Tikaani ist ein Mädchen

Hoi, ich bin Tikaani

Der Avatar von Tikaani Thu, 25 Jan 2024 10:49:51 +0100

Tikaani

Tschüssli Zambo!💕💕

Thu, 25 Jan 2024 10:49:51 +0100

Tschüssli Zambo!💕💕

Hallo liebi Zambo-Wält! 💕

Hüt isch offiziell miin letschte Blog uuf Zambo... Ich han scho en Abschiedsblog gmacht, deswege wird de hie nümme so lang.😙


Ich wünsch oii nur ds beschte, hebend Sorg & bliibed gsund und sind oii sälber!🌈🤍

Falls ihr no Kontakt wend ha, schriibed mir gern uuf insta unter @stay.tiny.moon ! 🥰


Ich lieb oiii alli ganz doll, hebeds guet und alles gueti! ❤️‍🩹

Oii Tiki🐺


ps: hie isch no en Link fomene Song fo stray kids, für no es bitzli K-Pop i mim letschte Blog.🌹 여러분들이 화이팅!

Link

Melden
16
Der Avatar von Tikaani Wed, 17 Jan 2024 09:07:45 +0100

Tikaani

Abschiedsblog🥺

Wed, 17 Jan 2024 09:07:45 +0100

Abschiedsblog🥺

Hi liebi Zambo Lüt!


Wohn ich das schriibe isch de Morge fom 16. Januar. ❄️ Das haisst ich han no genau 10 Tag uuf Zambo bevor ich 15i wird. 


Für mich gaht scho chli e Ära ds End. 🫤 Ich bin mit ungefähr 11 uuf Zambo cho und jetzt bini fascht 15i. Ich han fili Interviews und Sache fürs SRF mache dörfe, was mir extrem fiil bedüüted.🫂Ich bin so so dankbar das ich so fili tolli Sache han dörfe erlebe mit Zambo!! 🤭 Dank Zambo han ich zwai fo mine beste Fründe dörfe kennelerne, wo immer für mich da sind.👯 

Ich han mit Zambo e Möglichkeit gfunde, chli Sache ds schriibe und ich hoffe fescht, das ihr mini Blogs au mengisch gern glese hend! 🤭 Au wenns chli fiil K-Pop isch, ich weiss🙃🎤 

Merci für all die wunderschöne Gspräche wohni hie han dörfe füehre und all die Lüt wohni han dörfe kennelerne.💌💌 Und es ganz grosses Merci as Zambo Team wo mir so fili tolli Möglichkeite hed geh.👏


Ich lieb oii alli ganz doll und schriibed mir doch gern no bis am 26. Januar, falls ihr no Kontakt mit mir wend ha! 🎀


Alles alles gueti für oii alli und filech gseht meh sich mal wider!! 🥰 Nach dene Jahr, dörft ihr jetzt unde au mal es Foti fo mir gseh.💕


Angela Haas GregsTagebuch LKW Anna Zöllig Hannah Phillipsen MichelBirri Raphael Labhart Morgenfuchs Gabriel222 Blindfisch


Alles liebi

Tiki aka Lija aka Leandra 🐺

Ein Bild zum Beitrag Abschiedsblog🥺
Melden
5
13
Der Avatar von Tikaani Mon, 01 Jan 2024 13:22:45 +0100

Tikaani

Konzert in 2024♥️

Mon, 01 Jan 2024 13:22:45 +0100

Konzert in 2024♥️

hiii, ich bin au mal wider da...🤭


Ich han laider mal wider echt kai Ziit für en Blog kha, aber wiil ich nur no ungefähr en Monet uuf Zambo han, han ich denkt ich schriib mal wider.🫠 Und ich han au grad Ferie, deswege han ich chli meh Ziit. 💪🏻🌸


Im hütige Blog gohts um Konzert in 2024!👀💕

Und zwar gahn ich an bis jetzt 4 Konzert nächschts Jahr!🤭


Als erschtes gahn ich im März ans Konzert fo Eric Nam in Züri!♥️ Und zwar zeme mit minere Koreanisch-Lehrerin! 👩‍🏫Eric Nam isch en Amerikanisch-Koreanische Sänger und er chunnt zum zwaite mal id Schwiiz!💫 


