C-Dramas/K-Dramas
Hey Zambo-🌍
Ich hamer denkt, ich chönnt wieder Mal e Blog schribä.
Ich lueg im Moment es mega cools C-Drama. Es C-Drama isch sowas wie e Serie, nur uf Chinesisch. E paar vo eu kenne villech K-Dramas...? Es C-Drama isch eigentlich gliich wie es K-Drama nume halt in chinesisch nid koreanisch. Um es C-Drama z luege isch es sehr gäbig englisch z chönne, wiil viil C-Dramas uf YouTube nume mit englischem Untertitel z finde sind. Meischtens chame au Deutsch als Untertitel useläse, de isch aber mega schlächt... Automatisch übersetzt halt. Übrigens sind vorallem C-Dramas meischtens Liebesgschichte. Aber ja, was i eigentlich ha wele frage: Kennet ier C-Dramas/K-Dramas oder nid? Für die wo gern mal wöttet aafange hani hie e chlini Liste:
You are so sweet -> I dem C-Drama gohts um es Meitschi wo sech i ire Boss verliebt und so erlebe si einigi Turbulenze. Ich würd dem C-Drama 4/5 ❤❤❤❤ Herzli geh. Pinoccio -> I dem K-Drama gohts um en Bueb wo sini Family het verlore und denn Journalist wird. Ich bin e Mensch wo schnell Angscht het, drum würdi euch empfele das nid am Abe z luege wenn ier wi ich e chli heikel sind. Ich würd dem K-Drama 3/5 ❤❤❤ Herzli geh.Go ahead -> Go Ahead isch bis jetzt eis vo de Beschte C-Dramas wonich jeh ha gseh. I dem C-Drama gohts um es Meitschi wo mit irne zwei Adoptiv-brüetsche ufwachst und sech denn i eine verliebt. Ich gibe dem C-Drama 4.5/5 ❤❤❤❤❣ Herzli geh.Love unexpected -> Love unexpcted isch, bis jetzt, mis lieblings C-Drama. Es goht drum dass sie ihrem Boss siner Emotione füehlt. Er wiederum füehlt ire Schmerz. Di zwöi verliebe sich... Ich würd dem C-Drama 4.9/5 ❤❤❤❤❤ Herzli geh. Z Ganze C-Drama isch mega cool, aber de Schluss isch e chli entüschend...Aller C-Dramas chame uf YouTube mit englischem Untertitel luege. De Untertitel isch scho im Viedeo drin.
Bi dem K-Drama giits guete englische Untertitel, wo aber leider mängisch spinnt.
Das isches eigentlich scho gsi😊 Bi frage eifach mälde.
PS: Sry fürd Rächtschribig...😅
MuFaLi Love unexpected unbedingt ggugge😉😘
