Hoi zemä 🤗

I ha 16 jung Hase ond cha leider nüd alli bhaltä. Viellicht kennid jo er näbert wo gern Hase het oder au er selber.

Bi Interesser chönder eu gärn bi mer Melde.

Liäbs Grüessli d Schmetterling7 🦋

Hey!

d Hasä hend u heiss ka. I globä er au.?

Aso i au. Hend er au Huustier wo chlii z heiss ka hend?

Wa mached er alls Abchüälig aso nöd no bi Tier sonder au selber? I fändis cool wenn er ä paar Tipps hettet ond id Kommis wöred schriibä.

Aso i gangä entweder id Badi oder stoh dehäm in Brunnä iä will döt isches schön chüäl.

Den wünschä i eu no än nöd zu heissä Tag🥵 ond bis Bald!🤗

Lg k./ Schmetterling7 🦋

🏔 Säntis-im Alpstein 2500 m.ü.m🏔

Hoi liäbi Zambowelt🤗

I bi Hüttä of dä Säntis uä glaufe ond den no Öbere zom Rotsteinpass.

Da isch im Alpstää.

Ond zwor bi i mit mim Vater ond minerä Tantä gangä.

Es het mer u gfallä. I ha zwor mösä chlii Frühä mösä Ufstoh aber da ha i nöd äso schlimm gfondä. Min Wecker het am Morgä am halbi 5ii gschelet. Will mer äbä knapp ä Stond hend mösä Autofahrä bis mer i dä Schwägalp obä gse send vom dehäm us. Da ha i enart no guet gfondä will den isch mer grad no ganz verwached. Den sönd mer den am Morgä am 6ii i dä Schwägalp obä gse. Mer hend äbä welä so feühä go wills 1. Weniger Lüüt het ond 2. Aagnemmer isch zom laufä. Es het aber trozdem scho viel lüüt ka. Wenn mer of dä Säntis wot laufä cha mer nöd äfoch mit Turnschüeli go. Sondern mer mos scho Rächti Bergschühä ha. Nochemene Ziitli isch mer den i dä Tirwis obä aacho. d Tirwis isch ä Berghöttä mitemene chliinä Restaurant. Döt hend mer den am halbi 8ii Znüni gesse. Of em Weg döt anä hend mer no chliini Jungi Baby Steiböck gser. Aber leider hend mer diä nöd chönnä Fötelä. Das hässt sie sönd erber schö Nöch am Wäg gse. Zersch hend mers gär nöd gmerkt. 😂 Will mer ös äsä hend mösö of dä Wäg konsentrierä. Ond den ha i wellä ä Foti machä, aber den sönz grad wieder wegg gsprunggä. Diä sönd halt erber Mensche Schüüch. Den noch em Znüni halt i dä Tirwis send mer den wiiter gangä mit ösem Motto " der Weg ist das Ziel! "😊🙈

Wa ich au no Loschtig gfondä isch das mer ä Stock ob em chliinä Restaurant no en Güggel gser hend ond zwä Hüehner😯🐓🐔🐔 Hend er da schomol gser, of fascht 2000 m.ü.m. än Güggel ond zwo Hüehner? Aso i no niä. Diä hend weleweg zom Restaurant köhrt. Leider hend mer kä Foti chönnä machä wills aa de zwo Lüüt wo döt ä Brötli gesse hend d Brössmerli weg Bickt hend. Ond mer chan jo nöd guet äfoch zwo Frömmti Lüüt Fotografierä oder?! Den sönd mer den wieter ond hend asä Mösä Lachä. Will dä Güggel asä Kreihht het onz asä ä glaz Echo ge het😂. Wenn mo wet of dä Säntis uä Laufe gez soviel ich wäss drüü möglich keite wiä. 1. Vom Toggenburg us 2. Vo Innerrhode us öbert Meglisalp 3. Vo dr Schwägalp us wo au d Tahlstation von der Bergbahn ischt. Ond mer sönd vo dä 3. Us . Me cha Natürli au mit der Bergbahn uä Fahrä aber ich findä säb isch näbis för diä Gmüätlochä oder?!😉😆😂