Als zwaites gahn ich öppe zwai Wuche später gahn ich as The Rose Konzert, au in Züri! 🫵The Rose isch e koreanischi Soft-Rock band, ich bin scho am Aafang fo dem Jahr a ihrem erschte Konzert iir Schwiiz gsi.🌹🌹


Denne gahn ich im Mai mit minere Familie aas Konerzt fom Mark Forster im Hallestadion! 👀Won ich es Chind bin gsi han ich sini Musig voll gern kha.😇


Und denne gahn ich im Juni mit minere Familie nach Basel a nes Outdoor Konzert fo Patent Ochsner! Mir hend au versuecht Tickets für ihri Konzert in Bern ds bechom aber die sind mega schnell uusverchauft gsi... 🙂 Deswege sind mir froh das mir jetzt in Basel chönd gah! 😙🤍


Hend ihr scho Events oder Konzert plannt für 2024?



Alles Liebi und hebed Sorg 💜

Tiki🐺


Morgenfuchs Gabriel222 Blindfisch GregsTagebuch Hermine9 Slytherin_09 Angela Haas Anna Zöllig Hannah Phillipsen

Melden
7
1
Der Avatar von Tikaani Thu, 09 Nov 2023 19:29:10 +0100

Tikaani

K-Pop im SRF!👀🌈

Thu, 09 Nov 2023 19:29:10 +0100

K-Pop im SRF!👀🌈

Hiii zeme! 


Ich han en spezielle Aalas für de Blog!🤭 Und zwar isch am Sunntig K-Pop im SRF 1 ir Tagesschau cho!❤️‍🩹 Mich hed das ungemein gfroiit, wiil es i de Schwiiz echt nid oft isch, dass d Medie au nur halbwegs gueti Biiträg oder Artikel zu K-pop machend...🙂👊


Ich hans voll schön gfunde, wie de Biitrag zeigt hed wie d Fans au ganz fiil Sache zeme mached♥️♥️ 


Ich han denkt, filech wer das au mal e Idee für en längere Biitrag fo SRF! Zum Biispiil chönnt meh au es Random Dance zeige, fo dene es iir Schwiiz scho einigi hed geh und es no fiil meh wird geh🥰 Ich bin immer verfüegbar, falls ihr en Biitrag wennd mache SRF👀🫵


Apropos K-pop! Ich bin letschte Sunntig amene Random Dance gsi! Laider heds müesse abgbroche werde, wiil d Polizei cho isch und üs gseit hed das es zu luut isch für en Sunntig... Das isch sehr unverständlich und au echt truurig gsi tbh🫠 Aber mir hend denne anderi Lüt troffe und sind mit dene no in Starbucks💕💕 


Ich bin momentan nid fiil uuf Zambo, aber ich versuech wider meh online ds sii🌸


Alles liebi<3

Tiki🐺


Michèle Rüedi Angela Haas GregsTagebuch MichelBirri BubbleGuys LKW Hannah Phillipsen Cece Dania Sulzer Hund09 Slytherin_09 Tikaani11 Neela08 Schneeblüte09 VKimTaehyung

Melden
6
Der Avatar von Tikaani Thu, 05 Oct 2023 08:21:42 +0200

Tikaani

Schuel und Ferie 🤍🎀

Thu, 05 Oct 2023 08:21:42 +0200

Schuel und Ferie 🤍🎀

Salü Lütli, ich bin au mal wider da.😂

Isch recht stressig gsi in letzter Ziit deswege bin ich laider no weniger online als schüscht... :/ und öpper hed au imene Blog scho die andere Problem mit Zambo aagsproche... I dem Blog gohts eifach so churz um miin Alltag im Gymer und wie das alles so isch.💪🏻 Schriibs au grad im Bus uuf em Weg id Schuel.🙃

Ich gahn in Bern in Gymer und zwar id NMS. Das isch e halbprivati Schuel, aso meh muen zahle um dötte here ds goh. Ich han vor zwai Wuche aagfange, momentan isch die dritti.🫶 Ehrlich gsait bin ich huere nervös gsi am erschte Schueltag. I de 7te und 8te han ich halt no Lüt kennt, aber ir NMS isch eifach ALLES noii gsi. Ich han mega Schiss kha, dass ich gar kei Fründe finde.❤️‍🩹 Und au wenn es jetzt nonig grad so isch, das ich die beste Fründe ever gfunde han, hets trotzdem foll die nette Lüüt und ich glaub au, dass es sich aifach no chli entwickle mues.🧸

D Lehrpersone sind unglaublich toll und vorallem Chemie isch echt spannend bis jetzt. In der NMS hend mir Testwuche-Konzept, das haisst das alli Prüefige und Tests in 5(glaub ich) Wuchene im Jahr verteilt werded!

