Hallo Zambo-🌏

(zom Letschte mol)

Wi er scho im Tetel glässe händ, beni nömme lang im Treff, welli am Mäntig 15 werde.

Es esch en sehr en schöni ond cooli Ziit gsi ond hed mer sehr spass gmacht.

Vorallem Blogs schriibe, anderi könnelehre ond chatte. 😃😀

Freu mech aber au, was ech söscht no alles werd erläbe.

Wönsche üch en ganz en tolli Ziit do uf Srf-kids!

Lg Libella 🙂😊🌞🌻

Hallo Zambo-🌍

Schribe wider mol en Blog.

Ech ben höt uf de Rigi gsi, es esch sehr schön gsi, mer hed en mega schöne Usbleck gha. Mer send met de neue Rigi-Bahn gfahre, die esch moderner ond gsehd eigentlech wi en chline Zog us. 🚈

denne send mer so en rond Wäg glofe, wo Blumepfad hed gheise. Det unterwegs hed mer vell uf de Vierwaldstättersee gsee.

Do no en Erklärig zo der Rigi wo ni gfone han.

Wieso heisst sie eigentlich "Königin der Berge"?

1479 wurde sie von Albrecht von Bonstetten – auf lateinisch Regina montium «Königin der Berge» getauft, womit die Schönheit des Berges charakterisiert wurde.

Do onde no es par Belder vom Usbleck. ⬇️

Lg

Libella 😃

Hallo Zambo-🌏

Han scho sehr lang kei Blog meh gschrebe, well echs immomänt sehr schträng i de Schuel han.

Mis Thema höt esch en Buech Tipp zom Buech "Tschick". Han dänkt, jetzt wo scho bald z'Sommerferie chömed, wäri das vellecht es guets Buech zom läse. 🙂

Inhalt

I dem Buech gods dromm, dass en Bueb wos ändlech gschafft is Gymnasium zcho, en andere Bueb i sinnere neue Klass könnnelehrt und die beide metemne klaute Auto ohni Kompass ond Charte dör die sommer glühendi Dütschi Provinz fahred ond velli Sache erläbet.

Onde ⬇️ ufem Foti esch es nochli genauer de Inhalt beschrebe.

Ech wördis öppe am 13 empfähle, well mängisch rächt echli en schrägi Gschecht esch ond mer ned emmer alles so guet verschtot.

Hoffe üch gfallts Buech. 😃

Lg Libella 🌞😀

Hallo Zambo-🌏

Äntlech hani weder mol en Idee ond Zit för en Blog, ech hans rächt schträng gha i de Schuel, jetzt esch zom Glöck Ferie. 😃

Mini Familie ond ech send grad in Thun i de Ferie ond send höt ufs Schloss 🏰 Thun gange, esch rächt idröklech. Es hed en grosse Rittersaal.

Mer send vell met zfues onderwägs, aber au met em Velo ond gnüssed das schöne Wätter. 🌞

↘️ Onde gsänder Föteli vomne Usflog.

Ganz en schöne Obig

Lg Libella

Hallo Julia Lüscher 🤗

🚲Ja, ich fahre sehr gerne Velo, fast jeden Morgen freue ich mich, mit meinem Fahrrad zur Schule zu fahren, es macht mir sehr Spass und ich kann gleichzeitig auch meinen Kopf durchlüften.

🚲Vorallem meine Kette ist ein wenig eingerostet und weil mein Fahrrad hellgrün ist, sieht man gut, dass es über den Winter recht dreckig wurde.

🚲Ich würde mich sehr freuen, wenn ich mit SRF-kids mein Fahrrad Frühlingsfest machen könnte. 😃

Ganz liebe Grüsse

Libella 🌻🌼

Hallo metenand

Am Donschtig ond Fritig han ech dörfe i de Bruef als Detailhandelsfachfrau go schnoppere, ond zwar i Volg. Es hed mer sehr gfalle!

Es esch es sehr es nätts Team gsi.