Aber wenn mer äbä of dr Säntis wot uä Laufä mon mer öber diä Sogenante " Himmelslätärä " dörä. Das isch ä Lätärä wo Wand gäch diruf goht ond sich mo a beit Siitä vom Ber mit de Hend mos heba ond sich den mo a dä Sääli uä Züchä. Ond äs isch ä so Eng das mer sich dötä Fascht nöd cha Chrüüzä. Das isch scho ii dröckloch gse. Obwohl ich jo nöd sErschte mol in Säntis uä glaufä bin. Am 10.00 Uhr sönd mer den dobä aacho. 😊

Will mer no welä hend chlii wiiter hend welä laufä ond äbä mini Tantä no niä öber dä Lysägroht zom Rotsteinpass glaufä isch hend mer denkt da chönntet mer doch au no wädli machä. Me het nähmli no 50 min bis döt henderi isch of em Wegwiiser gstandä. Ond mer hend aber 1h 30 min ka will mer no ondetwegs no näbis chliises gesse hend.Dä Lysägroht isch eigendlich en Groht ond da hässt das mer öber ä Bergkantä Lauft wos Links ond Rechts s Loch ab goht. Es het jo scho Säähli ka zom sich hebä aber glich. Wo mer do zom Rotsteinpass glaufe sönd hend mer no mösä öber dä Blau Schnee uus Laufä. Dä Blau Schnee isch Natürli nöd Blau sonder Wiiss ❄ wiä allerander Schnee au. Aber mer sät däm so will dä Blaui Schnee niä Schmelzt ond das Ganzii Johr dötä blibt. Leider hend mer nöd so viel Fotene chönnä machä. Wo mer den im Rotsteinpass hennä aacho send, hend mer döttä zMittag gessä. Ond nochher sönd mer wieder bis zom Säntis zrogg glauffä. Im Restaurant Alter Säntis wo au of em Säntis isch hend mer den no en Glace Coupe gessä. Dä isch sehr fein gse.😋😉

Nochher sönd mer den mit em 15.00 Uhr Bergbähnli wieder abä. Will ich föndä das ich jetztä niä wöri dä Säntis abä laufä. Will den machzder grad d Knüü kaputt will das so id Knüü goht. Aso i bi jetztä au mit der Wanderstöck uä glauffä will ich Knüü Problem han. Ond ich es als Onderstüzig no guet fönd. I fendz jetztä au nöd schlimm wenn mer mit Stöck goht go laufe. Du wenns einem hilft.! Ich hetti jetztä au ohni Stöck chönnä go aber den hetti mis Knüü nöd so guet mitgmacht wiä jetztä mit dä Stöck.

Aso den sönd mer mit dä Berbahn abä gfahrä.

Ich findä es isch en schönä Tag gse. Aber i mo au zuä ge, dass ich diä Nörchschtä paar Tääg werdä mitemene Kater ommä laufä. Aber du, das isch globs normal. Den wäss ich au das es sich gloht het.😉😆🙈

Ich möcht sehr gern diä Wanderig wiiter Empfehlä wo guet z Berg sönd ond d Motivation chönntet p haltä ond noch der Wanderig chönnt Achzebdiärä das evt. No chlii en Kater werdet ommi trägä. 😆😉 Ond wenn eu dä Blog glüschtet het ond er au diä Bergtour wetet machä den chönntet er eu jo bi mer Meldä den chönnti eu Uuskunft ge. I bi jo jetztä scho 3 Mol of dä Säntis uä glaufä.

En Ganz liäbä Grüäss vo mer!

Lg Schmetterling7 🦋

PS.:

Bild 1 : vo mer halbä obe noch dä Tirwis

Bild 2 : dr Säntis mit dä Eintä Bergbahn

Bild 3 : vom Restaurant Tirwis

Bild 4 : vo dr Himmelslätärä ( mönd halt ä chlii d Mänschli Suächä den gsiend er sie scho) 😉😂

Bild 5 : Alti Wegwiiser Taflä vom Lysegroht

🤗🤗🤗

Hey Zambowelt🤗🤗

I ha geschter e chlii Bached ond Hüttä verziert.!

Ond zwor han ich Schoggi-Muffins gmacht.🧁

Sie sönd uu fein gse.😋😉

Schriibed doch id Kommis öb i söll sRezept veröffendlichä.

