Hoi zäme

Hoi zäme 🙌
Ich han mir i de letschte täg sehr vill überleit was ich später mal werde wett und ich bin zu dem
Ergebnis cho :
1. Ich fändis no cool es eignigs hotel z leite oder so.
2. Ich fändis RICHTIG cool Architektin und innenarchitektin z werde. Also eigentlich so wie es doppelpacket.
3. Also Maskebildnerin und Stylistin wäri au mega cool :-)
4. So en kleiderlade mit de neuschte Mode ud so ... :-)

Also das sind so mini Traumbrüef :-)
Jetzt sind ihr draa :
Was isch eure Traumbruef ?
Händ ihr eifach eine oder so wie ich e ganzi uswahl ?
:-)

Freu mich uf villi kommis :-)
hilly

Hoi Zäme 🙌
Ich han eu ja mal gfragt was ihr gern für Bloggs vo mir hätted .
Deswege han ich es eifachs DIY wo de Summer perfektioniert :-)
Villicht hend ihr ja öppis anders als DIY gwünscht also schriibeds id kommis :-)
D massagabe chömed i de aaleitig :-)
Min DIY isteee :


Ihr bruched :

- Honig (chan mer im notfall weglah.Isch aber gsünder)

-Zucker

- 1 liter heisses Wasser (gekocht, also wie bim Tee )

-Verschidnigi Teesorte
Ich nimm meischtens Pfefferminze, Blüemlitee, Lindeblüetetee und alpenkräuter :-)


Aaleitig :

Is heisse Wasser dini Teesorte gäh .
Ich empfil mindischtens 3 Verschidnigi Sorte aber mer chan neh was mer will ;-)
Es brucht zimli vill will es ja en ganze liter isch :-)


Jetzt de Tee zieh lah und denach durch es sieb schütte.

Jetzt duen ich immer öppe 2 Esslöffel Honig und 1 Esslöffel Zucker ine .

Denn mit eme Löffel rüehre bis sich de Zucker und de Honig ufglöst het .

De Tee abchüele lah und erscht denn in Chüelschrank .
ACHTUNG !!!!!!!
De tee döf nümme heiss si wenn du ihn i de chüelschrank duesch will das suscht alli sache im Chüelschrank uftaut !

Es brucht e chli bis de Tee schön Chalt isch aber es lohnt sich !!!!! 👌

Ihr chönd natürlich s rezept nach euchem gschmack ändere. Ich probier au immer wider öppis neus :-)

Wenn euch so DIYs gfalled denn schriibed das doch i d kommis ;-)
Ich han nämmlich no es cools drink-rezept wo mer zum Zmorge oder au eifach mal zwüschedure zum Zvieri mache chan ;-)
Lönd euch überrasche .
Freu mi uf vill rückmeldig und kommis :-)
euri hilly

Hoi Zäme 🙌
Mir händ im Garte es Trampolin .
Zimli Vill nachbare und Klassekamerade wo i de Nächi wohned sind albe go frage ob sie ufs Trampolin döfed .
Mir hend natürlich immer ja gseit und mit de ziit hets denn gnervt das immer alli go lüte cho sind.
Also hend mir ihne gseit das sie eifach ohni lüte ufs Trampolin döfed.
Zimli lang isch au alles okay gsii .
Bis jetzt!!!!
Us minere Klass chömed immer e so e Tussibandi ufs Trampolin und mached RIESIGE Lärm.
Sit churzem sind sie no lüter, sind die ganzi ziit nume am Handy und mached us eusem Garte en Jugendtreff 🆘
Ich weis ihr säged ich sötti ihne eifach säge das sie nüme ufs Trampolin gah döfed.
Säged au alli mini Fründinne......
Aber das gat nöd so eifach.
Hütt han ich mit Fründinne abgmacht und mir hend ufs Trampolin welle .
Da sind aber scho d Tussis oder Pts (wie mir sie nenned ) (usgschproche Pitis) (bedüted Potatomatoes)
gsii.
Ich han ihne gseit das mir jetzt ufs Trampolin wend und sie hett gseit das mir i 10 minute cho chönd und sie würdet gah .
ich ja no okay aber au nöd soooooo aschtändig.
Mir hend aber e chli länger als 10 minute gwarted will mini einti Fründinn eus no es cools Video zeigt het.
Wo mir denn hend ufs Trampi welle hend sie denn gseit das mir hättet chöne choo und das es jetzt zu schpaat wäri .
Ja ganz genau !!
Das isch miis Trampolin !!!!!!
Was dänked die sich eigentlich ???
Das regt mich eifach so uf .
Denn han ich ihne gseid das das miis Trampolin isch und sie hend mega überreagiert.
Wie werdet die reagiere wenn ich ihne z Trampolin verbiete ?!?
Z Problem isch das die einti vo de "Gang" mich scho mal gmobbt hett und s jederziit wieder mache würdi ..