Ich finds mega guet, wiil denne hed meh nid konstant jedi Wuche Prüefige. 💪🏻💪🏻 Ich chan oii d NMS echt nur empfehle, es isch sooooo fiil besser als die öffentliche Gymer(zumindischt für mich😉).

Ehrlich gsait isch de Gymer sehr andersch und irgendwie au fiil intensiver, aber ich hans au no gern.🤭 Ich muen mii eifach no chli an alles gwöhne und das bruucht halt aifach Ziit, nid wahr?☕️☕️

De Teil schriib ich grad am Bahnhof in Avignon haha😂 Ich han de Blog fast scho wider vergesse lol... Grad bini in de Ferie~~~ Ich hoffe ihr hend en super Schuelstart kha!!


Falls ihr Frage hend, segeds mir gern i de Kommis, ich beantworte alles!! 


GregsTagebuch

LKW


Alles liebi<3

Tiki🐺

Melden
6
Der Avatar von Tikaani Thu, 15 Jun 2023 17:10:32 +0200

Tikaani

Pride month!🌈🥰

Thu, 15 Jun 2023 17:10:32 +0200

Pride month!🌈🥰

Hiiii! Ich bin au mal wider da🥰


I dem Blog red ich vorallem über Pride month, wiil ja momentan no Juni isch!🤭 Hie mal e churzi Erklärig was Pride überhaupt isch:


Pride month isch jedes Jahr im ganze Juni, als Monet um uuf d Recht fo LGBTQIA+ uufmerksam ds mache!💕 Grad wiil ich selber au en Teil fo dere Community bin, isch mir das Thema sehr wichtig😘🌈 Hie nomal en churze Recap was LGBTQIA+ isch:


L = Lesbian/Lesbisch, Fraue* wo sich nur in Fraue* verliebed und nur mit ine möchtet zeme sii

G = Gay/Schwul, Männer* wo nur Männer* liebed und mit ine welled zeme sii

B = Bisexual/Bisexuell, Lüt wo sich in Fraue* und Männer* verliebed und mit baidne möchte zeme sii

T = Transgender*, Lüt wo bi de Geburt zum Biischpiil als Maitli uufd Welt sind cho, aber sich als Bueb fühled. Da chan meh denne au Operatione mache und Hormon neh um meh z.b jetzt de Körper fomene Bueb/Maa ds haa

Q = Queer*, en Sammelbegriff für alli wo irgendwie nid en Teil for Mehrheit sind(im Sinn fo Sexualität und Gschlechtsidentität. Aber ds Q chan au für Questing staa, also eifach für all die Lüt wo sich nonig ganz sicher sind was or wer si sind🫂

I = Inter*, Lüt wo bi de Geburt wiiblichi und männlichi Gschlechtsteil hend(Es giit aso au ir Medizin meh als 2 Gschlechter!!!!!)

A = Asexual*/Aromantic*, Lüt wo kai Luscht oder kais Bedürfnis nach Sex hend(Asexual) und Lüt wo kai Luscht oder Bedürfnis nach ere romantische Beziehig hend(Aromantic)

+ = Ds plus schtaht eifach no für alli wo in de vorherige Buechstabe nid uufzehlt sind, wie z.B pansexual oder gender-fluid


🌈🌈


Wieso bruuchts de Pride month?


In fiilne Länder ischs laider immer no illegal en Teil fo LGBTQIA+ ds sii und es giit sogar bi es paarne no Todestraaf, was halt gege Menscherecht isch... Deshalb müend mir immer no uuf üsi Recht uufmerksam mache und für sii iischtah💪🏻🤍 Es giit au ii ganz fiilne Länder Pride-Demonstratione und Events, wo meh chli chan luut sii😉🌸


Ich chan laider nid ad Pride-Demonstratione in Züri und Bern gah, aber ich wird fo dihai mitrüefe!😂💪🏻 Ich han au regebogefarbigi Schuebänder und han au vor drü Täg im Orell Füssli Pride-Teigware kauft🥰❤️‍🩹