Bis Bald!🤗😚

Lg k./ Schmetterling7🦋

Hey zemä!🤗

I fönds uu loschtig wiä dä Haas döt Neschtä.🐰😂 Es gsiet so cool us😆

Lg k./Schmetterling7🦋

PS.: No es Bild!👇

Liäbi Zambowelt!

I ha immenä Blog eu gfroged öb er echt Ideeä hend för zwo Haasä Nemä. Ond ha dross en chliinä Wettbewerb gmacht. Ond zwor hend ä soo viel Zambomitglieder mit gmacht wo mi riesig greut het. I ha mi wörkloch fascht nöd chönä Endscheidä för zwo Nemä för mini Haasä. Aber i ha diä zwo Nemä gno wo i gfondä ha diä passed am beschtä zo minenä zwo Haasä. Ond i ha au niemert do bevorzugt no das er da wössed. Da isch mini äget di Entscheidig gse ond mit e bitzeli mithilf vo dä zwo Haasä.😉

Aso i ha mi Endschedä för diä zwo Nemä:

Hopsi & Hoppel dä Namä Hopsi isch vo de

Elida ond dä Namä Hoppel vom Gugerli.

Nommel ❤-lichä Dank a alli wo mit gmacht hend. I ha jetztä uu freud das i endlich zwo Nemä ha för mini zwo Haase. Dankä tuusig😘😘

Jetzt wünschä i allne no en schönä Obed ond denfall bis zom nörchschtä mol!🤗😘

Lg k./ Schmetterling7🦋

So jetztä hend er genau no 15 Minutä ziit i mim letschtä Blog oder mer im Chat euri Haasenemä idee för mini zwo Haase zSchriibä. Den döni en neue Blog mache wo i mi för diä zwo Haasenemä mi dö Entscheide. Aso döbd no fliessiig Nemä sammle.

Bis nochher🤗

Lg k./Schmetterling7🦋

Hey zämä!🤗

Mer hend Geschter Hasä öber cho. Sie sönd scho 1 1/2 Wochä alt ond scho u gross. Es sönd beides Wiibli. Nörchscht Früehlig dörfed mers zom Hasäbock duä das es den Jungi-Häsli geht hoffi!!😉🐰🐇🐇

Leider hend mer ös no nöd so chönä entscheidä wa för Nämä mer söled dä zwo Hase ge. Jetzt ha i eu liäbi Zambowelt welä Frogä: Hettit er zwe gueti Nemä för diä zwo Hasä? Wenn jo i wör mi freue wenn er wöred e paar Ideeä id Kommis 👇 schriibed!

I wör den wieder en Blog machä weli zwo Nemä i am Beschtä gfondä ha ond i diä wör a dä Hasä ge. Aso so wiä än chliinä Wettbewerb. Wör mi freue went wörsch mitmachä!😉😆

En liäbä Gruess a alli ond hoffendli bis bald!🤗

Lg k./Schmetterling7🦋

Hey 🤗

I bi hütt Morgää chlii im Gartä go Fotografierä! Will mer da so guet gfallä het. Hend er au schöni Bluemä im Gartä? Schriibed doch id Kommis.

Wör mi freue!😊😉

Nö än schönä Tag ond hoffendli bis bald!🤗

Lg k./Schmetterling7 🦋

Hey zämä! 🤗

Juhuii, scho wieder Feriä! I freue mi so. Jetztä ha i bis am Pfingscht-Männtig Feriä. Hend er au Pfingscht Feriä? Schribeds doch id Kommis. Ned mi nämmli no wonder!😉

I bi Geschter bim Couffeur gse. Erloch gsät mo i mi no ä chlii dra gwönä a diä neu Frisuur. Aber i föndä gsiet doch erloch gsät no eber guet us oder? Schriib doch dini Mänig zo minerä Frisuur id Kommis. I wör mi freue!😊

Ond nommel näbis! I wör mi au no freue wenn er wöred i dä Zambocharts förs Liäd Heimat vo Oesch's die Dritten Abstimmät! Dankä viel mol!

Diä wo au jetztä Pfingscht Feriä hend wünschä i no schöni Feriä ond dä anderä no e schös Wocheend!

Hoffendlich bis bald!

Lg k./Schmetterling7🦋