Was sött ich jetzt mache ???
Ich weiss es tönt nöd schlimm aber ihr chönd euch ja nöd vorstelle wie das isch !!!
Bitte helfed mir !!!
Ich weis nöd was ich mache söll !!! 🆘

Ich hoffe uf villi Tipps und Idee
euri hilly

Ps: Ab morn chömed denn DIYs und anderi Sache wo ihr cool hend gfunde ;-)

Hoi Zäme
Ich han dankt es wär no cool e mal so es neus format mache .
Da e mal e paar Idee :
Backbloggs
Song tipps
Cooli idee gege Langiwiili
DIYs
usw.

Was fändet ihr am coolste oder was hend ihr für Idee?

Freu mi uf villi meinige und Idee
hilly

Hoi zäme
ich han ja d gymiprüefig gmacht und vor öppe 2 wuche sind d Ergebnis usechoo .
ich han bestande !!!!! 🙌
Ich freu mi eifach mega !!! ;-)
het öpper vo euch au d gymiprüefig gmacht und wenn ja hend ihr bestande ?
Ich han mit de Vornote im durchschnitt en 5.13 gmacht.
Für die wo s nonig wüssed mer mues en 4.5er ha damit mer bestaat.
Freu mi uf villi Komis
hilly

Hoi zäme
Ich han en so en tick ; nämlich für tassechueche .
Für die wos nöd wüssed , tassechueche sind chueche vo mer i de tasse macht und denn i de mikrowelle backt .
Ich han nämlich hütt es richtig cools rezept für en brownietassechueche :

Me brucht :
4 el. Mehl
4el. Zucker
2 el. Ungsüesstes kakaopulver
Baumnüss oder haselnüss oder suschtigi nüss .
4el wasser
4 el öl
1 prise vanillezucker

D nüss zerhacke, dass es chlini stückli sind, wie i de normale brownies . Denn alli trockene zuetate( au nüss ) i de tasse vermische und denn z wasser und z öl hinzuegä .
Denn de tassechueche für ca. 1 1/2 min. Id mikrowelle . Je nachdem no e chli länger oder weniger .
Ich freu mi uf villi kommentär
Euri
hilly

Hoi zäme
Sorry das ich so lang kein blogg me gschribe han

hallo zäme
ich han mir vorgeschter min arm bim schlittschüele broche .
es isch würkli en mischt will ich die wuche mini wichtigschti riitprüefig ghaa hätte.
das isch min gröschte traum gsii 😢
es isch zu mim pech au no de rechte arm gsii , deswegen han ich de blogg au mit links müsse schriibe. jetzt han ich no 1 wuche ferie und han Nut z tue .di ganz ziit am Fernseher und PC hocke wär au doof. hend ihr e Idee ?
hend ihr au scho mal so öpis gha ?
freu mi uf vili idee
euri hilly

Hoi Zäme
Hüte isch scho de 9. Dezember also chunt au z 9. Türli allerdings isch das e Chli anders als die andere :

Astronaut :

Das Lied isch schon mega lang i de Zambo-Charts und het das au verdient . Es isch nämli nöd nume das, das es so cool isch sondern au d bedütig .
Im Lied astronaut gats um d Welt .
Es gat drum das mir uf de Welt nume Chrieg und Striit hend und mir nüme merket, das mir eigentlich uf de Welt sind um eus z Liebe und eifach eus selber sii.
Wie s au schon en Satz im Lied seit .
Merket ihr nöd au das mir Mensche alles einzeln mit mega vil Plastik iipacke müend. Merket ihr nöd au wis immer wärmer wird und mir Nüt mached .
Mir denket immer "Jaja isch ja Nonig so schlimm" aber genau so wird's schlimmer .
Mir mühend öpis unternäh aber Macheds nöd .
Wie sött das weiter gaa ?

Alli wo de gliiche meinig sind schriebest id Kommis
euri hilly