Schriibed doch gern id Kommentar was ihr über all die Theme denked und öb und wenn ja was Pride so für oich bedüütet😘


Alles Liebi🌸

Tiki🐺


PS: Ich finds chli schaad das d Moderatore fo Zambo no kai Blog über de Pride month hend gmacht🥹❤️‍🩹


Es grüessli aa:


GregsTagebuch

Angela Haas

Blindfisch

Leira765

Gabriel222

EmiliaH

Bubbletea09

BubbleGuys

MichelBirri

Anna Zöllig

Raphael Labhart


und natürlich au a alli andere♥️🤭

Melden
11
1
Der Avatar von Tikaani Sat, 22 Apr 2023 20:09:52 +0200

Tikaani

Schwiizer Medie und K-Pop...

Sat, 22 Apr 2023 20:09:52 +0200

Schwiizer Medie und K-Pop...

HeyHey!💕


Das isch en chli en andere Blog. Es goht um öppis über das ich scho extrem lang han welle rede. Und zwar d Berichterstattig fo schwiizer(und allgemein europäische) Medie über K-Pop. Tönt jetzt zerscht mal komisch, aber ich versuechs oii mal ds erkläre.💪🏻


K-Pop isch en Sammelbegriff für Musig uus Südkorea.🇰🇷

Die Lüt wo in K-Pop bands sii werded Idols gnennt, uuf Dütsch haisst das Vorbilder. Sie bewerbed sich, wenn si zumteil no sehr jung sind, bi Talentagenture und trainiered denn dötte um inere Gruppe oder als Solokünstler ds debütiere.💕 Das Training isch extrem extrem hart und aaschtrenged und au nach em Debüt isch es eifach hune aastrenged.😕 Das mal zur allgemeine Information.


Jetzt zu mim Problem. Schwiizer Medie stelled K-Pop und vorallem K-Pop fans zu 99.9% als kreischendi, 13-jährige Modis dar wo K-Pop nur gern hend wiil d Stars hübsch sind. Si seged nur schlechti Sache und stelled das ganze als "Höllenfabrik" dar. Natürlich hed K-Pop(WIE ÜBRIGENS JEDI MUSIGINDUSTRIE) Schattesiite, aber mues meh immer nur uuf das fokussiere? 🙂

Mir tuet das persönlich extrem weh, wiil ich wo ich K-Pop stan bin worde au no sehr jung bin gsi und ich dank de schwiizer und allgemein europäische Medie immer ds Gfühl han kha, ich bins nid wert en K-Pop fan ds sii.💔

Die Lüt wo K-Pop losed und sich selber als K-Pop fans gsend, si SO DIVERS. Ich chan das uus eigener Erfahrig sege, wiil ich K-pop fans kenne wo 40i sind oder söttigi wo nichtbinär, trans*, männlich, wiiblich etc. sind oder au söttigi wo 12i sind! Aber d Medie stelled zu 99% immer nur die 12 Jährige dar.

Natürlich giit es fili wiiblichi K-Pop fans. Aber wieso echt? Wiil Fraue* so fiil comfort und chraft bruuched und das giit ine K-Pop.❤️‍🩹 Und jetzt mal ehrlich, was isch falsch damit es Modi und/oder jung ds sii????


K-Pop stans sind nid nur fans wiil mir die Idols hübsch findet. Sie helfed üüs durchs Lebe mit irere Musig, Shows und Mesages und ich chönnt dir so fiili Lüt uufzelle, dene K-Pop so ziimlich ds Lebe grettet hed.


Wiil das hie e Siite fo SRF isch, riicht ich mich jetzt direkt an SRF:

Angela Haas Dania Sulzer Anna Zöllig MichelBirri Michèle Rüedi Raphael Labhart Damian Haas

Bitte tünd ihr nid au no stereotype und klischeehafti Biiträg mache, wenn sich doch alli schwiizer Medie uuf d Fahne schriibed so krass unstereotypisch und anti-klischees sind. Ich würd mich so so so so so froiie(und au so fiil anderi K-Pop fans) wenn ihr au mal en Biitrag mache chönnted wo die WAHRE UMSTÄND zeiged und mit üüs statt über üüs reded. 🤍❤️‍🩹

Mercii fiil fiil mal.