Hier eine kurze Erklärung was das für ein Beruf ist.

Als Detailhandelsfachmann/frau Lebensmittel berätst du deine Kundinnen und Kunden fachkundig und verkaufst Lebensmittel wie Brot, Käse, Früchte, Fleisch, Konserven und Getränke.

🍎🍇🥐🥦🍌🍍🍩

Zusätzlich kümmerst du dich um das Ladenbild, präsentierst Ware, überprüfst Lieferungen oder bedienst auch mal die Kasse.

Am Donschtig hani döfe die neue Ware wo neu gleferet worde send i d'Regal uffölle. Han au kontrolliert öb Ware abgelaufe send. De Lade han ech au potzt, das ghört halt au dezue. 🧹😉

Am Friitig hani en Erklärig öbercho, wie d'Kasse fonktioniert ond han met Helf Chonde wo send cho Ichaufe bedient, das hed mer mega spass gmacht emol döffe gseh wie das god.😃

Hoffe er händ en chline ibleck öbercho.

Liebi Grüess

Libella

Hallo metenand 🙋‍♀️

Yes, so cool es got voll nömme lang bes zor Wiehnacht, ech fende das sehr schön.

Ech freue mech au sehr uf de Tannebaum, ond Gschänkli drom ben ech mer nochli am öberlege was ech mer gärn wönsche för d'Wiehnacht.

☃️ Freued er üch au scho uf de Wiehnacht?

🌲Händ er scho en Wonschlischte, was er üch wönsched?

Ech ben leider nöme so vell Online, well ech vellmuess för d'Schuel mache muess. 📎📕📙

Ech wönsche üch allne schöni Adventsziit ond en schöne Obig.

Lg Libella 😉

Ps: Es wär schön, wenn er d'Froge wördid beantwortete, esch aber keis muss.

Hoi metenand 😃

Ech han dänkt,dass ech weder mol chönti en Blog öbers Zeichne mache,well ech sehr gärn tue zeichne ond üch no es par Belder möchti zeige.

(am Ändi vom Blog)

Wenn er uf dä Link klicked, gsänd er de ander Blog öbers zeichne.

Ech han d'Idee gha, dass die wo loscht händ chöntet es Beld zeichne ond denne en Blog mache.

Es muess ned en schwerigi Zeichnig si.

Ech hätti sehr Freud, wenn er wördid metmache.👩‍🎨

Esch aber keis muss.

Be dem Link heds velli zeichnigsidee, falls er keine hätted, das send Alleitige zom nachezeichne.

Liebi Grüess

Libella 🙋‍♀️🤗

Do esch no das andere Beld

Hallo metenand 🤗

Ech han denkt ech mache en Blog zom Thema bache, well echs sehr gärn mache ond vell nöi Rezept usprobiere. Wenn er loscht händ chönd er de Blog gärn doreläse, ech verzelle chli was ech scho alles bachet han.

Es got los! 😃

Ech han scho mol "Baci di Alassio" bachet, das send Schoggi Guetzli 🍫 met ere Föllig au us Schoggi. 😅

Passend zom Herbscht han ech us Blätterteig Äpfel Rose 🌹 gmacht, das esch es sehr es eifachs ond feins Rezäpt. (Onde gsänd er es Beld)

Einisch han ech Salzbräzeli gmacht, das esch eher echli ufwändig, aber au sehr fein. (Es hed onde weder es Föteli)

Chocolate Chip Cookies han i au scho es par mol gmacht, das esch au sehr eifach ond mega fein, esch au praktisch wemmer zom Bischpel öpis vör en Bsuech wet eifachs bache. 🍪

Das wäred Mini Idee gsi, wenn er es Rezäpt gärn wend nachemache chönd er mer au Privat schribe denne chan ech euch s'Rezept schecke.

Liebi Grüess

Libella

Ps: Ech han en Ordner won ech sehr vell Rezäpt du Sammle ond ufbewahre. 😃