na hüt oder aber ersch morn (Dankää für's Verständis 😀 )

Hallo zämme!

Falls ihr eu gfröget hend wieso dass gester und hüt kein Blog choo isch… Diä Wuche hemmer ebe e Schnupperwuche und i ha drum leider fasch kei Ziit zum BeautyBlogs schriibe will diä ziemlich ziitintensiv sind… Aber nach dere Wuche söttis wenns goht wieder einigi vo dene Beautyblgs geeh…

Also ich wünsche eu no en schöne Obet und schlofet denn guet 😉 🙃 ❤️

Liäbs Grüessli sunny29

Hallo zämme!

Hüt gits leider kein BeautyBlog!
Ich go hüt scho am 7nii is Bett und cha drum leider Kai Zambo lose und ha au Kai Ziit zum en Beautyblog schriibe...! Ich gang morn ebe go schnuppere und denn mueni scho am Morge am drüü uufstoh... Mal luege öbs morn am Nami na en Blog online chunnt...

Also ich wünsche eu no en schöne Abig 😉 ❤️

sunny29

Danke für's Verständnis 😀


PS. Wenner na mini alte Blogs wend aaluege klicket doch eif. uf de Link 😉

Hallo zämme!

Hüt hani s Rezept für e «Honey-Mint-Lipbalm» uusegsuecht 😉


Duu bruuchsch:

2-3 Tropfe Pfeffermünzöl
2 TL Kokosöl
1 TL Honig
2 EL Bienewachs
1 leere Behälter



Soo goohts:


Alli Zuetate ine Schüssle tue und d Masse guet vermische.
Denn im Wasserbad erwärme, verflüssige und inen Bhälter fülle!
(s hertet sich noch churzer Ziit uus…)




PS. I hoffe eu het min Blog gfalle… Wenn JA liked doch und/oder schriibets id Kommis 😉 Wenner e neui Idee für en Blog hend schriibets doch id Kommis oder mir per Poscht!

PPS. Im Link isch min letschte Blog verlinkt 😉 Luegeten doch au no a wenneren na ned gseh hend ❤️