Das wers gsi. Ich hans eifach mal müesse uselah, uus aktuellem Aalas.🤍 


Rest in Peace Moonbin, may you become a star in the night sky. Fly high my angel. We will miss you. 🕊️


Alles Liebi,

Tikaani aka Lija🐺🌸

Melden
13
Der Avatar von Tikaani Sat, 25 Mar 2023 22:17:30 +0100

Tikaani

update!🤍

Sat, 25 Mar 2023 22:17:30 +0100

update!🤍

hiiiii! Ich bin au mal wider doo😌


I dem Blog red ich eifach chli über miis Lebe und was so passiert isch. Zerscht tueds mir natürlich hune laid, das ich nümme so aktiv bin uuf Zambo, aber ich han momentan aifach sehr fiil ds tue und wiils kai Zambo-App giit vergiss ich Zambo mengisch chli😅


🤍Gymer


In Bern giits kai Prüefig wo meh muen mache, sondern e Empfelig, wo meh mindischtens 6 fo 8 Chrüzli muen ha. Ich han die Chrüzli becho und chan nach dem Schueljahr ins Gymi!👏🏻 Ich han mich fürs halbprivate Gymi NMS in Bern entschide, wiils mir mit Abstand am beschte gfalle hed unds au chliiner und familiärer isch als die andere Gymis in Bern.🤎


🤍The Rose Konzert und Geburi


Ich bin im Januar 14i worde und wies ds Schicksal so het welle, isch am ai Tag vorher, am 25. Januar, ds Konzert fo The Rose in Züri gsi. 🌹 Natürlich han ich mir d Tickets gwünscht und bin somit mit minere Fründin und irere Mueter am Konzert gsi.❤️‍🔥 Es isch mit Abstand die schönschti Nacht i mim Lebe gsi und ich chan immer no nid glaube das ich so fiil Glück han kha das ds erlebe🫂 Unde gsend ihr es paar Foti, wiil meh laider kai Videos chan iifüege🫠Falls ir Videos möchtet gseh, chönd ihr mir gern im Chat schriibe oder uuf mim Instagram was wäri: @stay.tiny.moon🧋Ich han au Whatsapp, Twitter, Signal und no ganz fiil meh😅


🤍Therapie


Zerscht mal es churzes TRIGGERWARNING, falls ihr ds Gfühl hend ds Thema Angschtstörig und so wiiter chönnt oii nid guet tue, bitte überspringed de Tail und lesed aifach bim negschte Tail wiiter🥰♥️🫂


Ich bin siit öppe erere Wuche wiider ir Therapie, wiil ich siit längerem wider Problem han mit Panikattacke und Angschtzueständ.💔 Ich bin scho letschts Jahr in Therapie gsi, denne aber in Trauma-Therapie, dötte han ich miis Trauma verarbeitet. Ich han panischi Angschtzueständ entwicklet, deswege han ich mich entschide wider in d Therapie ds gah, was e sehr gueti Entschaidig isch gsi. 🌸 Falls ihr oii nid guet fühled momentan, BITTE BITTE redet mit öpperem, es hilft so extrem und isch soooooo wichtig. Ihr chönd immer em 147 aalüte und miir chönd ihr au immer im Chat schriibe. 😘


🤍Pilates und Selbschtliebi


Ihr wüsseds filecht gar nid, aber ich han siit langem Problem mit mim Körper und Selbschtliebi, deswege isch au Sport und Esse immer es extrem schwiirigs Thema für mich.😔 Ich han immer versuecht ab ds neh und han immer Workouts gmacht, wo mir kai Spass gmacht hend und ich han mich immer nur no schlechter in mim Körper gfühlt.😒 Aber ich han nach langer Ziit endlich e Art wo Workouts gfunde, wo mir würklich Spass macht und das isch Pilates. Pilates isch e Kombination fo Üebige und Atmig und hilft mir nachhaltig es guets Gwicht ds halte und mich wohl i mim Körper ds fühle. 🤗❤️‍🩹


🤍Fashion


Ich bin mir nid sicher öb ich das scho mal imene Blog oder schüscht uuf Zambo thematisiert han, aber ich bin hochbegabt, das heisst min IQ isch über 130 und ich bin überdurchschnittlich intelligent und gschiid. 💪🏻 Deswege bin ich scho immer extreem schnell und guet gsi ir Schuel und mache au oft sehr fiil Zuesatz. In Bern und somit au ii minere Schuel hend mir die Arte fo Lektione namens SOL und IVE, wo mir unabhängigi Uufträg hai und au a Sache chönd arbeite wo üüs interessiered. 🤭 Und das ich für mich Fashion.💕 Ich han es Journal aagfange, wo ich Idee, Tips, Moodboards und Outfit-Inspiratione feschthalte. Für mich isch Fashion der Wäg mich selber ds zaige mit allne mine Fehler und inperfekte Sache.🤎 Filecht studier ich irgendwenn Fashion oder so, mir werded gseh.😚


Merci fiil mal das ihr de langi Blog glese hend, hie sind no es paar Frage wo ihr gern chönd beantworte 🥰♥️:


Was bringt oii grad ganz fiil Froid?

Sind ihr scho mal amene Konzert gsi?

Uf was froiied ihr oii im Früehlig und Summer?


alles liebi, ich bin immer für oii da im Chat und au uuf Social media😘🌸

oii Tiki🐺


instagram: @stay.tiny.moon

twitter: @Moonlight_trail

whatsapp, telegram, signal, …: Gib ich gern im Chat🥰♥️



Damian Haas Neela08 GregsTagebuch Gxuma99 Gabriel222 Angela Haas

Ein Bild zum Beitrag update!🤍 Ein Bild zum Beitrag update!🤍 Ein Bild zum Beitrag update!🤍
Melden
15
Der Avatar von Tikaani Sun, 07 Aug 2022 14:38:15 +0200

Tikaani

Guess who's back... yoo its me again💐

Sun, 07 Aug 2022 14:38:15 +0200

Guess who's back... yoo its me again💐

Hiiii💞

Es isch mal wider extrem lang her das ich en Blog han gschriibe... Ich han fiil ds tue und han ehrlich gsait scho lang wider en Blog welle schriibe, aber nie Ziit gha🫠

Ich unterteile de Blog i mehreri Theme:

🍀Pride

🌸Mental Health & Therapie

💐K-Pop & Comebacks/News

🌻School


Fönd mer mit em Pride aa :)

Im Juni isch ja Pride Month gsi und ich han eigentlich welle en Pride Blog mache aber hans irgendwie chli verpennt🫥

Eigentlich han ich au uuf de "Zurich Pride" welle gah, aso uuf der CSD(Christopher Street Day) in Züri, aber ich bin denn in Genf gsi, deshalb hani nid chönne... :(

Es isch miin erschte Pride Month gsi nach mim Coming Out, deshalb ischs für mich scho chli speziell gsi und au wenn ich mir immer nonig sicher bin, ischs anders gsi als vor em Coming Out hehe🏳️‍🌈♥️ Ds schöne isch au das i mim Umkreis und au ir Community ds Thema Pride oft vertrete wird und alli sind extrem offe und akzeptiered au wenn meh halt mal Dysphoria etc. etc. hed💞


🏳️‍🌈Wie isch oiie Pride Month gsi?


Next isch ds Thema Mental Health🌸 Das Thema hed mich vorallem letschts Jahr und au dises Jahr sehr eng begleited ;) Ich bin ind Therapie für mehreri Monet und han denn im Juni fürs erschte Mal uufghört mit Therapie💞 Mini Panikattacke und au d Anxiety isch weniger worde, trotzdem isch es normal das Anxiety nie ganz wird weg gah🌸 Ich chan Therapie nur empfehle, mir heds ungemein ghulfe. Und wenn du nid wotsch id Therapie chasch du au em 147 aalüte oder ine schriibe, das hed mir au ghulfe♥️


So jetzt gohts wiiiter mit mim fav Thema(?)💐 Und zwar mit es paar News zu K-Pop und allem was so passiert isch(ich chan nid alles sege wiil so unglaublich fiil passiert... WER ALLES WOTT WÜSSE CHAN MICH FRAGE WEGE MIM SNAP/WHATSAPP/INSTA)


Ich han offiziel(lol) no meh Stan Groups(🫠), hie der Überblick:


Ults: Stray Kids, ATEEZ, (BTS)

Semi Ults: Seventeen, TXT, Enhypen, ONEUS

Regulars: IZ*ONE, Kep1er, Eric Nam, etc.


Jetzt eif mal e churzi Lischte(haha nix churz💀) fo de News im K-Pop:


💐Kim Garam isch nümme Teil fo LE SSERAFIM und LE SSERAFIM isch jetzt e 5-Member Group

💐BTS isch ir Pause und fokussiert uuf Solo-Projekt für e unbestimmti Ziit

💐BLACKPINK hed ired erschte Comeback nach 2 Jahr namens "Born Pink" im September und danach e World-Tour

💐Stray Kids, TXT, Seventeen, Enhypen sind uuf World-Tour

💐Noii Girl-Group NewJeans debütiert unter Sublabel ADOR Label unter HYBE Entertainement

💐aespa veröffentlicht zwaites Mini-Album namens "Girls"

💐Girls Generation veröffentlich Album zu 15 Jahr Girls Generation namens "Forever 1"

💐Jessi hed uufghört mit Showterview und Sunmi isch jeztt Host fo dem Format

💐Holland isch in London uufgtrete

💐J-Hope und TXT am Lollapalozza Festival in Chicago

💐Stray Kids Short Vacation in Jeju und Surprise Single "Mixtape: Time Out"

💐NAYEON fo TWICE Solo-Debüt mit Album "IM NAYEON" und Title-Track "POP!"

💐J-Hope Solo-Album "Jack in the Box"

💐Xdinary Heroes first Comeback mit "Test Me"

💐Kep1er first Comeback mit "Up!"

💐HYBE Buiness Trip mit Gruppene fo HYBE Labels

💐HYBE Japan Survival Show "&Audition The Howling"

💐SEVENTEEN 4th Album Repackage "Sector 17" mit Title-Track "_World"

Das wers gsi mit Kpop News, wer meh wott wüsse oder eifach immer grad ds noiischte chan mich im Privatchat frage wege mit Snap/Insta/Whatsapp/Twitter etc.♥️


Ds letschte Thema für hüt isch.... 🌻School🌻!!


Momentan sind für mich no Summerferie, aber nümme lang🫤 Nach de Summerferie chumme ich i di 8ti :( Ich froii mich nur so halb aber mir werded gseh wies wird<3💞

Ich han scho Sache kauft, es fehlt nur no e Bento-Box für en Mittag wiil ich am Ziischtig Koreanisch über en Mittag han und ir Schuel mues esse🥰 JA, ich lerne offiziell Koreanisch ir Schuel und zwar im Freifach mit minere Lehrerin, minere Fründin und ganz fiil andere Lüt won ich kenne🎊🎉 

Ich bin immer so ne Person wo extrem uuf Aesthetic luegt, deswege han ich extra es schöns College Book und Agenda kauft, damit alles toll uusgseht😚


🌻Froiied ihr oii uufd Schuel?


Love you lots<3

X, L.♥️

Melden
11
Der Avatar von Tikaani Wed, 16 Mar 2022 17:30:41 +0100

Tikaani

LGBTQIA+🏳️‍🌈 #BornThisWay

Wed, 16 Mar 2022 17:30:41 +0100

LGBTQIA+🏳️‍🌈 #BornThisWay

HEYYYY🌚

Bin au mal wider da! Isch scho extrem lang her ich wais💀

I dem Blog goht um ais Thema, was mir persönlich extrem am Herze ligt und zwar LGBTQIA🏳️‍🌈 Ah und churzi Info, ich sitz grad uuf em Sofa und schriib de Blog vom Handy uus aso Rechtschriibig isch am ***😂 


Zerscht mol e churzi Erklärig:


L: Lesbian, das heisst Lesbisch und Lesbisch sii bedüted das e Frau sich nur in anderi Frau verliebt

G: Gay, das heisst Schwul und Schwul sii haisst das en Maa sich nur in anderi Manne verliebt

B: Bisexual, das haisst das sich e Person in Maa und Frau und mängisch au anderi Gschlechter verliebt

T: Trans, Trans Mensche sind Persone wo im falsche Gschlecht gebore sind

Q: Queer, Queer isch en Überbegriff für anderi Sexualitäte und 

Gschlechtsidentitäte

I: Inter sind Persone bi dene ds Gschlecht bir Geburt nid aidütig isch gsi und denne eif mal umoperiert isch worde. Fili Inter persone fühled sich denne zumpiispil nid als das Gschlecht zu dem si operiert sind worde.

A: Asexuell, das heisst das e Person kais Bedürfnis nach Gschlechtsverkehr/Romantik hed.

+: Ds Plus stoht für alles andere ir LGBTQIA Community, zum Biispil nonbinär, pansexuel, demisexuel und no fiil meh


Mir persönlich liigt das Them extrem am Herze, wiil ich aifach nid verstahn wieso es Lüt giit wo LGBTQIA+ nid akzeptiered. Au ir Natur giits lesbischi, schwuli oder anderi Rainbow Tier!!!!! Es isch also NID GEGE D NATUR!! 


Wieso chan me d Lüt nid eifach liebe laa wen they wott und sii laa wen they wott sii!!


Ihr hend filech i dem Satz 👆 grad gseh das ich “they” verwendet han. Fili fo oich gsend ich selber bestimmt als Bueb oder Maitli, aber es giit au no anderi Gschlechter! 


Zum Biispil Nonbinär: Nonbinäri Persone fühled sich nid als Maitli und nid als Bueb, die Persone sind irgendwo derzwische. Oft wend si denn au nid das me ine “sie” oder “er” said sondern ebe “they”, wiil si ebe nid Maitli oder Bueb sind.

Wenn ihr nid wüssed weles Gschlecht e Person hed, denne frages aifach: “Wie möchtisch du gnennt werde? Was sind dini Pronome?” Pronome sind zum Biispil “sie”, “er” oder eben “they”.


Gendere:

Das Thema isch ja au sehr umstritte😅 Ich persönlich gendere im Alltag und versuech echt miis Beschte ds geh, wiil ich aifaich so fili Persone i minere Sprach wott drinne ha wie möglich. Ich möcht, das sich niemer uusgschlosse fühlt. 

Ich persönlich benutze aigentlich immer der Stern, also zum Biispiil: die Schüler*innen. Ich finds au immer echt schaad wenn Lüt halt nur seged “Schüler und Schülerinnen”, wiil denne halt nur 2 Gschlechter aagsproche werded.😔


LGBTQIA+ Serie/Filme/Büecher:

Ich persönlich lise oft LGBTQIA+ Büecher und so, deswege giits hie eif mal es paar Empfehlige!🥰 UND GANZ WICHTIG, IHR CHÖND DIE BÜECHER AU LESE WENN IHR NID LGBTQIA+ SIND!!👍


Büecher:


Rowan & Ash: Ais fo de beschte gay(Schwul) Büecher wo ich jemals glese han, isch aifach nur WUNDERSCHÖN😭😭 


Heartbreak Boys: Echt cute Story, am Aafang chli speziell, hans aber ganz toll gfunde🥰


Black Out: Zwar nid nur LGBTQIA+, aber behandelt mega fiil verschideni Themen, ebe au LGBTQIA+💗


Und no e Info! I es paar Buechhandlige giits e “Queer Abteilung”!🌈  Zum Biispil im Stauffacher in Bern! Filech gsend ir mich jo mal dötte😁 Bin oft im Stauffacher ;)


Film: 


Kenn laider nur wenigi😔


Love, Simon: Giits au es Buech😍 Sehr ds empfehle, vorallem mit ere Fründ*in🫂


Serie:


Young Royals: Die Serie isch mit Abstand aini fo de beschte Serie, si isch so unglaublich schön und berüehrend, UNBEDINGT LUEGE!💗 Giits uuf Netflix.


Ai Serie wo ich no kenne isch “Don’t say No The Series”, chan ich au echt empfehle, aber isch filech eher für die Ältere fo öii😉


Wenn ihr no Frage hend zum Coming Out, oder aifach mal mit öpperem wend rede, denne bitte schriibed mir ich bin immer da, ich han au Snapchat, Whatsapp und Alles❤️ Aso bitte eifach schriibe, ich wais wie verwirrend und schwer es chan sii❤️‍🩹


Liebed oii selber und erinnered oii immer wider dra: Ihr sind so guet wie ihr sind🫂 

Han oii alli ganz fescht lieb, bin immer für oii da💗


Ly & Born This Way💜🏳️‍🌈

Oii proud ATINY & ARMY 

Tikaani🐺


PS: Wenn ihr no Sache vom BTS Kino Livestream wennd wüsse, schriibed mir!💜


Orka07

Schneeblüte09

Angela Haas

Anna Zöllig

Hermine14

GregsTagebuch

Neela08

Melden
17
1
Zurück
1
2345
32Vorwärts